အပူရှပ်ခြင်းနှင့် ခရမ်းလွန်ရောင်ခြည်ကာကွယ်ခြင်း

ယခု ၂၀၁၇ ခုနှစ်၊ နွေရာသီတွင် မြန်မာနိုင်ငံသမိုင်း၌ အပြင်းထန်ဆုံးသောအယ်နီညို ရာသီဥတုနှင့် ကြုံတွေ့ရနိုင်ပါသည်။ အယ်နီညိုရာသီဥ၏ ရိုတ်ခတ်မှုကြောင့် ပူပြင်း သောဒဏ်ကို ခံစားရနိုင်ကြောင်း မိုလေ၀သနှင့် ဇလဗေဒညွှန်ကြားရေးမှူးဦးစီးဌာနက သတိ ပေးထားပါသည်။ ယခုနှစ် မတ်လ၊ ဧပြီနှင့် မေလများသည် မြန်မာနိုင်ငံ၏ ပူပြင်းသောနွေရာသီ ဖြစ်သောကြောင့် အယ်နီညို၏ ပြင်းထန်သော ဒဏ်ကိုရင်ဆိုင်ရမည်ဖြစ်ပြီး အိုဇုံးလွှာတဖြည်း ဖြည်းပါးလာခြင်းကြောင့် ပုံမှန်အပူချိန်ထက် ပိုမိုပြင်းထန်သော အပူလှိုင်းများကို ရင်ဆိုင် ကြုံတွေ့နိုင်ပါသည်။ အပူရှပ်ခြင်းနှင့် ခရမ်းလွန်ရောင်ခြည်ဒဏ်ကို ဖြစ်ပေါ်စေပြီး အသက် အန္တရာယ်ထိခိုက်နိုင်၍ ကြိုတင်ကာကွယ်ခြင်းများ ဆောင်ရွက်ရပါမည်။
(၁) အပူရှပ်ခြင်း
အပူရှပ်ခြင်း အပူကြောင့်ဖြစ်သော ကျန်းမာရေးပြဿနာများတွင် အပြင်းထန်ဆုံး ကျန်းမာရေးထိခိုက်မှုဖြစ်ပြီး အပေါ်ပေါ်ကုသမှုခံယူရန် လိုအပ်ပါသ်ည။ လူကြီး၊ လူငယ်မရွေး အပူရှပ်ခြင်းကို ခံစားရနို်င်ပါသည်။ အပူကြောင့်ကြွှက်တက်ခြင်း၊ အားနည်းမူးမေ့ခြင်း၊ ချွေး အလွန်အမင်းထွက်ခြင်းများ စတင်ခံစားရပြီး ပိုမိုပြင်းထန်လာပါက အပူရှပ်ခြင်းဖြစ်လာ နိုင်ပါ သည်။
(၂) အပူရှပ်ခြင်းဆိုသည်မှာ
အပူရှပ်ခြင်း၏ အဓိပ္ပာယ်ဖွင့်ဆိုမှုမှာ ပူပြင်းသောပတ်ဝန်းကျင်နှင့် ထိတွေ့ပြီးနောက် ခန္ခာကိုယ်အပူချိန် ၁၀၅ ဒီဂရီဖာရင်ဟိုက်အထက်ရှိပြီး ဦးနှောက်နှင့် အာရုံကြောစနစ်ကို ထိခိုက်နိုင်ခြင်းကိုဆိုလိုပါသည်။ အပူရှပ်ခြင်းသည် ခန္ဓာကိုယ်အပူချိန်အလွန်အမင်းတက်ခြင်း နှင့် ရေဓာတ်ဆုံးရှုံးမှုများဖြစ်စေနိုင်ပြီး ခန္ဓာကိုယ်အပူချိန်ထိန်းချုပ်မှုစနစ်ကို ထိခိုက်စေနိုင် ပါသည်။
(၃) အပူရှပ်ခြင်းလက္ခဏာများ
(က) ခန္ဓာကိုယ်အပူချိန်( ၁၀၅) ဒီဂရီဖာရင်ဟိုက်အထက်ရှိခြင်း
(ခ) အားနည်းမူးမိုက်ခြင်း
(ဂ) ခေါင်းကိုက်ခြင်း
(ဃ) ခေါင်းမူးခြင်း
(င) ချွေးမထွက်ခြင်း
(စ) အနီရောင်နှင့် ပူပြင်းခြောက်သွေ့သော အရေပြားဖြစ်ခြင်း
(ဆ) ကြွက်သားအားနည်းခြင်းနှင့် ကြွက်တတ်ခြင်း
(ဇ) ပျိ့အန်ခြင်း
(ဈ) နှလုံးခုန်မြန်လာခြင်း
(ည) တက်ခြင်း
(ဌ) တက်ခြင်း
(ဍ) သတိလစ်မေ့မြောသွားခြင်းတို့ဖြစ်ပါသည်။
(၄) အပူရှပ်ခြင်းဖြစ်နိုင်သောသူများ
မွေးကင်းစမှ အသက်(၄) နှစ်အရွယ်ကလေးများ၊(၆၅) နှစ်ကျော် လူကြီးများတွင် အဖြစ်များပါသည်။ လေ၀င်လေထွက်မကောင်းသော အဆောက်အဦးတွင် နေထိုင်သူများ၊ နာတာရှည်ရောဂါ (ဥပမာ-နှလုံးရောဂါ၊ အဆုတ်ရောဂါ၊ ကျောက်ကပ်ရောဂါ၊ သွေးတိုးရောဂါ၊ ဆီးချို၊ သွေးချိုရောဂါနှင့် စိတ်ရောဂါ) ခံစားနေရသူများ၊ အ၀လွန်ကဲသူများ၊ ပိန်လွန်းသူများ၊ အရက်အလွန်အကျွံသောက်သုံးသူများနှင့် ရေအလုံအလောက်မသောက်သုံးသူများတွင် ဖြစ် တတ်ပါသည်။
(၅) ခရမ်းလွန်ရောင်ခြည်
ခရမ်းလွန်ရောင်ခြည်သည် နွေရာသီတွင် ပူပြင်းလာသည်နှင့်အမျှ ထွက်လာပါသည်။ လူ၏ကိုယ်ခန္ဓာနှင့် အရေပြားကို အန္တရာယ်ဖြစ်စေပါသည်။ ထို့အပြင် မျက်လုံးကိုလည်း ထိခိုက်စေပါသည်။ ခရမ်းလွန်ရောင်ခြည်နှင့် ထိပါက အတွင်းတိမ်ဖြစ်လာပြီး အမြင်အာရုံဝါး လာတတ်ပါသည်။ နေပူထဲတွင် အချိန်ကြာမြင့်စွာသွားပါက ခရမ်းလွန်ရောင်ခြည်ကြောင့် အရေပြားလောင်သွားပြီး အသားအရေညိုမဲ့လာခြင်းနှင့် အဖတ်များကွာကြလာခြင်းများ ဖြစ် တတ်ပါသည်။ ခရမ်းလွန်ရောင်ခြည်ကြောင့် အသားအရေအရောင်မှိန်ခြင်း၊အဖြူစက်၊ အညိုစက်၊ နေလောင်ကွက်၊ တင်းတိပ်နှင့် မှဲ့ခြောက်များထွက်လာခြင်း၊ အသားရောင်မညီခြင်း နှင့် အရေပြားတွန့်ခြင်းများ ဖြစ်တတ်ပါသ်ည။ ခရမ်းလွန်ရောင်ခြည်ကြောင့် အချိန်အလွန်ကြာ ပါက အရေပြားကင်ဆာဖြစ်နိုင်ပါသည်။
(၆) ရှေးဦးသူနာပြုစုခြင်း
အပူရှပ်ခြင်းခံစားနေရသူတစ်ဦးကိုတွေ့ရှိပါက နီးစပ်ရာဆေးရုံသို့ အမြန်ပို့ဆောင် ကုသရန် လိုအပ်ပါသည်။ ဆေးကုသမှုမခံယူပါက အသက်သေဆုံးသည် အထိဖြစ်နိုင်ပါသည်။ ဆေးရုံသို့မပို့ဆောင်မီ အောက်ပါအတိုင်း ရှေးဦးသူနာပြုစုခြင်းဖြင့် ရောဂါသက်သာလာစေရန် လုပ်ဆောင်ရပါမည်။
(က) လူနာကို အရိပ်ရသောနေရာ၊ အေးမြသော နေရာသို့ ပထမဦးဆုံးပို့ဆောင်ရပါ မည်။
(ခ) မလိုအပ်သော ထူထဲသည့်အ၀တ်အစားများကို ဖယ်ရှားရပါမည်။
(ဂ) ခန္ဓာကိုယ်ကို ရေစွတ်ထားသောအ၀တ်ဖြင့် သုတ်ပေးပြီး ပန်ကာအောက် ထားရပါမည်။
(ဃ) သွေးကြောအများဆုံးရှိသောလူနာ၏ ချိုင်းကြား၊ ပေါင်းကြား၊ ပေါင်ကြား၊ လည်ပင်း၊ ကျောကုန်း တို့ကိုရေခဲထုပ် (အိုင်စ်ပတ်ခ်) ဖြင့် တင်ပေးထားရပါမည်။
(င) ခန္ဓာကိုယ်အပူချိန်အလွန်မြင့်မားပါက လူနာကိုရေခဲရေဖြင့် ရေချိုးခြင်းပြုလုပ်ပေး ရပါမည်။
(စ) ရေနှင့် ဓါတ်ဆားဆုံးရှုံးမှုပြန်လည်ဖြည့်တင်းနိုင်ရန်၊ ဓါတ်ဆားရည်တိုက်ပေး ရပါမည်။
သို့ရာတွင် သွေးတိုးရောဂါ၊ ကျောက်ကပ်ရောဂါများရှိပါက ဆရာညွှန်ကြားချက် အရ တိုက်ရပါမည်။
(၇) ဆေးရုံတွင် အမြန်ဆုံးဆေးကုသရမည့်အခြေအနေ
အပူဒဏ်ကြောင့် ချွေးလုံးဝမထွက်ဘဲ အရေပြားခြောက်သွေ့ခြင်း၊ ကိုယ်အပူချိန် လွန်ကဲစွာ တက်ခြင်း၊ ပင်ပန်းနွယ်နယ်ခြင်း၊ ဂယောင်ချောက်ချားဖြစ်ခြင်း၊ ဂဏမငြိမ် ခြင်း၊ တက်ခြင်း၊ အိပ်ငိုက်လွန်ခြင်း၊ သတိရတစ်ချက် မရတစ်ချက်ဖြစ်ခြင်း၊ လုံးဝ သတိ မေ့ခြင်းဖြစ်လျှင် အသက်ဆုံးရုံးမှုအန္တရာယ်ရှိနိုင်သောကြောင့် ဆေးရုံတွင် အမြန်ဆုံး ကုသမှု ခံယူရန်လိုအပ်သည်။
(၈) အပူရှပ်ခြင်းနှင့်ခရမ်းလွန်ရောင်ခြည်ဒဏ်ကို ကြိုတင်ကာကွယ်ခြင်း
အပူရှပ်ခြင်းနှင့် ခရမ်းလွန်ရောက်ခြည်ဒဏ်ကိုကြောင့် မလိုလားအပ်သည့် အကျိုး ဆက်များ မဖြစ်ပေါ်စေရန်အောက်ပါအတိုင်း ကြိုတင်ကာကွယ်ခြင်းများ ဆောင်ရွက်ရပါမည်။
(က) ရာသီဥတုအပူချိန်မြင့်မားနေချိန်တွင် အေးမြ၍အရိပ်ရသောနေရာ၌ နေထိုင်ရပါမည်။
(ခ) နေပူထဲတွင်သွားပါက ထီး၊ ဦးထုပ်၊ အကာအကွယ်များ ဆောင်းရပါမည်။
(ဂ) အဖြူရောင်နှင့် အရောင်ဖျော့ဖျော့အ၀တ်အစားများ၊ ခပ်ပွပွချည်ထည်အ၀တ်အစား များ ၀တ်ဆင်ရပါမည်။
(ဃ) နေပူထဲတွင် ပြင်းထန်သော ကိုယ်လက်လှုပ်ရှားမှုပြုလုပ်ခြင်းကို ရှောင်ကြဉ်ရပါမည်။
(င) နေပူထဲတွင်ပြန်လာပြီး ချက်ချင်းရေချိုးခြင်းကို ရှောင်ကြဉ်ရပါမည်။
(စ) အရက်နှင့် ကဖင်းပါဝင်သော အရည်များကို မသောက်ရပါ။
(ဆ) ရေဓါတ်ဆုံးရှုံးမှုကို ကာကွယ်ရန် အရည်များသောက်ရပါမည်။ တစ်နေ့ကို ရေအနည်း ဆုံး ဖန်ခွက်(၈) ခွက်သောက်သင့်ပါသည်။
(ဇ) ရေနှင့် ဓါတ်ဆားဆုံးရှုံးမှု ပြန်လည်ဖြည့်တင်နိုင်ရန် ဓါတ်ဆားထုပ်များဆောင်ထားပြီး လိုအပ်ပါက သောက်ရပါမည်။
(ဈ) နံနက် (၁၀) နာရီမှ ညနေ (၅) နာရီ အတွင်း လွင်ထီးခေါင်ပြင်၊ မြစ်ကမ်းနား၊ ရေဆိပ် တို့ တွင် ရေချိုးခြင်းမှ ရှောင်ကြဉ်ရပါမည်။
(ည) ကိုယ်အပူချိန်တက်ပါက မိမိသဘောဖြင့် ကိုယ်ပူကျဆေးမသောက်ပဲ ရေအေး ပတ်တိုက်ပေးရပါမည်။ သို့ရာတွင် ရေခဲမသုံးရပါ။
(ဌ) ကလေးသူငယ်များ သက်ကြီးရွယ်အိုများနှင့် နာတာရှည်ရောဂါသည်များအား နေ့လည်၊ နေ့ခင်း၌ အရိပ်ရပြီး လေ၀င်လေထွက်ကောင်းသော နေရာမျိုးတွင်နေထိုင် ရပါမည်။