မိခင်လောင်းရဲ့စိုးရိမ်သောကများ

ကိုယ်ဝန်ဆောင်ထားတဲ့ မိခင်လောင်းတိုင်းမှာ စိုးရိမ်ပူပန်မှုတွေရှိစမြဲပါ။ ကိုယ်ဝန်ပျက်ကျသွားမှာ၊ မွေးဖွားလာတဲ့ကလေးဟာ ခြေလက်အင်္ဂါမစုံလင်မှာ၊ကိုယ်ဝန်ဆောင်ရင်ကြုံရမယ့် နာကျင်မှုနဲ့အခက်အခဲတွေကို တွေးကြောက်တာ စသဖြင့် ပူပန်မှုများစွာရှိတတ်ပါတယ်။ ဒီလိုစိတ်တွေကိုလျှော့ချဖို့ ဆောင်ရန်ရှောင်ရန်တွေကို သိဖို့ယခုဆောင်းပါးကရည်ရွယ်ပါတယ်။

ကိုယ်ဝန်ဆောင်တစ်ဦးမှာဖြစ်တတ်တဲ့ နောက်ဆက်တွဲပြဿနာတွေရှိပါတယ်။ အဲဒါတွေကတော့

-လမစေ့ဘဲမွေးခြင်း

-ကိုယ်ဝန်ဆောင်စဉ် သွေးတွင်းသကြားဓာတ်မြင့်တက်လာခြင်း

-ကိုယ်ဝန်ဆိပ်တက်ခြင်း

-သွေးတိုးခြင်း

-ကိုယ်ဝန်ပျက်ကျခြင်း စတာတွေပဲဖြစ်ပါတယ်။

ဒီလိုနောက်ဆက်တွဲဆိုးကျိုးတွေဖြစ်နိုင်ချေရှိတဲ့ မိခင်များကတော့

-ဆီးချိုရောဂါ

-ကင်ဆာရောဂါ

-သွေးတိုးရောဂါ

-လိင်မှတစ်ဆင့်ကူးစက်သောရောဂါများ

-ကျောက်ကပ်ရောဂါ

-အတက်ရောဂါနဲ့

-သွေးအားနည်းရောဂါအခံရှိတဲ့သူတွေမှာ ပိုဖြစ်နိုင်ပါတယ်။

ဒါ့အပြင် အောက်ပါအချက်တွေကလည်း ကိုယ်ဝန်ဆောင်စဉ်မှာနောက်ဆက်တွဲဆိုးကျိုးတွေဖြစ်နိုင်ချေကို မြင့်တက်စေပါတယ်။

-အသက် ၃၅နှစ်နဲ့အထက်မှ ကိုယ်ဝန်ဆောင်ခြင်း

-ကိုယ်ဝန်ဆောင်စဉ်မှာ အသက်ငယ်လွန်းခြင်း

-မစားချင်မသောက်ချင်သော အခြေအနေရောဂါရှိခြင်း

-ဆေးလိပ်သောက်ခြင်း

-အရက်သောက်ခြင်း

-တားမြစ်ဆေးဝါးများသုံးခြင်း

-ယခင်ကလည်း ကိုယ်ဝန်ပျက်ကျဖူးခြင်း၊လမစေ့ဘဲကလေးမွေးဖူးခြင်း

-အမြွာကိုယ်ဝန်ဆောင်ခြင်း စတဲ့အချက်တွေကို ပြုလုပ်နေတဲ့မိခင်တွေဟာ နောက်ဆက်တွဲဆိုးကျိုးတွေဖြစ်ဖို့နှုန်းပိုများပါတယ်။

မိခင်တိုင်းဟာ ကိုယ်ဝန်ရဲ့နောက်ဆက်တွဲဆိုးကျိုး
တွေဖြစ်မယ်လို့ ပြောလို့မရပါဘူး။ အချို့သောအချက်တွေဟာ မိမိကထိန်းချုပ်ကာကွယ်လို့မရပေမယ့် အရက်သောက်ခြင်း၊ဆေးလိပ်သောက်ခြင်းလိုအရာမျိုးကတော့ မိမိဘာသာထိန်းချုပ်ပြီး ဆိုးကျိုးဖြစ်စေတဲ့ risk ကို လျှော့ချလို့ရပါတယ်။

ကိုယ်ဝန်ဆောင်မိခင်များ ဆောင်သင့်တဲ့အချက်တွေကတော့

-ကိုယ်ဝန်ရှိမှန်းသိတာနဲ့ ဆရာဝန်နဲ့ကိုယ်ဝန်အပ်ပါ။ Antenatal Care လို့ခေါ်တဲ့ ကိုယ်ဝန်စောင့်ရှောက်မှု ပုံမှန်ယူပါ။

အကြာကြီးမတ်တပ်ရပ်တာကိုရှောင်ပါ။ ရပ်ရမယ်ဆိုရင်လည်း သွေးလှည့်ပတ်မှုကောင်းအောင် ခြေထောက်ကိုလှုပ်ရှားပေးပါ။

-ထိုင်ရာကနေထရင် ဖြည်းဖြည်းထပါ။ လှဲအိပ်ရာကနေထရင်လည်း ဖြည်းဖြည်းထပါ။

-ကျန်းမာရေးနဲ့ညီညွတ်တဲ့အစားအသောက်များကိုသာ စားသုံးပါ။ အသား၊ငါး၊ပရိုတင်းကြွယ်ဝသောအစားအစာများ၊ အသီးအနှံ၊ဟင်းသီးဟင်းရွက် စသဖြင့် အာဟာရစုံလင်အောင်စားသုံးပါ။

-ကိုယ်ဝန်ဆောင်အားဆေးနေ့စဉ်သောက်ပါ။ (ဥပမာ-ဗီတာမင်နဲ့ ဖောလစ်အက်ဆစ်)

-ဆေးလိပ်နဲ့အရက်ကို လုံးဝရှောင်ကြဉ်ပါ။

-ယခင်ကစွဲသောက်ခဲ့တဲ့ဆေးတွေ ရှိခဲ့ရင် ဆရာဝန်ကိုပြောပြပြီး ကိုယ်ဝန်ဆောင်စဉ်မှာ သောက်လို့ရမရ မေးမြန်းတိုင်ပင်ပါ။

-ကိုယ်ဝန်ဆောင်စဉ်မှာ ခံစားရတဲ့ စိတ်ဖိစီးမှုကို လျှော့ချပါ။ စိတ်ကိုပေါ့ပါးစွာထားသင့်ပါတယ်။ တေးဂီတနားထောင်တာ ၊ ကိုယ်ဝန်ဆောင်ပြုလုပ်တဲ့ ယောဂလေ့ကျင့်ခန်းတွေ ပြုလုပ်တာကလည်း ကျန်းမာပြီးစိတ်ဖိစီးမှုကို လျှော့ချပေးနိုင်ပါတယ်။ကိုယ်ဝန်ဆောင်ခြင်းဟာ စိတ်ညစ်စရာ၊ကြောက်စရာမဟုတ်ပါဘူး။ သဘာဝဖြစ်စဉ်တစ်ခုပဲဖြစ်ပါတယ်။ ရှောင်ကြဉ်သင့်တာကိုရှောင်ပြီး၊ လုပ်ဆောင်သင့်တာကို ပုံမှန်ပြုလုပ်သွားရင် ကျန်းမာတဲ့သားသမီးတွေကို လွယ်လွယ်ကူကူမွေးဖွားနိုင်မှာ ဖြစ်ပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)