မင်္ဂလာပါ အမျိုးသမီးကင်ဆာရောဂါများ

စင်ကာပူအထွေထွေဆေးရုံကြီး (SGH) ထဲမှ ကင်ဆာအတွင်းလူနာများထားရှိသည့် လူနာဆောင် ၄၈ ထဲမှာ ကျွန်တော်ကျင်လည်နေခဲ့သည်မှာ တစ်နှစ်နီးပါးရှိခဲ့ပြီ။ စင်ကာပူအမျိုးသားကင်ဆာဌာနမှာ ကင်ဆာလူနာများကို ပြင်ပလူနာအဖြစ် လက်ခံကြည့်ရှုလေ့ရှိပြီး ဆေးရုံတက်ဖို့လိုအပ်သည့်လူနာများကို လူနာဆောင် ၄၈ တွင်တင်ထားလေ့ရှိသည်။ တစ်ခါတလေ တော့လည်း လူနာတွေက လျှံပြီး တခြားလူနာဆောင်များသို့ ရောက်သွားတတ်သည်။

လူနာဆောင် ၄၈ ထဲမှာ ကျွန်တော်ရှိနေစဉ် လင်ဖိုးမား အကျိတ်ကင်ဆာအထူးကုအဖွဲ့မှာ ငါးလ၊ အစာအိမ်အူလမ်းကြောင်း ကင်ဆာအဖွဲ့မှာ သုံးလ၊ အဆုတ်၊ ဦးခေါင်းနှင့် လည်ပင်းကင်ဆာရော ဂါများ အထူးကုအဖွဲ့မှာ သုံးလနေခဲ့ပြီးပြီ။ ပြန်ခါနီးနောက်ဆုံးတစ်လမှာ အမျိုးသမီးကင်ဆာများ အထူးကုသည့် အဖွဲ့သို့ရောက်သည်။ လင်ဖိုးများအဖွဲ့မှာ အကြာဆုံးနေရသည့်အတွက် ပိုပြီးအတွေ့အကြုံရချင်လိုဖြစ်သည်။ အစာအိမ်အူလမ်းကြောင်းအဖွဲ့နှင့် အဆုတ်ကင်ဆာအဖွဲ့များမှာ သုံးလစီနေရခြင်းက အဖြစ်များသည့်ကင်ဆာများဖြစ်သောကြောင့်ဖြစ်ပါသည်။

အမျိုးသမီးကင်ဆာများကျတော့ အဖြစ်များဆုံးက ရင်သားကင်ဆာဖြစ်ပါသည်။ ဒါပေမယ့် ရင်သားကင်ဆာဖြစ်တိုင်း ဆေးရုံတက်ရသည့်အဆင့်မျိုးမဟုတ်။ ဖြစ်စကတည်းက ခွဲစိတ်၊ ဓာတ်ကင်၊ ဆေးသွင်းစသည့်နည်းလမ်းများစွာဖြင့် ကုသထားမည်ဆိုရင် အနည်းဆုံး လေး၊ ငါးနှစ် သက်တမ်းရှည် ကြတာမျိုးဖြစ်သည်။ ဒီတော့ အမျိုးသမီးကင်ဆာရောဂါအဖွဲ့အောက်မှာ ရင်သားကင်ဆာလူနာတွေ ဆေးရုံတက်လာပြီဆိုလျှင် ကင်ဆာက ဟိုပြန့်သည်ပြန့် ပြန့်ကုန်ကြလို့ဖြစ်ပါသည်။ ရင်သားကင်ဆာက နေ ဦးနှောက်ကို ပြန့်ချင်ပြန့်မည်။ ကျောရိုးမကြီးကို ပြန့်ချင်ပြန့်မည်။ ဦးနှောက်ကို ရင်သားကင်ဆာ ပျံ့နှံသွားပြီဆိုလျှင် လေဖြတ်သည့်လက္ခဏာပြချင်ပြမည်။ ခေါင်းကိုက်ပြီး ပျို့အန်ချင်အန်မည်။ ကျောရိုးမဆီ ကင်ဆာပျံ့နှံ့သွားမည်ဆိုရင်လည်း အောက်ပိုင်းသေသည့် လက္ခဏာများဖြစ်လာမည်။ ဦးခေါင်းထဲမှာ ရှိနေသည့် ကင်ဆာအကျိတ်ကိုကြည့်ဖို့နှင့် ကျောရိုးမဆီပျံ့နှံ့နေသည့် ကင်ဆာနှင့် ဆက်နွယ်သည့် အရိုးရောဂါများကိုသာ ခွဲစိတ်ပါသည်။

အမျိးသမီးကင်ဆာအဖွဲ့လက်အောက်မှာ ဆေးရုံတက်လေ့ရှိသည့် အခြားကင်ဆာအမျိုးအစား များက သားဥပြွန်ကင်ဆာ၊ သားအိမ်ခေါင်းကင်ဆာများနှင့်သားအိမ်ကင်ဆာများဖြစ်ပါသည်။ သားဥ ပြွှန်ကင်ဆာလူနာတွေက အသက်ရှည်သည်။ ကင်ဆာဖြစ်နေသည့် သားဥအိမ်ကို ခွဲစိတ်ဖြတ်ထုတ်ပြီး ကင်ဆာတေးများ သွင်းပြီးပြီဆို ထိုကင်ဆာလူနာများက လေး၊ ငါးနှစ် ဘာမှမဖြစ်။ တချို့လူနာများဆို လုံးဝပျောက်ကင်းသွားကြသည်။ ထိုကင်ဆာအမျိုးအစားများက တခြားနေရာများကို ဟိုပြန့်သည်ပြန့် ပြန့်တာမျိုးနည်းသည်။ သားဥအိမ်လူနာတွေ ဆေးရုံတက်လာကြပြီဆိုလျှင် ရေဖျဉ်းဆွဲပြီး ဗိုက်ကြီးပူ လျက်နေရထိုင်ရခက်ပြီး ရောက်လာကြတာများသည်။ ဗိုက်ထဲက အရည်တွေဖောက်ထုတ်၊ ဗိုက်ပြန် ပိန်သွားပြီဆို ပြန်ဆင်းသွားကြတာပါပဲ။

ကျွန်တော်စင်ကာပူမလာခင် လွန်ခဲ့သည့်နှစ်က မြန်မာပြည်မှာ ကျန်ရစ်ခဲ့မည့် ကင်ဆာလူနာ များကို ‘ဒီလူနာကတော့ဖြင့် ငါပြန်လာရင် တွေ့ရတော့မှာမဟုတ်ဘူး။ ဒီလူနာကတော့ နောက်တစ်နှစ် ပြန်လာရင် တွေ့ရဦးမှာပဲ” ဟူ၍ ကြိုတင်တွေးတောခဲ့မိဖူးသည်။

နောက်ပြန်တွေ့ခွင့်ရမည်ဟု မျှော်လင့်ထားသည့် ကင်ဆာလူနာများထဲမှာ ယခုသားဥအိမ် ကင်ဆာ လူနာများနှင့် ရင်သားကင်ဆာလူနာများပါဝင်ပါသည်။ အဆုတ်ကင်ဆာ လူများ၊ အူမကြီး ကင်ဆာ လူနာအများစုကိုတော့ ပြန်တွေ့ရလိမ့်မည်ဟု မျှော်လင့်မထား မိတော့ပါ။

စင်ကာပူအထွေထွေဆေးရုံကြီး၏ လူနာဆောင် ၅၃ မှာအရင်က ကျွန်တော်လူနာသွားမကြည့် ခဲ့မိဖူးပါ။ ဖြတ်သွားဖြတ်လာလောက်ပဲရှိခဲ့သည်။ အခုအမျိုးသမီးကင်ဆာ အထူးကုအဖွဲ့သို့ရောက်တော့ မှ လူနာဆောင် ၅၃ သို့ခဏခဏရောက်ရသည်။ အမှန်တော့ ထိုလူနာဆောင်က သားဖွားမီးယပ်အထူး ကုလူနာဆောင်ဖြစ်ပါသည်။ သည်တော့ သားအိမ်ခေါင်းကင်ဆာတွေ၊ သားဥပြွန်ကင်ဆာတွေ ခွဲစိတ် ပြီး ပြီဆိုလျှင် ကင်ဆာဆေးသွင်းရန်၊ ဓာတ်ကင်ရန်အလို့ငှာ စာရေးသူတို့ အမျိုးသားကင်ဆာဌာနမှ လူနာကိုလက်ပြောင်းလွှဲယူလိုက်ပါသည်။ ပြီးလျှင် လူနာဆောင် ၄၈ သို့ လူနာကိုရွှေ့မည်။

SGH ၏ လူနာဆောင်တိုင်းလိုလိုမှာ ကင်ဆာဆေးသွင်းနိုင်သည့်အနေအထားမရှိ။ လူနာဆောင် ၄၈ လိုကင်ဆာလူနာများချည်းထားသည့် အဆောင်နှင့် လူနာဆောင် ၇၈ လို နိုင်ငံခြား သားလူနာများ ဈေးကြီးကြီးပေးတက်ရသည့် အဆောင်များမှာသာ ကင်ဆာဆေးသွင်းနိုင်သည့် ကျွမ်းကျင် သူနာပြုများရှိသည်။ သည်တော့ လူနာဆောင် ၄၈ မှာနေရာလပ်မရှိတော့သဖြင့် တခြားလူ နာဆောင်များမှာ ပြန့်ကြဲနေသည့် ကင်ဆာလူနာများကို ကင်ဆာဆေးသွင်းဖို့ အစီအစဉ်ရှိပြီဆိုလျှင် လူနာဆောင် ၄၈ သို့ ရွှေ့ခိုင်းရသည်။ ဒီတော့ လူနာဆောင် ၄၈ သည် နေရာလွတ်၊ ခုတင်လွတ်ရန် မရှိ။ အမြဲတမ်းလူပြည့်နေသည်။

အမျိုးသားကင်ဆာဌာနက ဓာတ်ရောင်ခြည်အထူးကု ဆရာဝန်များထဲမှာလည်း သက်ဆိုင်ရာ ကိုယ်အင်္ဂါအစိတ်အပိုင်းများကိုသာ အထူးပြုဓာတ်ကင်ကုသသည့် ဆရာဝန်များရှိပါသည်။ ကျောရိုး အာရုံကြောမကြီးထံ ပျံ့နှံ့သည့် ကင်ဆာမျိုးကိုသာ ကြည့်ရှုစစ်ဆေးပြီး ကုသသည့် အထူးကုတွေလည်း ရှိသည်။ ဦးနှောက်ဆီပျံ့နှံ့သည့် ကင်ဆာများကိုသာ အထူးပြုဓာတ်ရောင်ခြည်ပေးသည့် ဓာတ်ရောင် ခြည်အထူးကုဆရာဝန်များ (Radiation Oncologist) လည်းရှိနေသည်။ ဦးနှောက်ထဲ ကင်ဆာပျံ့နှံ့ နေလို့၊ ကျောရိုးမကြီးဆီရောက်နေလို့ သည်ကနေ့ လူနာကိုပြမည်ဆိုလျှင် နေ့ချင်းပြီးကြည့်ရှုပေးကြ တာပါပဲ။ သူတို့လူနာအဟောင်း၊ အရင်က ရင်သားကို ဓာတ်ကင်ထားဖူးလို့ သိနေပြီးသားဆိုလျှင် လည်း တယ်လီဖုန်းလှမ်းဆက်လိ်ုက်လျှင်ရသည်။ လူနာအသစ်စက်စက်ဆိုလျှင်တော Blue letter ခေါ် Referral Letter (လူနာပြသနာတိုင်ပင်သည့်စာ) ကိုရေးရသည်။ ဘယ်လိုပဲဖြစ်ဖြစ် အမျိုးသမီး ကင်ဆာ အထူးကုအဖွဲ့မှာ လှုပ်ရှားရသည်က သက်သောင့်သက်သာရှိသည်။ လူနာတွေက နေ့လား ညလားမျိုးတွေမဟုတ်ကြ။ လူနာအင်အားလည်း မများလှ။ ကျွန်တော်ကတော့ နောက်တစ်လဆိုလျှင် ပြန်ရတော့မည့် ရွှေပြည်ကိုတမ်းတရင်း ပျော်ရွှင်ရယ်မောနိုင်နေပြီဖြစ်ပါသည်။

ဒေါက်တာလွှမ်းမိုးဟန်