ငယ်ရွယ်စဉ် လိင်ဆက်ဆံခြင်း၏ဆိုးကျိုးများ

လူပျို အပျိုဖော်ဝင်ချိန် ၁၃-၁၄နှစ်မှစ၍ အသက်၁၈နှစ်မတိုင်မီကြားထဲတွင် လိင်ဆက်ဆံလျှင် ကျန်းမာရေး၊လူမှုရေးနှင့် ပညာရေးတို့တွင် ဆိုးကျိုးများဖြစ်နိုင်ပါသည်။

(၁) လိင်ဆက်ဆံခြင်းမှ ကူးစက်နိုင်သောရောဂါ ဖြစ်နိုင်ခြေပိုများခြင်း

ငယ်ရွယ်ချိန်တွင် လိင်ပညာပေးဗဟုသုတ နည်းပါးသောကြောင့် ကူးစက်နိုင်ခြေပိုများသည်။ ထို့အပြင် လေ့လာတွေ့ရှိချက်များအရ ငယ်ရွယ်စဉ်ဆက်ဆံသူ မိန်းကလေးငယ်အများစု၏ တွဲဖက်သည် အသက်ပို၍ကြီးသောသူများဖြစ်နေတတ်ပြီး အန္တရာယ်ကင်းသော လိင်ဆက်ဆံရေးဖြစ်ရန် ညှိနှိုင်းမရဖြစ်တတ်ပြီး သူတို့အလိုကိုလိုက်လျောရလေ့ရှိသည်။ (ဥပမာ – ကွန်ဒုံးမသုံးပဲဆက်ဆံခြင်း)

(၂) သားအိမ်ခေါင်းကင်ဆာဖြစ်နိုင်ခြေပိုများခြင်း

အသက်၂၀ မတိုင်ခင် လိင်ဆက်ဆံခြင်းသည် သားအိမ်ခေါင်းကင်ဆာဖြစ်နိုင်ခြေပိုများစေသည်။ အဆိုပါကင်ဆာဖြစ်စေသော ဗိုင်းရပ်စ်(human papilloma virus) သည် လိင်ဆက်ဆံခြင်းမှကူးစက်နိုင်သည်။

(၃) ကိုယ်ဝန်ဆောင်ခြင်းနှင့်သက်ဆိုင်သောဆိုးကျိုးများ

ကိုယ်ဝန်ဆောင်ခြင်းမှဖြစ်နိုင်သောဆိုးကျိုးများကြောင့် သေဆုံးမှုနှုန်းသည် အရွယ်မရောက်သေးသူများတွင်ပို၍များသည်။ ၁၅နှစ်နှင့်၁၉နှစ်ကြားတွင်ကိုယ်ဝန်ဆောင်သည်သေဆုံးမှုသည် ၂၀နှင့်၂၄နှစ်ကြား သေဆုံးမှု၏ ၂ဆခန့်ရှိသည်။ ၁၀နှစ်နှင့်၁၄နှစ်ကြား ကိုယ်ဝန်ဆောင်သည်ဆုံးရှုံးမှုသည် အသက်၂၀နောက်ပိုင်းထက် ငါးဆခန့်ပို၍များသည်။ ငယ်ရွယ်ချိန်တွင်ကိုယ်ဝန်ဖျက်ချခြင်းလည်းပို၍များသည်။ ထိုသို့ဖျက်ချခြင်းကြောင့် နောက်ပိုင်းတွင် ကိုယ်ဝန်မဆောင်နိုင်တော့ခြင်း၊ သွေးထွက်လွန်ခြင်း(သို့)ပိုးဝင်ခြင်းတို့ကြောင့်အသက်ဆုံးရှုံးရသည်အထိဖြစ်နိုင်သည်။ အသက်၂၀အောက်တွင်ကိုယ်ဝန်ဆောင်လျှင် စပျစ်သီးသန္ဓေတည်ခြင်းပို၍အဖြစ်များသည်။ ကိုယ်ဝန်ဆောင်နေစဉ်အတွင်းသွေးတိုးခြင်းဖြစ်စေနိုင်ပြီး နောက်ပိုင်းတွင် ကင်ဆာအဖြစ်လည်း
ပြောင်းသွားနိုင်သည်။ ဆယ်ကျော်သက်အရွယ်နှင့်ကိုယ်ဝန်ဆောင်လျှင် လူသိမခံဝံ့ခြင်း (သို့) ရှိသည်ကိုမသိခြင်းတို့ကြောင့် ဗိုက်မအပ်ခြင်းတို့ကြောင့်လည်း ဆိုးကျိုးများဖြစ်နိုင်သည်။ သံဓာတ်အားနည်းခြင်းလည်းဖြစ်တတ်သည်။ ကလေးအတွက်ပိုလိုအပ်သည်သာမကပဲ မိခင်မှာလည်းဖွံ့ဖြိုးဆဲအရွယ်ဖြစ်သောကြောင့် ဖြစ်သည်။ ကိုယ်ဝန်ဆောင်စဉ်သွေးတိုးခြင်း၊ ကိုယ်ဝန်ဆိပ်တက်ခြင်းပို၍အဖြစ်များသည်။ အရမ်းငယ်ရွယ်သောမိခင်များတွင် မွေးလမ်းကြောင်းတစ်လျှောက်ရှိအရိုးများသည်ဖွံ့ဖြိုးဆဲဖြစ်သောကြောင့် မွေးရခက်ခဲခြင်းမျိုးဖြစ်တတ်သည်။

(၄)လူမှုရေးနှင့်ပညာရေးဆိုင်ရာဆိုးကျိုးများ

သူငယ်ချင်း၊လုပ်ဖော်ကိုင်ဖက်များနှင့် လူကြီးများ၏ရှောင်ကြဉ်ခြင်းကိုခံရတတ်သည်။ ကျောင်း တက္ကသိုလ်မပြီးသေးလျှင် ပညာရေးတစ်ပိုင်းတစ်စဖြစ်နိုင်သည်။ ထို့ပြင် လိင်အကြမ်းဖက်ခံရခြင်း၊ အိမ်တွင်းအကြမ်းဖက်မှုခံရနိုင်ခြေများသည်။ မွေးလာသောကလေးကို လစ်လျူရှုထားခြင်းမျိုးလည်းရှိနိုင်သည်။ ဆယ်ကျော်သက်မိခင်များမှမွေးလာသောကလေးများသည် ပညာရေးဆုံးခန်းမတိုင်ခြင်း၊ ဒုစရိုက်မှုကျူးလွန်တတ်ခြင်း နှင့် ဆယ်ကျော်သက်မိဘ ထပ်ဖြစ်နိုင်ခြေများသည်။

(၅) စိတ်ပိုင်းဆိုင်ရာဆိုးကျိုးများ

လက်ထပ်၍အတူနေခြင်းမဟုတ်ပဲ သမီးရည်းစားအဖြစ်နှင့်ဆက်ဆံခြင်း နှင့်လိင်ပိုင်းဆိုင်ရာအကြမ်းဖက်ခံရသူအများစုတွင်တွေ့ရလေ့ရှိသည်။ အချို့မှာ စိတ်ကျရောဂါဖြစ်၍ သတ်သေခြင်းများဖြစ်တတ်သည်။ အချို့မှာ မိမိအပျို လူပျိုဘဝကို တန်ဖိုးမထားတတ်တော့ပဲ ဆက်ဆံဖော်များလာ၍ လိင်မှတဆင့်ကူးသောရောဂါများဖြစ်လာနိုင်သည်။ မိမိကိုယ်ကိုအပြစ်ရှိသလိုခံစားရခြင်းမျိုးလည်းဖြစ်တတ်ပါသည်။
ထို့ကြောင့် ငယ်ရွယ်ချိန်တွင်လမ်းမှားမရောက်စေရန် မိဘအုပ်ထိန်းသူများက အကြံပေးလမ်းညွှန်ရန်လိုအပ်သကဲ့သို့ ဖြစ်လာလျှင်လည်း ဆူပူကြိမ်းမောင်းရုံနှင့်မပြီးပဲ ကျွမ်းကျင်ရာပညာရှင်များထံသို့သွားပြီး လိုအပ်သောစောင့်ရှောက်မှုပြုလုပ်ရန် ဆွေးနွေးခြင်းမျိုးလုပ်သင့်ပါသည်။

မေတ္တာမွန်ဖြင့်
နွေ