ဖြည့်စွက်စာ

ဖြည့်စွက်စာကျွေးသည် ဆိုသည်မှာ အဘယ်နည်း။
နို့စို့ကလေးများ သာမန်လူကြီးတစ်ယောက်စားသကဲ့သို့ စားနိုင်သော အဆင့်သို့ရောက်အောင် ပျိုးပေးခြင်းကို ဖြည့်စွက်စာကျွေးသည်ဟု ဆိုခြင်းဖြစ်သည်။ သို့သော် ဖြည့်စွက်စာကျွေးစဉ် မိခင်နို့သည် အဓိကအာဟာရဖြစ်ဆဲ ဖြစ်ပါသည်။

မည်သည့်အရွယ်တွင် စတင်ကျွေးရမည်နည်း။
ကလေးအသက် ၆ လပြည့်သည်မှစ၍ မိခင်နို့တစ်မျိုးတည်းဖြင့် အာဟာရမလုံလောက်တော့ပေ။ ထို့ကြောင့် အသက် ၆လ ပြည့်သည်နှင့် တိုက်ကျွေးရပါမည်။

မည်သို့ကျွေးရမည်နည်း။
ကလေးသွားများသည် အသက် ၆လမှ စတင်ပေါက်သဖြင့် ချေထားသောအစားအစာမှ စတင်ကျွေးရပါမည်။

အသက် ၆-၈လ အတွင်း
ကလေးစို့ချင်သလောက် မိခင်နို့ကို ဆက်လက်တိုက်ကျွေးရပါမည်။ ဖြည့်စွက်စာ အနေဖြင့် ထမင်းကို ဆီနည်းနည်းထည့်၍ ပြဲနေအောင် ကျိုကျွေးခြင်း သို့ ဆန်မှုန့်နှင့် ပဲမှုန့် (၄း၁အချိုးဖြင့်) ကို ဆီအနည်းငယ်ထည့်၍ ကျိုကျွေးခြင်း ပြုနိုင်ပါသည်။

•တစ်နေ့ ၂ကြိမ် ၂ဇွန်းခန့် ကို နို့တိုက်ပြီးချိန်တွင်ကျွေးပေးရပါမည်။

အသက် ၈-၁၂လ အတွင်း
• ကလေးစို့ချင်သလောက် မိခင်နို့ကို ဆက်လက်တိုက်ကျွေးရပါမည်။
• ထမင်းပျော့ပျော့ကို ဆီနည်းနည်းဆမ်း၍ ကြက်ဥပြုတ်ပြဲပြဲ၊ ကြက်အသည်း၊ ငါး၊ အသား၊ ပဲများနှင့်ကျွေးနိုင်ပါသည်။ ဟင်းသီးဟင်းရွက်အနည်းငယ်ကို ချေကျွေးပါ။
• သရက်၊ ငှက်ပျော၊ သင်္ဘောသီးများလည်းကျွေးနိုင်ပါသည်။
• မိခင်နို့ ဆက်တိုက်နေပါက တစ်နေ့ ၃ကြိမ်၊ မတိုက်ပါက ၅ကြိမ်အထိ ကျွေးပေးရပါမည်။

အသက် ၁၂လ မှ ၅နှစ်အထိ
• မိခင်နို့ကို အသက် ၂နှစ်အထိ တိုက်ကျွေးသင့်ပါသည်။
• မိသားစုဝင်များ စားသကဲ့သို့ (အစပ်လျော့၍) ထမင်းနှင့် ဟင်းကို တစ်နေ့ ၃ကြိမ် ကျွေးရပါမည်။
• ထို့အပြင် ကြားချိန်များတွင်လည်း အာဟာရပြည့်ဝသော မုန့်များ ကျွေးပေးရပါမည်။ ဥပမာ။ မြန်မာရိုးရာမုန့်များ (ဆန်၊ ပဲ၊ ထန်းလျက်ဖြင့်ပြုလုပ်ထားသောမုန့်များ၊)၊ မြေပဲ၊ ကန်စွန်းဥ၊ ပြောင်းဖူး၊ ငှက်ပျော၊ သင်္ဘောသီးနှင့် ရာသီပေါ် အသီးအနှံများ။

ရီချို(ဆေး ၁)