ဆင်ရေယုန်ဆိုတာ

ဆင်ရေယုန်ဆိုတာ တကယ်တော့ ရေကျောက်ရောဂါရဲ့ နောက်ဆက်တွဲရောဂါတစ်မျိုးပါ။ ဒါဆိုရင် ရေကျောက်ရောဂါကို နည်းနည်းရှင်းပြမယ်နော်။ ရေကျောက်ရောဂါဟာ Varicella zoaster လို့ခေါ်တဲ့ ဗိုင်းရပ်ပိုးကူးစက်ခြင်းကြောင့် ဖြစ်တဲ့ရောဂါပါ။ ဒီဗိုင်းရပ်ပိုးက အရေပြားနဲ့ အာရုံကြောဆဲလ်တွေကို ကြိုက်နှစ်သက်တဲ့အမျိုးဖြစ်လို့ အရေပြားရောဂါနဲ့ အာရုံကြောရောဂါတွေကို အဓိကဖြစ်စေပါတယ်။ ဒီပိုးဟာ လေမှတစ်ဆင့် ကူးစက်ပြီး ကလေးတွေမှာ ရေကျောက်ရောဂါအနေနဲ့ စောစီးစွာ လက္ခဏာပြစေတယ်။ အဲ့နောက် ဒီပိုးတွေဟာ အာရုံကြောဖုလေးတွေမှာ သွားပုန်းနေပြီး ခုခံအားကျတဲ့အချိန်၊ စိတ်ဖိစီးမှုများတဲ့အချိန်မှ ထွက်လာကာ ရေကျောက်နဲ့တူတဲ့ အရေပြားအနာလေးတွေ ဖြစ်စေပါတယ်။ အဲ့ဒီအခါဖြစ်တဲ့ အရေပြားအနာကွက်တွေကိုတော့ ဆင်ရေယုန်ပေါက်တယ်လို့ ခေါ်တာပေါ့။

ဒီလောက်ဆိုရင်တော့ ဆင်ရေယုန် ဘာကြောင့်ဖြစ်လဲ သိပြီနော်။ ဘယ်လိုရောဂါလက္ခဏာတွေပြမှာလေ။ အရေပြားကို ကြိုက်တဲ့ပိုးဖြစ်တာကြောင့် အရေပြားပေါ်မှာ ဝေဒနာခံစားရတာများပါတယ်။

၁။ သက်ဆိုင်ရာ အာရုံကြောက ထောက်ပံ့ပေးတဲ့ အရေပြားတစ်လျှောက်မှာ နာကျင်မယ်။ ကျောရိုးနေရာကနေ ကိုယ်ရှေ့ပိုင်းထိ အရစ်လိုက် ဖြစ်တာမျိုးပေါ့။

၂။ ၃ရက်၊ ၄ရက်လောက်ကြာရင် အရေကြည်ဖုလေးတွေ ပေါက်လာမယ်။ ယားယံမယ်။

၃။ တစ်ခါတစ်ရံ ဘာအနီကွက်၊ အရေကြည်ဖုမပေါ်ဘဲ ထုံနေတာလည်းဖြစ်တတ်တယ်။

၎။ သွေးကြောထဲမှာ ပိုးလေးတွေရောက်ပြီး ပြန့်ရင်တော့ ဖျားမယ်။ ခေါင်းကိုက်မယ်။ နှုံးမယ်။ ပုံမှန်ထွက်နေကြနေရာမဟုတ်တဲ့ နေရာတွေမှာ ရေကျောက်နဲ့ဆင်တူတဲ့ အရေပြားနာလေးတွေ ဖြစ်တတ်ပါတယ်။

ခုခံအားကျဆင်းတဲ့ရောဂါရှိရင် သို့ ခုခံအားတအားကျနေတဲ့အချိန်မျိုး( ကင်ဆာဆေးသွင်းနေသူတွေ၊ စတီးရွိတ်နဲ့ ခုခံအားကျစေတဲ့ဆေးတွေသောက်နေရသူတွေ၊ အသက်ကြီးသူတွေ) ဆိုရင်တော့ ရောဂါပိုပြင်းတတ်၊ ပြန့်တတ်ပါတယ်။

ရင်ဘက်၊ ကျောဘက်တွေမှာ ပိုဖြစ်လေ့ရှိပြီး မျက်လုံးအာရုံကြော ထောက်ပံ့နေတဲ့ နေရာမှာလဲ မကြာခဏဖြစ်လေ့ရှိတာ တွေ့ရတယ်။ ဒါကြောင့် မျက်ကြည်လွှာမှာ အရေကြည်ဖုတွေပေါက်ပြီး အနာဖြစ်ခဲ့ရင် မျက်စိကွယ်သည်အထိဖြစ်စေနိုင်တယ်။ မျက်နှာလေဖြတ်တာ၊ ဆီး၊ဝမ်း မမှန်တာ ၊အရသာခံအာရုံဆုံးရူံးတာ အပြင် ဦးနှောက်ရောင်တာအထိဖြစ်တတ်လို့ ပေါ့ပေါ့မနေသင့်ပါဘူး။ ဒါ့အပြင် အာရုံကြောရောင်ပြီး နာကျင်စေတာက ၆လလောက်ထိ ကြာတတ်တော့ နေ့စဉ်ဘဝမှာ အနည်းနှင့်အများထိခိုက်စေမှာ အမှန်ပါ။

ကုသဖို့ကတော့ဗိုင်းရပ်သေစေတဲ့ ပိုသတ်ဆေးက အကောင်းဆုံးပါ။ aciclovir စတဲ့ဆေးတွေပေါ့။ ပိုးသတ်ဆေးဖြစ်လို့ မိမိသဘောနဲ့မသောက်သင့်ပါ။ တတ်ကျွမ်းသူနှင့် တိုင်ပင်ပြီးမှ သောက်သုံးသင့်ပါတယ်။ အကိုက်အခဲပျောက်စေဖို့ကတော့ gabapentin လို ဆေးမျိုးတွေက ပိုကောင်းပါတယ်။ capsaicin ပါတဲ့လိမ်းဆေးတွေလည်း လိမ်းပေးနိုင်တယ်နော်။ ဒါ့ပြင် အနားယူမယ်။ အာဟာရပြည့်ဝအောင်စားမယ်။ အနာသက်သာအောင် ရေအေးဝတ်ကပ်ပေးနိုင်ပါတယ်။

ဒီဆင်ရေယုန်က ကူးစက်တတ်တာဖို့ သူတစ်ပါးကို မကူးအောင်လဲ ဂရုစိုက်ရပါမယ်။ အနာရှိတဲ့ အစိတ်အပိုင်းကို ဖုံးထားပါ။ လက်ကို သန့်ရှင်းအောင်ထားပါ။ ခုခံအားမကောင်းသူတွေနဲ့ ထိတွေ့ခြင်းကိုရှောင်ပေးပါ။

ကာကွယ်ဆေးရှိပေမယ့် ပုံမှန်ကာကွယ်ဆေးထိုးအစီအစဉ်မှာတော့ မထိုးပါဘူး။ ကူးစက်ဖို့ ရာခိုင်နှုန်းများသူတွေ၊ ရောဂါပြင်းထန်နိုင်ချေရှိသူတွေ၊ ရောဂါရှိသူနဲ့ အနီးကပ်ရှိသူတွေတော့ ထိုးထားသင့်တယ်နော်။ အဆိပ်ဖြေဆေးကိုတော့ ရောဂါပိုးနဲ့ထိတွေ့မိပြီး ၇ရက်အတွင်းမှာ ထိုးနိုင်ပါတယ်။

ဆင်ရေယုန်ဟာ ရေကျောက်နောက်ဆက်တွဲ ရောဂါဖြစ်လို့ ရေကျောက်ပေါက်ဖူးတဲ့ ကလေးတွေမှာ တွေ့ရတတ်တယ်။ သို့ပေမယ့် ရေကျောက်ပေါက်ဖူးတဲ့ သူတိုင်းမှာ မဖြစ်ဘဲ အာရုံကြောမှာ ပုန်းနေတဲ့ အကောင်လေးတွေရှိသူမှာပဲ ဖြစ်တာပါ။ ဖြစ်လာခဲ့ရင်လည်း စိတ်မပူပါနဲ့။ ကိုယ်ခံအားကောင်းအောင် နေထိုင်စားသောက်မယ်။ စိတ်ဖိစီးမှု နည်းအောင်နေမယ်ဆို ရောဂါဖြစ်ပွားမှုနည်းစေမှာမို့ ကျန်းမာရေး ဂရုစိုက်ကြဖို့ တိုက်တွန်းလိုက်တယ်နော်။
ရီချို(ဆေး ၁)