ဝက်ခြံထွက်တာ သည်နေရာ

ဝက်ခြံထွက်တယ်ဆိုတဲ့ စကားက လူတိုင်းနှင့် စိမ်းမည်မထင်ပါ။ စိတ်ဖိစီးမှုများသောအခါ၊ ဖုန်ထူသောဒေသများသို့သွားသောအခါ၊ ရေမသန့်သောအခါ စသည့် အချိန်များတွင် ပိုထွက်တတ်လေ့ရှိပေသည်။

အများအားဖြင့် ဝက်ခြံထွက်သောအခါ

  • အဆီအိတ်လေးများပိတ်သောကြောင့် လည်းကောင်း၊
  • ဟော်မုန်းအတက်အကျ မညီမျှမှုများကြောင့်သာ ထင်မြင်ယူဆလေ့ရှိကြသည်။

သို့သော် ထွက်ပေါ်လာသောနေရာပေါ်မူတည်၍ ဖြစ်ပွားစေသောအကြောင်းရင်းများကွာခြားတတ်ပါသည်။ တစ်ခါတစ်ရံ ထိုအကြောင်းရင်းများကို ကုသ ဖယ်ရှားသော အခါမှ ဝက်ခြံထွက်ခြင်း လျော့နည်းသက်သာသွားတတ်ပေသည်။ ထို့ကြောင့် ဝက်ခြံထွက်သောနေရာနှင့် ဆက်စပ်လေ့ရှိသော အခြေအနေများကို တွဲဖက်ဖော်ပြလိုက်ပါသည်။

၁။ နဖူး

  • စိတ်ဖိစီးမှုများခြင်းနှင့်
  • အစာခြေစနစ်အားနည်းခြင်းတို့သည် နဖူးပေါ်ရှိဝက်ခြံများ၏ အဓိကအကြောင်းရင်းများ ဖြစ်ကြသည်။

ဆံစပ်နေရာများတွင်မူ

  • ဆံသားပွန်းခြင်း၊
  • ဦးထုပ်ပွန်းခြင်း၊
  • ဆံပင်အလှပြင်ပစ္စည်းများဖြင့် ပိတ်ခြင်းကြောင့်လည်း ဖြစ်တတ်သည်။

ထို့ကြောင့်

  • ညအိပ်ရေးဝဝအိပ်ခြင်း (၇နာရီခန့်အိပ်ခြင်း)
  • စိတ်ဖိစီးမှုနည်းပါးအောင် နေထိုင်ခြင်း
  • ရေများများသောက်ခြင်း
  • လုံလောက်ပြည့်စုံသော အာဟာရပြည့် အစားအစာများစားသုံးခြင်း
  • ကဖိန်းဓာတ်နှင့် ပြုပြင်မွှန်းမံထားသော အချိုရည်သောက်သုံးခြင်းကို ရှောင်ကြဉ်ခြင်း
  • ဦးထုပ်နှင့် ဆံစပ်များကို ဂရုစိုက်ခြင်း (ဥပမာ-ချောင်ချောင်ချိချိ ဦးထုပ်ကို အသုံးပြုခြင်း၊ ဆံပင်လှန်တင်ထားခြင်း စသည်) တို့ကို ပြုလုပ်ပေးခြင်းဖြင့် နဖူးပေါ်ရှိ ဝက်ခြံများကို သက်သာစေသည်။

၂။ ပါးပြင်

ပါးပြင်ရှိ ဝက်ခြံများသည် အသက်ရူလမ်းကြောင်းပုံစံနှင့် ဆက်စပ်နေပါသည်။

  • မြို့တွင်းလမ်းလျှောက်များခြင်း
  • ကားပြတင်းပေါက်ဖွင့်၍ မောင်းခြင်း
  • အိမ်တွင်း လေမသန့်ခြင်း
  • မသန့်ရှင်းသော အသုံးအဆောင်များနှင့် ထိတွေ့ခြင်းများအပြင်
  • ပါးပြင်အောက်ပိုင်းတွင်ဖြစ်ပါက သွားနှင့်ခံတွင်း ကျန်းမာရေးကြောင့်လည်းဖြစ်တတ်ပါသည်။

ထို့ကြောင့်

  • အိမ်တွင်းလေ သန့်ရှင်းအောင်ပြုလုပ်ခြင်း (ဥပမာ- နေ့လည်နေ့ခင်းတွင် လေဝင်လေထွက်ကောင်းအောင် ပြတင်းပေါက်များဖွင့်ထားခြင်း၊ လေသန့်စက်ငယ်လေးများ တပ်ဆင်ခြင်း၊ လေသန့်စေသော အပင်ငယ်များ စိုက်ပျိုးခြင်း စသည်)
  • ပါးနှင့်ထိတွေ့သော ပစ္စည်းများ သန့်ရှင်းအောင် ပြုလုပ်ခြင်း ( ဖုန်း၊ မိတ်ကပ်ပြင်ရာတွင် အသုံးပြုသောပစ္စည်းများ၊ ခေါင်းအုံး၊ မျက်နှာသုတ်ပဝါ စသည်တို့ကို မကြာခဏ သန့်ရှင်းရေးလုပ်ပေးခြင်း)
  • ပုံမှန်မျက်နှာသစ်သည်ထက် ပိုမိုဂရုစိုက်သန့်ရှင်းပေးခြင်းဖြင့် ဝက်ခြံထွက်ခြင်းကို သက်သာစေသည်။

၃။ မျက်ခုံးနှစ်ခုကြားမှသည် မေးစေ့ထိ နေရာများ

သည်နေရာရှိ ဝက်ခြံများသည် အစာခြေစနစ်မညီမျှမှု နှင့် ဓာတ်မတည့်သောအစားအစာများစားသုံးမိခြင်းကို ဖော်ပြနေပါသည်။ ထို့ပြင် ဤနေရာများတွင် အဆီအိတ်များပိုမို ရှိနေသဖြင့် ဝက်ခြံ ပိုမိုဖြစ်ပွားလေ့ရှိသည်။

ထို့ကြောင့် အချို့သော ကျွမ်းကျင်သူများ အကြံပြုထားသည်မှာ

  • နို့နှင့် နို့ထွက်ပစ္စည်းများ၊ အနီရောင်ရှိသောအသားများ၊ အသင့်စားအလွယ်တကူစားသုံးနိုင်သောအစာများ လျော့စားခြင်း
  • ဟင်းသီးဟင်းရွက်များ ပိုမိုစားသုံးခြင်း
  • ချွေးပေါက်ပွင့်စေသော သန့်ရှင်းရေးနှင့် အလှကုန်ပစ္စည်းများ သုံးစွဲခြင်းတို့ဖြစ်ပေသည်။

နှာခေါင်းပေါ်ရှိ ဝက်ခြံများသည် အသည်းနှင့် ကျောက်ကပ်ကိုပါ ချိတ်ဆက်ပြထားသောကြောင့် အသည်းထိခိုက်စေသော အရက်သေစာသောက်သုံးခြင်းနှင့် အစပ်လွန်ကဲသောအစာများစားသုံးခြင်းကို လျော့ချရန်အကြံပြုထားပါသည်။

၎။ မေးစေ့

မေးစေ့ပေါ်ရှိ ဝက်ခြံများသည် လူအများသိထားသော ဟော်မုန်းမညီမျှမှုကြောင့် အဖြစ်များပါသည်။

  • ပုံမှန် အိပ်စက်အနားယူခြင်း
  • ကျန်းမာရေးနှင့် ညီညွတ်သော အစားအစာများ စားသုံးခြင်း တို့အပြင်
  • လိုအပ်ပါက အရေပြားအထူးကုဆရာဝန်၊ သားဖွားမီးယပ် ဆရာဝန်များနှင့် တိုင်ပင်ကာ ဆေးဝါးများ သုံးစွဲနိုင်ပါသည်။

ထို့အပြင်

  • ပူဒီနာ ရေနွေးကြမ်း သောက်သုံးခြင်း
  • အိုမီကာ ၃ ပါသော အားဆေးများ သုံးစွဲခြင်း တို့သည်လည်း အကူအညီပေးနိုင်ပေသည်။

လက်ပေါ်မေးထောက်ခြင်း၊ မေးစေ့ကို လက်ဖြင့် ခဏခဏ ပွတ်ခြင်းများ မပြုလုပ်ရန်လည်း အကြံပြုထားပါသည်။

၅။ ကျော၊ လက်မောင်း၊ ပေါင်

ဟော်မုန်းအတက်အကျများခြင်း၊ မျိုးရိုှးဗီဇကြောင့် ဖြစ်တတ်ပြီး ချွေးနှင့်အဝတ်များ ပွတ်တိုက်မှုကြောင့်လည်း ဖြစ်တတ်ကြသည်။ ဤနေရာရှိ ဝက်ခြံများသည် ဖြေရှင်းရ ကသီတတ်ပေသည်။

  • ပွတ်တိုက်မှုဖြစ်စေသော ကျောပိုးအိတ်၊ ဘေးလွယ်အိတ်များကို ဖိအားဒဏ်ကိုလျော့ချခြင်း
  • သန့်ရှင်း ချောင်ချိသော အဝတ်အစားများ ဝတ်ဆင်ခြင်း
  • ရေချိုး ဆပ်ပြာ၊ အသားရေထိန်းသိမ်းသောပစ္စည်းများ၊ အဝတ်လျော်ဆပ်ပြာ၊ နေရောင်ကာပစ္စည်းများ၏ ချွေးပေါက်ပွင့်စေသော သဘာဝပစ္စည်းပမာဏကို သိရှိသုံးစွဲခြင်း
  • ချည်သား အင်္ကျီများ သတိထားဝတ်ဆင်ခြင်း (လိုအပ်ပါက အင်္ကျီအသားပြောင်းလဲဝတ်ဆင်ခြင်း) တို့ကို ပြုလုပ်သင့်ပါသည်။

ခြေလက်များတွင် ဖြစ်ပါက အခြားသော ရောဂါငယ်လေးများနှင့် မှားတတ်ပါသည်။ ဤနေရာများတွင် ဝက်ခြံများ ကြာရှည်မပျောက်ဘဲရှိနေပါက ဆရာဝန်တစ်ဦးနှင့် တိုင်ပင်ပြသသင့်ပါသည်။

ရီချို(ဆေး ၁)