အေအိုင်ဒီအက်စ်ရောဂါနိဂုံး၏ နိဒါန်း

နှစ်စဉ် ဒီဇင်ဘာလတစ်ရက်နေ့သည် ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့ ဖြစ်ပါသည်။ ထိုနေ့မှာ လူသားထုတစ်ရပ်လုံးအနေဖြင့် ကမ္ဘာ့အနှံ့အပြားမှာ လူ့မျိုးနွယ်တစ်ခုလုံးကို ခြိမ်းခြောက်လျက်ရှိသည့် AIDS ရောဂါကို အမှတ်ရကြစေဖို့ ရည်ရွယ်ချက်ဖြင့် သတ်မှတ်ခဲ့ခြင်းဖြစ်ပါ သည်။ (၂၀၁၁) ခုနှစ် မှ (၂၀၁၅) ခုနှစ်အထိ ကမ္ဘာ့ခုခံအားကျဆင်းမှု ကူးစက်ရောဂါတိုက်ဖျက်ရေးနေ့ ၏ဆောင်ပုဒ်မှာ “Getting to zero : Zero new HIV infections. Zero discrimination, Zero AIDS related deaths” ဟူ၍ဖြစ်ပါသည်။ သဘောက HIV ပိုးကူးစက်မှုကို သုညဖြစ်သွားအောင်လုပ်မည်။ HIV ပိုးရှိသူများကို ခွဲခြားနှိမ်ချဆက်ဆံခြင်း သုညဖြစ်သွားအောင်လုပ်မည်။ AIDS ရောဂါကြောင့် သေ ဆုံးရသူ သုညဖြစ်သွားအောင် လုပ်ကြမည်ဟူသည့်သဘော ဖြစ်ပါသည်။

ကမ္ဘာ့ကုလသမဂ္ဂအဖွဲ့ကြီး၏ လက်အောက်ခံ UNAIDS အဖွဲ့မှ ယနေ့ (၂၀၁၂) ကမ္ဘာ့ခုခံအား ကျဆင်းမှု ကူးစက်ရောဂါတိုက်ဖျက်ရေးနေ့မှာ ပေးပို့သည့် မှတ်တမ်းမှာ (၂၀၁၁) ခုနှစ်မှာ HIV ကူးစက်ခံရသူ (၇)သိန်း လျော့နည်းသွားသည်ဟု ဆိုသည်။ အာဖရိကတိုက်မှာဆိုလျှင် AIDS ရောဂါ ကြောင့်သေဆုံးမှုနှုန်းမှာ လွန်ခဲ့သည့် ခြောက်နှစ်အတွင်း သုံးပုံတစ်ပုံကျဆင်းသွားခဲ့သည်။ လွန်ခဲ့သည့် နှစ်နှစ်အတွင် ART ဆေးသောက်သုံးနိုင်သည့် လူနာအရေအတွက်မှာလည်း ၆၀% အထိ တိုးတက် လာ ခဲ့သည်။ ယနေ့ကမ္ဘာပေါ်မှာ ART သောက်ခွင့်မရကြသည့် လူနာဦးရေ ခုနှစ်သန်းခန့်ကျန်နေသေး သည်။

(၂၀၁၁) ခုနှစ်အတွင်း AIDS နှင့် ဆက်စပ်ရောဂါများကြောင့် သေဆုံးသူ (၁၇)သိန်းရှိ ခဲ့သည်။ ကမ္ဘာ့တ၀ှမ်း HIV ကူးစက်ခံနေရသူ (၃၄) သန်းရှိသည်။ ထိုအထဲမှ ၅၀%ခန့်ကသာ သူတို့ဆီမှာ ရောဂါရှိနေမှန်းသိကြသည် (၂၀၁၁) တစ်နှစ်လုံးအတွင်း HIV ကူးစက်ခံရသူ လူနာအသစ် (၂၅)သိန်း ရှိခဲ့သည်။ ART ဆေးသောက်သုံးသင့်ပြီဖြစ်သည့် လူနာအရေအတွက်က (၁၄.၈)သန်း၊ ထိုအထဲမှာမှ (၈)သန်းသည်သာ ART ဆေးရနေသည်။

မနှစ်က (၂၀၁၁) မှာ HIV ပိုးကူးစက်ခံရသူ လူနာသစ်(၂၅)သိန်းမှသည် သုညအထိ ဖြစ်သွား အောင် ဘယ်လိုချကြမလဲ။ AIDS ရောဂါကြောင့် သေဆုံးသူ (၁၇)သိန်းမှသည် သုညအထိ ဖြစ်သွား စေရန် ဘယ်လိုထိန်းချုပ်ကြမလဲ။ AIDS တိုက်ဖျက်ရေးမှာ စိန်ခေါ်မှုတွေ အများကြီးရှိနေပါသေး သည်။ ယနေ့ AIDS ရောဂါ၏ စိန်ခေါ်မှု၊ ရောဂါတိုက်ဖျက်ရေးဆိုင်ရာ လှုပ်ရှားမှုများကို ဆွေးနွေးကြည့် ကြပါမည်။

HIV ရောဂါပိုးကို (၁၉၈၀) ပြည့်လွန်နှစ်ဦးပိုင်းများကတည်းကမှ စတင်လျက် ရှာဖွေတွေ့ရှိခဲ့ ကြသည်။ AIDS ရောဂါသည် (၂၀) ရာစု၏ ဆိုးမွေဖြစ်သည်။ ပေါ်ပေါက်လာခဲ့သည့် သက်တမ်းကာလ တိုသော်လည်း အခြားသော နှစ်ပေါင်းရာချီ၊ ထောင်ချီသက်တမ်းရှိသည့် ရောဂါကြီးများနည်းတူ လူသားမျိုးနွယ်ကို ခြိမ်းခြောက်နေသည့် ကူးစက်ရောဂါကြီးတစ်ခုဖြစ်ပါသည်။ AIDS ရောဂါ၏ သက်တမ်း နှစ်သုံးဆယ်ကျော်ကာလအတွင်း ရောဂါကို လုံးဝပျောက်ကင်းအောင် မကုသသေးနိုင် သော်ငြား ရောဂါကို ထိန်းချုပ်နိုင်သည့် ART ခေါ် HIV ဗိုင်းရပ်စ် ထိန်းချုပ်ဆေးများလည်း ပေါ်ပေါက် နေပြီ။ ရောဂါမပျံ့ပွားစေရန် ပညာပေးလမ်းညွှန်မှုများဖြင့် HIV ကူးစက်မှုနှုန်းကို ကျဆင်းသွားစေရန် ဆောင်ရွက်နိုင်မှုများလည်း အတိုင်းအတာတစ်ခုအထိ ရှိနေပါပြီ။

လက်ရှိကာလတွင် HIV ရောဂါ ကာကွယ်ဆေးနှင့်ပတ်သက်ပြီး သုတေသန ပညာရှင်တွေ အသည်းအသန်ကြိုးပမ်းနေကြတာ ရှိပါသည်။ HIV ကာကွယ်ဆေးဆိုရာမှာ ရောဂါကာကွယ်ထိုးဆေး (Vaccine) ဆိုသည်လည်းရှိသည်။ သောက်ဆေး၊ လိမ်းဆေးဆိုတာမျိုးတွေလည်း စမ်းသပ်နေကြ သည်။ HIV ရောဂါပိုး မကူးစက်စေရန် ကာကွယ်ရာမှာ ကာကွယ်ဆေးများသာမကပါ HIV ပိုးရှိနေသူ များကို စောစီးစွာ ဗိုင်းရပ်စ်ထိန်းချုပ်ဆေး (ART) များ သောက်သုံးစေခြင်းသည်လည်း ရောဂါပိုးရှင် လူနာကိုသာမက ရောဂါပိုးမရှိသည့် လိင်ဆက်ဆံဖော်များကိုပါ ရောဂါကူးစက်မှုနှုန်းသည်ပါ ၉၆% ခန့် ကျဆင်းသွားစေနိုင်ကြောင်း သိရှိလာကြရသည်။

(၂၀၁၁) ခုနှစ်က အမေရိကန်နိုင်ငံခြားရေးဝန်ကြီး ဟီလာရီကလင်တန်က “AIDS ကင်းစင်သည့် မျိုးဆက်သစ်” ဟူသည့် စကားတစ်ခွန်းကို သူ့မိန့်ခွန်းတစ်ခုတွင် ထည့်ပြောသွားခဲ့သည်။ တချို့ကလည်း ထိုစကားသည် အကောင်းမြင်လွန်းသိပ်များနေသလားဟု ဝေဖန်ကြသည်။ AIDS တိုက်ဖျက်ရေးမှာ အရေးကြီးသည့် လုပ်ငန်းစဉ်တစ်ရပ်က ရောဂါပိုးရှိနေသူများထံ လိုအပ်သည့် ART ဆေးဝါးများ အလုံအလောက်ရရှိနေဖို့ ဖြစ်သည်။ ထိုဆေးဝါးများသည် AIDS ဝေဒနာရှင်များကို သက်တမ်းရှည်ကျန်းမာလာစေရုံမျှမက HIV ပိုးကူးစက်နှုန်းကိုပါ ကျဆင်းသွားစေပါလိမ့်မည်။

AIDS ရောဂါနှင့်ပတ်သက်ပြီး ပညာရှင်များ ပြုလုပ်နေကြသည့် အဓိက သုတေသနလုပ်ငန်း ကြီး နှစ်ရပ်ရှိပါသည်။ တစ်ခုက HIV ပိုး ကာကွယ်ထိုးဆေးလုပ်ငန်း၊ နောက်တစ်ခုက ART ဆေးများ က အဘယ့်ကြောင့် HIV ပိုးကိုအသေမသတ်နိုင်ရသလဲဆိုသည်ကို စမ်းသပ်သည့် သုတေသနလုပ် ငန်းများ ဖြစ်သည်။ ထိုင်းနိုင်ငံမှာ AR144 အမည်ရ HIV ကာကွယ်ထိုးဆေးကို စမ်းသပ်သုတေသနပြု ခဲ့စဉ်က ထင်သလောက် မအောင်မြင်ခဲ့ကြပေ။ အတိုင်းအတာတစ်ခုအထိသာ အာနိသင်ရှိခဲ့သည်။ ထို့ ကြောင့် AIDS တိုက်ဖျက်ရေးမှာ ကာကွယ်ဆေးကိုဖော်ထုတ်ရမည်လား၊ လက်ရှိ ART ဆေးများကို ပိုကောင်းမွန်လာအောင် ဆောင်ရွက်ရမည်လား၊ နှစ်ခုစလုံးပေါင်းစပ်ကြိုးစားကြရမလား ဆိုသည်မှာ အဖြေမရနိုင်သေးသည့် ပြဿနာတစ်ရပ်ဖြစ်သည်။

သုတေသန ဓာတ်ခွဲခန်းထဲမှာ သုတေသနလုပ်ငန်းတွေ အောင်မြင်နေကြပေမယ့် အပြင်လော ကမှာတော့ HIV တိုက်ဖျက်ရေးမှာ အဟန့်အတားတွေ၊ ကန့်သတ်ချက်၊ လိုအပ်ချက်တွေ အများကြီး ရှိနေသည်။ အဓိကကန့်သတ်ချက်ကတော့ ရံပုံငွေလုံလောက်မှုမရှိသည့် ပြဿနာပါပဲ။ ယနေ့ ကမ္ဘာပေါ်မှာ AIDS ရေဂါ၊ တီဘီရောဂါ၊ ငှက်ဖျားရောဂါစသည့် ရောဂါကြီးများအတွက် ကမ္ဘာလုံးဆိုင် ရာ (Global fund) ရံပုံငွေဆိုတာရှိသည်။ အခြားအလှူရှင်များက လှူသည့်ငွေတွေရှိသည်။ အရပ်ရပ် အလှူငွေများောကာင့် ယနေ့ဖွံ့ဖြိုးဆဲနိုင်ငံများရှိ AIDS ဝေဒနာရှင် လူကြီး၊ ကလေး ရှစ်သန်းခန့်မှာ ART ဆေးများကို သောက်သုံးနေကြရပါသည်။ သို့ပေမယ့် ထိုပမာဏသည် ART ဆေးများကို အမှန် တကယ်လိုအပ်နေသူ လူနာစုစုပေါင်း ထက်ဝက်ပင်မရှိဟု ဆိုပါသည်။

AIDS ရောဂါကုထုံးနည်းလမ်းသစ်အရ HIV ပိုးရှိပြီး စောစောစီးစီးမှာ ART ဆေးကို သောက်ရမည်ဆိုသည့်အတွက်ကြောင့် များမကြာမီနှစ်များမှာ ART ဆေးကို သောက်သုံးဖို့လိုသည့် လူနာဦးရေပိုများလာလိမ့်ပါဦးမည်။ AIDS ရောဂါကို ထိန်းချုပ်နိုင်ခြင်းဖြင့် တီဘီရောဂါကူးစက်မှုကို လည်း ထိန်းချုပ်နိုင်မည်။ (တီဘီနှင့် AIDS သည် တစ်ခုကိုတစ်ခု အမှီသဟဲပြုပြီး ကူးစက်ပျံ့ပွားနေကြ သည်) AIDS ကို ထိန်းချုပ်နိုင်လျှင် မိခင်နှင့်ကလေးသေဆုံးမှုနှုန်းကိုလည်း လျှော့ချနိုင်မည်။ (AIDS ရောဂါသည် မီးနေသည်များနှင့် မွေးကင်းစလေးငယ်များကို အများအပြားသေဆုံးစေသည်)

သို့တိုင်အောင် ART ဆေးဝါးများ၏ အစွမ်းအာနိသင်က ကန့်သတ်ချက်တွေ ရှိနေပြန်သည်။ အမေရိကန်ပြည်ထောင်စုလို နိုင်ငံမျိုးမှာပင်လျှင် (၂၀၁၁) ခုနှစ်အတွင်း ART ဆေးသောက်သုံးနေသူ လူနာများ၏ ၂၈%သည်သာ လိုချင်သည့် ဗိုင်းရပ်စ်ကောင်ရေပမာဏအဆင့်ထိ ကျဆင်းနေကြသည် ဟုဆိုသည်။ သဘောက လူနာအများစုက ART ဆေးသောက်သုံးနေပေမယ့်လည်း HIV ပိုးကောင်ရေ က ကျသင့်သလောက်မကျသဖြင့် သူများကို ကူးစက်နိုင်မှုနှုန်းက အန္တရာယ်ရှိလောက်သည်အထိ ရှိနေပေလိမ့်ဦးမည်။

“AIDS ကင်းစင် မျိုးဆက်သစ်” တစ်ခုပေါ်ပေါက်လာရေးအတွက် လမ်းညွှန်မြေပုံ ချကြည့်ကြ မည်။ နံပါတ်(၁) HIV ကာကွယ်ထိုးဆေး သုတေသနလုပ်ငန်းများနှင့် ART ဆေးဝါးများ ပိုမိုအစွမ်း ထက်လာစေရေး သုတေသနလုပ်ငန်းများအတွက် ရန်ပုံငွေကြေးများ ရရှိနိုင်ရန် ရှိနေသည့် အရင်းအ မြစ်များကို စနစ်တကျခွဲဝေသုံးစွဲနိုင်ရမည်။ နံပါတ် (၂) HIV ပိုး ရှိ၊ မရှိ စစ်ဆေးပေးသည့်ဌာနများ နှစ်သိမ့်ဆွေးနွေး တိုင်ပင်ပေးသည့်နေရာဌာနများ၊ AIDS ရောဂါလမ်းညွှန်ကုသမှုပေးနိုင်သည့်ဌာနများ များပြားလာစေရန် ဆောင်ရွက်ပေးရမည်။ နံပါတ် (၃) မိခင်မှ ရင်သွေးသို့ HIV ပိုးကူးစက်ခြင်းကို လုံးဝရပ်တန့်သွားအောင် တားဆီးနိုင်ရမည်။ နံပါတ်(၄) ART ဆေးဝါးများကို အမှန်တကယ်လိုအပ်နေ သည့်လူနာများထံရောက်ရှိနိုင်စေရေး၊ ရောဂါကာကွယ်ရေး အသိပညာပေးလုပ်ငန်းများကို လှည်းနေလှေအောင်း မြင်းဇောင်းမကျန် ရောက်ရှိနိုင်ရေးအတွက် ဆောင်ရွက်ပေးနိုင်ရမည်စသည်ဖြင့် အဆင့်(၄) ဆင့်ရှိပါသည်။

ထို့အပြင်ရောဂါပိုးရှိနေသူများကို ခွဲခြားနှိမ်ချဆက်ဆံခြင်း၊ လူ့အခွင့်အရေးချိုးဖောက်ခြင်း စသည်တို့ကိုလည်း ပျောက်ပျက်စေရန် ၀ိုင်းဝန်းဆောင်ရွက်ကြဖို့လိုနေပါသေးသည်။ အမေရိကန် ပြည်ထောင်စု ၀ါရှင်တန်ဒီစီမြို့မှာ ကျင်းပခဲ့သည့် (၁၉)ကြိမ်မြောက် အပြည်ပြည်ဆိုင်ရာ AIDS ရောဂါ ဆိုင်ရာညီလာခံကြီး၏ ဆောင်ပုဒ်က “ရေစီးကြောင်းကို အတူပြောင်းကြစို့” “Turning the Tide together”ဟူ၍ဖြစ်ပါသည်။ AIDS တိုက်ဖျက်ရေးမှာ သိပ္ပံပညာရှင်များ၊ မူဝါဒချမှတ်သူများ၊ ပုဂ္ဂလိက ဆိုင်ရာဌာနများနှင့် လူ့အဖွဲ့အစည်းများ အားလုံးက တူညီသည့်ရည်မှန်းချက်ဖြင့် လက်တွဲလုပ်ဆောင် ကြရမည်ဟူသည့် ရည်ရွယ်ချက်ဖြစ်ပါသည်။ “ပြိုင်တူတွန်းလျှင် ရွေ့နိုင်ပါသည်” ဟူသည့် စကားပုံအ တိုင်း မဝေးလှသည့် အနာဂတ်မှာ လှမ်းမျှော်ကြည့် နေနိုင်ပြီဖြစ်သော AIDS ရောဂါ နိဂုံးပိုင်း၏ နိဒါန်း အစပထမကို လျှောက်လှမ်းသွားကြရမှာ ဖြစ်ပါတော့သည်။

 

ဒေါက်တာလွှမ်းမိုးဟန်