အမျိုးသားများ ဂရုစိုက်ရမယ့် ကျန်းမာရေးပြဿာနာများ

လူတွေဟာ ကျား၊မ လိင်ကွာခြားအလျောက် ကျန်းမာရေးပြဿနာကြုံတွေ့ရတဲ့ အဖြစ်မှာလည်းကွာခြားပါတယ်။ အမျိုးသားတွေကို ခြိမ်းခြောက်နေတဲ့ ကျန်းမာရေးပြဿနာ များအနက်က အန္တရာယ်အပေးနိုင်ဆုံး ထ်ိပ်ဆုံးက (၁၀)ခုကို ဖော်ပြလိုပါတယ်

။ ဒီလိုသိ ထားခြင်းအားဖြင့် ကြိုတင်ကာကွယ်မှုလည်း ပြုလုပ်နိုင်ပါတယ်။

(၁) နှလုံးတိုက်ခိုက်ခံရခြင်းနှင့် ရုတ်တရက် နှလုံးခုန်ရပ်သွားခြင်း

ဒီပြဿနာကြောင့် အမျိုးသားတွေ အများစု အသက်သေဆုံးကြရတာ သင်ကြား ဖူးမှာပါ။ နှလုံးတိုက်ခိုက်ခံရခြင်း(Heart Attack)နဲ့ နှလုံးခုန်ရုတ်တရက်ရပ်သွားခြင်း(Cardiac Arrest)တို့ ဘာကွာခြားသလဲဆိုတာရော သိပါရဲ့လား။ အကြမ်းအားဖျင်းအားဖြင့် ပြောရရင် နှလုံးသွေးလွှတ်ကြောအတွင်း ကျဉ်းမြောင်းနေတဲ့ ပြဿနာလည်း ရှိနေမယ်။ ပြီးတော့ အဲဒီ ကျဉ်းမြောင်းနေတဲ့ ပြဿနာလည်း ရှိနေမယ်။ ပြီးတော့ အဲဒီကျဉ်းနေတဲ့ နေရာမှာ သွေးခဲ တစ်ခုခု လာရောက်ပိတ်ဆို့သွားမယ်ဆိုရင် နှလုံးကြွက်သားများ သွေးနဲ့ အာဟာရထောက်ပံ့မှု မရတော့တဲ့အတွက် ထိုလူဟာ ရင်ဘတ်အောင့်ဝေဒနာခံစားရပြီး အဲဒီနေရာကို ပြန်ပွင့်အောင် အချိန်မီလုပ်မပေးနိုင်ရင် အသက်ဆုံးရှုံးနိုင်ပါတယ်။ တကယ်လို့ နှလုံးသွေးကြောပိတ်ဆို့ မှုဟာ နှလုံးကို ခုန်နေအောင်၊ ညှစ်နေအောင် ထိန်းချုပ်ပေးတဲ့ နေရာကို သွေးထောက်ပံ့မှု ရပ်ဆိုင်းသွားစေမယ်ဆိုရင် ရုတ်တရက်ချက်ချင်း နှလုံးခုန်ရပ်သွားနိုင်ပြီး အသက်ပါ ဆုံးရှုံးသွား တတ်ပါတယ်။ နှလုံးခုန်ရပ်စေတဲ့ အကြောင်ရင်းကတော့ နှလုံးအတွင်း လျှပ်စစ်စီးကြောင်း အနှောက်ယှက်ခံရခြင်းကြောင်း ဖြစ်ပါတယ်။

(၂) သွေးတိုးရောဂါ

အမျိုးသားအများစုဟာ သူတို့ကိုယ်သူတို့ သွေးတိုးရောဂါရှိမှန်း မသိဘဲ နှစ်ပေါင်း များစွာကြာမှ ကြုံလို့ သွေးပေါင်းချိန်ကြည့်လို့ ဖြစ်စေ၊ အခြားကျန်းမာရေးပြဿနာတစ်ခုခု ကြောင့် ဆေးခန်းသွားရင်း ဆရာဝန်က သွေးပေါင်ချိန်ကြည့်လိုက်လို့ ဖြစ်စေ၊ အဲဒီအခါမှ သွေးဖိအားမြင့်တတ်နေတာကို သိရတာမျိုး ဖြစ်တတ်ပါတယ်။ သွေးတိုးရောဂါဟာ တိတ်ဆိတ် နေတတ်ပြီး သွေးလွတ်ကြောများကို တဖြည်းဖြည်း ပျက်စီးစေပါတယ်။ နောက်ဆုံး နှလုံးပါ ထိခိုက်လာတော့မှ အသက်အန္တရာယ်ပါ စိုးရိမ်ရတာမျိုး ဖြစ်တတ်ပါတယ်။ ဒါကြောင့် အရွယ်ရောက်ပြီး အမျိုးသားတစ်ဦးအနေနဲ့ အနည်းဆုံး ၆ လ တစ်ကြိမ်လောက်တော့ သွေးတိုးရှိ၊ မရှိ စစ်ဆေးသင့်ပါတယ်။ တကယ်လို့သွေးတိုးရောဂါရှိနေရင်လည်း ထိရောက်တဲ့ ကုသမှုကို ခံယူသင့်ပါတယ်။

(၃) သွေးတွင် ကိုလက်စထရောဓာတ်များခြင်း

သွေးတွင်းကိုလက်စထရောပမာဏဟာလည်း သွေးကို ဖောက်ပြီး တိုင်းတာစစ်ဆေး မှသာ သိရှိနိုင်တဲ့ ပြဿနာဖြစ်ပါတယ်။ အချို့လူတွေက မျိုးရိုးလိုက်ပြီး နဂိုကတည်းက များနေ သူတွေဖြစ်တတ်ပါတယ်။ သွေးတွင်းကို လက်စထရော များသူများဟာ နှလုံးနဲ့ သွေးကြော ရောဂါများ ဖြစ်ပွားနိုင်တဲ့ အခွင့်အလမ်း သူများထက် ပိုများပါတယ်။ အချို့ဆိုရင် အစောဆုံး အသက် ၂၀ လောက်ကတည်းက စပြီးကိုလက်စထရော ပမာဏများပြားမှု ပြဿနာ ကြုံတွေ့ရတတ်ပါတယ်။ ဒါကြောင့် သွေးတွင်းကိုလက်စထရောပမာဏကို ပုံမှန်တိုင်းတာ စစ်ဆေးကြည့်သ့င်ပါတယ်။ ကိုလက်စထရောများစေတဲ့ အစား အစာများ လွန်ကဲစွာ မစား မိအောင် တတ်ကျွမ်းနားလည်သူနဲ့ တိုင်ပင်ဆွေးနွေးရပါမယ်။

(၄) လေဖြတ်ခြင်း

လေဖြတ်ခြင်းဟာ အမျိုးသားများကို သေဆုံးစေတဲ့ အကြောင်းအရင်းများထဲမှာ      စတုတ္ထနေရာမှ ဦးဆောင်နေတဲ့ ပြဿနာဖြစ်ပါတယ်။ ဒါပေမဲ့ အမျိုးသားအများစု ဟာလေဖြတ်ခြင်း ဖြစ်ပေါ်ရင် ခံစားရနိုင်တဲ့ ဝေဒနာတစ်ခုတစ်လေမျှကိုပင် အမည်တင် ပေးနိုင် စွမ်းမရှိကြပါ။ ဒါကြောင့် လေဖြတ်ခြင်းအကြောင်းနဲ့ ပတ်သက်ပြီး ခံစားရမယ့် ဝေဒနာ လက္ခတွေ၊ လေဖြတ် ခြင်း မဖြစ်စေဖို့ ရှောင်ရဆောင်ရမယ့်အချက်များအကြောင်း လေ့လာ မှတ်သား သင့်ပါတယ်။ ပြီးတော့ လိုက်နာကျင့်သုံးဖို့လည်း လိုပါတယ်။

(၅) ဆီးချိုသွေးချိုရောဂါ

ဆီးချိုသွေးချိုရောဂါ ဖြစ်ပွားမှုက ကမ္ဘာပေါ်မှာ လျင်မြန်တဲ့ နှုန်းနဲ့ များပြားလာလျက် ရှိပါတယ်။ အမှန်တကယ်တော့ ကျား၊မ မရွေး ကပ်ရောဂါအသွင် များပြားလျက်ရှိတဲ့ ရောဂါ တစ်ခုဖြစ်ပါတယ်။ ဆီးချိုသွေးချိုက အမျိုးအစားကလည်း နှစ်မျိုးရှိတယ်။ ဖြစ်ပွားရခြင်း အကြောင်းရင်းတွေကလည်း အများကြီးရှိတယ်။ အဲဒီအထဲမှာ လူနေစရိုက်ကြောင့် ဖြစ်ပွားရ မှုလည်း အဓိကပါဝင်တယ်။   ဒါကြောင့် ဆီးချိုသွေးချိုရောဂါဖြစ်ရခြင်းအကြောင်းများနဲ့ ဘယ်လိုကာကွယ်နိုင်မလဲဆိုတာ သိဖို့ ကျန်းမာရေးပညာဗဟုသုတပေ စာစောင်တွေကို ဖတ်ရှုလေ့လာသင့်ပါတယ်။ ငါတော့ ဖြစ်မှာ မဟုတ်ဘူးလို့ ယူဆပြီး လျစ်လျူရမထား သင့်တဲ့ ရောဂါဖြစ်ပါတယ်။ ဆီးချို သွေးချိုရောဂါ ရှိ၊ မရှိ စစ်ဆေးခြင်းများကို ဆရာဝန်ရဲ့ ညွှန်ကြားချက် နဲ့အတူ ပြုလုပ်ရမှာဖြစ်ပါတယ်။

(၆) အဆုတ်ကင်ဆာ

အဆုတ်ကင်ဆာရောဂါဟာ အမျိုးသားများမှာ ကင်ဆာကြောင့် သေဆုံးရတဲ့ ဦးဆောင် အကြောင်းအရင်ကြီးဖြစ်နေဆဲပါ။ အမျိုးသားလူငယ်အများစုဟာလည်း အဆုတ်ကင်ဆာဖြစ် စေခြင်းရဲ့ အဓိကအကြောင်းရင်းကြီး တစ်ခုဖြစ်တဲ့ ဆေးလိပ်သောက်ခြင်းကို ဆက်လက် ပြုလုပ်နေကြတုန်းပါပဲ။ အဆုတ်ကင်ဆာဟာ ကာကွယ်လို့ ရနိုင်တဲ့ ကင်ဆာများထဲက အကာ အကွယ်နိုင်ဆုံးသော ရောဂါတစ်ခုဖြစ်တယ်ဆိုတာ သိထားသင့်ပါတယ်။ ကိုယ်တိုင် ဆေးလိပ် မသောက်သင့်ရုံမျှမက တစ်ဆင့်ခံ ဆေးလိပ်ငွေ့ရှူမိတဲ့သူမဖြစ်ရလေအောင် အခြားသူများ ဆေးလိပ်မသောက်ရေးကိုလည်း လှုံ့ဆော်ပေးပါ။

(၇) အူမကြီးနဲ့ အစာဟောင်းအိမ်ကင်ဆာ

အဆိုးသတင်းတစ်ခုကတော့ အမျုိုးသားများ ကင်ဆာကြောင့် သေရတဲ့အကြောင်း ရင်းများ ထဲမှာ အူမကြီးနဲ့အစာဟောင်း အိမ်ကင်ဆာဟာ ဒုတိယနေရာမှာ ရှိနေခြင်းပါပဲ။ ကောင်း သတင်းကတော့ ဒီကင်ဆာကို ကာကွယ်လို့ရပါတယ်။ အူမကြီးအတွင်း မှန်ပြောင်းကြည့်ခြင်း ကဲ့သို့ ရောဂါဖြစ်၊ မဖြစ် စောစောကြိုတင်သိရှိနိုင်ရန် ဖော်ထုတ်ပေးတဲ့ စစ်ဆေးမှုများ ပြုလုပ် ခြင်းအားဖြင့် အမျိုးသမီးတွေ ထက်တောင် ပိုပြီး အကျိုးကျေးဇူးရရှိ သေးတယ်လို့ ဆိုပါတယ်။ အူမကြီးနဲ့ အစာဟောင်း အိမ်ကင်ဆာဖြစ်စေရန် အခွမ်းအလမ်းများစေတဲ့ အသားကင်များ၊ အကြော်စာများစားခြင်း၊ အဆီပါဝင်မှုများသော အစာစားခြင်း တို့ကို ဆင်ခြင်ရမှာ ဖြစ်ပါတယ်။ ၀မ်းခဏခဏမချုပ်အောင် အမျှင်ဓာတ်များစွာပါဝင်တဲ့ ဟင်းသီးဟင်းရွက်၊ သစ်သီးဝလံများ လည်း စားပေးရန်လည်း လိုပါတယ်။

(၈) ဆီးကျိတ်ရောဂါ

အမျိုးသားများတွင်သာ ပါရှိတာဖြစ်တဲ့ ဆီးကျိတ်ဟာ ဒုက္ခပေးနိုင်တဲ့ အကျိတ်တစ်ခုဖြစ် ပါတယ်။ ဆီးကျိတ်က ပေးနိုင်တဲ့ ကျန်းမာရေးပြသနာတွေကတော့ ဆီးကျိတ်ရောင်ခြင်း၊ ဆီး ကျိတ်ကြီးခြင်းနဲ့ ဆီးကျိတ်ကင်ဆာတို့ဖြစ်ပါတယ်။ ဆရာဝန်မှ စအိုဝအတွင်း လက်ညှိုးနဲ့ သွင်း၍ စမ်းသပ်စစ်ဆေးခြင်း ဆီးကျိတ်ကင်ဆာ Marker များကို သွေးဖောာက်စစ်ဆေးခြင်း စသည်တို့ကို လိုအပ်ရင် ပြုလုပ်ဖို့ လိုတယ်ဆိုတာ ဗဟုသုတ ရှိထားသင့်ပါတယ်။

(၉) ဝှေးစေ့ရောဂါများ

လူငယ်အမျိုးသားများမှာ ဝှေးစေ့ကင်ဆာ အများဆုံးဖြစ်လေ့ရှိပါတယ်။ စောစောသိ နိုင်ရင် ကုသလို ရနိုင်ပါတယ်။ အခြားသော ဝှေးစေ့ဆိုင်ရာ ရောဂါများအကြောင်း လေ့လာမှတ် သားထားသင့်ပါတယ်။

(၁၀) စိတ်ဓာတ်ကျရောဂါ

စိတ်ဓာတ်ကျရောဂါဟာ အမျိုးသားများမှာ ခံစားရင် ပြင်ထန်ုဆိုးဝါးတဲ့ အခြေ အနေတစ်ခု ဖြစ်ပါတယ်။ အမျိုးသားများ သေဆုံးရခြင်း အများဆုံး အကြောင်းရင်းများထဲမှာ နံပါတ်(၈) နေရာမှ လိုက်နေတဲ့ ပြဿနာဟာ စိတ်ဓာတ်ကျရောဂါကြောင့် ကိုယ့်ကိုယ်ကိုယ် သတ်သေခြင်းဖြစ်ပါတယ်။ ဒါ့အပြင် စိတ်ဓာတ်ကျရောဂါရဲ့ ဝေဒနာလက္ခဏာများဟာ အမျိုး သမီးများမှာထက် အမျိုးသားများမှာ စုံလင်ထွေပြားစွာ ပြသလေ့ရှိတဲ့အတွက် စိတ်ဓာတ်ကျ ရောဂါ ဖြစ်လို့ ဖြစ်မှန်းမသိဖြစ်တတ်ပါတယ်။ ဒါကြောင့် ကုသမှုလည်း မရရှိတဲ့အတွက် အဖြစ်ဆိုးတွေ ကြုံရခြင်းဖြစ်ပါတယ်။ ဒါကြောင့် အမျိုးသားတွေ စိတ်ဓာတ်ကျပြီဆိုရင် သက်ဆိုင်ရာ စိတ်ကျန်းမာရေးအထူးကုဆရာဝန်နဲ့ တိုင်ပင်ဆွေးနွေးသင့်ပါတယ်။

ဒေါက်ထွေး(ဆေး – မန်း)