ကလေးငယ်တွေ သွားဆေးခန်းကို မကြောက်စေဖို့

ဒီနိုင်ငံက ကလေးငယ်အများစုဟာ တစ်ခြားနိုင်ငံတွေက ကလေးငယ်တွေထက် သွားဆေးခန်းကို ပိုကြောက်လေ့ရှိကြပါတယ်။ အဲ့ဒီ ကြောက်တဲ့အစွဲဟာ အသက်ကြီးတဲ့အထိ ပါသွားတဲ့အခါ သွားဆရာဝန်တွေ ကုသပေးရခက်တဲ့ လူနာအမျိုးအစားတွေ ဖြစ်သွားတတ်ကြပါတယ်။

ဒီနိုင်ငံက ကလေးတွေ ဘာကြောင့် သွားဆေးခန်းကို အဲ့လောက်ကြောက်ကြသလဲ။

မိဘအများစုက ကလေးတွေငယ်ရွယ်စဉ်မှာ လိမ္မာအောင် ခြောက်လှန့်ဖို့ သုံးတဲ့စကားတွေထဲမှာ သွားဆရာဝန်တွေဟာ ဗီလိန်အကြီးစားတွေပါ။ ငိုနေတာကို အငိုတိတ်အောင် သွားဆရာဝန်ကို သွားလာနှုတ်ခိုင်းရမလား ဆေးလာထိုးခိုင်းရမလား လို့ခြောက်လှန့်တော့ ကလေးက အငိုတိတ်သွားပေမယ့် စိတ်ထဲမှာ သွားဆရာဝန်တွေဟာ သူတို့ကို နာကျင်အောင်လုပ်မယ့် မကောင်းဆိုးဝါးကြီးတွေအလား ထင်မှားသွားကြပါတယ်။ အဲ့ဒီလို brain wash လုပ်ခံလိုက်ရတဲ့ ကလေးအများစုဟာ သွားဆေးခန်းကို သွားရမှာ အရမ်းကြောက်တတ်သွားကြပါတယ်။

နောက်တစ်ခုက ကလေးတွေကိုဆို သွားဆေးခန်းကို သိပ်ပြီးသွားပြလေ့မရှိတာပါ။ ကလေးတွေဟာ မရင်းနှီးတဲ့အရာ မရင်းနှီးတဲ့ ပတ်ဝန်းကျင်ကိုဆို စူးစမ်းချင်တတ်ကြပေမယ့် သွားဆရာဝန်တွေကို ဗီလိန်နေရာမှာထားပြီး ခြောက်လှန့်ထားကြတော့ သွားဆေးခန်းဟာ မရင်းနှီးပေမယ့် ကြောက်စရာကောင်းတဲ့ နေရာတစ်ခုအဖြစ် စိတ်ထဲစွဲနေတတ်ကြပါတယ်။

ဆိုတော့ မိမိတို့ရင်သွေးလေးတွေရဲ့ သွားကျန်းမာရေးကို သေချာဂရုစိုက်ချင်ရင် ကျန်းမာရေးကိစ္စနဲ့ပတ်သက်တဲ့အရာတွေနဲ့ မခြောက်လှန့်မိဖို့ သတိထားပေးပါ။ ဆရာဝန်တွေ သွားဆရာဝန်တွေကို သူတို့ရဲ့ နုနယ်တဲ့စိတ်ထဲမှာ မကောင်းဆိုးဝါးတွေအဖြစ်မြင်သွားရင် behavior management သုံးပြီး ကုသပေးပေမယ့်လည်း ကိုင်တွယ်ရခက်ခဲတတ်ပါတယ်။ ကလေးငယ်စဉ်ကတည်းက သွားကျန်းမာရေးကို သေချာဂရုစိုက်ပေးပြီး သွားဆေးခန်းကို ခြောက်လတစ်ကြိမ် သို့ တစ်နှစ်တစ်ကြိမ် မှန်မှန်ပြလို့ သွားဆေးခန်းနဲ့ သွားဆရာဝန်နဲ့ ရင်းနှီးနေအောင် လုပ်ပေးထားပါ။ ဒါမှသာ တကယ်တမ်း သွားပိုးဖယ်တဲ့စက်ပစ္စည်းတွေသုံးပြီး ကုရမယ့် အနေအထားတွေ၊ သွားနှုတ်ရမယ့် အနေအထားတွေမှာ အေးအေးဆေးဆေးလွယ်လွယ်ကူကူ ကုသပေးနိုင်မှာ ဖြစ်ပြီး ကလေးရဲ့စိတ်လုံခြုံမှုတွေ သွားကျန်းမာရေးတွေဟာ ကောင်းမွန်နေမှာပါ။

မေတ္တာဖြင့်

သုဈာန်