မီးဖွားပြီးနောက်သွေးဆင်းခြင်း

အမျိုးသမီးတစ်ဦးဟာ ရိုးရိုးပဲမွေးမွေး၊ဗိုက်ခွဲပဲမွေးမွေး ကလေးမီးဖွားပြီးတာနဲ့ Lochia လို့ခေါ်တဲ့သွေးနဲ့အခြားအရည်တွေဆင်းတတ်ပါတယ်။ အဲဒီအရာတွေဟာ ကလေးငယ်သားအိမ်ထဲမှာကြီးထွားဖို့ကူညီပေးခဲ့တဲ့ ကျန်ရှိခဲ့တဲ့ တစ်ရှူးနဲ့သွေးတွေ ဆင်းတာဖြစ်ပါတယ်။

ဆင်းတဲ့သွေးများဟာ ရက်အစပိုင်းမှာ နီရဲတဲ့အရောင်ရှိပါလိမ့်မယ်။ သွေးစ၊သွေးခဲအနည်းငယ်ပါတတ်ပါတယ်။ Pad ကိုပုံမှန်လေးလဲလှယ်ပေးရပါတယ်။ မတ်တပ်ရပ်လိုက်တဲ့အခါ မိန်းမကိုယ်အနေအထားကြောင့် သွေးတွေပိုဆင်းတာကိုလည်း ခံစားရနိုင်ပါတယ်။ လှဲနေတဲ့အခါနဲ့ ထိုင်နေတဲ့အခါမှာ ခွက်တစ်ခုထဲမှာ စုနေသလိုသွေးတွေရှိနေတာဖြစ်ပြီး ထရပ်လိုက်တဲ့အခါ အဲဒီသွေးတွေစုပြီးသွန်ကျလာတာဖြစ်ပါတယ်။

တစ်ပတ်ကနေ ဆယ်ရက်အတွင်းမှာ သွေးဆင်းတာနည်းလာပါလိမ့်မယ်။ မီးဖွားပြီးခြောက်ပတ်အထိတော့ သွေးစနည်းနည်းစီဆင်းနေတာရှိနိုင်ပါတယ်။ သန့်ရှင်းမှုအတွက် pad ကိုပဲသုံးသင့်ပါတယ်။ မိန်းမကိုယ်ထဲထည့်တဲ့ ဂွမ်းတောင့် (Tampon) ကိုတော့ ဒီအချိန်မှာ ပိုးဝင်စေနိုင်တဲ့အတွက် မသုံးသင့်ပါဘူး။

ဒီလိုသွေးဆင်းတာဟာ ပုံမှန်ဖြစ်ရပ်ဆိုပေမယ့် အောက်ပါလက္ခဏာတွေဖြစ်လာရင်တော့ ဆရာဝန်နဲ့ပြသသင့်ပါတယ်။

-မီးဖွားပြီးသုံးရက်နောက်မှာတောင် သွေးနီနီရဲရဲများစွာဆင်းနေခြင်း

-ဆီးသီးအရွယ်ထက်ကြီးတဲ့ သွေးတုံးသွေးခဲများပါခြင်း

-သွေးဆင်းများခြင်းကြောင့် Pad ကိုတစ်နာရီတစ်ခါလဲလှယ်နေရခြင်း

-သွေးဆင်းခြင်းဟာ လျော့နည်းမသွားခြင်း

-အမြင်အာရုံဝေဝါးလာခြင်း

-ချမ်းတုန်ခြင်း

-နှလုံးခုန်မြန်လာခြင်း

-မူးဝေခြင်း

-အားနည်းခြင်း

-ပျို့အန်ခြင်း

-မိုက်ခဲနဲဖြစ်ခြင်း စတာတွေပဲဖြစ်ပါတယ်။

ဘယ်လိုကုသမလဲ?

ဒီလိုသွေးဆင်းတာမရပ်တာဟာ အကြောင်းရင်းများစွာကြောင့်ဖြစ်နိုင်ပါတယ်။ ဆရာဝန်များဟာ ဖြစ်ရတဲ့အကြောင်းရင်းကိုရှာဖွေမူတည်ပြီး ကုသကြပါတယ်။ ကုသတဲ့နည်းလမ်းတွေကတော့

-သားအိမ်ညှစ်အားပြန်ကောင်းအောင်ဆေးပေးခြင်း

-သားအိမ်ကို နှိပ်ပေးခြင်း

-သားအိမ်ထဲတွင် ကျန်ရှိနေသော အချင်းအပိုင်းအစများအားဖယ်ထုတ်ခြင်း

-ဗိုက်ခွဲပြီး ဖြစ်ရတဲ့အကြောင်းအရင်းကိုရှာဖွေခြင်း

-ဆုံးရှုံးသွားသောသွေးများအတွက် သွေးသွင်းကုသခြင်း

-သားအိမ်ထုတ်ခြင်း

-သွေးတိတ်အောင် သောက်ဆေးများဖြင့်ကုသခြင်း စသဖြင့် ကုသမယ့်နည်းလမ်းများစွာရှိပါတယ်။မီးဖွားပြီးသွေးဆင်းတဲ့မိခင်များအနေနဲ့ သွေးဆင်းတဲ့ပုံစံကိုကြည့်ပြီး စိုးရိမ်ရတဲ့အခြေအနေရှိတာနဲ့ ဆရာဝန်နဲ့သွားရောက်ပြသသင့်တယ်လို့ရေးသားဖော်ပြလိုက်ရပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)