သွားချေးယိုးဒယားကခိုင်းကြရအောင်လား

ဒီတစ်ပတ်သွားချေးနဲ့ပတ်သက်ပြီးမေးလာကြသူတွေကတော့ အလုံကပန်ဆုဝေ၊ ပန်းဘဲတန်း က ရာဇာထွန်းလင်း၊ သွားဖက်ဆိုင်ရာတက္ကသိုလ်တတိယနှစ်ကျောင်းသူ မဒီခင်နှင်းနှင်းနဲ့ မုံရွာမြို့ က အေးမြမြလွင်တို့ပဲဖြစ်ပါတယ်။ သူတို့ရဲ့မေးခွန်းလေးတွေကိုပေါင်းစုဖြေဆိုပေးရင်းက၊ သွား ချေးနဲ့ပတ်သက်တဲ့ သိကောင်းစရာလေးတွေကိုတင်ဆက်ပေးလိုက်ပါတယ်။

သူတစ်ပါးကို ပါးရိုက်တော့လိုက်မယ်လို့ခနဲ့တဲ့အခါမှာပဲဖြစ်ဖြစ်၊ မျက်နှာကိုလက်သီးနဲ့ထိုး လိုက်မယ်လို့ ကျီဆယ်လိုက်ရင်ပဲဖြစ်ဖြစ်၊ သွားထဲမှာရှိနေတဲ့သွားချေးကို [ သွားချေးယိုးဒယားက သွား စေရမယ်] လို့တင်စားပြောဆိုတတ်ကြပါတယ်တဲ့။ (ဘယ်လိုလုပ်သွားချေးက ယိုးဒယားအ က ကတတ်ပါ့မလဲနော်)။ တစ်ခုတော့ရှိပါတယ်။ သွားတိုက်တဲ့အခါမှာ သွားကြားထဲကသွားချေး တွေဟာ သွားပွတ်တန်ထိုးရာကို ယိမ်းထိုးလိုက်ပါလှုပ်ရှားရင်းနဲ့ ကနွဲ့ကယ၊ ယိုးဒယားအက က နေသ လိုမျိုးတင်စားမယ်ဆိုရင်တော့ ဖြစ်နိုင်လောက်ချေရှိပါတယ်။ ဒါ့ကြောင့်သွားချေးယိုးဒယား အက ကစေချင်တယ်ဆိုရင် (ပါးရိုက်ရမှာမဟုတ်ဖဲ)။ သွားမှန်မှန်တိုက်ပေးရလိမ့်မယ်လို့ဆိုလိုက် ချင်ပါတယ်။

သွားချေးဘာလို့ဖြစ်ပေါ်လာရတာပါလဲ။
သွားချေးဆိုတာ သွားမျက်နှာပြင်နဲ့သွားကြားတွေထဲမှာ သဘာဝအလျောက် ပေါ်ပေါက်လာ တဲ့ အဖြူရောင်ဖျော့ဖျော့ ဒါမှမဟုတ် ဝါကျင့်ကျင့် ဇီဝအလွှာပါးလေး ( Dental Plaque ) ကို ခေါ် ဆိုတာဖြစ်ပါတယ်။ သွားချေးကို ပုံမှန်မဖယ်ထုတ်ဖဲ(သွားမှန်မှန်မတိုက်ပဲ)ထားခဲ့ရင် သွားပိုးစား ရောဂါနဲ့သွားဖုံးရောဂါတွေဖြစ်လာမှာသေချာနေပါတယ်။ သွားချေးလွှာထဲမှာ ဘက်တီးရီးယားပိုး အမြောက်အများ (စတက်တိုကောကပ်စ်နဲ့ အန်းအေရုပ်ဘ်အမျိုးအစားတွေ) ပါရှိနေပါတယ်။ ဒီ ဘက်တီးရီးယားပိုးတွေက၊ အောက်စီဂျင်မရှိပဲ အသက်ရှုမှုဖြစ်ပေါ်နေတဲ့အခါမှာ အက်ဆစ်ဓါတ် တွေ ထွက်ပေါ်လာပြီး၊ သွားမျက်နှာပြင်ရဲ့ သွား အလွှာလေးကို ဖျက်ဆီးပစ်လိုက်တဲ့အတွက်၊ သွားမှာအပေါက်တွေ ဖြစ်လာစေနိုင်ပါတယ်။ ဒါကို သွားပိုး စားတယ်လို့ခေါ်ဆိုနေကြပါတယ်။ သွားချေးလွာတွေ အထပ်ထပ်စုပုံလာတဲ့အခါမှာ (တံတွေးကမထိုးဖေါက်နိုင်တော့ပဲ) သွားနဲ့ သွား ဖုံး ထိစပ်တဲ့နေရာတွေမှာနဲ့ ၊ သွားကြားတွေထဲမှာ အဝါရင့်ရောင်သွားချေးဂျိုးတွေတွယ် ကပ်နေ ရာယူလာတာကို သွားကျောက်တည်တယ်လို့ခေါ်ဆိုလာကြပြန်ပါတယ်။ သွားချေးလွှာရဲ့ သက် တမ်းရင့်လာတာနဲ့အမျှ ဘက်တီးရီးယားတွေရဲ့ ဖျက်ဆီးနိုင်စွမ်းအားကလည်း ပိုလာပါတယ်။ ဒါ့ ကြောင့် သက်တမ်း ၁၂ နာရီသာရှိတဲ့ သွားချေးလွှာထက်စာရင် ရက်ပေါင်းများစွာ သက်တမ်းရှိ နေပြီးဖြစ်တဲ့ သွားချေးတွေက ပိုမိုဒုက္ခပေးနိုင်တယ်လို့ဆိုကြပါတယ်။ သွားချေးထဲမှာ ဘက်တီးရီး ယားတွေက စွန့်ထုတ်ပစ်ထားတဲ့အက်ဆစ်တွေ၊ အေမီးန်းဓါတ်တွေ၊ မာကက်ပ်တန်ဆိုတဲ့ ဓါတ် တွေပါဝင်နေလို့ အာပုတ်ဆော်နံစော်နေရတာဖြစ်ပါတယ်။ လူတိုင်းမှာသွားချေးရှိနိုင်ပေမယ့် လူ တိုင်းသွားရောဂါမရရှိနိုင်ပါဘူး။ ဆေးလိပ်သောက်သူတွေ၊ ခံတွင်းသန့်ရှင်းမှုနည်းသူတွေ၊ ကိုယ်ခံ စွမ်းအား လျော့ကျနေတဲ့သူတွေနဲ့ ဆီးချိုရောဂါသည်တွေမှာ၊ သွားချေးကြောင့်သွားရောဂါ တွေပို မိုဖြစ်စေတယ်လို့သိထားကြပါတယ်။ လူသားတွေ သွားမတိုက်တတ်ခင်တုံးက အသက်ငယ်ငယ် ရွယ်ရွယ်နဲ့ သွားတွေကျွတ်ထွက်ကုန်လေ့ရှိကြတယ်ဆိုတာကို မှတ်တမ်းတွေမှာတွေ့ခဲ့ဖူးပါတယ် ကွယ်။

သွာချေးကိုမကော်ပဲ (သွားမတိုက်ပဲ)ထားရင်ဘာတွေဖြစ်လာနိုင်ပါသလဲ။
အရင်ဆုံး… ခံတွင်းအာပုပ်နံ့ထွက်လာပါလိမ့်မယ်။ ခုနကပြောသလိုပဲ သက်တမ်းရင့်သွားချေး တွေကြောင့် သွားပိုးစားရောဂါ(Caries) ဖြစ်လာစေနိုင်ပါတယ်။ သွားဖုံးနဲ့သွားကြားထဲမှာ ပြည်ဝပ် ကလေးတွေ တည်လာနိုင်ပါတယ်။ ကိုယ်တိုင်ကော်ထုတ်လို့မရတော့တဲ့ သွားချေးဂျိူးကျောက် (Tar tar)တွေတည်လာပြီးသွားဆရာဝန်ဆီမှာ ကျောက်ခြစ်ရတာမျိုးတွေ ပြုလုပ်ရပါတော့မယ်။ ဒီ ကျောက်တွေကြောင့်သွားဖုံးတွေ ရောင်ယမ်းလာနိုင်သလို၊ သွားကြားထိုးရင် သွေးထွက်လာနိုင်ပါ သေးတယ်။ သွာဖုံးနာတာနဲ့ အစာစားရခက်တာတွေကို ခံစားရပါလိမ့်မယ်။ သွားဖုံးရောင်တာက တဆင့် သွားမြစ်ဝန်းတွေပါရောင်ရမ်းတဲ့ (Periodonditis) ရောဂါရရှိလာပြီး သွားတွေကျွတ်ထွက် ကုန်ရတဲ့အထိဖြစ်သွားရနိုင်ပါတယ်။

သွားကြားထိုးတံနဲ့ သွားချေးကော်သင့်ပါသလား။
သွားကြားထိုးတံက သွားကြားထဲမှာ ကျန်ရစ်ခဲ့တဲ့စာြးွကင်းစားကျန် (အစာဟောင်း) ကိုပဲကော် ထုတ်ပေးနိုင်ပါတယ်။ သွားမျက်နှာပြင်ပေါ်မှာရှိနေတဲ့ သွားချေးဇီဝလွှာကို ပြောင်စင်သွားအောင် ကော်ထုတ်မပေးနိုင်ပါဘူး။ မသန့်ရှင်းတဲ့ သွားကြားထိုးတံတွေကြောင့် သွားဖုံးကိုထိုးမိပြီး ဒဏ်ဖြစ် စေနိုင်ပါသေးတယ်။

သွားချေးသန့်စင်နည်းတွေကို သိချင်ပါတယ်။
အကောင်းဆုံးကတော့ အစာစာပြီးတိုင်း အာလုပ်ကျင်းပေးရုံသာမက သွားတိုက်ပေးနိုင်ရင် အ ကောင်းဆုံးပါပဲ။ ခဏခဏ အစာစားနေတတ်တဲ့ လူသားတွေရဲ့အကျင့်ကြောင့် အစာစားပြီးတိုင်း သွားတိုက်ရမယ်ဆိုတာဟာ လက်တွေ့မှာမဖြစ်နိုင်ပါဘူး။ ဒါကြောင့်အနည်းဆုံးတစ်နေ့ကို ၂ ကြိမ် တော့ သွားတိုက်ပေးသင့်တယ်လို့ ပြောဆိုလာကြပါတယ်။ ဖလိုရိုက်ပါဝင်တဲ့သွားတိုက်ဆေးနဲ့ သွားတိုက်သင့်ပါတယ်။ သွားမျက်နှာပြင်တစ်ခုလုံး (ရှေ့မျက်နှာစာပိုင်း၊ အာခံတွင်းပိုင်း၊ အစာဝါး တဲ့ မျက်နှာပြင်ပိုင်း၊ သွားကြားပိုင်း) အားလုံးကိုပွတ်တိုက်ပစ်ရမှာဖြစ်ပါတယ်။ အနည်းဆုံးနှစ်မိ နစ်လောက် အချိန်ယူပြီး ပွတ်တိုက်ပေးရပါ့မယ်။ နည်းစနစ်မှန်ကန်တဲ့ သွားတိုက်နည်းကို သင် ယူထားဖို့လိုပါအပ်တယ်။ နောက်ထပ် သွားချေးသန့်စင်နည်းတစ်ခုကတော့ သွားပွတ်ကြိုး (Dental Floss) ကိုအသုံးပြုတာပဲဖြစ်ပါတယ်။ သွားပွတ်ကြိုးဆိုတာက နိုင်လွန် ဒါမှမဟုတ် ပလတ်စတစ်ကြိုးခွေထုံး ကလေးကိုခေါ်တာပါ။ ပိုးသန့်စင်ပြီးသား ဗူးလေးတွေထဲမှာထည့်ထားတဲ့ ၁၀ မီတာ၊ ၅၀ မီတာအ ရှည် ကြိုးခွေတွေကိုဝယ်ယူလို့ရနိုင်ပါတယ်။ Floss ကြိုးကို ဘယ်ညာ လက်ချောင်းနှစ်ဘက်မှာ ရစ် ပတ်လိုက်ပြီး သွားမျက်နှာပြင်တလျောက်ပွတ်တိုက်ပေးရပါတယ်။ သွားကြားထဲကို ကြိုးသွင်းထည့် ပြီးသွားရင်၊ သွားအရင်းက နေအဖျားအထိဆွဲပေးရပါတယ်။ ကြိုး ဆွဲနည်းကိုကျွမ်းကျင်သွားရင်.. သွားတွေကိုတစ်နေ့တစ်ခါတော့ Floss သုံးပြီးပွတ်ပေးသင့်ပါ တယ်။ ဒီနည်းက သွားကြားထိုးတံ ထက်စာရင် သွားချေးတွေကိုပိုမိုပြောင်စင်အောင် ဖယ်ထုတ် ပေးနိုင်ပါတယ်။ လက်ကိုင်ပါတဲ့လွှ သွားလိုလို၊ စောင်းကြိုးတပ်ထားသလိုပြု လုပ်ထားတဲ့ သွား ပွတ်ကြိုးမျိုး(Floss Wand)တွေကိုလည်း သုံးလို့ရပါတယ်။

သွားချေးလျော့နည်းအောင် ဘယ်လိုလုပ်ဆောင်သင့်ပါသလဲ။
ခံတွင်းသန့်ရှင်းရေးဟာအရေးကြီးဆုံးပါပဲ။ ပုံမှန်သွားတိုက်တာ၊ အာလုပ်ကျင်းတာ၊ သွားပွတ်တံနဲ့ သွားပွတ်ကြိုးသုံးတာ၊ အားလုံးပါဝင်ပါတယ်။ သွားတွေခိုင်မာလာအောင် ဗီတာမင် ဘီ၊ စီ၊ ဒီ မဂ္ဂ နီဆီယမ်၊ ဇင့် စတဲ့ဓါတ်တွေပါဝင်တဲ့ အစားအစာတွေကို စားပေးရပါ့မယ်။ နို့နဲ့ဒိန်ခဲတွေ စားပေး ခြင်းဖြင့် အက်ဆစ်ဓါတ်တွေကို ဓါတ်ပျက်စေနိုင်ပါတယ်။ အမျှင်ပါတဲ့ အစာတွေကလည်း တံ တွေးထွက်တာကို အားပေးတဲ့အတွက် သွားချေးဖြစ်တာကိုနှောင့်နှေးစေပါတယ်။ သကြားမပါတဲ့ ပီကေဝါးနေခြင်းဟာ သွားချေးဖြစ်မှုကို လျော့နည်းစေပါတယ်။ သကြားများများစားရင် (အချို ရည်တွေများများသောက်ရင်) ခံတွင်းထဲမှာ အချဉ်ပေါက်လာပြီး အက်ဆစ်ဓါတ်ပွားလာစေတတ် ပါတယ်။ ကောက်ညှင်း၊ အာလူး၊ အမဲသား စတာတွေဟာ သွားထဲမှာညပ်နေတတ်တဲ့အတွက် သွားချေးဖြစ်တာကို အားပေးပါတယ်။ ဆေးလိပ်သောက်တာကို ရှောင်ကြဉ်ရပါ့မယ်။ ခြောက်လ တစ်ခါ သွားဆရာဝန်နဲ့ပြသပြီး သွားချေးဂျိုးတွေခြစ်ထုတ်တာ၊ သွားပေါလစ်တင်တာ၊ သွားစစ် ဆေးတာတွေကို လုပ်ဆောင်သင့်ပါတယ်။ နိဂုံးချုပ်အနေနဲ့ ခံတွင်းထဲက သွားချေးကို မှန်မှန် ယိုး ဒယားကခိုင်းခြင်းအားဖြင့် သွားရောဂါဖြစ်ပွားမှုကို ကာကွယ်ထားနိုင်ပါကြောင်း ဆွေးနွေးတင်ပြ လိုက်ရပါတယ်။

ဒေါက်တာမြင့်ဦး (ဂျီပီ)