မွေးရာပါနှလုံးရောဂါ လက္ခဏာများ

မွေးရာပါနှလုံးရောဂါဆိုတာ မိဘတိုင်းစိတ်ပူတတ်တဲ့ ကျန်းမာရေးအကြောင်းအရာတစ်ခုဖြစ်ပါတယ်။ မိမိရဲ့ရင်သွေးမှာရောဂါရှိနေမလားဆိုပြီး ပူပန်တတ်ကြပါတယ်။ မိဘတွေစိုးရိမ်ရလောက်အောင်ပဲ ရောဂါတွေကပြင်းထန်တတ်သလိုနာတာရှည်ရောဂါတွေလည်း ဖြစ်နိုင်ပါတယ်။

ရောဂါလက္ခဏာတွေကတော့ တစ်ခုနဲ့တစ်ခု ပြသပုံခြင်း၊ ရောဂါရဲ့ပြင်းထန်ခြင်း စတာတွေမတူညီကြပါဘူး။ လုံးဝမသိသာတာရှိသလို အရမ်းပြင်းထန်တာလည်းရှိပါတယ်။ ဥပမာ နှလုံးအဆို့ရှင်အပေါက်ကျဉ်းတဲ့ ရောဂါဆိုရင် ဘယ်လောက်ကျဉ်းနေလည်းဆိုတာပေါ်မူတည်ပြီး ရောဂါပြသပုံမတူကြပါဘူး။

ရောဂါတွေရဲ့လက္ခဏာပြသချိန်ကလည်း ကွဲပြားတတ်ပါတယ်။ မွေးမွေးချင်းရောဂါရှိနေတာသိတတ်သလို အသက်ကြီးမှပြတတ်တာတွေလည်းရှိပါတယ်။ မွေးရာပါနှလုံးရောဂါတွေ အမျိူးမျိူးရှိပါတယ်။ နှလုံးအဆို့ရှင်ကျဉ်းတာ၊ ကျယ်တာ၊ နှလုံးရဲ့အခန်းတွေကိုကန့်ထားတဲ့ အကန့်တွေမလုံတာ၊ စသဖြင့်အစုံရှိပါတယ်။

ယေဘူယျအားဖြင့် မိမိကလေးမှာ မွေးရာပါနှလုံးရောဂါ ရှိလားဆိုတာကို သိရှိနိုင်တဲ့လက္ခဏာတွေရှိပါတယ်။ ကလေးရဲ့အသားရောင်က ပြာနှမ်းနှမ်းဖြစ်နေတာ၊ အသက်ရှူမဝတာ၊ မောနေတာ၊ အခြားကလေးတွေလိုမဟုတ်ပဲ ပိန်နေတာ၊ လူကောင်သေးနေတာတွေ ရှိနေတတ်ပါတယ်။ ခဏခဏဖျားနာတာ၊ ကောင်းကောင်းမဆော့နိုင်တာ၊ ကောင်းကောင်းမအိပ်နိုင်တာ၊ ဂျီကျတာ၊ အစာစားရင်းမောနေတာ စတာတွေနဲ့သိနိုင်ပါတယ်။

အသက်နည်းနည်းကြီးလာရင်တော့ ခြေလက်တွေဖောလာတာ၊ ဆီးကောင်းကောင်းမသွားတာ၊ ရင်တုန်တာ၊ နလှုံးခုန်မမှန်တာတွေနဲ့လည်း ရောဂါကလက္ခဏာပြနိုင်ပါတယ်။ ရောဂါရှိတာကိုသိသိချင်း လိုအပ်တဲ့ကုသမှုခံယူထားရင် အရှင်းပျောက်နိုင်တာတွေရှိသလို ဒီထက်ပိုဆိုးမလာအောင်၊ ရောဂါဆိုးရွားနှုန်းကိုတန့်နေအောင် လုပ်နိုင်တာတွေရှိပါတယ်။ ကုသမှုမယူထားရင်တော့ နှလုံးကကောင်းကောင်းအလုပ်နိုင်တော့ပဲ ကျန်းမာရေးကစိုးရိမ်စရာဖြစ်လာပါတယ်။

နှလုံးရောဂါရှိမရှိကိုအကြမ်းဖျင်းအားဖြင့် သိနိုင်သလိုတိတိကျကျသိနိုင်တာကတော့ echoရိုက်တာ၊ ဓာတ်မှန်ရိုက်တာ စတာတွေနဲ့ဖြစ်ပါတယ်။ echoရိုက်တာနဲ့ နှလုံးမှာပုံမှန်မဟုတ်တာတွေကို သိမြင်နိုင်ပြီး ဘယ်နေရာမှာချို့ယွင်းနေတယ်ဆိုတာ သိနိုင်တာကြောင့် ကုသမှုကိုထိရောက်စေပါတယ်။
မွေးရာပါနှလုံးရောဂါတွေဟာလည်း ကုသလို့ရနိုင်တဲ့ အမျိူအစားတွေရှိပါတယ်။ ဒါပေမယ့်ရောဂါရှိမရှိသိနိုင်ဖို့ကတော့ မိမိရင်သွေးကို ဂရုတစိုက်စောင့်ရှောက်ဖို့လိုပါတယ်။ နှလုံးရောဂါရဲ့လက္ခဏာတွေကိုသတိထားပြီး။ ရောဂါရှိမှန်းသိတာနဲ့ ကုသမှ နောက်ဆက်တွဲဆိုးကျိုးတွေကို ရှောင်ရှားနိုင်မှာပါ။

Dr. ZZ