အငှားကိုယ်ဝန်ဆောင်

ဒီအခေါ်အဝေါ်ကို ကိုရီးယားဇာတ်လမ်းတွဲတွေကတစ်ဆင့် လူသိများလာကြတယ်လို့ ယူဆရပါတယ်။စိတ်ထဲမယ်လည်း သို့လော သို့လော…..”အငှားကိုယ်ဝန်ဆောင်”ဆိုတာ ဘယ်လိုမျိုးပါလိမ့်ပေါ့ ?

“အငှားကိုယ်ဝန်ဆောင်” (၂) မျိုးရှိပါတယ် :

(၁) ကလေးနဲ့သွေးမနှောတဲ့ အငှားကိုယ်ဝန်ဆောင်

(၂) ကလေးနဲ့သွေးနှောတဲ့ အငှားကိုယ်ဝန်ဆောင်

(၁) ကလေးနဲ့သွေးမနှောတဲ့ အငှားကိုယ်ဝန်ဆောင်

ဒါကတော့ …..အရှင်းဆုံးနဲ့အလွယ်ဆုံးပြောရရင်…..စုံတွဲတစ်တွဲက ကလေးလိုချင်မယ်။ ထိုအခါ စုံတွဲထဲက အမျိုးသမီးဖြစ်သူရဲ့ မမျိုးဥကိုထုတ်ယူ၊အမျိုးသားဖြစ်သူရဲ့ သုတ်ပိုးကိုထုတ်ယူ…..ထို့နောက် ထို မမျိုးဥနဲ့သုတ်ပိုးကို ဖန်ပြွန်သန္ဓေနည်းဖြင့် ဓာတ်ခွဲခန်းထဲမှာ ပေါင်းစပ်ပြီး သန္ဓေအောင်စေမယ်။သန္ဓေအောင်သွားပြီး သန္ဓေသားရလာတဲ့အခါ အငှားကိုယ်ဝန်ဆောင်မယ့် အမျိုးသမီးရဲ့ သားအိမ်ထဲထည့်ပေးပြီး ကိုယ်ဝန်ဆောင်စေမယ်။ဒီဖြစ်စဉ်မှာ မမျိုးဥရော၊ သုတ်ပိုးရောက မိခင်နဲ့ဖခင်ဖြစ်သူတွေဆီမှရတာမို့ …..မွေးလာမယ့်ကလေးဟာ အငှားကိုယ်ဝန်ဆောင်နဲ့ မျိုးဗီဇအရ ပတ်သက်ဆက်နွယ်ခြင်းမရှိပါဘူး။ဒါကြောင့် ကလေးနဲ့သွေးမနှောတဲ့ အငှားကိုယ်ဝန်ဆောင် လို့ သတ်မှတ်ပါတယ်။

ဘယ်လိုအခြေအနေမျိုးမှာ ဒီလိုအငှားကိုယ်ဝန်ဆောင်လိုအပ်သလဲဆိုရင်

– အမျိုးသမီးဖြစ်သူရဲ့ သားအိမ်ဟာ ပုံမှန်အလုပ်မလုပ်နိုင်ခြင်း

– အမျိုးသမီးဖြစ်သူဟာ သားအိမ်ခေါင်းကင်ဆာ/သားအိမ်ကင်ဆာ/သားအိမ်အလုံးတည်ခြင်း/သားအိမ်တစ်သျှူးများစွာနေရာမှားပျံ့နှံ့နေခြင်း စသောအကြောင်းတစ်ခုခုကြောင့် သားအိမ်ထုတ်ထားခြင်း
(သားအိမ်ထုတ်ထားသော်လည်း သားဥအိမ်များမထုတ်ဘဲချန်ထားပါက …..သားဥအိမ်မှ မမျိုးဥထုတ်ယူနိုင်သည့်အတွက် ဖန်ပြွန်သန္ဓေဖြင့် ကလေးယူနိုင်ပါသည်။)

– အမျိုးသမီးဖြစ်သူ၏ ရောဂါအခံတစ်ခုခုကြောင့် ကိုယ်ဝန်ဆောင်ရန်မသင့်တော်ခြင်း…..

စတဲ့ အခြေအနေတွေမှာ ပြုလုပ်လေ့ရှိပါတယ်။

(၂) ကလေးနဲ့သွေးနှောတဲ့ အငှားကိုယ်ဝန်ဆောင်

ဒါကတော့ အငှားကိုယ်ဝန်ဆောင်မည့်အမျိုးသမီး၏ မမျိုးဥကိုထုတ်ယူ….. ကလေးလိုချင်သည့်စုံတွဲမှဖခင်၏ သုတ်ပိုးကိုထုတ်ယူ…..ထို့နောက် ဖန်ပြွန်သန္ဓေနည်းဖြင့် ဓာတ်ခွဲခန်းထဲမှာ ပေါင်းစပ်ပြီး သန္ဓေအောင်စေမယ်။သန္ဓေအောင်သွားပြီး သန္ဓေသားရလာတဲ့အခါ အငှားကိုယ်ဝန်ဆောင်မယ့် အမျိုးသမီးရဲ့ သားအိမ်ထဲထည့်ပေးပြီး ကိုယ်ဝန်ဆောင်စေမယ်။ဒီဖြစ်စဉ်မှာတော့ မမျိုးဥဟာ အငှားကိုယ်ဝန်ဆောင်အမျိုးသမီးထံမှရရှိလာတာမို့…..မွေးလာမယ့်ကလေးဟာ အငှားကိုယ်ဝန်ဆောင်နဲ့ မျိုးဗီဇအရ ပတ်သက်ဆက်နွယ်ခြင်းရှိပါတယ်။ဒါကြောင့် ကလေးနဲ့သွေးနှောတဲ့ အငှားကိုယ်ဝန်ဆောင် လို့ သတ်မှတ်ပါတယ်။

ဒါကတော့

– ကလေးလိုချင်တဲ့စုံတွဲရဲ့ အမျိုးသမီးဖြစ်သူဟာ အကြောင်းတစ်စုံတစ်ရာကြောင့် သားဥအိမ်နှစ်ခုလုံး ခွဲထုတ်ဖယ်ရှားထားခြင်း (သို့မဟုတ်) မမျိုးဥများအရည်အသွေးမကောင်းခြင်း(သို့)မျိုးမအောင်နိုင်ခြင်း

– လိင်တူစုံတွဲများ ကလေးယူလိုခြင်း…..

စတဲ့ အခြေအနေတွေမှာ ပြုလုပ်လေ့ရှိပါတယ်။

ကဲ…..ဒီလောက်ဆို သင်သိချင်နေတဲ့ ကိုရီးယားကားထဲက “အငှားကိုယ်ဝန်ဆောင်”ဆိုတာ ဘယ်လိုမျိုးလဲ သေချာသိရပြီပေါ့နော်။

ပိုင်နီမေ