အရေးပေါ်ဗိုက်ခွဲမွေးရသည့် အခြေအနေများ

အရေးပေါ်ဗိုက်ခွဲမွေးရတဲ့အခြေအနေဟာ ခုနောက်ပိုင်းမှာ မြင့်တက်လာပါတယ်။ CTG ဆွဲတဲ့အခါ ကလေးမွန်းနေတာကြောင့် ( Fetal Distress ရခြင်း) နဲ့ ကလေးအနေအထားမမှန်ဘဲ ဆုံပိုင်းဖြစ်နေခြင်းနဲ့ အမြွာကိုယ်ဝန်တို့ကြောင့်ဖြစ်ပါတယ်။

ဗိုက်ခွဲမွေးရတဲ့အခြေအနေတွေကတော့

-Cephalopelvis disproportion လို့ခေါ်တဲ့ ကလေးရဲ့ခေါင်းနဲ့ မိခင်ရဲ့တင်ပဆုံကွင်းအရွယ်မမျှခြင်း(ပိန်လွန်း ပုလွန်းတဲ့အမျိုးသမီးများ)

-ကလေးအနေအထားမမှန်ခြင်း (ဆုံပိုင်း၊ကန့်လန့်)

-အမြွာကိုယ်ဝန်ဖြစ်နေခြင်း

-ကိုယ်ဝန်ဆောင်စဉ် အလွန်သွေးတိုးခြင်း

-ကလေးမွန်းခြင်း၊ ကလေးသေးလွန်းခြင်း

-မီးဖွားခါနီးတွင် ဆေးသွင်းရသော Induction of labour မအောင်မြင်ခြင်း

-အရင်ကလည်း ဗိုက်ခွဲမွေးထားခြင်း

-Pevic cyst / fibroid (အလုံး သို့မဟုတ် ရေအိတ်ရှိနေခြင်း)

အရေးပေါ်ဗိုက်ခွဲမွေးတယ်ဆိုတာ ကျန်းမာရေးအခြေအနေအရပဲဖြစ်ရပါတယ်။ မိခင်ရဲ့စိတ်လှုပ်ရှားမှုကြောင့် ဗိုက်ခွဲမွေးချင်တယ်ဆိုတိုင်း ပြုလုက်ပေးလို့မရပါဘူး။

ဒါ့အပြင် ဆုံးဖြတ်ချိန်ကနေ မီးဖွားချိန်အထိ မိနစ်သုံးဆယ်အတွင်း ဆုံးဖြတ်ပြီး ခွဲမွေးပေးရမယ့်အခြေအနေတွေလည်းရှိပါတယ်။ မိခင်ရော ကလေးရောကို ချက်ချင်းအသက်အန္တရာယ်ပေးနိုငိတဲ့ အခြေအနေတွေပါ။အဲဒါတွေကတော့

-Cord Prolapse (ချက်ကြိုးထွက်ကျလာခြင်း)

-မီးဖွားတဲ့ ပထမအဆင့်မှာ Fetal Distress ဝင်ခြင်း(ကလေးအခြေအနေမကောင်းခြင်း)

-မီးမဖွားခင် သွေးများဆင်းခြင်း ( Antepartum Hemorrhage) စတဲ့အခြေအနေတွေပဲဖြစ်ပါတယ်။

မိခင်တိုင်းသတိထားနိုင်ဖို့ အရေးပေါ်ဗိုက်ခွဲမွေးရတဲ့အခြေအနေတွေကို ရေးသားဖော်ပြလိုက်ရပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)