အမျိုးသမီးအများစု စိတ်ဓာတ်ကျလေ့ရှိတဲ့ အခြေအနေအကြောင်းတရားများ

အရွယ်ရောက်ပြီးအမျိုးသမီးတွေဟာ အမျိုးသားတွေထက် စိတ်ဓာတ်ကျဆင်းတဲ့ဝေဒနာကို နှစ်ဆပိုမိုခံစားရလေ့ရှိပါတယ်။စိတ်ကျအမျိုးသမီးတွေဟာ သတ်သေဖို့မအောင်မြင်သည့်တိုင် အကြိမ်ကြိမ်ကြိုးစားလေ့ရှိကြပါတယ်။

ဘယ်လိုအမျိုးသမီးတွေမှာစိတ်ကျဝေဒနာပိုဖြစ်တတ်သလဲ?

-မိသားစုထဲမှာ စိတ်ရောဂါရှိသူရှိတာ

-အသက် ၁၀ နှစ်မတိုင်ခင် မိဘတွေကိုဆုံးရှုံးလိုက်ရတာ

-ရောဂါကြောင့်ဟော်မုန်းဆေးဝါးတွေ သောက်သုံးနေရတာ

-ကလေးဘဝက စိတ်ပိုင်း ရုပ်ပိုင်းဆိုင်ရာ အနိုင်ကျင့်စော်ကားခံခဲ့ရတာ စသဖြင့်ပါ။

ဒါတွေဘာကြောင့်ဖြစ်ရသလဲ။

(၁)Biological cause(ဇီဝဗေဒဆိုင်ရာ အကြောင်းတရား)

အမျိုးသမီးတွေဟာ ဘဝတစ်လျှောက်လုံး ဟော်မုန်းအပြောင်းအလဲကို ခါးစည်းခံရပါတယ်။အပျိုဖော်ဝင်ချိန်မှစ ရာသီလာချိန် ကလေးမွေးချိန် သွေးဆုံးချိန် စသဖြင့် ဟော်မုန်းအတက်အကျတွေများတာဟာ စိတ်အပြောင်းအလဲတွေဖြစ်ဖို့တွန်းအားပေးပြီး စိတ်ကျဝေဒနာကို ဖြစ်စေပါတယ်။

တစ်ချို့သော မျိုးရိုးဗီဇတွေဟာလည်း စိတ်ကျဝေဒနာကိုဖြစ်စေတဲ့ gene တွေပါဝင်တယ်လို့ဆိုပါတယ်။

နာတာရှည်ရောဂါ မသန်စွမ်း တစ်ခုခုခံစားရတဲ့ အမျိုးသမီးတွေဟာလည်း စိတ်ကျဝေဒနာခံစားရနိုင်ပါတယ်။

(၂)Psychological cause(စိတ်ပိုင်းဆိုင်ရာအကြောင်းတရားများ)

အမျိုးသမီးတွေဟာ စိတ်ထိခိုက်ခံစားလွယ်တာနဲ့အညီ အမျိုးသားတွေထက်ပိုပြီးတော့ စိတ်ကျဝေဒနာခံစားရလေ့ရှိပါတယ်။

(၃)Social causes(လူမှုရေးဆိုင်ရာ အကြောင်းတရားများ)

  • ချစ်သူ အိမ်ထောင်ဖက် မိသားစုနဲ့အဆင်မပြေတာ
  • ကွာရှင်းထားတာ
  • အလုပ်အကိုင်အဆင်မပြေတာ
  • ငွေကြေးအဆင်မပြေတာ
  • ချစ်ခင်ရင်းနှီးရသူတစ်ယောက်ဆုံးရှုံးလိုက်ရတာ စတာတွေဟာစိတ်ကျဝေဒနာကို ဖြစ်ပေါ်စေပါတယ်။
  • အမျိုးသမီးအပေါ်ဖိနှိပ်ခွဲခြားဆက်ဆံတတ်တဲ့ ပတ်ဝန်းကျင်တွေဟာလည်း အမျိုးသမီးတွေ စိတ်ကျဝေဒနာခံစားရဖို့ တွန်းအားပိုပေးပါတယ်။

အမျိုးသမီးတွေဟာ မိသားစုတစ်ခုမှာ ကဏ္ဍအမျိုးမျိုးကနေ ပါဝင်ဆောင်ရွက်နေရသူတွေဖြစ်တဲ့အတွက် စိတ်ကျဝေဒနာခံစားရတဲ့အခါချစ်ခင်ရင်းနှီးသူတွေရဲ့ ဖေးမကူညီမှုကို လိုအပ်ပါတယ်။

Dr.ပွင့်ဖြိုးကျော်