ဂနိုရောဂါ ဆိုတာဘာလဲ ?

ဂနိုရောဂါ ဆိုတဲ့ ဆီးပူညောင်းကျရောဂါလို့လဲ ခေါ်ကြပြီး အဓိက လိင်ဆက်ဆံရာမှ ကူးစက်တဲ့ ရောဂါတစ်ခုပဲ ဖြစ်ပါတယ် ။ဂိုနိုကောကပ် ( Gonococcus ) ဘက်တီးရီးယားကူးစက်မှုကြောင့် ဖြစ်ပွားလေ့ရှိပါတယ် ။

ဘယ်လိုကူးစက်သလဲ ?

အကာအကွယ်မဲ့ လိင်ဆက်ဆံခြင်း ( ကွန်ဒုံမသုံးခြင်း )မှ တဆင့် ကူးစက်နိုင်ပါတယ် ။ ပါးစပ်နဲ့ စအို လမ်းတွေကလဲ ကူးစက်နိုင်ပါတယ် ။ မိခင်မှ ကလေးသို့လဲ ကူးစက်နိုင်ပါတယ် ။

အကာအကွယ်မဲ့လိင်ဆက်ဆံခြင်းဟာ လိင်မှတဆင့်ကူးစက်တတ်သော ရောဂါအကုန်လုံးကို ဖိတ်ခေါ်သကဲ့သို့ဖြစ်စေတဲ့အတွက် လိင်ဆက်ဆံရာမှာ ကွန်ဒုံးသုံးခြင်းဟာ အကောင်းဆုံးသော အကာအကွယ်ပဲ ဖြစ်ပါတယ် ။

ဘယ်လို လက္ခဏာတွေပြမလဲ ?

ဂနိုရောဂါဟာ ကူးစက်ပြီး ဆယ်ရက်ကြာလျှင် ရောဂါလက္ခဏာများပြလေ့ရှိသော်လည်း တချို့သူများတွင် လပေါင်း အတော်ကြာမှ ပြသလေ့ရှိပါတယ် ။

၁၀ ရာခိုင်နှုန်းသော အမျိုးသားများနှင့် ၅၀ရာခိုင်နှုန်းသော အမျိုးသမီးတွေမှာတော့ ဒီရောဂါလက္ခဏာတွေကို မခံစားရပါဘူး ။

ရောဂါရှိသောအမျိုးသမီးတွေမှာဆို

* မိန်းမကိုယ်ကနေ အဖြူများဆင်းခြင်း စိမ်းရွှေရွှေ ခပ်ဝါဝါ ပျစ်ချွဲချွဲ အရည်များ ဆင်းခြင်း

* ဆီးသွားစဉ်နာကျင်ခြင်း ဆီးအောင့်ခြင်း

* ဝမ်းဗိုက်အောက်ပိုင်းတစ်ဝိုက်တွင် နာကျင်ခြင်း

* ရာသီလာစဉ် သို့မဟုတ် ရာသီတစ်ခုနှင့်တစ်ခုအကြား သွေးအလွန်အမင်း ဆင်းခြင်း သွေးဆင်းများခြင်း

ရောဂါရှိသော အမျိုးသားတွေမှာဆို

* အမျိုးသား အင်္ဂါမှ အချွဲဆင်းခြင်း

* ဆီးကျင်ခြင်း ၊ ဆီးအောင့်ခြင်း ၊ ဆီးကျန် ဆီးမဝဟုခံစားရခြင်း

* ဆီးခဏခဏ သွားခြင်း

* ယားယံခြင်း

* လိင်တံထိပ် အရေပြားတွင် နာကျင် ရောင်ယမ်းနေခြင်း

ဘယ်လိုသိရှိမလဲ ?

အထက်ပါ လက္ခဏာများ ခံစားတွေ့ရှိရပါက နီးစပ်ရာ ခုခံကျ ကာလသားရောဂါ တိုက်ဖျက်ရေးဌာနများ ဆေးရုံများတွင် သွားရောက်၍ ရောဂါ ရှိမရှိ ဆီးနမူနာ သို့မဟုတ် လိင်အင်္ဂါမှ ထွက်သော အရည်များကို ဓာတ်ခွဲ စစ်ဆေးရန် လိုအပ်ပါတယ် ။

ဆိုးကျိုးများက ဘာတွေလဲ ?

ရောဂါလက္ခဏာများမှ ကူးစက်ခံရပြီး ရက်သတ္တပတ် သို့မဟုတ် လအနည်းငယ်တွင် အလိုလိုပျောက်ကင်းသွားနိုင်ပါသည် ။ သို့သော် ရောဂါပိုးသည် ခန္ဓညကိုယ်ထဲတွင် ရှိနေသေးသည့်အတွက် နောက်တစ်ကြိမ်ဖြစ်ပွားနိုင်သလို သူတစ်ပါးအား ကူးစက်စေနိုင်ပါသည် ။

ရောဂါဆိုးရွားလာပါက အမျိုးသမီးများတွင် သားအိမ်ပြွန် ပိတ်ခြင်း ၊တင်ပါးဆုံတွင်း အင်္ဂါများ ရောင်ယမ်းလာပြီး နောင်အချိန် ကလေးမရနိုင်သည်အထိ ဖြစ်ပွားနိုင်ပါတယ် ။ ကလေးပျက်ကျခြင်း လမစေ့ဘဲ မွေးဖွားခြင်း မွေးလာမည့်ကလေးကိုလဲ ကူးစက် နိုင်သည့်အတွက် နီယိုနေတိုရမ် ( Opthalamia Neonatorum ) ဟုခေါ်သော မွေးရာပါ မျက်စိရောဂါများ ဖြစ်ပွားစေပါတယ် ။

အမျိုးသားများအနေဖြင့် ဆီးလမ်းကြောင်းမှ တဆင့် ဆီးကြိတ်ရောင်ခြင်း နာခြင်းတို့ကို ဖြစ်စေနိုင်ပြီး မြုံသည်အထိဖြစ်ပွားစေနိုင်ပါတယ် ။

ဘယ်လိုကုမလဲ ?

ပိုးသတ်ဆေး ပနီဆလင်ထိုးခြင်း သောက်ဆေးပေးခြင်းဖြင့် ကုသနိုင်ပါတယ် ။ ဆေးမတည့်ခြင်းများ တခြားရှိနေသော ရောဂါများအတွက် ကုထုံးများ မတူညီပါ ။ ထို့အတွက် သက်ဆိုင်ရာ ဆရာဝန်နှင့်ပြသပြီး သေချာထိရောက်သော ကုသမှု လိုအပ်ပါတယ် ။ ထို့အပြင် မိမိ လိင်ဆက်ဆံဖော်တွင်ပါ ရောဂါပိုး ရှိမရှိ စစ်ဆေးသင့်ပြီး ရောဂါတွေ့ရှိပါက အတူတကွ ကုသမှုခံယူရန် လိုအပ်ပါတယ် ။

Dr.ရှိန်းသူဟန်