ရုတ်တရက် မိုက်ခနဲ ဘာကြောင့်လဲ?

ရုတ်တရက်မူးမေ့လဲတယ်ဆိုတာ ခဏလေးအတွင်းမှာ ဘာကိုမှမသိတော့ဘဲသတိလစ်သွားတာဖြစ်ပြီးဦးနှောက်ကို Oxygen ရောက်တာမလုံလောက်လို့ဖြစ်ပါတယ်။ခံစားရနိုင်တဲ့လက္ခဏာတွေကတော့

_ ရုတ်တရက် မိုက်ခနဲပြာထွက်သွားတာ

_ တစ်ကိုယ်လုံးအားမရှိသလို ခံစားရတာ

_ အမြင်အာရုံတွေဝေဝါးလာတာ

_ ဖြူဖျော့ပြီး အန်တာ၊ ချွေးစေးတွေပြန်တာ

_ နှလုံးခုန်နှုန်းနှေးလာတာဖြစ်ရတဲ့အကြောင်းရင်းတွေကတော့

_ အချိန်အကြာကြီးမတ်တပ်ရပ်ရတာ( ပူတဲ့ရာသီ၊ လေဝင်လေထွက်မကောင်းတဲ့နေရာမှာပိုဖြစ်ပါတယ်)

_ အလွန်အမင်းစိတ်ထိခိုက်သွားတာ

_ သွေးထွက်များတာ၊ သွေးမြင်တွေ့လိုက်တာ

_ ဆေးထိုးခံရတာ၊ ဆေးထိုးအပ်မြင်လိုက်တာ

_ နှလုံးရောဂါအခံရှိတာ

_ နှလုံးခုန်နှုန်း မမှန်တာ၊ မြန်တာ

_ အရမ်းနာကျင်တာ၊ အောင့်တာ

_ လည်ပင်းကိုရုတ်တရက် ဖိအားရောက်တာ

_ ရာသီလာနေချိန်သွေးဆင်းများတာ

_ အရက်အလွန်သောက်တာ

_ သောက်နေတဲ့ဆေးတစ်ချို့ကြောင့်

_ဆီးချိုရှိတာ

ထူးထူးခြားခြား ဖြစ်တတ်တဲ့အသက်အရွယ်ရယ်လို့မရှိပါဘူး။အရွယ်မရွေးဖြစ်နိုင်တဲ့အထဲမှာ ကျောင်းနေအရွယ် မိန်းကလေးတွေ ကျောင်းမှာစုဝေးပြီးရပ်နေတဲ့အချိန်တွေမှာ ပိုအတွေ့များပါတယ်။

မူးမေ့ပြီးတာနဲ့ သိပ်မကြာခင်မှာပုံမှန်အတိုင်း သတိပြန်ရလာတတ်ပါတယ်။ နောက်ဆက်တွဲရယ်လို့မရှိတတ်ပေမယ့်တစ်ခါတစ်ခါလဲကျတဲ့အချိန်မှာ ဘေးပတ်ဝန်းကျင်ကပစ္စည်းတွေနဲ့ခိုက်မိပြီး ခေါင်းဒဏ်ရာရတာ၊ ခြေလက်တွေဒဏ်ရာရတတွေဖြစ်တတ်ပါတယ်။

သက်သာအောင် လုပ်ဆောင်ရန်မှာ

_ မေ့လဲနေတဲ့အချိန်မှာ ဖြစ်နေတဲ့လူကို ကြမ်းပြင်ပေါ် ဘယ်ဘက် ကိုစောင်းပြီးလှဲထားပေးပါ။

_ ခြေထောက်၂ဖက်မြှောက်မယ်ဆိုရင် နှလုံးကိုသွေးပိုရောက်လို့ပိုကောင်းနိုင်ပါတယ်။

_ မူးလဲပြီး ၁၀မိနစ်ခန့် လူနာကို လှဲထားပေးပါ။

သတိပြုရန်မှာ

_ မကြာခဏ မူးမေ့လဲတတ်သူ

_ အတက်ရောဂါနှင့်တွဲဖြစ်တတ်သူ

_ သွေးပေါင်အလွန်ကျခြင်း၊ သွေးပေါင်အလွန်တက်ခြင်းတို့နှင့်တွဲဖြစ်တတ်သူများ အထူးသတိပြုပြီး ဆရာဝန်နဲ့ဆွေးနွေးသင့်ပါတယ်။

မယ်တင်( ဆေး ၁)