အိမ်မှာနေတဲ့ ဘိုးဘိုး၊ဘွားဘွားတို့ ဖြစ်တတ်တဲ့ မတော်တဆမှုများ

အသက်အရွယ်ကြီးရင့်လာတဲ့ ဘိုးဘိုး၊ဘွားဘွားများဟာ အိမ်မှာနေရင်းနဲ့ မတော်တဆထိခိုက်မှုတွေရှိတတ်ပါတယ်။ အသက်ခြောက်ဆယ့်ငါးနှစ်နဲ့အထက် လူကြီးတွေဟာ တစ်နှစ်ကို တစ်ကြိမ်မက ချော်လဲတတ်ကြပါတယ်။ ချော်လဲတိုင်း အသက်အန္တရာယ်ရှိလောက်အောင် ပြင်းထန်တဲ့ဒဏ်ရာရမယ်လို့ တစ်ထစ်ချမပြောနိုင်ပေမယ့်

  • တင်ပဆုံရိုး၊ ပေါင်ရိုးနဲ့ လက်ကောက်ဝတ်ရိုးကျိုးခြင်း
  • ပါင်ရိုး နဲ့ ပုခုံးအရိုးလွဲခြင်း
  • ခေါင်းထိခိုက်မိခြင်း နှင့် ပွန်းပဲ့ဒဏ်ရာများရခြင်း
  • ဖူးယောင်ခြင်း၊ အညိုအမဲစွဲခြင်း၊ ဒဏ်ဖြစ်ခြင်း
  • တစ်ခါချော်လဲပြီးသွားတဲ့အခါမှာ ကြောက်လန့်တဲ့စိတ်ကြောင့် နောင်မှာကိုယ်လက်လှုပ်ရှားမှုပြုရမှာကိုကြောက်လန့်သွားခြင်းနဲ့ မိမိကိုယ်ကိုယုံကြည်ချက်ပျောက်ဆုံးသွားခြင်း တို့ဖြစ်တတ်ပါတယ်

သက်ကြီးရွယ်အိုတွေဟာ အိမ်မှာချော်လဲနိုင်တဲ့နှုန်းဟာ လမ်းသွားရင်းဖြစ်နိုင်တဲ့ ယာဉ်တိုက်မှုထက် ဆယ့်နှစ်ဆပိုများပါတယ်။

ဘိုးဘိုး၊ဘွားဘွားတွေ ဘာကြောင့် အိမ်မှာ မတော်တဆမှု ချော်လဲမှုတွေဖြစ်ရသလဲ?

လူကြီးတွေဒီလိုဖြစ်ရတဲ့အကြောင်းအရင်းတွေကတော့

  • အမြင်အာရုံချို့ယွင်းလာခြင်းနဲ့ ခံစားသိမြင်နိုင်မှုလျော့ကျလာခြင်း
  • ကွက်သားတွေအားနည်းလာပြီး အရိုးအဆစ်တွေ တောင့်တင်းကြွပ်ဆတ်လာခြင်း
  • အခြားကျန်းမာရေးပြဿနာများ
  • သောက်သုံးနေရတဲ့ဆေးတွေရဲ့ ဘေးထွက်ဆိုးကျိုးများခံစားရခြင်း
  • အာရုံခံစားမှုလျော့နည်းပြီး မိမိကိုယ်ကို ဟန်ချက်ညီအောင် မထိန်းသိမ်းနိုင်ခြင်း
  • ကိုယ်လက်လှုပ်ရှားမှုနည်းခြင်း
  • အစာအာဟာရမပြည့်စုံခြင်း၊ရေသောက်နည်းခြင်း
  • ကယ်စီယမ်ဓာတ်နည်းခြင်း ( Calcium ဓာတ်ချို့တဲ့ရင် ချော်လဲတဲ့အခါ အရိုးကျိုးလွယ်ပါတယ်)
  • အိမ်ထဲမှာ အလင်းရောင် ကောင်းကောင်းမရတာမျိုး၊ ကြမ်းပြင်မညီတာမျိုး၊ ဖျာကဲ့သို့သော အခင်းတစ်ခုခုကြောင့် ချော်လဲထိခိုက်ခြင်း

စသည်တို့ပဲဖြစ်ပါတယ်။

ဘိုးဘိုး၊ဘွားဘွားတို့ကို ဒီလိုအိမ်တွင်းထိခိုက်မှုတွေမဖြစ်အောင် ဘယ်လိုကာကွယ်ပေးမလဲ?

အထက်ဖော်ပြပါ ဖြစ်စေနိုင်တဲ့ အကြောင်းအရာအများစုဟာ ပြုပြင်ပြောင်းလဲပေးလို့ရပါတယ်။ အဲဒီအချက်တွေကို ဂရုစိုက်ပြီး ပြုပြင်ပေးခြင်းအားဖြင့် ဘိုးဘိုး၊ဘွားဘွားတို့ကို ကာကွယ်ပေးရာရောက်ပါတယ်။ ဒါ့အပြင်

  • လမ်းကိုဂရုစိုက်ပြီး ပုံမှန်လျှောက်ခိုင်းပေးခြင်း
  • ဘိုးဘိုး၊ဘွားဘွားတို့ကို ကျန်းမာပြီး လှုပ်ရှားမှုတွေလုပ်နိုင်အောင် ၊ဟန်ချက်ညီအောင် အာဟာရပြည့်ဝတဲ့ အစားအစာစားစေခြင်း၊ လေ့ကျင့်ခန်းပုံမှန်လုပ်ခြင်း၊ ကျန်းမာရေးစစ်ဆေးပေးခြင်း
  • ဖိနပ်ကို သက်တောင့်သက်သာရှိစေပြီး အံဝင်ခွင်ကျဖြစ်တဲ့ ဖိနပ်များသာ စီးစေခြင်း
  • ဘိုးဘိုး၊ဘွားဘွားတို့ရဲ့ အိပ်ရာနဲ့ ရေချိုးခန်း၊အိမ်သာ သွားတဲ့လမ်းမှာ အလင်းရောင်ကောင်းကောင်းရှိသင့်ခြင်း
  • ကြမ်းခင်းများ၊ဖျာများ၊ကော်ဇောများဟာ ပြဲစုတ်နေတဲ့နေရာရှိရင်၊ အစအနများထွက်နေရင်၊ အပ်ချည်မျှင်များထွက်နေရင် ညှိပြီး ချော်လဲနိုင်လို့ ဂရုစိုက်သင့်ပါတယ်။
  • လူကြီးတို့ရဲ့ မျက်စိကိုလည်း နှစ်စဉ်စစ်ဆေးပေးသင့်ပါတယ်။

အိမ်မှာလူကြီးတစ်ယောက်ချော်လဲတဲ့အခါ?

ကိုယ့်ရဲ့အိမ်မှာ လူကြီးတစ်ယောက်ချော်လဲခဲ့တယ်ဆိုရင် ဘာလုပ်ရမလဲဆိုတာတွေ ပြောပြပေးချင်ပါတယ်။

  • ချော်လဲတဲ့လူကြီးကို အတင်းဆွဲထူတာမျိုး အလျင်စလိုမလုပ်ပါနဲ့။
  • ဘယ်နားတွေအနာတရဖြစ်သွားလဲကြည့်ပါ။ေ ချာ်လဲတဲ့ဘိုးဘိုး၊ဘွားဘွားကို စိတ်ကိုလျှော့ခိုင်းပြီး အသက်ဝအောင်ရှူခိုင်းပါ။ နှာခေါင်းကလေပြင်းပြင်းရှူပြီး ပါးစပ်ကလေပြန်ထုတ်တဲ့နည်းနဲ့ Deep Breathing နည်းလမ်းသုံးပါ။
  • အဲဒီအချိန်မှာ အသားအရောင်ပြောင်းလဲမှုတွေရှိမရှိ၊ အနာတရတွေရှိမရှိ၊ ဖူးယောင်ခြင်း ရှိမရှိကြည့်ပါ။
  • ခေါင်းအောက်မှာ အမှီသဟဲပြုဖို့ cushion တစ်ခုခုနဲ့ခံပါ။
  • ဘိုးဘိုး၊ဘွားဘွားဟာ အလွန်အမင်းနာကျင်ပြီး လုံးဝမလှုပ်ရှားနိုင်ရင် အရေးပေါ်လူနာတင်ယာဉ်ခေါ်ပါ။
  • တကယ်လို့လှုပ်ရှားနိုင်တယ်ဆိုရင် သူတို့ကို ကြမ်းပြင်ကနေ ထနိုင်အောင် အကူအညီပေးပြီး ညင်သာစွာ တွဲထူပါ။
  • ပြီးရင်တော့ဦးခေါင်းကိုထိခိုက်ချင်းရှိမရှိနဲ့ အခြားသော ထိခိုက်မှုတွေရှိမရှိသိရအောင် ဆရာဝန်ပင့်ပြီးဖြစ်ဖြစ်၊ လူနာရဲ့အခြေအနေပေါ်မူတည်ပြီး ဆေးရုံ၊ဆေးခန်းသွားရောက်ပြီးဖြစ်ဖြစ် ကုသမှုခံယူသင့်ပါတယ်လို့ အိမ်မှာနေတဲ့ ဘိုးဘိုး၊ဘွားဘွားတို့ ဖြစ်တတ်တဲ့ မတော်တဆမှုတွေကို ကာကွယ်နိုင်အောင် အရေးကြုံရင် လုပ်ဆောင်နိုင်အောင် ရေးသားလိုက်ရပါတယ်။
  • အားလုံးကျန်းမာပျော်ရွှင်ကြပါစေ။

    မောင်(ဆေး-၁)