ကိုယ်ဝန်ဆောင်ချိန်တွင်ကလေးလှုပ်ခြင်း

ကိုယ်ဝန်ဆောင်နေတဲ့အချိန်မှာ မိခင်လောင်းဖခင်လောင်းတွေအတွက် စိုးရိမ်စရာ၊ ဂရုစိုက်စရာတွေများပြားပါတယ်။ ကလေးကောင်းကောင်းဖွံ့ဖြိုးရဲ့လား၊ နေကောင်းရဲ့လားစတာတွေကိုစိုးရိမ်တတ်ကြသလို အဆင်ပြေပြေမွေးနိုင်ပါ့မလား၊ မွေးပြီးရင်ကလေကေားအမေကောနေကောင်းပါ့မလား၊ ခြေလက်အစုံအလင်ပါရဲ့လား စတာတွေကိုလည်းစိုးရ်ိမ်ကြရပါတယ်။ ဒါပေမယ့် ကိုယ်ဝန်ဆောင်ချိန်ဟာ စိတ်ညစ်စရာ၊ စိုးရိမ်စရာတွေပဲဖြစ်စေတာတော့မဟုတ်ပါဘူး။ ultrasoundရိုက်ရင်းနဲ့ သားလားသမီးလားရင်ခုန်ရတာ၊ ကလေးမွေးလာရင်ဘယ်လိုပြုစုပျိုးထောင်မယ်ဆိုတာတွေ အစီအစဉ်ချရတာတွေကလည်း ပျော်ရွှင်ဖွယ်ရာတွေပေးစွမ်းနိုင်ပါတယ်။

အဆိုပါပျော်ရွှင်ဖွယ်ရာတွေထဲကတစ်ခုကတော့ ကလေးလှုပ်တဲ့အချိန်ဖြစ်ပါတယ်။ ကလေးလှုပ်တယ်ဆိုတာဟာ မိခင်ဖခင်တို့အတွက်ပျော်ရွှင်ဖွယ်ရာဖြစ်သလို ကလေးအတွက်လည်းကောင်းမွန်တဲ့လက္ခဏာတစ်ခုဖြစ်ပါတယ်။ ကလေးလှုပ်တယ်ဆိုတာက ကလေးရဲ့အာရုံကြော၊ ကြွက်သား၊ ခြေလက်စတာတွေကောင်းမွန်စွာအလုပ်လုပ်နေတယ်ဆိုတဲ့သဘောသာမက ကောင်းကောင်းကြီးထွားဖွံ့ဖြိုးနေတယ်လို့လည်းမှတ်ယူနိုင်ပါတယ်။
ကလေးလှုပ်တဲ့အကြိမ်အရေအတွက်ဟာ။ ကလေးရဲ့ကျန်းမာရေးအခြေအနေကို တစ်စိတ်တစ်ပိုင်း ဖော်ပြနေတယ်လို့လည်း မှတ်ယူနိုင်ပါတယ်။

ကလေးလှုပ်တယ်ဆိုတာကတော့ ဒီနေ့ကိုယ်ဝန်ရတာနဲ့ ဒီနေ့စလှုပ်တာမျိုးတော့ မဟုတ်ပါဘူး။ ကိုယ်ဝန်ရပြီဆိုတာနဲ့ ကလေးရဲ့ခြေလက်၊ အာရုံကြောစတာတွေကအဆင့်ဆင့်ဖွံ့ဖြိုးလာပြီး အချိန်တစ်ခုရောက်ရင်လှုပ်တာစပါတယ်။ ကလေးလှုပ်တာကိုသိတဲ့ခံစားချက်ကတော့ ကိုယ်ဝန်ဆောင်ဖူးသူတွေမှသာကောင်းကောင်းသိနိုင်မှာပါ။ ကလေးလှုပ်ပြီဆိုတာနဲ့အနည်းဆုံးတော့ မိဘတွေကပျော်ရွှင်သွားကြတာတော့ အမှန်ပဲဖြစ်ပါတယ်။

ကိုယ်ဝန်ရဲ့ဘယ်အချိန်မှာကလေးစလှုပ်လည်းဆိုရင်တော့ ပထမ13ပတ်မှာလှုပ်နိုငခြေနည်းသေးတယ်လို့မှတ်ယူရပါမယ်။ အဆိုပါအချိန်မှာကလေးရဲ့ အစိတ်အပိုင်းတွေကလျင်မြန်စွာကြီးထွားနေပြီး နောင်တစ်ချိန်မှာလှုပ်ဖို့ အားယူပြင်ဆင်နေတဲ့အချိန်ဖြစ်ပါတယ်။ အဆေုာံးအနေနဲ့ 14ပတ်မှာစလှုပ်တတ်ပြီး နောက်အကျဆုံးကတော့ 26ပတ်မှလှုပ်တတ်ပါတယ်။ ပျမ်းမျှအားဖြင့်တော့ 18-22ပတ်မှာစပြီးလှုပ်တတ်ပါတယ်။ များသောအားဖြင့်လှုပ်တတ်တဲ့အချိန်ဖြစ်ပြီးစောတာ၊ နောက်ကျတာတွေကတော့ တစ်ဦးနဲ့တစ်ဦးကွဲပြားနိုင်ပါတယ်။

သားဦးကိုယ်ဝန်ဆောင်တဲ့သူတွေမှာတော့ လှုပါတာကိုလှုပ်နေမှန်းမသိတဲ့အတွက်ကြောင့် နောက်ကျတယ်လို့လည်းမှတ်ယူနေနိုင်ပါတယ်။ ပိန်တဲ့သူတွေ၊ ဒုတိယမြောက်၊ တတိယမြောက်ကိုယ်ဝန်စတာတွေမှာတော့ ကလေးလှုပ်တာကပ်ုပြီးသိသာထင်ရှားနိုင်ပါတယ်။ တသ်နောတာအနေနဲ့ပြောရရင်တော့ တသ်နေကုန်အလုပ်တွေလုပ်ရာကနေအနားယူတဲ့အချိန်၊ အေးအေးဆေးဆေးဖြစ်ပြီးကလေးကိုအာရုံအပြည့်အဝပေးနိုင်တဲ့အချိန်ကျရင် လှုပ်တာကပိုပြီးသိသာနိုင်ပါတယ်။ အစာစားပြီးတဲ့အချိန်မ၊စိတ်လှုပ်ရှားတဲ့အချိန်တွေမှာလည်း ပိုပြီးလှုပ်တတ်ပါတယ်။

ကိုယ်ဝန်ဆောင်တဲ့ကာလ 5လရောက်လာပြီဆိုရင်တော့ ကလေူအနေနဲ့ကောင်းကောင်းလှုပ်နိုင်ပြီဖြစ်ပါတယ်။ နဂိုထက်ပိုပြီးလှုပ်လာသလို ပိုပြီးတော့လည်းအားပါလာတတ်ပါတယ်။ 5လရဲ့တသ်ဝက်လောက်ရောက်တဲ့အထိကလေးကတစ်ကြိမ်မှ မလှုပ်သေးဘူးဆိုရင်တော့ ဆရာဝန်နဲ့ပြသပြီး ultrasoundရိုက်ကြည့်သင့်ပါတယ်။ ကလေးရဲ့ကျန်းမာရေးကောင်းရဲ့လား၊ကောင်းကောင်းဖွံ့ဖြိုးရဲ့လားဆိုတာတွေကို အကြမ်းဖျင်းသိနိုင်ပါတယ်။

နောက်ထပ်အရေးကြီးတာကတော့ ကလေးလှုပ်တဲ့အကြိမ်အရေအတွက်ကို မှတ်သားရတာဖြစ်ပါတယ်။ 28ပတ်နောက်ပိုင်းကို ကောင်းကောင်းရေတွက်လို့ရနိုင်ပါတယ်။ တစ်နာရီအတွင်းမှာ ကလေးလှုပ်တဲ့အကြိမ်ကအနည်းဆုံး 10ကြိမ်ရှိသင့်ပါတယ်။ တစ်ခါကိုတစ်နာရီနဲ့အနည်းဆုံးတစ်နေ့ကိုနှစ်ကြိမ်တော့ ရေတွက်ပေးသင့်ပါတယ်။ အကြိမ်နည်းလာတာနဲ့နားလည်တတ်ကျွမ်းသူနဲ့ပြသသင့်ပါတယ်။
ကိုယ်ဝန်ရင့်လာတာနဲ့အမျှလှုပ်တဲ့အကြိမ်၊ ပြင်းထန်ပုံတွေကပိုပိုများလာပါမယ်။ ဒါပေမယ့် 8-9လရောက်လာတဲ့အခါကျရင်တော့ လှုပ်တဲ့အကြိမ်နည်းနိုင်ပါတယ်။ လှုပ်ဖို့နေရာနည်းလာတဲ့အတွက်အကြိမ်နည်းလာတာဖြစ်ပါတယ်။

ကလေးလှုပ်တာဟာအမှုမဲ့အမှတ်မဲ့မနေသင့်တဲ့အရာဖြစ်ပါတယ်။ မိမိကလေးရဲ့ကျန်းမာရေးကိုတစ်စိတ်တစ်ဒေသပြသနေတဲ့အရာဖြစ်ပြီးဂရုတစ်စိုက်မှတ်သားထားသင့်ပါတယ်။ ပုံမမှန်ဖြစ်လာတာနဲ့ တတ်ကျွမ်းတဲ့သူနဲ့ပြသပြီး မြန်မြန်ဆန်ဆန်ကုသမှုခံယူလိုက်မှ စိတ်ချရမှာဖြစ်ပါတယ်။

Dr. ZZ