မြန်မာနိုင်ငံရှိ အမျိုးသားများတွင် ဖြစ်သော ကင်ဆာများထဲတွင် ၆ ခုမြောက် အဖြစ်အများဆုံးကင်ဆာ အမျိုးအစားသည် အူမကြီးကင်ဆာဖြစ်နေပါသည်။

အူမကြီးကင်ဆာ ဖြစ်ပွား ပြန့်ပွားပုံ
အသက်အရွယ်
• အဖြစ်အများဆုံးအရွယ်မှာ ၆၀-၇၉ နှစ်အတွင်းအရွယ် ဖြစ်ပါသည်။
• ရောဂါ၏ ၂၀ ရာခိုင်နှုန်းခန့်သည် အသက် ၅၀နှစ်အောက်တွင် တွေ့ရလေ့ရှိပါသည်။
• အသက်ငယ်သူများတွင် ဖြစ်လေ့မရှိသော်လည်း နာတာရှည် အူနာရောင်ရောဂါ ရှိသူများ၊ အူတွင် အလုံးများဖြစ်သော မျိုးရိုးလိုက်ရောဂါ ရှိပါက အသက်ငယ်ရွယ်စဉ် ဖြစ်တတ်ပါသည်။
ကျား/မ
အမျိုးသားများတွင် ပိုဖြစ်လေ့ရှိပါသည်။ အမျိုးသား ၂ယောက်ဖြစ်လျှင် အမျိုးသမီး ၁ယောက်ဖြစ်လေ့ရှိပါသည်။
ဒေသ
• ကမ္ဘာ့နေရာတိုင်းတွင် ဖြစ်နိုင်သောရောဂါဖြစ်ပါသည်။
• အမေရိကန်နှင့် အရှေ့ဥရောပဒေသများတွင် ဒုတိယအဖြစ်အများဆုံး ဖြစ်ပါသည်။
• သို့သော် ဂျပန်၊ အရှေ့တောင်အာရှဒေသများတွင် အဖြစ်နည်းပါသည်။

ရောဂါဖြစ်ပွားပုံ
၁။ အူမကြီးနံရံတွင် ကင်ဆာပြောင်းနိုင်သောအလုံးများ ဖြစ်လာခြင်း၊
၂။ အူမကြီးနံရံတွင် အလုံးများစွာဖြစ်သော မျိုးရိုးလိုက်သောအူမကြီးရောဂါ အခံရှိခြင်း၊
၃။ နာတာရှည် အူမကြီး ရောင်၍ အနာဖြစ်သော အူနာရောင်ရောဂါ အခံရှိခြင်း၊
၎။ အူမကြီးနှင့် အခြားကင်ဆာမျိုးရိုးရှိခြင်း စသည့် အခြေအနေများသည် အူမကြီးကင်ဆာ ပို၍ဖြစ်နိုင်သောအခြေအနေများဖြစ်ပါသည်။
ထိုမျှမက
၅။ အူမကြီးကင်ဆာရောဂါသည် အစားအသောက်ပေါ်များစွာမူတည်ပါသည်။
• အရောင်ချွတ်ထားသော၊ ဆွတ်ဆွတ်ဖြူအောင်ဖွတ်ထားသော ဆန်နှင့် ဆက်စပ်အစားအစာများ များစွာ စားသုံးခြင်း
• အနီရောင်ရှိသော အသားများစားသုံးခြင်း
• လိုအပ်သည်ထက်ပို၍ စားသုံးခြင်း( ထို့ကြောင့် အဝလွန်သူများတွင် အန္တရာယ်ပိုများပါသည်။)
• အသီးအရွက်မှ အမျှင်ဓာတ်စားသုံးမှု လျော့နည်းခြင်း
• ဓာတ်လျော့စေသော ဗီတာမင်ဓာတ်များစားသုံးမှု လျော့နည်းခြင်း(ဥပမာ- ဗီတာမင် အေ၊ စီ၊ အီး)
• အရက်သောက်သုံးခြင်း
• ဆေးလိပ်သောက်သုံးခြင်း တို့သည် ကင်ဆာရောဂါကို အဖြစ်များစေသောကြောင့် ရောဂါမဖြစ်အောင်
သင့်လျော်သော အစားအသောက်များရွေးချယ်စားသုံးရန် အထူးလိုအပ်ပါသည်။

ရောဂါဖြစ်ရာနေရာ
အူမကြီးကင်ဆာ သည် အူမကြီးတစ်လျောက် မည်သည့်နေရာတွင်မဆိုဖြစ်နိင်ပါသည်။
ညာဘက်အူမကြီး၊ အလယ်ကန့်လန့်ဖြတ် အူမကြီး၊ ဘယ်ဘက် အူမကြီး၊ အစာဟောင်းအိမ်နှင့်ဆက်နေသော ကောက်သွားသောအူမကြီး နှင့် အခြားနေရာများဟူ၍ အူမကြီးကို အပိုင်းများခွဲထားသော်လည်း အဓိကအားဖြင့် ဘယ်ဘက်ခြမ်းနှင့် ညာဘက်ခြမ်းဟုခွဲခြားသတ်မှတ်လေ့ ရှိပါသည်။
အထူးသဖြင့် အူမကြီးဘယ်ဘက်ခြမ်းသည် ကင်ဆာဝေဒနာကို ပို၍ခံစားရလေ့ရှိပါသည်။
ရောဂါနုစဉ် ရောဂါလက္ခဏာမပြဘဲ အချိန်ကြာရှိနေတတ်ပြီး ကင်ဆာအဆင့်မြင့်လာမှသိရှိသည်လည်း ရှိလေ့ရှိပါသည်။
ဘယ်ဘက်ခြမ်းအူမကြီးတွင်ဖြစ်ပါက
• ဝမ်းသွားပုံပြောင်းသွားခြင်း(ဝမ်းချုပ်ပြီးနောက် ဝမ်းလျောခြင်း)၊ ဝမ်းကျန်သလို ခံစားရခြင်း၊
• ဝမ်းတွင်းသွေးပါခြင်း၊
• ဝမ်းဗိုက်အောက်ပိုင်း နာကျင်ခြင်း၊
• အူပိတ်ခြင်း
• အူပေါက်ခြင်း၊
• အူလမ်းကြောင်းနှင့် ဆီးလမ်းကြောင်းဆက်၍ ပေါက်သွားခြင်း စသည်လက္ခဏာများပြတတ်ပြီး
ညာဘက်ခြမ်းအူမကြီးတွင် ဖြစ်ပါက
• အားနည်းခြင်း၊ ကိုယ်အလေးချိန်ကျသွားခြင်းစသော မသိမသာ လက္ခဏာများ၊
• သွေးတစိမ့်စိမ့်ထွက်ကာ သံဓာတ်အားနည်းတတ်ခြင်း၊
• ဗိုက်ညာဘက်တွင် အလုံးများစမ်းမိခြင်း စသည်ဖြင့် မထင်ရှားသော လက္ခဏာများပြတတ်ပါသည်။
အခြားသောကင်ဆာများကဲ့သို့ ကင်ဆာလက္ခဏာများ၊ ပြန့်သွားသောလက္ခဏာများလည်း ပြတတ်ပါသည်။

အူမကြီးကင်ဆာရောဂါကို မည်သို့စစ်ဆေးသိရှိနိုင်မည်နည်း။
• စအိုအတွင်း လက်နှိုက်စစ်ဆေးခြင်း- လက်တစ်ချောင်းအရှည်အတွင်း အလုံးအကျိတ်များရှိပါက စမ်းမိနိုင်ပါသည်။
• စအိုတွင်းသို့မှန်ပြောင်းထည့်ကြည့်ခြင်း
• Barium ဟုခေါ်သော ဆေးရည်ကို စအိုမှ သွင်း၍ ဓာတ်မှန်ရိုက်ကြည့်ခြင်း
• အူမကြီးမှန်ပြောင်းကြည့်ခြင်းနှင့် အသားစယူစစ်ဆေးခြင်း
• USG တီဗွီဓာတ်မှန်ရိုက်ခြင်း
• ကွန်ပြူတာဓာတ်မှန်ရိုက်ခြင်း
• ကင်ဆာနှင့်ဆိုင်သော သွေးတွင်းဓာတ်များစစ်ဆေးခြင်း တို့ဖြင့် ကင်ဆာရောဂါကို တွေ့ရှိနိုင်ပါသည်။
ထို့အပြင် အခြားသောကုသမှုဆိုင်ရာစစ်ဆေးမှုများကိုလည်း လိုအပ်သလို စစ်ဆေးမှုခံယူရပါမည်။

အူမကြီးကင်ဆာကို အောက်ပါအတိုင်းအဆင့်ခွဲထားပါသည်။
အဆင့်
အေ အူမကြီးအတွင်းဆုံးနံရံတွင်သာ ကင်ဆာရှိခြင်း
ဘီ အူမကြီးနံရံအတွင်းသို့ ထိုးဖောက်ဝင်ရောက်နေခြင်း
စီ အဆင့် ဘီ+ပြန်ရည်လုံးများသို့ ပြန့်နေခြင်း
ဒီ အခြားနေရာများသို့ ပြန့်သွားခြင်း

အူမကြီးကင်ဆာ ကုသမှုများ
အခြားကင်ဆာများကဲ့သို့ပင် အဓိကကုသမှုမှာ ခွဲစိတ်ကုသမှုပင်ဖြစ်ပါသည်။
၁။ ခွဲစိတ်ကုသခြင်း
• လူနာ၏ကျန်းမာရေးအခံ( နှလုံးကောင်းမကောင်း၊ အာဟာရပြည့်စုံမှုရှိမရှိ၊ အသက်အရွယ်၊ ခံနိုင်ရည်အားရှိမရှိ)၊
• ကင်ဆာ၏အဆင့် ပေါ်မှုတည်၍ခွဲစိတ်ကုသမှုပြုနိုင် မပြုနိုင် ဆုံးဖြတ်ရပါသည်။
ခွဲစိတ်မှုများသည် တစ်ခါတစ်ရံ တစ်ခါတည်းခွဲပြီးနိုင်သကဲ့သို့ ၂ကြိမ် ၃ကြိမ်အထိ ခွဲခန်းဝင်ရသည်လည်း ရှိပါသည်။
၂။ ဓာတ်ရောင်ခြည်ဖြင့်ကုသခြင်း
၃။ ကင်ဆာဆေးသွင်း၍ ကုသခြင်း
၂ နှင့် ၃ ကုသမှုသည် ရောဂါကို အပြီးသတ်ကုသခြင်းမဟုတ်ဘဲ ခွဲစိတ်၍ ကြွင်းကျန်သော အစိတ်အပိုင်းများအား ကုသခြင်း၊ မခွဲခင် အကြိုကုသခြင်း၊ ကင်ဆာကိုသက်သာရုံ ကုသခြင်းများတွင် ပို၍ အသုံးပြုလေ့ရှိပါသည်။
ရီချို(ဆေး ၁)