မေမေဗိုက်ကို ပိုချစ်ပါ
ကျားကျားတို့သိပါသလား…သင့်မိန်းမိန်းဟာ မေမေဗိုက်ရယ်လို့ဖြစ်လာပြီဆိုရင်…

အရင့်အရင်ကထက် ပိုချစ်ပိုဂရုစိုက်ပေးဖို့လို့လာပြီဆိုတာ?

ဇနီးမောင်နှံနှစ်ဦးရဲ့ ချစ်သင်္ကေတလေးဖြစ်တဲ့ ဘေဘီလေးတစ်ယောက် ဗိုက်ထဲရောက်လာပြီဆိုရင် မေမေဗိုက်ရဲ့ ခန္ဓာကိုယ်တွင်းက ဟော်မုန်းဓာတ်တွေ အသွေးအသားတွေပြောင်းလဲလာတာကြောင့် ခန္ဓာကိုယ်အပြင်ပန်းပုံစံသာမက စိတ်ပိုင်းဆိုင်ရာပြောင်းလဲမှုတွေပါ အချိန်နဲ့အမျှဖြစ်ပေါ်နေတယ်လေ။

ဒါကြောင့် ဒီအချိန်မှာ ကျားကျားတို့အနေနဲ့ မေမေဗိုက်တို့ကို ဘယ်လိုလေးတွေ ပိုချစ် ပိုဂရုစိုက်သင့်တယ်ဆိုတာလေး အကြံပေးပါရစေနော် :

၁။ဘေဘီလေးရရှိခြင်းအပေါ် ၀မ်းမြောက်ဝမ်းသာ လိုလိုလားလားရှိကြောင်း ပြသပါ။
ဇနီးဖြစ်သူက ဘေဘီလေးရှိနေကြောင်း ပြောလာတဲ့အခါ ဝမ်းသာကြောင်း ကိုယ်အမူအရာနှုတ်အမူအရာနဲ့ တုံ့ပြန်ပါ။ ရုပ်ရှင်တွေထဲကလို “ကလေးအဖေဖြစ်ပြီကွ”ဆိုပြီး ထခုန်ပြဖို့အထိ ပြောတာမဟုတ်ပါဘူး။ မိမိရဲ့ကိုယ်ပွားမျိုးဆက်သစ်လေးရတော့မှာမို့ ၀မ်းသာကြောင်းနဲ့ ကိုယ်ဝန်ဆောင်နေစဉ်တောက်လျှောက် မေမေဗိုက်အနားမှာ ခင်ပွန်းကောင်းတစ်ယောက်၊ ဖခင်လောင်းကောင်းတစ်ယောက်အဖြစ်ရှိနေပေးမှာ ဖြစ်ကြောင်း ပြောပြပါ။

မလုပ်သင့်တဲ့အပြုအမူတွေကတော့

  • အင်းမလုပ် အဲမလုပ် ဘာမှမထူးခြားသလိုနေတာမျိုး
  • စိတ်ပျက်လက်ပျက်ခေါင်းငိုက်စိုက်ကျသွားတာ၊ သက်ပြင်းအခါခါချတာမျိုး
  • ကလေးယူဖို့အဆင်သင့်မဖြစ်သေးကြောင်းပြောတာမျိုး
  • “မင်းဆေးမှန်မှန်မသောက်လို့ ဒီကိုယ်ဝန်ရရတာ” ဆိုပြီး စိတ်တိုဒေါသထွက်ပြတာမျိုး ကတော့ ခင်ပွန်းသည်အနေနဲ့လုံးဝမပြုလုပ်သင့်တဲ့ အပြုအမူတွေပါပဲ။

၂။ကိုယ်ဝန်အပ်တဲ့အချိန်၊ဆရာဝန်ရက်ချိန်းပြန်ပြတဲ့အချိန်တိုင်း အတူလိုက်ပေးပါ။
ကိုယ်ဝန်ဆောင်မေမေတို့အားလုံးနီးပါးဟာ ကိုယ့်ရဲ့ခင်ပွန်းသည် အလုပ်ပျက်မှာစိုးလို့သာ ဆေးခန်းအတူလိုက်ပေးဖို့မပူဆာကြပေမယ့်…. စိတ်ထဲကတော့ ဆေးခန်းရက်ချိန်းတိုင်း အခြားမိသားစုဝင်တွေနဲ့အတူသွားတာထက်….မိမိခင်ပွန်းနဲ့ပဲအတူတူသွားချင်ကြတယ်ဆိုတာ ကျားကျားတို့သိထားစေချင်ပါတယ်နော်။

ဒီလိုလိုက်ပေးခြင်းအားဖြင့်

  • မေမေဗိုက်ကိုလည်း စိတ်ပိုင်းဆိုင်ရာလုံခြုံမှုပေးနိုင်မယ်
  • မေမေနဲ့ဗိုက်ထဲကဘေဘီလေးတို့ရဲ့ကျန်းမာရေးနဲ့ ပတ်သက်ပြီး သေချာသိနိုင်သလို ထပ်သိချင်တာရှိရင်လည်း ဆရာဝန်နဲ့ကိုယ်တိုင်မေးမြန်းဆွေးနွေးနိုင်မယ်
  • အာထရာဆောင်းရိုက်တဲ့အခါ ဘေဘီလေးရဲ့ နှလုံးခုန်သံကိုလည်းမေမေနဲ့အတူတူ ပထမဆုံးကြားနိုင်မယ်လေ

ဘယ်လောက်ကြည်နူးဖို့ကောင်းလိုက်သလဲ !
ဒါကြောင့်မို့ ဖေဖေအလုပ်ဘယ်လောက်ရှုပ်ရှုပ် ဆေးခန်းပြမယ့်ရက်မှာတော့ အတူလိုက်ဖြစ်အောင် လိုက်သွားပေးလိုက်နော်။

၃။ကိုယ်ဝန်ဆောင်ကျန်းမာရေးဆိုင်ရာစာအုပ်လေးတွေ ဖတ်ကြည့်ပါ။
ဤနည်းအားဖြင့် မေမေဗိုက်နဲ့ ဗိုက်ထဲကဘေဘီလေးတို့ရဲ့ လအလိုက်အဆင့်ဆင့်ပြောင်းလဲပုံလေးတွေကိုသိရှိနိုင်ပြီး မေမေဗိုက်ကို ပိုမိုကိုယ်ချင်းစာနားလည်ပေးနိုင်မယ်…တစ်ခုခုပုံမမှန်တာမျိုးရှိရင်လည်း အမြန်ဆုံးသတိထားသိရှိနိုင်ပြီး ဆရာဝန်ထံအချိန်မီသွားရောက်ပြသနိုင်မှာဖြစ်ပါတယ်။

၎။အိမ်အလုပ်လေးတွေ ကူလုပ်ပေးပါ။
ကိုယ်ဝန်ဆောင်ချိန်ဆိုတာ ရုပ်ပိုင်းဆိုင်ရာရော၊စိတ်ပိုင်းဆိုင်ရာရော ဖိဆီးမှုများတဲ့အချိန်ဖြစ်တာမို့ ….မေမေဗိုက်ကို အိမ်အလုပ်တွေနဲ့စိတ်ဖိစီးမှုထပ်မပိုရအောင်
ဖေဖေကကူလုပ်ပေးလိုက်ပါနော်။

၅။မေမေဗိုက်ကို အချစ်မလျော့ပါနဲ့။
မေမေဗိုက်တို့ အကြောက်ဆုံးအရာတွေထဲကတစ်ခုက ဖေဖေအချစ်လျော့သွားမှာစိုးတာပါ။ ကိုယ်ဝန်လရင့်လာတာနဲ့အမျှ ဗိုက်ထွက်လာတာ၊ တချို့တအားဝလာတာ၊ တချို့ပျို့အန်ပြီး မစားနိုင်မသောက်နိုင်ဘဲ တအားပိန်သွားတာ၊ အခြားရုပ်ပိုင်းဆိုင်ရာပြောင်းလဲမှုတွေဖြစ်လာတဲ့အခါ ကိုယ့်ရဲ့ခင်ပွန်းဖြစ်သူ ကိုယ့်အပေါ် စိတ်ကုန်သွား စိတ်ပျက်သွားမှာကို တွေးပူတွေးကြောက်တတ်ကြပါတယ်။

ဒါ့ကြောင့် ကျားကျားတို့အနေနဲ့ မေမေဗိုက်ဟာ အရင်လိုပဲလှမြဲလှဆဲဖြစ်ကြောင်း၊အချစ်တွေလျော့မသွားတဲ့အပြင် ပိုတိုးပြီးသာချစ်နေမှာဖြစ်ကြောင်းပြောဖို့ အမြဲသတိရပါလို့။

၆။မေမေဗိုက်ကိုစိတ်ရှည်ပါ။
ဘေဘီလေးကြောင့် မေမေ့ခန္ဓာကိုယ်တွင်းကဟော်မုန်းတွေ ပြောင်းလဲတာကြောင့် မေမေဗိုက်ဟာ စိတ်အပြောင်းအလဲအတက်အကျမြန်တတ်ပါတယ်…..ပျော်ရင်ချက်ချင်း၊ဝမ်းနည်းရင်ချက်ချင်း၊ ခုပဲရီချင် ခုပဲငိုချင် ဖြစ်တတ်လို့ ဖေဖေတို့က စိတ်ရှည်သည်းခံပေးဖို့ တော့လိုပါမယ်နော်။

အလားတူပဲ ဖေဖေက မေမေဗိုက်နဲ့ ချစ်တင်းနှောဖို့ပူဆာတဲ့ အခါမှာလည်း မေမေဗိုက်က တစ်ခါတစ်ခါစိတ်မပါတာမျိုးရှိနေနိုင်ပြီး ဒါတွေအားလုံးဟာ ဟော်မုန်းဓာတ်တွေပြောင်းလဲတာကြောင့်ဆိုတာ နားလည်ပေးရပါမယ်။ ပြီးတော့ ကိုယ်ဝန်ဆောင်စဉ်ပထမ ၃ လနဲ့ မီးဖွားခါနီး၁လအလိုမှာ ဘေဘီလေးမထိခိုက်စေဖို့ချစ်တင်းနှောတာလေးတွေရှောင်သင့်တာမို့ မေမေဗိုက်ကို မငြိုငြင်ပါနဲ့နော်။

၇။မေမေဗိုက် နှစ်နှစ်ခြိုက်ခြိုက်အိပ်စက်နိုင်အောင်ကူပေးပါ။
ကိုယ်ဝန်လရင့်လာလေလေ မေမေဗိုက်အိပ်ရတာ အဆင်မပြေဖြစ်လာလေလေပါပဲ။ မေမေအိပ်မောကျနေတုန်း အထဲကဘေဘီလေးလှုပ်မယ်၊ကန်မယ်ဆိုရင် မေမေနိုးလာရပြန်ရော……ဒီကြားထဲ မေမေဗိုက်တို့ ရှူရှူးခဏခဏပေါက်ချင်တတ်တာမို့ အိပ်ကောင်းနေတုန်း အိမ်သာထပြေးရတာလည်း ခဏခဏပါပဲ။

ဒီသဘောတရားတွေကို ဖေဖေသိထားရင် မေမေဗိုက်ကို ပိုမိုနားလည်နိုင်ပြီး ကိုယ်ဝန်ဆောင်ခြင်းရဲ့ဒုက္ခတွေကို ကိုယ်ချင်းစာပေးနိုင်မှာပါ။ ပက်လက်လှန်အိပ်ရင် မေမေလည်းခါးနာနိုင်သလို ဘေဘီလေးအတွက်မေမေ့ဆီက သွေးထောက်ပံ့မှုနည်းသွားနိုင်ပါတယ်။ ဒါကြောင့် မေမေဗိုက်ကို ဘေးစောင်းအိပ်လို့အဆင်ပြေအောင် ကျောနောက်ကနေ ဖက်ခေါင်းအုံးလေးခုပေးပါ။

မေမေဗိုက်ကိုဖက်အိပ်တာ….ကျောလေးကိုပွတ်သိပ်တာ…စတာလေးတွေလုပ်ပေးပြီး ဖေဖေ့ရဲ့အချစ်တွေကို သက်သေပြလိုက်ပါ၊

၈။စားချင်တာတွေ ဝယ်ကျွေးပါ။
မေမေဗိုက်ချဉ်ခြင်းတက်တဲ့အစားအစာတွေက ထူးဆန်းကောင်းထူးဆန်းနေပါလိမ့်မယ် (ဥပမာ – ဆောင်းရာသီချမ်းတုန်နေချိန်မှာ ရေခဲမုန်စားချင်တာမျိုး၊ညသန်းခေါင် ချဉ်ရည်ဟင်းစားချုးင်တာမျိုး) ဖေက ကြိုးစားပြီး ဝယ်ကျွေးသင့်ပါတယ်နော်

၉။ပျို့အန်ခြင်းတွေပိုမဆိုးရအောင် ဂရုစိုက်ပေးပါ။
ကိုယ်ဝန်ဆောင်ချိန်မှာ ပုံမှန်အနံ့အသက်တွေကိုတောင်မှ မခံနိုင်တာမို့ ကျားကျားတို့ဆီက ချွေးနံတွေ အနံ့အသက်ဆိုးတွေမရစေဖို့ တစ်ကိုယ်ရည်သန့်ရှင်းရေးဂရုစိုက်ပေးပါ။ အရမ်းပြင်းတဲ့ရေမွှေးနံ့တွေ အမွှေးအကြိုင်တွေ မသုံးမိပါစေနဲ့။

မေ (ဆေး ၂)