ကြိတ်မှန်ရွက်အကြောင်း

ကြိတ်မှန်ရွက်ဆိုတာ အာယုဗေဒ ဆေးပညာရပ်မှာ နာမည်ကြီးဆေးဖက်ဝင် အရွက်တစ်မျိုး ဖြစ်ပါတယ်။ အရွက်ကစ အရိုးအထိ အသုံးဝင်ပါတယ်။ အမျိုးသမီးတွေ အတွက်ဆို ဆံပင်သန်ဆေး ဖြစ်ပါတယ်။ အုန်းဆီနဲ့ ရောပြီး လိမ်းတတ်ကြပါတယ်။ ဒါ့အပြင် အသည်းအတွက်ရော၊ ဆီးချိုအတွက်ရော အသုံးပြုကြပါတယ်။ မျက်စိအတွက်လည်း ဆေးတစ်ပါးဖြစ်ပါတယ်။ တော်တော်များများ ကိုတော့ သိပ္ပံနည်းကျ လေ့လာထားတာ မရှိသေးပါဘူး။ လေ့လာချက်အချို့ ကို ဖော်ပြလိုက်ပါတယ်။

ဆံပင်အတွက်တော့ သေချာလေ့လာထားတာတွေ ရှိပါတယ်လို့ ဖော်ပြထားပါတယ်။ ကြိတ်မှန်ရွက် ကို ဆံပင်သန်ဆေး ဖော်စပ်ရာမှာ ပါဝင်ပစ္စည်းတစ်ခု အဖြစ် သုံးပါတယ်။ ဆံပင်ကို တကယ်သန်စေတယ် အကျိုးရှိတယ်ဆိုပြီး စမ်းသပ်လေ့လာထားကြပါတယ်။ ဘေးထွက်ဆိုးကျိုး မရှိသလောက်နည်းပြီး စိတ်ချလက်ချ သုံးနိုင်တယ်လို့ တွေ့ ရှိရပါတယ်။ တချို့ အရာတွေဟာ ကောင်းတယ်ဆိုတိုင်းလည်း စိတ်ချလက်ချ မသုံးသင့်ပါဘူး။ သေချာစမ်းသပ်လေ့လာထားတာမျိုး ရှိမှ သုံးတာကောင်းပါတယ်။ ဘေးလည်း ကင်းပါတယ်။

ဆီးချိုနဲ့ ပတ်သတ်ပြီး ကောင်းတယ်လို့ ပြောကြပေမယ့် တော်တော် ခိုင်လုံတဲ့ သက်သေပြချက်တွေ လေ့လာချက်တွေတော့ မတွေ့ ရသေးပါဘူး။ တရိ စ္ဆာန်တွေ မှာ စမ်းသပ်ထားတာတွေ တော့ ရှိပါတယ်။ ဒါပေမယ့် လူမှာ စမ်းသာလေ့လာထားတာမျိုး မတွေ့ ရတဲ့ အတွက် လုံးဝစိတ်ချယုံကြည်နိုင်တယ်လို့ မပြောနိုင်ပါဘူး။ တချို့ တိုင်းရင်းဆေးဝါးတွေဟာ လူတစ်ယောက်နဲ့  တည့်ပေမယ့် နောက်တစ်ယောက်နဲ့  မတည့်တာတွေ ဘေးဖြစ်တာတွေ ရှိနိုင်တာမို့ ၊ သိပ္ပံနည်းကျလေ့လာထားတာမျိုး ရှိမှ ယုံသင့်ပါတယ်။ ကောင်းကျိုး ဆိုးကျိုး သေချာသိမှ သုံးရတာ ဘေးကင်းနိုင်ပါတယ်။

မျက်စိအတွက်ကတော့ လူမှာ စမ်းသပ်ထားတာ တစ်ခုတွေ့ ရပါတယ်။ အမြင်အာရုံပိုကောင်းလာတယ်ဆိုတာ တွေ့ ရှိရပါတယ်။ ဒါပေမယ့် လူတစ်ယောက်မှာပဲ စမ်းသပ်ထားတယ်လို့ ပြောတဲ့ အတွက် လုံးဝစိတ်ချရတဲ့ အခြေအနေ မဟုတ်ပါဘူး။ အသည်းအတွက်ရော ကောင်းတယ်လို့ ပြောကြပေမယ့် စိတ်ကျေနပ်လောက်စရာ လေ့လာချက်တွေ မတွေ့ ရသေးပါဘူး။ သွေးတိုးကျစေတဲ့ အစွမ်း၊ သွေးတွင်း အဆီကျစေတဲ့ အစွမ်း၊ ဆီးဆေး စသဖြင့် ကောင်းကျိုးတွေ ရှိနေပေမယ့် သေချာတဲ့ သိပ္ပံနည်းကျ လေ့လာစမ်းသပ်ချက်တွေ အကိုးအကားတွေ နည်းပါးသေးတဲ့ အတွက် အခိုင်အမာ သုံးစွဲဖို့ ကခက်နေပါသေးတယ်။

ကြိတ်မှန်ရွက်မှာ ပါဝင်တဲ့ Wedelolactone ဆိုတဲ့ ဓာတ်ဟာ အသားဓာတ် စုပ်ယူမှုကို ဟန့် တားနိုင်တယ်လို့ လည်း တွေ့ ရှိရပါတယ်။ သိပ္ပံနည်းကျ လေ့လာချက်တွေ မပြည့်စုံသေးတဲ့ အတွက် အနောက်တိုင်းဆေးပညာ အနေနဲ့ တော့ လက်ခံစရာ မရှိသေးပါဘူး။ နောက်ထပ် ပိုကောင်းတဲ့ လေ့လာချက်တွေ၊ စိတ်ချရတဲ့ စမ်းသပ်မှုတွေ ပြုလုပ်ပြီးမှ ဆေးဝါး အဖြစ် အသုံးပြုဖို့ စိတ်ချရမှာ ဖြစ်ပါတယ်။ ဒါကြောင့် တိုင်းရင်းဆေး အရ သုံးမယ်ဆိုရင်တော့ မိမိကိုယ်တိုင် ချင့်ချိန်ပြီး သုံးစွဲကြဖို့ နဲ့ ကောင်းကျိုး ဆိုးကျိုးတွေကို သေချာ သတိထားရမှာ ဖြစ်ကြောင်း မျှဝေလိုက်ပါတယ်။

Dr. Jasmine