ကိုယ်တစ်ခြမ်းလေဖြတ်လူနာမြန်မြန်သန်စွမ်းလာစေရန် လုပ်ပေးရမည့်လေ့ကျင့်ခန်းများ
သွေးတိုးရောဂါရှိမရှိကို သွေးမှန်မှန်ချိန်မှသာသိရပါလိမ့်မယ်။ ခေါင်းမူး ခေါင်းကိုက်၊ ဇတ် ကြောတက်၊ အန်(အော့အန်) စတဲ့ ဝေဒနာလက္ခဏာများ လူတချို့မှာတွေ့ရခံစားရလေ့ရှိပေမယ့်။ လူတစ်ချို့မှာတော့ ဘာမှဝေဒနာလက္ခဏာ မသိလိုက်ရပဲ သွေးတိုးရောဂါကြောင့် လေဖြတ်ခံရ သော နောက်ဆက်တွဲကျန်းမာရေး ပြဿနာတွေဖြစ်ပွားပြီးမှသာ ကိုယ့်မှာ သွေးတိုးရောဂါကြောင့် လို့သိရသူတွေလည်းရှိနိုင်ပါတယ်။

ဆီးချိုသွေးချိုရောဂါဖြစ်ပွားလာပါကလည်း သေချာမကုသခဲ့ရင် နှလုံးနှင့်ဦးနှောက်သွေးကြောတွေထဲမှာ သွေးခဲပြီး နှလုံးတိုက်ခိုက်ခံရတာတို့ လေဖြတ်ခံရတာ တို့လည်း နောက်ဆက်တွဲ ဖြစ်ပေါ်လာနိုင်ပါသေးတယ်။ ထိုသို့လေဖြတ်ခြင်းကြောင့် လူနာမှာ ခန္ဓာ ကိုယ်တစ်ခြမ်းမလှုပ်ရှားနိုင်၍ မသန်မစွမ်း ဖြစ်လာတတ်ပါတယ်။ ထိုအခြေအနေမျိုးခံစားရပါက ခန္ဓာကိုယ်တစ်ခြမ်းလေဖြတ်သည့်လူနာအတွက် ပြုလုပ်ပေးရမည့် လေ့ကျင့်ခန်းများကို ဒီတစ်ပတ် ဖော်ပြလိုက်ပါတယ်။

ဤလေ့ကျင့်ခန်းအားလုံးကို လေဖြတ်ပြီးရက်ပိုင်းအတွင်းမှာပင် လူနာစောင့် ကပြုလုပ်ပေးရမှာ ဖြစ်ပါတယ်။ လေ့ကျင့်ခန်းတိုင်းတစ်ခုစီ အကြိမ် (၂၀) စီလေ့ကျင့်ပေးရပါမယ်။
I.လက်ကိုသန်လာအောင်လေ့ကျင့်ပေးခြင်း
လက်လေ့ကျင့်ခန်း (၁) လူနာလှဲလျှက်အနေအထား

(၁)လူနာ၏ နားရွက်နားကပ်လျှက် လက်မောင်းနှင့်တံတောင်ဆစ်အား မြှောက်ပေးခြင်းလေ့ ကျင့်ခန်း

လူနာစောင့်သည် လူနာ၏လေဖြတ်ထားသည့် လက်ကောက်ဝတ်နှင့် တံတောင် ဆစ်ကိုကိုင်ထားရမည်။ လူနာ၏လက်မောင်းကို မျက်နှာကျက်သို့တည့်တည့်မြှောက်ပေးထားပြီး လူနာ၏တတောင်ဆစ်ကို လူနာ၏ နားရွက်အနီးသို့ကပ်ထားပါ။

(၂)လူနာ၏လက်မောင်းနှင့်တတောင်ဆစ်အား ဆန့်တန်းပေးသည့်လေ့ကျင့်ခန်း
လူနာစောင့် သည် လူနာ၏ တတောင်ဆစ်နှင့် လက်ကောက်ဝတ်ကို ကိုင်ထားပြီး လက်မောင်းအား နားရွက်နားကပ်ပြီး အိပ်ယာနှင့်အပြိုင် ဆန့်တန်းပေးပါ။ ပြီးလျှင် လူနာ၏နဘေး သို့ပြန်ချပါ။

(၃)ပခုံးလှည့်ပေးသည့် လေ့ကျင့်ခန်း
လူနာ၏ပုခုံးအား အတွင်းဖက်သို့ လှည့်လိုက်၊ အပြင်ဘက်သို့လှည့်လိုက်လုပ်ပေး ပါ။ လူနာ၏ လက်မောင်းကို သူ့ခန္ဓာကိုယ်နှင့် ၉၀ ဒီဂရီ ထောင့်မှန်တန်း၍ တတောင်ဆစ်အား လည်း ၉၀ ဒီဂရီ အပေါ်မတင်ပါ။ (ဖြောင့်ဖြောင့်မတင်ခြင်း) လက်မောင်းကို အပေါ်မ လှည့်ပေး လိုက် အောက်ချလှည့်ပေးလိုက် လုပ်ပေးပါ။

(၄)တတောင်ဆစ်ကွေးဆန့် လေ့ကျင့်ခန်း
လူနာ၏မသန်မစွမ်းဖြစ်နေသည့်လက်ရဲ့ တတောင်ဆစ်ကို ကွေးလိုက်ဆန့်လိုက် လုပ်ပေးပါ။

(၅)လက်ကောက်ဝတ်လေ့ကျင့်ခန်း
လူနာ၏လက်ကောက်ဝတ်ကို လူနာစောင့်၏လက်ဘ၀ါးဖြင့် အုပ်ကိုင်လျှက် အပေါ် ကော့လိုက် အောက်ချိုးချလိုက်ပြုလုပ်ပေးပါ။

(၆)လက်ဖ၀ါးလေ့ကျင့်ခန်း
လူနာ၏လက်ဖ၀ါးအား လူနာစောင့်၏ လက်ဖ၀ါးဖြင့်အုပ်လျှက် ကျန်လက်တစ်ဖက် မှ လူနာ၏လက်ချောင်းများကို ဆုပ်ကိုက်ဖြန့်လိုက်ပြုလုပ်ပေးပါ။

II.ခြေထောက်လေ့ကျင့်ပေးခြင်း
(၁)ဒူးဆစ်နှင့် တင်ပါးဆုံရိုးအဆစ်ကိုလေ့ကျင့်ခြင်း
လူနာစောင့်၏ လက်များကိုလူနာ၏ ခြေဖတောင့်နှင့် ဒူးအောက်မှ ဆုပ်ကိုင် ထားလိုက်ပါ။ ပြီးရင် ဒူးကိုအတွင်းသို့ ကွေးလိုက်၊ ဆန့်ထုတ်လိုက်လုပ်ပေးပါ။

(၂)ခြေထောက်လေ့ကျင့်ခန်း (ဘေးကား/ပြန်ကပ်)
လူနာ၏ခြေထောက်ကို ဘေးသို့ကားပေးလိုက် မူလနေရာသို့ ပြန်ကပ်လိုက် လုပ်ပါ။

(၃)ခြေထောက်အတွင်းအပြင်လှည့်ခြင်း
လူနာ၏ ခြေဖနောင့်အောက်မှ ဆုပ်ကိုင်၍ ဒူးနှင့်တင်ပါးဆုံကို အတွင်းဖက် သို့ ၉၀ ဒီဂရီထား၍ ကွေးပေးပါ။ တင်ပဆုံအဆစ်ကို အတွင်းဘက်လှည့်လိုက် အပြင် ဘက်လှည့်လိုက် ပြုလုပ်ပေးပါ။

(၄)ခြေဖနောင့်ကို အပေါ်ကော့ အောက်ကွေး လေ့ကျင့်ခန်း
လူနာ၏ ခြေဖနောင့်ကိုကိုင်ပြီး ခြေချောင်းများကို အပေါ်သို့ အပြည့်အ၀ တွန်းထားပါ။ ၅ မှ ၁၀ စက္ကန့်ကြာအောင် တွန်းထားရမည်။ ပြီးလျှင် ခြေမျက်စိအောက် ဖက်သို့ ခြေချောင်းများကိုလှန်ချပါ။

လေ့ကျင့်ခန်းတိုင်းကို တစ်ကြိမ်လျှင် အခါ (၂၀) ပြုလုပ်ပေးပါ။ နံနက်တစ် ကြိမ်၊ ညတစ်ကြိမ်အနည်းဆုံးတစ်နေ့လျှင် ၂ ကြိမ် ပြုလုပ်ပေးသင့်ပါတယ်။ လူနာပြန် လည်သန်စွမ်းလာပါက လူနာကိုယ်တိုင် သူ့ဖာသာသူလေ့ကျင့်နိုင်သည်အထိ ပြုလုပ်လာနိုင်မှာဖြစ်ပါတယ်။ ထိုအချိန်မျိုးတွင် လူနာစောင့်အနေဖြင့် အနည်းငယ် လောက်သာ ဖေးမနိုင်ပါတယ်။

ဒေါက်တာထွေး (ဆေး/မန်း)