ခေါင်းကြီး၊ခေါင်းသေး၊ခေါင်းပြား၊ခေါင်းရှည် ဘာကစိတ်ပူရသလဲမေမေ?

မျက်နှာနဲ့ဦးခေါင်းဟာ ကလေးရဲ့ ပသာဒဂုဏ်တစ်ခုလို့ပြောလို့ရမယ်ထင်ပါတယ်။ ဒီအခါ မိဘတို့က သားသားမီးမီးတို့ရဲ့ ခေါင်းက ကြီးလို့၊သေးလို့၊ရှည်လို့၊ပြားလို့၊တစ်ခြမ်းစောင်းလို့ဆိုပြီး စိတ်ပူတတ်ကြပါတယ်။ ဒါကြောင့် ဦးခေါင်းပုံသဏ္ဍာန်အမျိုးမျိုးအကြောင်းကို ရေးသားလိုက်ပါတယ်။

၁။ ခေါင်းကြီး

ဦးခေါင်းကြီးခြင်းဟာ မျိုးရိုးလိုက်တတ်ပါတယ်။ အဖေခေါင်းကြီး အမေခေါင်းကြီးမို့ ကလေးခေါင်းကြီးတာဟာ စိုးရိမ်စရာမရှိပါ။ ဒါပေမယ့် အရပ်အခေါ် ဦးခေါင်းအတွင်း ရေဝင်ခြင်း (Hydrocephalus) , ဇီးကွက်စိန်လို့ ခေါ်ကြတဲ့ ခေါင်းကြီးလူကိုယ်ကြီး (Soto’s syndrome) စတဲ့ရောဂါတွေမှာ ဦးခေါင်းကြီးတတ်တာကိုသတိထားရပါမယ်။

၂။ ခေါင်းသေး

ခေါင်းသေးခြင်းဟာလဲမိသားစုမျိုးရိုးလိုက်တတ်ပါတယ်။ အန္တရာယ်ရှိတဲ့ခေါင်းသေးခြင်းတွေကတော့ ဦးခေါင်းခွံရိုးများစောစီးစွာဆက်သွားခြင်း (Craniosynostosis)၊ စီပွအကြောသေရောဂါ၊ မွေးရာပါရောဂါမျ (ဥပမာ မွေးရာပါဂျိုက်သိုးစွဲနာရောဂါ) စသည်တို့ပဲဖြစ်ပါတယ်။ အချို့လမစေ့ဘဲမွေးတဲ့ကလေးတွေမှာလည်း ဦးခေါင်းခွံအနေအထားမမှန်တာကြောင့် သေးသယောင်ထင်ရတတ်ပါတယ်။

၃. ခေါင်းပြား (Flat occiput/ Brachycephaly)

ဒေါင်းကလေးလို့ခေါ်ကြတဲ့ Down’s Syndromeကလေးငယ်တွေဟာ ခေါင်းပြားတတ်ကြပါတယ်။ အမြဲတမ်းပက်လက်ထားပြီးသိပ်တဲ့ကလေးအချို့မှာလည်းတွေ့ရတတ်ပါတယ်။

၎. အရှေ့နဲ့အနောက် ရှည်မျောမျောဦးခေါင်း (Scaphocephaly)

လမစေ့ဘဲမွေးတဲ့ကလေးငယ်တွေဟာ ဦးခေါင်းခွံပိုပျော့တာကြောင့် ရှည်မျောမျောလေးဖြစ်နေတတ်ပါတယ်။

၅. ခေါင်းရှည် (Turricephaly)

အချို့ကလေးငယ်တွေမှာ အထက်အောက် ရှည်မျောမျောဦးခေါင်းပုံသဏ္ဍာန်ရှိပါတယ်။ ယျေဘူယအားဖြင့် စ်ုးရိမ်စရာမရှိပါ။

၆. ပြားတဲ့ဘက်ကပြား ဖောင်းတဲ့ဘက်ကဖောင်း ကလေးလေးရဲ့ဦးခေါင်း (Plagiocephaly)

ခေါင်းတစ်ဖက်ကပြား တစ်ဖက်ကပုံမှန်အတိုင်းဖြစ်နေတဲ့ကလေးငယ်တွေကို မြင်ဖူးကြမယ်ထင်ပါတယ်။ ဒါဟာ ကလေးငယ်ကိုတစ်ဖက်စောင်းပြီးသိပ်တာများသွားရင်ဖြစ်တတ်ပါတယ်။ အထူးသဖြင့် လမစေ့ဘဲမွေးတဲ့ကလေးငယ်တွေကို တစ်ဖက်စောင်းသိပ်ရင်ဖြစ်ပါတယ်။ ဦးခေါင်း အုတ်ဆက်တစ်ခြမ်းစောစောပိတ်သွားတဲ့အခါမှာလဲ ခေါင်းတစ်ခြမ်းစောင်းလေးတွေ ဖြစ်တတ်ပါတယ်လို့ တင်ပြရင်း…။

မေတ္တာဖြင့်

စိုင်းမြတ်သူ