ဆောင်းရာသီမှာ ရေအေးနဲ့ချိုးကြမလား? ရေနွေးနဲ့ချိုးကြမလား?

ဆောင်းဝင်နေပြီဆိုတော့…..ဒီအကြောင်းအရာလေးကို လူအတော်များများ စိတ်ဝင်စားကြမယ်လို့ထင်ပါတယ်။သိတဲ့အတိုင်း ရန်ကုန်ဆောင်းက နေ့ခင်းဘက်တွေ ပူသလိုရှိပေမယ့်လို့….အလုပ်သွား အလုပ်ပြန် ရေချိုးချိန်ဖြစ်တဲ့ မနက်အစောပိုင်းနဲ့ ညနေ/ညပိုင်းတွေတော့ အချမ်းပိုလှပါတယ်။
ပထမဦးဆုံးပြောလိုတာကတော့ ဒီနေရာမှာ သုံးနှုန်းတဲ့

“ရေအေး” ဆိုတာ….ပုံမှန်ချိုးနေကြရေကိုဆိုလိုတာဖြစ်ပြီး……”ရေနွေး”ဆိုတာကတော့ …..ခပ်နွေးနွေးရေကိုသာဆိုလိုခြင်းဖြစ်ပါတယ်။(ရေအေးကို ရေခဲရေ၊ ရေနွေးကို အလွန်ပူတဲ့ရေနွေးလို့ အထင်မရောက်စေရန် ကြိုရှင်းပြထားခြင်းဖြစ်ပါတယ်။)

ရေနွေးအကြောင်း အရင်ပြောပါမယ်။

ရာသီဥတုအေးအေးနဲ့ ရေနွေးလေးနဲ့ရေချိုးရတာတော့ အလွန်လိုက်ဖက်မှုရှိလှပါတယ်။ရေနွေးဟာ ကြွက်သားတွေကို ပြေလျော့စေပြီး အညောင်းအညာပြေစေတဲ့အပြင် ခန္ဓာကိုယ်သွေးလည်ပတ်မှု ကောင်းစေပါတယ်။သို့သော် သတိပြုစရာအချက်က ရေနွေးက အသားခြောက်စေပါတယ်( ဆောင်းရာသီကိုယ်၌က အသားခြောက်စေတဲ့အတွက် ရေနွေးနဲ့ပါချိုးရင် အသားပိုခြောက်နိုင်တာမို့ ….ခြောက်သွေ့တယ့်အသားရည်ပိုင်ရှင်တွေ သတိထားစရာပါ။)ရေနွေးနဲ့ချိုးပြီးတဲ့အခါ အစိုဓာတ်ဖြည့်ခရင်မ် (Moisturiser) ဂရုတစိုက်လူးပေးဖို့တော့ လိုပါလိမ့်မယ်။

ခုတစ်ခါ ရေအေးအကြောင်းလေး ပြောပါမယ်။

ရေအေးနဲ့ချိုးခြင်းအားဖြင့် ခန္ဓာကိုယ်ကိုလန်းဆန်းတက်ကြွစေလို့ …မနက်ခင်းအလုပ်မသွားခင် ရေအေးလေးနဲ့ချိုးလိုက်မယ်ဆိုရင်ဖြင့် တစ်နေ့တာလုံး လန်းလန်းဆန်းဆန်းရှိနေမှာပါ။အသားအရည်နဲ့ဆံပင်ဆံသားအတွက်လည်း ရေအေးက ပိုမိုသင့်လျော်ပါတယ်။ရေအေးဟာလည်းပဲ ရေနွေးနည်းတူ အညောင်းအညာပြေစေပါတယ်။သတိပြုစရာကတော့ အိပ်ရာနိုးကာစမှာ ရေအေးနဲ့ ရုတ်တရက်ထိတွေ့လိုက်ရင် နှလုံးရောဂါအခံရှိသူတွေမှာ ရုတ်တရက်နှလုံးခုန်ရပ်တတ်ပါသတဲ့။ဒါကြောင့် ရေအေးနဲ့ချိုးမယ်ဆိုရင် ရေကို ခြေဖျားကစပြီး ခြေမျက်စေ့၊ဒူး၊ပေါင်၊ခါး၊ကိုယ် ….စသဖြင့် တစ်ဆင့်ချင်းဆီ ရေနည်းနည်းစီလောင်းပြီး ချိုးတာ ပိုမိုသင့်လျော်ပါလိမ့်မယ်။နောက်ပြီး ရာသီဥတုအေးရတဲ့ကြားထဲ….ရေအေးနဲ့အကြာကြီးစိမ်ချိုးနေလို့တော့ မသင့်တော်ဘူးပေါ့နော်။မြန်မြန်သွက်သွက်လေးချိုးတာပိုကောင်းပါတယ်။

ကဲ…….ရေအေးနဲ့ရေနွေးရဲ့ ကောင်းကျိုးနဲ့ သတိပြုစရာလေးတွေကို ပြောပြပြီးပြီဆိုတော့….မိမိရဲ့အခြေအနေ၊အကြိုက်ပေါ်မူတည်ပြီး ….ရွေးချယ်နိုင်သွားပြီပေါ့နော်။ဆောင်းတွင်းမှာ ရေချိုးတာကလည်း ပညာသားပါတယ်…..ဥာဏ်လေးလွှာသုံးဖို့ လိုပါတယ်။

သင်ရော? ရေအေးလား? ရေနွေးလား ?

Dr.Ginger