ခေါင်းမူးရသည့် အကြောင်းရင်းများ

ခေါင်းမူးခြင်းဆိုသည်မှာ ရုတ်တရက် မိုက်ခနဲဖြစ်သွားခြင်း ၊ ရီဝေဝေဖြစ်ခြင်း ၊ အားနည်းခြင်း၊ မိမိကိုယ်ကို ဟန်ချက်မထိန်းနိုင် ဖြစ်သွားခြင်းတို့ကို ဆိုလိုသည် ။

ခေါင်းမူးခြင်းသည် အသက်ကြီးပိုင်း လူကြီးများအတွက် မကြာခဏ ဆေးခန်းသွားရခြင်း အကြောင်းအရင်း တစ်ခုပဲ ဖြစ်သည် ။ မကြာခဏ မူးဝေခြင်းဟာ သင့်နေ့စဉ်လှုပ်ရှားမှုကို အနည်းနဲ့အများ ထိခိုက်စေနိုင်သည် ။ ဒါပေမယ့် မူးဝေခြင်းဟာ အသက်အန္တရာယ်နဲ့နီးစေတဲ့ လက္ခဏာတစ်ရပ်အေနနဲ့ ရှိခဲပါတယ် ။

ကုသရာတွင်လဲ ဖြစ်ပွားရသည့်အကြောင်းအရင်းနဲ့ လက္ခဏာအပေါ်မူတည်ပြီး ကွဲပြားပါတယ် ။

လက္ခဏာများ

ခေါင်းမူးတယ် ဆိုတဲ့ သူတွေမှာ အောက်ပါ လက္ခဏာရပ်များကို ကြုံတွေ့ရနိုင်ပါတယ် ။

* ပတ်ဝန်းကျင်တစ်ခုလုံး ချာချာလည်နေခြင်း လှုပ်ရှားနေခြင်း

* မိုက်ခနဲ ဖြစ်သွားခြင်း

* ကိုယ့်ခန္ဓာကိုယ် ဟန်ချက် ရုတ်တရက် မထိန်းနိုင်တော့ခြင်း

* လွင့်မျောပြီး ခေါင်းလေးနေသည်ဟု ခံစားရခြင်း

ဒီလက္ခဏာရပ်တွေဟာ လမ်းလျှောက်ခြင်း ရုတ်တရက်ထလိုက်ခြင်း ခေါင်းကို လှည့်ခြင်း အစရှိသည်တို့မှ ရုတ်တရက် ဖြစ်နိုင်ပါတယ် ။ ခေါင်းမူးဝေခြင်းနှင့်အတူ ပျို့ခြင်း အော်ဂလီဆန်ခြင်း အစရှိသည်တို့ပါ တွဲပြီး တွေ့ရပါတယ် ။ ဒါကြောင့် သက်သာစေရန် ထိုင်လိုက်ရတာ လှဲလိုက်ရတာမျိုး လုပ်ပေးရပါတယ် ။

ဘယ်အချိန်မှာ ဆရာဝန်နဲ့ပြမလဲ ?

ယေဘုယျအားဖြင့် ရုတ်တရက် ပြင်းပြင်းထန်ထန် ခဏခဏ ဖြစ်မယ် ဒါမှမဟုတ် အကြောင်းရင်း မယ်မယ်ရရ မရှိဘဲ မူးနေမယ်ဆိုရင် သွားပြသင့်ပါပြီ ။

အကယ်၍ အထက်ပါမူးဝေခြင်း လက္ခဏာများအပြင် အောက်က အချက်များပါ တွဲပြီး ခံစားလာရပါက အရေးပေါ်အခြေအနေဟု ယူဆနိုင်ပါတယ်

* ရုတ်တရက် ပြင်းပြင်းထန်ထန်ခေါင်းကိုက်လာတာ

* ရင်ဘတ်အောင့်တာ

* အသက်ရှူရန်ခက်ခဲတာ

* ခြေလက်တွေ ထုံကျဉ်လာတာလှုပ်ရှားမရတော့တာ

* မေ့လဲသွားတာ

* အမြင်နှစ်ထပ်မြင်တာ

* နှလုံးခုန်နှုန်း မမှန်တာ ၊ အလွန်အမင်း မြန်နေတာ

* စကားပြောတာ မပီသတော့ဘဲ ဝါးလာတာ

* လမ်းမလျှောက်နိုင်တာ လမ်းလျှောက်ရခက်လာတာ

* တောက်လျှောက်အန်တာ

* တက်တာ

* မျက်နှာတစ်ပြင်လုံးထုံတာ အားနည်းနေတာ

ဘာတွေကြောင့်ဖြစ်သလဲ ?

* ရုတ်တရက် သွေးပေါင်ကျဆင်းတာ

* သွေးလှည့်လည်မှု အားနည်းသွားတာ

* ဦးနှောက်နဲ့အာရုံကြောရောဂါတွေ ( ပါကင်န်ဆန်ရောဂါ )

* တချို့ဆေးဝါးတွေ

* စိတ်လှုပ်ရှားမှုများ

* သွေးအားနည်းတာ သံဓာတ်ချို့တဲ့တာ

* သွေးတွင်းသကြားဓာတ်ကျဆင်းသွားတာ

* အပူချိန်မြင့်မားပြီး ရေဓာတ်ခန်းခြောက်နေတာ

* အသက်အရွယ်ကြီးမြင့်တာ

အစရှိသည်တို့ကြောင့် ဖြစ်ပါတယ် ။

မကြာခဏမူးဝေခြင်းဟာ အထူးသဖြင့် သက်ကြီးရွယ်အိုတွေမှာ ပြုတ်ကျ ဒဏ်ရာရစေနိုင်ပါတယ် ။ ထို့အပြင် ကားမောင်းရင်း ကားမတော်တဆမှုများ စက်ပိုင်းဆိုင်ရာကိုင်တွယ်သူများ မှာလဲ အသက်အန္တရာယ်များနိုင်ပါတယ်။ ဒါ့အပြင် ပေါ့ပေါ့ဆဆထားမိပါကလဲ မူးဝေခြင်းကို ဖြစ်စေသည့် ရောဂါအခြေအနေကို ပိုမိုဆိုးဝါးစေနိုင်ပါတယ် ။

အားလုံးကျန်းမာကြပါစေ

ဒေါက်ပီ