သက်ကြီးရွယ်အိုများတွင်အဖြစ်များသော သွားနှင့်ခံတွင်းဆိုင်ရာကျန်းမာရေးပြဿနာများ (အပိုင်း-2)

၆။ သွားကျောက်တည်ခြင်း

အသက်ကြီးပေမယ့်လည်း သွားတွေကျန်နေသေးတဲ့သူတွေရဲ့သွားအခြေမှာ သွားချေးကျောက်တွေ အနည်းနဲ့အများတွေ့ရတတ်ပါတယ်။ သွားချေးကျောက်တွေဟာ ခံတွင်းသန့်ရှင်းရေးအားနည်းလို့ ကျန်နေရစ်တဲ့ စားကြွင်းစားကျန်နဲ့ တံတွေးထဲကထုံးဓာတ်တွေပေါင်းပြီးဖြစ်ပေါ်လာတာဖြစ်ပြီး မဖယ်ထုတ်ရင် ကုသမှုမခံယူရင် အချိန်ကြာလာတာနဲ့အမျှ ခံတွင်းအနံ့ဆိုးလာခြင်း၊ ရေစီးကမ်းပြိုရောဂါဖြစ်လာခြင်း အစရှိတဲ့ နောက်ဆက်တွဲပြဿနာတွေ ကြုံရတတ်ပါတယ်။ သွားကျောက်တည်ခြင်းကို ကာကွယ်ဖို့ရန်က သွားကိုနေ့စဉ်ပုံမှန်တိုက်ပေးဖို့နဲ့ သွားကျောက်အတည်များတဲ့နေရာတွေဖြစ်တဲ့ အောက်ဘက်ရှေ့သွားတွေရဲ့အတွင်းမျက်နှာပြင်နဲ့ အပေါ်အံသွားပါးစောင်ဘက်မျက်နှာပြင်တွေကို သေချာဂရုတစိုက်တိုက်ပေးဖို့လိုပါမယ်။ ခံတွင်းအနံ့ဆိုးခြင်း၊ သွားတိုက်လျှင်သွေးထွက်ခြင်း၊ သွားအခြေတွေမှာ သွားအရောင်နဲ့မတူတဲ့ နို့နှစ်ရောင် အ၀ါရောင်အဖတ်များကို သတိထားမိခြင်းတို့ရှိလာခဲ့ရင်တော့ သွားဘက်ဆိုင်ရာ ဆရာဝန်နဲ့ အမြန်ဆုံးသွားရောက်ပြသသင့်ပါတယ်။

၇။ သွားဖုံးရောဂါများဖြစ်ပွားခြင်း

သွားကျောက်တွေကြောင့် သွားဖုံးသားနိမ့်ကျတာ ရေစီးကမ်းပြိုရောဂါဖြစ်တာတွေအပြင် သွားဖုံးသားနဲ့သွားအမြစ်ကြားအိတ် (Gingiva Pocket) ရဲ့အတိမ်အနက်များနေတာနဲ့ သွားဖုံးသားနိမ့်ကျပြီး သွားအမြစ်တွေပေါ်နေတာတွေဟာလည်း အသက်ကြီးတဲ့သူတွေမှာ အတွေ့ရများတဲ့ သွားဖုံးရောဂါတွေဖြစ်ပါတယ်။ အဆိုပါရောဂါတွေဟာ သွားကိုခိုင်မြဲအောင် ထောက်ပံ့ပေးထားတဲ့သွားမြစ်ဝန်းကျင်တစ်ရှူးတွေကို ဒုက္ခပေးဖယ်ရှားပစ်တာမို့ သွားတွေဟာ နဲ့လာပြီး မနှုတ်ရဘဲနဲ့ သွားတွေ အလိုအလျောက်ကျွတ်ထွက်သွားနိုင်ပါတယ်။ ငယ်စဉ်ကတည်းက သွားနှင့်ခံတွင်းကို စနစ်တကျ ဂရုစိုက်ပြီး သွားဘက်ဆိုင်ရာ ဆရာဝန်နဲ့ ခြောက်လတစ်ကြိမ်ပုံမှန်ပြသစစ်ဆေးခြင်းအားဖြင့် အဆိုပါ သွားနှင့်ခံတွင်းရောဂါများကို ကာကွယ်ကုသနိုင်ပါတယ်။

၈။ အံကပ်များမမြဲခြင်း

အံကပ်ဆိုတာက သက်ကြီးရွယ်အိုတွေရဲ့ Assessories လို့ဆိုရလောက်အောင် အသက်အရွယ်ကြီးရင့်ပြီး သဘာဝသွားတွေ ပျက်စီးဆုံးရှုံးကုန်တဲ့သူအများစုက အံကပ်ကိုယ်စီတပ်လေ့ရှိကြပါတယ်။ တစ်ချို့ဆိုရင် အပိုတွေဘာတွေပါ ပြုလုပ်ပြီးဆောင်ထားတတ်ကြပါတယ်။ အံကပ်တပ်ဆင်ခြင်းဟာ အစားဝါးတဲ့နေရာနဲ့ ရုပ်ဆင်းအင်္ဂါကို ပြည့်ဖြိုးအောင်ကူညီပေးသော်ငြား တစ်ခါတစ်လေ အံကပ်မမြဲခြင်းကို ကြုံရတတ်ပါတယ်။ ဘာလို့အံကပ်မမြဲသလဲဆိုရင် အံကပ်ကိုပုံမှန်တပ်ဆင်ခြင်းမရှိဘဲ ချွတ်ထားတဲ့အချိန်က ပိုများနေတာတို့၊ ချွတ်ထားတဲ့အချိန်မှာလည်း ရေမစိမ်ထားတာတာကြောင့် အံကပ်အနည်းငယ်ကျုံ့သွားတာတို့၊ အကြောင်းအမျိုးမျိုးကြောင့် မူလပုံစံကနေတွန့်လိမ်ပုံပြောင်းသွားတာတို့၊ လူရဲ့ဇီဝကမ္မဖြစ်စဉ်အရ ခံတွင်းထဲရှိ တစ်ရှူးများ ပုံစံပြောင်းလဲသွားပြီး အံကပ်ကနဂိုအတိုင်းရှိနေခဲ့လို့ တပ်ဆင်ရာမှာ အံမကျတော့တာတို့ ကြောင့် အံကပ်မမြဲခြင်းဖြစ်ပေါ်တတ်ပါတယ်။

၉။ ခံတွင်းခြောက်ခြင်း

အသက်ကြီးတဲ့သူတွေမှာ တံတွေးအကျိတ်တွေကောင်းကောင်း အလုပ်မလုပ်တော့တာကြောင့် တံတွေးအထွက်နည်းပြီး ခံတွင်းခြောက်တာတွေဖြစ်တတ်ပါတယ်။ တစ်ခါတစ်လေကျတော့ သောက်နေကြဆေးတွေကြောင့်လည်း တံတွေးအထွက်နည်းပြီး ခံတွင်းခြောက်တာ ဖြစ်တတ်ပါတယ်။ ခံတွင်းခြောက်ခြင်းဟာ သွားပိုးစားရောဂါကို ပိုမ်ိုဖြစ်ပွားစေတာမို့ သေချာဂရုစိုက်သင့်ပါတယ်။ ရေများများသောက်ခြင်း၊ သွားဘက်ဆိုင်ရာ ဆရာဝန်ထံ ခြောက်လတစ်ကြိမ် ပုံမှန်ပြသပြီး စစ်ဆေးကုသမှု ခံယူခြင်းတို့ကို ပြုလုပ်သင့်ပါတယ်။

၁၀။ ခံတွင်းကင်ဆာ

ခံတွင်းကင်ဆာဟာ မြန်မာနိုင်ငံမှာသာမက ကမ္ဘာတစ်ဝှန်းမှာပါ အသက်ကြီးတဲ့သူတွေဆီမှာ တွေ့ရများတဲ့ သွားနှင့်ခံတွင်းဆိုင်ရာ ရောဂါဆိုးတစ်ခုဖြစ်နေပါတယ်။ လူနေမှုပုံစံပြောင်းလဲလာခြင်း၊ ကွမ်းစား ဆေးလိပ်သောက်ခြင်းတို့ကြောင့် ဖြစ်ပေါ်လာတဲ့ ခံတွင်းကင်ဆာရောဂါဟာ အသက်အန္တရာယ်ကို ခြိမ်းခြောက်ရုံသာမက ကုသမယ်ဆိုရင်လည်း ပေးဆပ်ရမှုကများတာမို့ ငယ်စဉ်ကတည်းက မကောင်းတဲ့ ကျန်းမာရေးဆိုင်ရာ အမူအကျင့်တွေကို ပယ်ရှားပြီး ခန္ဓာကိုယ်ကျန်းမာရေးအလေ့အကျင့်ကောင်းတွေကို လိုက်နာဆောင်ရွက်သင့်ပါတယ်။

အသက်ရှည်ရှည်နေရခြင်းဟာ ဆုလာဘ်တစ်ခုဖြစ်သော်ငြား အနာရောဂါထူပြောနေခြင်းဟာ ပြစ်ဒဏ်တစ်ရပ်ဖြစ်တာမို့ အသက်ရှည်ရာ အနာမဲ့ကြောင်း ဆုလာဘ်ကောင်းကို ပိုင်ဆိုင်နိုင်ဖို့ဆိုတာ မိမိအပေါ်မှာပဲ မူတည်ပါတယ်လို့ စေတနာနဲ့ သတိပေးလိုက်ပါရစေခင်ဗျာ။

Dr. သုဈာန်