သွေးပေါ်ဆေးထိုးတယ်ဆိုတာ...

အရပ်ထဲမှာ သွေးပေါ်ဆေးဆိုပြီး အမျိုးသမီးတွေပြောတာ ကြားဖူးကြမှာပါ။ ဒီထိုးဆေးထဲမှာ Estrogen နဲ့ Progestin ဆိုတဲ့ ဟော်မုန်းတွေပါပါတယ်။ ဒီဟော်မုန်းတွေဟာ Pituitary Gland ကိုသွားရောက်ဖိနှိပ်ပြီး သားဥမကြွေအောင်လုပ်ပါတယ်။ သားဥမကြွေတဲ့အတွက် ကိုယ်ဝန်လည်းမရတော့ပါဘူး။ ဒီဆေးထိုးရင် သားအိမ်နံရံလည်းထူလာစေပါတယ် သားအိမ်ခေါင်းကအချွဲကိုလည်း ပိုပြစ်စေပါတယ်။ဒီတော့ သုတ်ပိုးဝင်ရောက်ရတာ ပိုခက်ခဲစေပါတယ်။

ဘယ်လိုထိုးရသလဲ?

ဒီဆေးဟာ တစ်လတစ်ခါပုံမှန်ထိုးပြီး ကိုယ်ဝန်ကိုတစ်လတားပေးတဲ့ဆေးဖြစ်ပါတယ်။ ဒီဆေးဟာ ကိုယ်ဝန်တားပေးတဲ့ဆေးသာဖြစ်ပြီး လိင်ကတစ်ဆင့်ကူးစက်တဲ့ရောဂါတွေကိုတော့ မတားဆီးပေးနိုင်ပါဘူး။ ဒီအတွက် လိင်ကတစ်ဆင့်ကူးစက်တဲ့ရောဂါတွေကို ကာကွယ်ဖို့ဆိုရင်တော့ အကာအကွယ်(ကွန်ဒုံး)သုံးရမှာဖြစ်ပါတယ်။

ဒီဆေးထိုးတဲ့အမျိုးသမီးတွေမှာ

-ရာသီမမှန်တာ

ရာသီလာတာ များခြင်း သို့်မဟုတ် နည်းခြင်း

ရာသီလာရက်စိပ်လွန်းခြင်း သို့်မဟုတ် ကျဲလွန်းခြင်း

-ရာသီမလာခြင်း

-ခေါင်းကိုက်ခြင်း

-ကိုယ်အလေးချိန်တက်လာခြင်း

-ရင်သားနာကျင်ခြင်း

-စိတ်လှုပ်ရှားလွယ်ခြင်း

-သွေးခဲဆင်းခြင်း(ရှားရှားပါးပါးသာဖြစ်ပါတယ်)စတဲ့ ဘေးထွက်ဆိုးကျိူးတွေဖြစ်တတ်ပါတယ်။

ဒီဆေးကို ထိုးလို့မရတဲ့အမျိုးသမီးတွေကတော့-

-ကိုယ်ဝန်ရှိသူများ

-အသည်းရောဂါရှိသူများ

-နှလုံးရောဂါရှိသူများ

-ခေါင်းကိုက်တတ်သူများ၊ ခေါင်းတစ်ခြမ်းကိုက်ရောဂါရှိသူများ ဖြစ်ပါတယ်။

ဒီဆေးနဲ့ သုံးလခံသန္ဓေတားဆေး ဘာကွာလဲဆိုရင် ဒီဆေးမှာတော့ estrogen နဲ့ Progestin ပါပြီး သုံးလခံဆေးမှာတော့ Progestin ပဲပါပါတယ်။ ဒီဆေးက တစ်လခံကိုယ်ဝန်တားဆေးဖြစ်ပြီး တစ်လတစ်ခါထိုးရတယ်။ Depo ကတော့ သုံးလတစ်ကြိမ်ထိုးရပါတယ်။ဘယ်ဆေးပဲထိုးထိုး၊ သောက်သောက် အရေးကြီးတာကတော့ မိမိရဲ့ကျန်းမာရေးအခြေအနေကို ဆရာဝန်နဲ့တိုင်ပင်ပြီးမှ လုပ်ကိုင်ဆောင်ရွက်သင့်ပါတယ်လို့ ရေးသားဖော်ပြချင်ပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)