အာဟာရချို့တဲ့သောကလေးများတွင် တွေ့ရသော ကျန်းမာရေးပြဿနာများ

ကလေးအရွယ်ဆိုတာ လောကမှာ နေထိုင်ရန်လိုအပ်တဲ့ အသိပညာ၊ ဗဟုသုတ အပါအဝင် အရာအားလုံးကို လေ့လာသင်ယူနေချိန်ဖြစ်တဲ့အတွက် စိတ်ပိုင်းဆိုင်ရာ၊ ကိုယ်ပိုင်းဆိုင်ရာ၊ အသိပညာပိုင်းဆိုင်ရာ ဖွံ့ဖြိုးတိုးတက်ဖို့ အားအင်တွေ အများကြီးလိုအပ်ပါတယ်။ အဲဒီအားတွေရဖို့ဆိုတာ အစားအသောက်ကို ပုံစံမှန်ကန်အာဟာရပြည့်ဝစွာ ကျွေးမွေးရမည်ဖြစ်တဲ့အပြင် မိမိကလေး အာဟာရချို့တဲ့မှုတွေရှိမရှိ၊ ဖွံ့ဖြိုးမှုနောက်ကျခြင်းရှိမရှိကို လေ့လာ စောင့်ကြည့် ဂရုစိုက်ပေးရပါမယ်။ ဒီလို လုပ်ဖို့ဆိုတာကလည်း အနည်းဆုံးမိခင် နှင့် ကလေးကို အနီးကပ်စောင့်ရှောက်နေသူတွေက အာဟာရချို့တဲ့သောအခါ ဖြစ်တတ်တဲ့ လက္ခဏာတွေ သိထားရန် လိုအပ်ပါတယ်။

၁။ စိတ်ဓာတ်ကျမယ်၊ စိတ်လှုပ်ရှားလွယ်မယ်။

စိတ်ဓာတ်ကျတာ၊ စိတ်လှုပ်ရှားလွယ်တာ၊ စိတ်တိုလွယ်တာတွေဟာ များသောအားဖြင့် ဦးနှောက်က စတာဖြစ်ပြီး အချို့သော အာဟာရဓာတ်တွေခြင်းကြောင့် ဖြစ်လာနိုင်ပါတယ်။ နေထိုင်တဲ့ ပတ်ဝန်းကျင်ကြောင့် မဟုတ်ဘဲ မိမိကလေးပြောင်းလဲလာတာတွေ့ရင် အာဟာရချို့တဲ့မှုဖြစ်နေတတ်တာကိုလည်း မမေ့သင့်ပါဘူး။ အထူးသဖြင့် အသားဓာတ်ချို့တဲ့တာတွေကြောင့် ဖြစ်နိုင်ပါတယ်။ အမိုင်နိုအက်ဆစ် ဆိုတာ အသားဓာတ်ပစ္စည်းတွေက ဦးနှောက်တွင်းရှိ ဆက်သွယ်လှုံဆော်ပစ္စည်းတွေကို ထုတ်လုပ်ပေးလို့ စိတ်တည်ငြိမ်၊ ပျော်ရွင်မှုကို ဖြစ်စေပါတယ်။

ဒီပြဿနာကို ဖြေရှင်းရမယ့် ပြဿနာကတော့ အသားများများ ကျွေးရမှာပါ။ လိုအပ်ရင် ပရိုတင်းပါတဲ့ အားဆေးတွေ တိုက်ကျွေးရပါမယ်။

၂။ အငြိမ်မနေတတ်ခြင်း။

ဒီလို မျောက်ရူံးတဲ့ကလေးတွေမှာ အစာချေစနစ်နဲ့ အူတွင်းအကျိုးပြုပိုးမွှားရှိမှု အားနည်းခြင်းရှိနေတတ်ပါတယ်။ ဒါကြောင့် ကိုယ်ခန္ဓာက လိုအပ်တဲ့အာဟာရ ရရှိမှု မရှိဖြစ်နေပါတော့တယ်။

ဒီကလေးတွေကို အကြံပေးရမယ်ဆိုရင်တော့ အရောင်ဆိုးဆေးပါတဲ့အစာတွေ၊ အသင့်စားအစာတွေ မကျွေးသင့်ပါ။ ကျေလွယ်တဲ့အစာတွေအပြင် သဘာဝ အစာချေအားကောင်းမွန်စေတဲ့ အစာလေးတွေ ထည့်ကျွေးပေးပါ။

၃။ စကားပြောနောက်ကျခြင်း

စကားပြောနောက်ကျခြင်းက ဗီတာမင် ဘီတွဲ ချို့တဲ့တာဖြစ်နိုင်ပါတယ်။ သို့ပေမယ့် ဗီတာမင် ဘီတွဲကို တကယ်ချို့တဲ့ခြင်း ရှိမရှိသေချာစစ်ဆေးပြီးမှ တတ်ကျွမ်းသူ ဆရာဝန်တွေနဲ့တိုင်ပင်ပြီးမှ တိုက်ကျွေးသင့်ပါတယ်။

ဗီတာမင် ဘီတွဲ ပါဝင်မှုများတဲ့အစာတွေက အတွင်းကလီစာတွေ၊ အမဲသား၊ ကြက်သား၊ ငါး၊ ဝက်သား၊ နွားနို့၊ နဲ့ ဥတွေဖြစ်ပါတယ်။ အပင်ထွက်အစားအစာမှာ ဘီတွဲမပါဝင်တဲ့အတွက် သတ်သတ်လွတ်ကျွေးနေတဲ့ကလေးတွေဆို ဘီတွဲပါတဲ့အားဆေး တစ်ခုခု တိုက်ကျွေးဖို့ လိုအပ်ပါလိမ့်မယ်။


၎။ အသားအရည် ခြောက်သွေ့ခြင်း၊ ဆံပင်ခြောက်ခြင်း

ဒါတွေကတော့ အဆီမှာပျော်ဝင်တဲ့ ဗီတာမင် ကေ၊ ဒီ၊ အီးနဲ့ ကေ(၂) တွေ ချို့တဲ့တဲ့လက္ခဏာတွေပါ။

အာဟာရဓာတ်တွေ ဖြည့်တင်းထားတဲ့အစာတွေ၊ အားဆေးတွေ တိုက်ကျွေးပေးပါ။


၅။ သွားတွေ ထပ်နေခြင်း

လေ့လာတွေ့ရှိမှုတွေအရ အသင့်စားအစားအစာတွေ များများစားတဲ့ ကလေးတွေ၊ ကိုယ်ဝန်ဆောင်ချိန်မှာ မိခင်အာဟာရချို့တဲ့ကလေးတွေမှာ ပိုတွေ့ရတတ်ပါတယ်။

၆။ သွားပိုးစားခြင်း၊ သွားပေါက်ဖြစ်ခြင်း

အချိုအစားများသူတွေမှာလည်း ဖြစ်တတ်ပေမယ့် သတ္တုဓာတ်တွေ ချို့တဲ့နေတာလည်း ဖြစ်နိုင်တယ်လို့ လေ့လာတွေ့ရှိမှုတွေမှာ သိရပါတယ်။

၇။ မကြာခဏ အအေးမိခြင်း၊ တုပ်ကွေးမိခြင်း

ခုခံကာကွယ်စေတဲ့ အားတွေ ကျဆင်းနေတာကို ဖော်ပြနေပြီး ရောဂါကာကွယ်စေတဲ့ အစာအုပ်စုဝင်တွေ များများ စားပေးဖို့လိုအပ်ပါတယ်။ (ဟင်းသီးဟင်းရွက်များ)

၈။ စိတ်ခံစားမှု မမှန်ခြင်း

အိုမီဂါ ၃ ပါတဲ့ အဆီ ( ဆော်လမွန်ငါး၊ sardine, mackerel ငါး) တွေ ဟာ စိတ်တည်ငြိမ်မှုအတွက် အရေးပါတဲ့ အာဟာရဓာတ်ဖြစ်ပါတယ်။

၉။ ခေါင်းပြားခြင်း၊ ဦးခေါင်းခွံပုံစံအားနည်းခြင်း

၁၀။ အဝလွန်ခြင်း

ဝတိုင်းလည်း အာဟာရပြည့်ဝနေလို့ မဟုတ်တဲ့အတွက် ပုံမှန်ထက်ပိုအဝလွန်နေပြီဆိုရင် သတိထားသင့်ပါတယ်။

အထက်ဖော်ပြပါအချက်တွေဟာ အာဟာရချို့တဲ့တဲ့ကလေးတွေမှာ ဖြစ်တတ်သလို ပတ်ဝန်းကျင်အနေအထား၊ ကလေးစောင့်ရှောက်မှု၊ နဲ့ ဗီဇပေါ်လည်း မူတည်နိုင်သေးတာမို့ မသင်္ကာပါက မိမိဘာသာကျိတ်မဖြေရှင်းသင့်ဘဲ တတ်ကျွမ်းသူနှင့် တိုင်ပင်သင့်ကြောင်း ဖော်ပြပေးလိုက်ပါတယ်နော်။

ဒေါက်တာချို(ဆေး ၁)