သားသားမီးမီးတွေဘယ်လိုဖြစ်လာသလဲ?

မေမေတို့ဟာ များသောအားဖြင့် ဘယ်အချိန်မှာစပြီး ကိုယ်ဝန်ရှိတယ်ဆိုတာ မသိကြပါဘူး။ ဆရာဝန်က နောက်ဆုံးရာသီလာခဲ့တဲ့ပထမရက်ကိုတွက်ချက်ပြီး ကိုယ်ဝန်ကိုတွက်ချက်ပေးပါတယ်။ ဒါဟာကိုယ်ဝန်ရပြီး အနည်းဆုံးနှစ်ပတ်လောက်နေမှ သတိထားမိတဲ့ကိစ္စဖြစ်ပါတယ်။

သားဥကြွေခြင်း

လစဉ်လတိုင်း သားဥအိမ်ထဲမှာ follicles လို့ခေါ်တဲ့ သေးငယ်ပြီးအရည်အိတ်တွေရှိတဲ့သားဥပေါင်းများစွာရှိတဲ့နေရာရှိပါတယ်။ အဲဒီသားဥတွေထဲက တစ်ဥဟာ တဖြည်းဖြည်းခွဲထွက်ပြီး သားဥကြွေဆင်းပါတယ်။ အဲဒီဖြစ်စဉ်ဟာ ဓမ္မတာမလာခင် နှစ်ပတ်ခန့်မှာဖြစ်ပါတယ်။

ဟော်မုန်းဓာတ်များမြင့်တက်လာခြင်း

သားဥလေးဟာ follicle ကနေကြွေဆင်းလာတဲ့အခါမှာ follicle ဟာ Corpus Luteum လို့ခေါ်တဲ့အရာအဖြစ်ကိုပြောင်းလဲသွားပါတယ်။ အဲဒီအရာလေးကနေ ဟော်မုန်းတွေထွက်ပါတယ်။ အဲဒီဟော်မုန်းတွေဟာ သားအိမ်နံရံကိုထူလာစေပါတယ်။ တကယ်လို့များ ကိုယ်ဝန်ရခဲ့ရင် သားဥလေးတွယ်လို့ရအောင် ပြင်ဆင်ထားပေးတဲ့သဘောပါ။

သားဥဟာ ကြွေဆင်းလာပြီးတဲ့နောက်မှာ Fallopian Tube လို့ခေါ်တဲ့ သားဥပြွန်ဆီကို သွားပါတယ်။ သားဥပြွန်ထဲမှာ ၂၄နာရီကြာအောင်နေပြီး သူ့ကိုသန္ဓေအောင်အောင်ပြုလုပ်ပေါင်းစပ်မယ့် သုတ်ပိုးကိုစောင့်ပါတယ်။ ဒီဖြစ်စဉ်တွေဟာ နောက်ဆုံးရာသီလာခဲ့ပြီးနှစ်ပတ်အကြာမှာဖြစ်နေတာပါ။

သန္ဓေမအောင်ခဲ့တဲ့အခါ….

သားဥဟာ သူနဲ့လာပေါင်းစပ်မယ့် သုတ်ပိုးမရှိလို့ သန္ဓေမအောင်တဲ့အခါ သားအိမ်ထဲကိုရွေ့သွားပြီး တဖြည်းဖြည်းနဲ့ပျက်စီးသွားပါတယ်။ ဟော်မုန်းဓာတ်တွေကလည်း ပုံမှန်အဆင့်ကိုပြန်လည်ရောက်ရှိသွားပါတယ်။ ခန္ဓာကိုယ်ဟာ ထူထဲနေတဲ့ သားအိမ်နံရံတွေကို ကွာကျစေပြီး ဓမ္မတာလာခြင်းအမှုဖြစ်ပေါ်လာပါတယ်။

သန္ဓေအောင်ခဲ့ရင်….

တကယ်လို့များ သုတ်ပိုးတစ်ကောင်ဟာ Fallopian Tube ထိကူးခတ်လာခဲ့ပြီး သားဥထဲကိုထိုးဖောက်နိုင်ရင် Fertilization လို့ခေါ်တဲ့ဖြစ်စဉ်အနေနဲ့ သန္ဓေအောင်သွားမှာပါ။ သုတ်ပိုးတစ်ကောင်ဝင်ရောက်လာရင် သားဥဟာနောက်ထပ် Sperm(သုတ်ပိုး)တွေထပ်ဝင်လို့မရအောင် ပြောင်းလဲပစ်လိုက်ပါတယ်။

သန္ဓေအောင်တဲ့ဖြစ်စဉ်ဖြစ်တဲ့အချိန်မှာပဲ ကလေးငယ်ရဲ့မျိုးဗီဇတွေ လိင်အမျိုးအစားတွေကဖြစ်ပေါ်ပါတယ်။ သုတ်ပိုးမှာ Y chromosome ရှိရင် ရင်သွေးဟာ ယောကျာ်းလေးဖြစ်ပြီး သုတ်ပိုးမှာ X Chromosome ရှိရင် ရင်သွေးဟာ မိန်းကလေးဖြစ်ပါလိမ့်မယ်။

img

သန္ဓေအောင်ပြီးနောက်သန္ဓေတွယ်ခြင်း

Fertilization ခေါ်တဲ့ သန္ဓေအောင်ခြင်းဖြစ်စဉ်ပြီးတဲ့အခါမှာ Implantation လို့ခေါ်တဲ့ သန္ဓေတွယ်ခြင်းဖြစ်ပါတယ်။ သန္ဓေအောင်သွားတဲ့သားဥဟာ သားဥပြွန်ထဲမှာ သုံးရက်ကနေ လေးရက်ထိနေပါတယ်။ ဒါပေမယ့် သန္ဓေအောင်ပြီး နှစ်ဆယ့်လေးနာရီအတွင်းမှာ ဆဲလ်ပေါင်းများစွာအဖြစ် ခွဲထွက်သွားပါတယ်။ သားဥပြွန်ထဲကနေ သားအိမ်ထဲရောက်သည်အထိ ဖြည်းဖြည်းချင်း ဆဲလ်တွေခွဲထွက်ပါတယ်။ နောက်ထပ်အလုပ်တစ်ခုကတော့ သားအိမ်နံရံကိုတွယ်ပြီး သန္ဓေတွယ်ခြင်းကိုပြုလုပ်ပါတယ်။

သန္ဓေတွယ်နေတဲ့အချိန်မှာ အချို့အမျိုးသမီးတွေဟာ ရာသီမဟုတ်ဘဲ သွေးတစ်စက် နှစ်စက်ဆင်းခြင်း (Spotting) ဖြစ်တတ်ပါတယ်။ သားအိမ်နံရံတွေကထူထဲလာပြီး သားအိမ်ခေါင်းကအချွဲတွေနဲ့ ကလေးမမွေးခင်အထိ sealလုပ်ထားသလိုများလာပါတယ်။

သုံးပတ်အတွင်းမှာ ဆဲလ်တွေဟာ ကြီးထွားလာပြီး စုစည်းလာပါတယ်။ ကလေးရဲ့ပထမဆုံးနာ့ဗ်ဆဲလ်တွေဖြစ်ပေါ်လာပါတယ်။

ကိုယ်ဝန်ရှိခြင်းကိုသိတော့မှာလား?

သန္ဓေတွယ်တာနဲ့ ခန္ဓာကိုယ်ထဲမှာ hCG ဟော်မုန်းဖြစ်လာပါတယ်။ hCGဟာ ကိုယ်ဝန်ရှိမရှိစစ်ဆေးလို့ရတဲ့ ဟော်မုန်းဖြစ်ပါတယ်။ ဆီးထဲမှာ hCG ဟော်မုန်းကိုစစ်ဆေးလို့ရအောင် မြင့်တက်ဖို့အချိန်ဟာ နောက်ဆုံးရာသီလာခဲ့တဲ့ရက်ကနေ သုံးပတ်ကနေ လေးပတ်အထိကြာနိုင်ပါတယ်။

အထက်ပါဖြစ်စဉ်တွေကတော့ ရင်သွေးလေးတွေ ဘယ်လိုရရှိလာသလဲဆိုတဲ့ သန္ဓေအောင်ခြင်းနဲ့ကိုယ်ရလာခြင်းဖြစ်စဉ်အကြောင်းကို ရေးသားဖော်ပြပေးထားတာပဲဖြစ်ပါတယ်။ မေမေတို့ဗဟုသုတရပြီး သားသားမီးမီးတွေဖြစ်လာပုံကို မှန်းဆခန့်မှန်းကြည့်လို့ရပါလိမ့်မယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)