ကဖင်းဓာတ်ဟာ ကလေးတွေအတွက်ဘယ်လိုအကျိုးသက်ရောက်မှုတွေရှိသလဲ?

ကဖင်းဓာတ်ဟာ ယနေ့ခေတ်မှာ ရေပန်းစားတဲ့ Energy drinks တွေ ကော်ဖီ လက်ဖက်ရည်စတာတွေထဲမှာပါတဲ့ဓာတ်တစ်မျိုးပါ။သူဟာ ဦးနှောက်နဲ့အာရုံကြောကို နှိုးဆွပေးပြီး လန်းဆန်းစေတဲ့အာနိသင်ရှိတာကြောင့် ပြိုင်ဆိုင်မှုပြင်းထန်ပြီးအချိန်ရှားပါးတဲ့ ယနေ့ခေတ်မှာ ရေပန်းစားတာပဲဖြစ်ပါတယ်။

ဒါပေမယ့် ကဖင်းဓာတ်ဟာ ကလေးတွေအပေါ်အကျိုးသက်ရောက်မှုတွေကတော့ သိပ်မကောင်းလှပါဘူး။

(၁)အိပ်စက်ခြင်းကိုအနှောင့်အယှက်ဖြစ်စေတယ်။

တော်တော်များများသိကြတဲ့အတိုင်းပဲ ညနက်ထိစာကျက်စရာ လုပ်စရာရှိတဲ့နေ့မျိုးတွေမှာ အိပ်ချင်စိတ်ကို ကော်ဖီတစ်ခွက်နဲ့ ကျားကန်ထားဖူးတဲ့လူတွေရှိမှာပါ။ကဖင်းဟာ အိပ်ချင်စိတ်ကိုဟန့်တားထားပါတယ်။ကြီးထွားဖွံ့ဖြိုးမှုအတွက် အိပ်ရေးဝဝအိပ်စက်ဖို့ လိုအပ်တဲ့ကလေးတွေအတွက်တော့ ကဖင်းဟာ အန္တရာယ်ပါ။

(၂)စိုးရိမ်စိတ်ကိုလွန်ကဲစေတယ်။

နဂိုမူလကတည်းက စိုးရိမ်စိတ်လွန်ကဲတဲ့ပြဿ နာရှိတဲ့ကလေးတွေဟာ ကဖင်းကြောင့်ပိုဆိုးနိုင်ပါတယ်။

img

(၃)နှလုံးကိုဒုက္ခပေးတယ်။

ကဖင်းဟာ နှလုံးခုန်နှုန်းမြန်စေပြီး သွေးဖိအားကိုတက်စေပါတယ်။နှလုံးခုန်မမှန်တဲ့ရောဂါအခံရှိတဲ့ကလေးတွေဟာ ကဖင်းကြောင့် နှလုံးထဖောက်နိုင်ပါတယ်။

(၃)အစာစားချင်စိတ်ကို အနှောင့်အယှက်ပေးတယ်။

ကလေးတစ်ယောက်ပုံမှန်ကြီးထွားဖို့ဟာ သင့်တင့်မျှတတဲ့အာဟာရလိုအပ်ပါတယ်။ကဖင်းပါတဲ့ အစားအသောက်တွေကိုစားတာများသွားတဲ့အခါ အစားအသောက်စားဖို့ အာသီသမရှိတော့တာတွေဖြစ်လာနိုင်တဲ့အတွက် ကြီးထွားဖွံ့ဖြိုးမှုကို အဟန့်အတားဖြစ်စေပါတယ်။

(၄)အဝလွန်စေပါတယ်။

ကဖင်းပါတဲ့ Energy drinks တွေမှာ သကြားပါဝင်မှုအလွန်များပါတယ်။ဒါဟာ ကလေးငယ်ကို အဝလွန်ခြင်းဖြစ်စေပြီး အရွယ်ရောက်တဲ့အခါလည်း အဝလွန်ခြင်းရဲ့နောက်ဆက်တွဲရောဂါဝေဒနာတွေကို ခံစားရနိုင်ပါတယ်။

(၅)ရေဓာတ်ခန်းခြောက်စေတယ်။

ကဖင်းဟာ ခန္ဓာကိုယ်ကရေဓာတ်ဆုံးရှုံးမှုကို ပိုဖြစ်စေတဲ့အတွက် ရေဓာတ်ခန်းခြောက်စေပါတယ်။

(၆)ကဖင်းဟာစွဲလမ်းမှုပြဿ နာတစ်မျိုးပါ။

မူးယစ်ဆေးဝါးတွေလိုပဲ ကဖင်းဟာ စွဲလမ်းမှုကိုဖြစ်စေပါတယ်။ကဖင်းဓာတ်မရတဲ့အခါမှာ အနည်းဆုံးခေါင်းကိုက်တာကနေ စိတ်အလိုမကျတာ နုံးခွေနေတာမျိုးအထိဖြစ်စေတတ်ပါတယ်။

ကလေးတွေကို အလွယ်ရတဲ့ Energy drinks တွေ ကော်ဖီ လက်ဖက်ရည်တွေတိုက်မယ့်အစား အာဟာရပြည့်ဝတဲ့ အစားအသောက်ကို ကြပ်မတ်ကျွေးမွေးခြင်းဖြင့် ကျန်းမာသန်စွမ်းတဲ့ကလေးများအဖြစ် ပျိုးထောင်နုိုင်မှာပါ။

ဒေါက်တာပွင့်ဖြိုးကျော်