လူငယ်တွေ အမေးအများဆုံးမေးခွန်းများ – ၃

ရှေ့က ၂ ပိုင်းမှာ မေးခွန်း ၆ ခုကို ဖြေပေးခဲ့ပါတယ်။ လူငယ်တွေ ကျွန်တော့်ဆီ အမေးများတဲ့မေးခွန်းတွေထဲက တချို့ကို ထပ်ဖြေပေးလိုပါတယ်။

၇။ ပါးစပ်နဲ့ဆက်ဆံလို့ ပါးစပ်ထဲ သုက်ရည်ဝင်သွားရင် ကိုယ်ဝန်ရသွားနိုင်လား

သိနေတဲ့သူတွေအတွက်တော့ ရယ်စရာကောင်းတဲ့ မေးခွန်းပေါ့။ ဒါပေမယ့်လည်း သေသေချာချာ သိမနေတဲ့ လူငယ်တွေကတော့ စိတ်ပူတတ်ကြပါတယ်။ ဒီအတွက် ကိုယ်ဝန်ဆိုတာ ဘာကြောင့် ရလာသလဲဆိုတာကို ရှင်းပြချင်ပါတယ်။

မိန်းကလေးတစ်ယောက် အပျိုဖြစ်ပြီဆိုရင် သူ့ရဲ့ခန္ဓာကိုယ်ထဲမှာ တစ်လကိုတစ်ကြိမ် မမျိုးဥကြွေပါတယ်။ အဲဒီမမျိုးဥလေးက သားဥအိမ်ထဲကနေ ကြွေလာပြီးရင် သားဥပြွန်ထဲမှာ စောင့်နေပါတယ်၊ သုက်ပိုးရောက်အလာကိုပေါ့။ တကယ်လို့ အကာအကွယ်မဲ့ လိင်ဆက်ဆံမှုရှိလိုက်ရင် သုက်ပိုးက မွေးလမ်းကြောင်းကနေ သားအိမ်၊ သားအိမ်ကနေမှ သားဥပြွန်ထဲကို ရောက်လာပြီး မမျိုးဥလေးနဲ့ ပေါင်းစပ်မယ်။ ဒါဆို ကိုယ်ဝန်ရသွားမယ်။

ပါးစပ်နဲ့ဆက်ဆံလို့ သုက်ရည်က ပါးစပ်ထဲရောက်သွားပြီး မျိုချမိမယ်ဆိုရင်တော့ ဒါက အစာအိမ်နဲ့ အူလမ်းကြောင်းထဲကိုပဲ ရောက်သွားတာမို့ ဘယ်လိုနည်းနဲ့မှ သားအိမ်ဆီ မရောက်နိုင်ပါဘူး။ ဒီအတွက် လုံးဝကို ကိုယ်ဝန်မရနိုင်ဘူးလို့ပဲ ဆိုရမှာဖြစ်ပါတယ်။ အဲ့လိုမရနိုင်လို့လည်း တချို့စုံတွဲတွေဆို ပါးစပ်နဲ့ဆက်ဆံတဲ့ Oral sex ကို ပိုလုပ်ကြတယ်။ ကိုယ်ဝန်အတွက် စိတ်ချရတယ်လေ။

အဲ့လို ကိုယ်ဝန်မရနိုင်ဘူး ဆိုပေမယ့်လည်း ဒီလို ပါးစပ်နဲ့ဆက်ဆံတာဟာ စိတ်ချရတဲ့ လိင်ဆက်ဆံမှုပုံစံတော့ မဟုတ်ပါဘူး။ ဒီကနေတစ်ဆင့် ရောဂါပိုးတွေ ကူးစက်နိုင်လို့ပါပဲ။ ဒါကြောင့် ပါးစပ်နဲ့ဆက်ဆံမယ်ဆိုရင်တောင်မှ လိင်အင်္ဂါအစွပ်ဖြစ်တဲ့ ကွန်ဒုံးကို သုံးပြီး ဆက်ဆံဖို့ လိုပါမယ်။

၈။ HIV က တံတွေးကနေတဆင့် ကူးနိုင်လား

ဒါကတော့ HIV ပိုးရှိသူနဲ့ နမ်းမိတဲ့အခါ၊ နောက်ပြီး အပေါ်မှာပြောခဲ့သလို ပါးစပ်နဲ့ အကာအကွယ်မဲ့ ဆက်ဆံမှု လုပ်မိတဲ့အခါ စိတ်ပူကြပြီး လာလာမေးကြတဲ့ မေးခွန်းတစ်ခုဖြစ်ပါတယ်။ ယေဘုယျအားဖြင့် ဖြေရရင်တော့ HIV ပိုးဟာ တံတွေးကနေ ကူးစက်နိုင်ချေ အင်မတန်နည်းပါတယ်။ ဒါကြောင့် သာမန်နမ်းရှုံ့တာက ပြဿနာမရှိပါဘူး။ ပြင်းပြင်းထန်ထန်နမ်းမယ်၊ နှုတ်ခမ်းတွေ ပါးစပ်တွေမှာလည်း အနာတွေရှိခဲ့မယ်ဆိုရင်တော့ ကူးစက်နိုင်ချေ ရှိပါတယ်။

ပါးစပ်နဲ့ လိင်ဆက်ဆံမယ်ဆိုရင်လည်း ဒီလိုပါပဲ။ ကူးစက်နိုင်ချေ နည်းပါတယ်။ သို့သော် ဆက်ဆံမှုလုပ်ပေးတဲ့သူရဲ့ ပါးစပ်မှာ အနာဖြစ်နေတာ၊ ပေါက်ပြဲနေတာ၊ သွားဖုံးသွေးယိုနေတာမျိုး၊ ဆက်ဆံမှုလုပ်ခံရသူရဲ့ လိင်အင်္ဂါမှာ အနာဖြစ်နေတာ၊ လိင်ကတစ်ဆင့် ကူးစက်တဲ့ရောဂါတခုခု ရှိနေတာမျိုးဆိုရင်တော့ ကူးစက်နိုင်ချေ ပိုများသွားပါလိမ့်မယ်။

ဒီလိုမျိုး တံတွေးကနေတဆင့် HIV ပိုးကူးစက်မှု မရှိသလောက် နည်းတယ်ဆိုလို့ လုပ်သင့်လုပ်ထိုက်တဲ့ ကိစ္စလို့တော့ မမြင်စေချင်ပါဘူး။ ဒီလိုပါးစပ်နဲ့ လိင်ဆက်ဆံရာကတစ်ဆင့် တခြားသော ရောဂါပိုးတွေ ကူးစက်နိုင်ချေ ရှိပါသေးတယ်။ ဒါကြောင့် အပေါ်မှာဖြေခဲ့သလိုပဲ ပါးစပ်နဲ့ လိင်ဆက်ဆံရင်လည်း လိင်အင်္ဂါအစွပ်ကိုသုံးပြီး ဆက်ဆံတာ နှစ်ဖက်စလုံးအတွက် အန္တရာယ်အကင်းဆုံးပါပဲ။

၉။ ကျွန်တော်နဲ့ ကျွန်တော့်ကောင်မလေး ၃ ရက်လောက် ခရီးအတူထွက်မှာ။ ဟိုမှာ အတူနေဖြစ်မယ်ပေါ့။ ၃ ရက်လောက်ပဲဆိုတော့ ဘာနည်းလမ်းသုံးရမလဲ အစ်ကို

ဒီမေးခွန်းမျိုးကျ လှေနံဓါးထစ် ဘာနည်းသုံးပါဆိုပြီး ဖြေရခက်ပါတယ်။ ရွေးလို့ရတဲ့နည်းတွေပဲ ပြောပြပေးမယ်။ ကောင်လေးနဲ့ကောင်မလေး ခရီးထွက်မယ်။ ပုံမှန်အတူနေတာ မဟုတ်ဘူး။ ဒီခရီးထွက်တုန်းလေးပဲ နေဖြစ်မယ်။ ပြီးရင်လည်း နေတော့မှာမဟုတ်ဘူး။ ဒီလိုမျိုး ရက်ပိုင်းလောက်အတွက်ဆို ဘာတွေသုံးလို့ရသလဲဆို စိတ်အချရဆုံးကတော့ မိန်းကလေးက နေ့စဉ်သောက်ဆေးကတ်ကို တစ်ပတ်လောက် ကြိုတင်ပြီး အသုံးပြုထားတာပဲ။ ဒါဆို ခရီးထွက်တဲ့ရက်ရောက်ရင် အဆင်သင့်ဖြစ်နေမယ်။ ခရီးက ပြန်လာပြီးနောက်ပိုင်း အတူနေဖြစ်တာတွေရှိရင်လည်း ကာကွယ်ပြီးသားဖြစ်မယ်။

ဒီ ၃ ရက်လေးပဲ နေမှာမို့ အဲ့လောက်ထိ ဆေးတွေမသောက်ချင်ဘူးဆိုရင်တော့ ကွန်ဒုံးသုံးပြီး နေလို့ရမယ်။ အတူနေတိုင်း ကွန်ဒုံးသုံး။ ဒါဆို တခြားဘာနည်းမှ သုံးစရာမလိုတော့ဘူး။ ကွန်ဒုံးကျ
ဝယ်ရလွယ်တယ်၊ သယ်ရလွယ်တယ်၊ အသုံးပြုရလည်း လွယ်တယ်။

အဲ့လိုလည်း မသုံးချင်ပြန်ဘူးဆို လုပ်လို့ရတာတစ်ခုက ခရီးသွားတဲ့ရက်ကို မိန်းကလေးရဲ့ ရာသီလာရက်နဲ့ချိန်ပြီး စီစဉ်လို့ရတယ်။ ရက်ရှောင်တာမျိုးပေါ့။ မိန်းကလေးတစ်ယောက်ဟာ ရာသီစပေါ်တဲ့ရက်ကနေ ၇ ရက်အတွင်း ကိုယ်ဝန်ရနိုင်ချေ တအားနည်းတယ်။ ဥပမာ မိန်းကလေးက အောက်တိုဘာ ၃ ရက်နေ့မှာ ရာသီစပေါ်မယ်ဆို ၁၀ ရက်နေ့ထိသည် စိတ်ချလက်ချ အတူနေလို့ရတယ်။ ဒါကြောင့် အဲ့ကြားကာလကို ခရီးထွက်လိုက်ကြ၊ အတူနေလိုက်ကြပေါ့။ ဒါဆို ဘာနည်းမှသုံးစရာ မလိုဘူး။ သို့သော်လည်း ဒီလိုရက်တွက်ပြီး အတူနေဖို့က မိန်းကလေးက ရာသီမှန်နေဖို့ လိုတယ်၊ နောက်ပြီး အမှားအယွင်းဖြစ်ပြီး ကိုယ်ဝန်ရသွားနိုင်ချေ ရှိတယ်ဆိုတာတွေကိုတော့ သိထားရပါမယ်။

နောက်ဆုံးတစ်ခုကတော့ အရေးပေါ်ဆေးကတ် သုံးတာပေါ့။ ဒါကိုတော့ သိပ်အားမပေးချင်ဘူး။ ၃ ရက်နေမယ်၊ နေပြီးတိုင်း ဆေးသောက်မယ်၊ ဒါမှမဟုတ်လည်း နေလို့ပြီးသွားပြီဆိုမှ (၃ ရက်ပြည့်မှ) အရေးပေါ်ဆေးသောက်မယ်ဆိုလည်း ရနိုင်ပါတယ်။ ဒါပေမယ့် ကိုယ်ဝန်ရနိုင်ချေတော့ များတယ်။ ဒါကြောင့် ဒီနည်းကိုတော့ အပေါ်မှာပြောခဲ့တဲ့နည်းတွေ ဘယ်လိုမှ အဆင်မပြေဘူး၊ ဒါမှမဟုတ် အပေါ်ကနည်းတွေ သုံးနေရင်း တခုခုမှားသွားတယ် (ဥပမာ ကွန်ဒုံးပေါက်သွားတာလိုမျိုး) ဆိုမှပဲ အသုံးပြုစေချင်ပါတယ်။

ဒေါက်တာ ဖြိုးသီဟ