ဘောင်းဘီဇစ်ညပ်လျှင်

“အားလားလား”လို့တောင် မအော်နိုင်လောက်အောင် နာတဲ့ ဘောင်းဘီဇစ်ညပ်ခြင်းအရေးကိစ္စဟာ အသက် ၁၂အောက် ကလေးများမှာ တွေ့ရအများဆုံးဆိုပေမယ့်….လူကြီးတွေမှာလည်း ကြုံတွေ့ရတတ်ပါတယ်။

ဒါမျိုး ကြုံတွေ့ရပြီဆိုပါလျှင် ဒါလေးတွေ လုပ်လို့ရပါတယ်……

(1)အရမ်းမကြောက်ဘဲ စိတ်ကိုငြိမ်ငြိမ်ထားပါ။ လူဆိုတာ အရမ်းနာတဲ့အခါ ကြောက်စိတ်၊စိုးရိမ်စိတ်ဝင်လာတတ်တာ သဘာဝပေမယ့်….တတ်နိုင်သမျှ ကြောက်စိတ်ကိုထိန်းချုပ်ပါ။(ကလေးဆိုလျှင် ကလေးကိုအာရုံပြောင်းစေမယ့် အရာ…အရုပ် စသည်တို့ပြထား ပေးထားပြီး ခဏအာရုံပြောင်းထားပါ။)

(2)ရေနံဆီကဲ့သို့သော ချောဆီတစ်မျိုးမျိုးကို ညပ်နေတဲ့အမျိုးသားအင်္ဂါနဲ့ ဇစ်အပေါ် လောင်းချပြီး ၁၀-၁၅မိနစ်လောက်ထားပါ။

(3)လက်တစ်ဖက်က ဇစ်နဲ့ညပ်နေတဲ့အရေပြားကိုကိုင်ပါ။ ကျန်လက်တစ်ဖက်က ဇစ်ကိုကိုင်ပါ။ ထို့နောက် ညပ်နေတဲ့အရေပြားနဲ့ ဇစ်နဲ့ကို ဆန့်ကျင်ဘက်ဦးတည်ချက်နဲ့ ဆွဲပါ။ဖြည်းဖြည်းချင်း ဂရုတစိုက်ပြုလုပ်ပါ။ (အရေပြားပြဲခြင်း၊သွေးထွက်ခြင်းများရှိပါက ဆက်မဆွဲဘဲရပ်လိုက်ပြီး နီးစပ်ရာဆေးရုံ ဆေးခန်းသို့ ချက်ချင်းသွားရောက်ပြသပါ။)

(4)ဇစ်လမ်းကြောင်းကို ကန့်လန့်ဖြတ်ပြီး ကတ်ကြေးဖြင့်ညှပ်ပါ။ (ဘောင်းဘီနှင့်ဇစ်တော့ ပျက်ဆီးပါမယ်။) သို့မဟုတ် ပလာယာဖြင့် ဇစ်ခေါင်းအပိတ်ဖက်ကိုဖျက်ပြီး ဇစ်နှစ်ခုကိုဆွဲဟပါ။

(5)ဇစ်မှလွတ်သွားလျှင် အမျိုးသားအင်္ဂါကို ရေနှင့်ဆပ်ပြာအပျော့နှင့် ဆေးကြောသန့်စင်ပါ။ နာကျင်ခြင်း၊ယောင်ယမ်းခြင်းများရှိတတ်ပါတယ်။ Petroleum jelly တစ်မျိုးမျိုးလိမ်းထားပြီး ပတ်တီးအုပ်ထားပါ။ သွေးထွက်နေလျှင် အဝတ်သန့်သန့်ဖြင့် အသာအယာခဏဖိထားပါ။ သွေးထွက်များနေလျှင် နီးစပ်ရာဆေးရုံဆေးခန်းတွင် သွားရောက်ပြသကုသမှုခံယူပါ။

(6) ဒဏ်ရာပိုးဝင်ခြင်းလက္ခဏာများဖြစ်သော

  • ပိုယောင်လာခြင်း
  • ပိုရဲလာခြင်း
  • ပိုနာလာခြင်း
  • ပြည်တည်ခြင်း
  • ဖျားခြင်း

စသော လက္ခဏာများထဲက တစ်ခုခုဖြစ်ပေါ်လာပါက ဆရာဝန်နှင့်အမြန်ဆုံးသွားရောက်ပြသပါ။

ဒေါက်တာဝင်း (UM 2)