နာတာရှည် အဆုတ်ပွခြင်း

နာတာရှည် အဆုတ်ပွခြင်း ဆိုသည်မှာ အောက်ဆီဂျင်နှင့် ကာဗွန်ဒိုင်အောက်ဆိုဒ်ဓာတ်ငွေ့ကို စစ်ထုတ်ပေးနေသော အဆုတ်ရှိ လေအိတ်ငယ်လေးများ ပျက်ဆီး၍ ကောင်းစွာ အလုပ်မလုပ်နိုင်သော နာတာရှည် အဆုတ်ရောင်ရောဂါဖြစ်ပေသည်။
ဤရောဂါသည်
-ဆေးလိပ်သောက်သုံးခြင်း
လေထုညစ်ညမ်းခြင်း၊ (ဥပမာ- လောင်စာမီးခိုးများရူရှိုက်ခြင်း၊ ခြင်းဆေးခွေနှင့် အခြားသော ဓာတ်ငွေ့များ)
-အလုပ်ပတ်ဝန်းကျင်ရှိ မီးသွေးမှုန့်၊ ကျောက်မှုန့်စသည်တို့ ရူရိူက်ရခြင်း
-အဆုတ်ဖွံ့ဖြိုးဆဲအချိန်တွင် ထိခိုက်ခြင်း( ကိုယ်ဝန်ဆောင်မိခင် ဆေးလိပ်သောက်ခြင်း၊ ကလေးအရွယ်တွင် အဆုတ်ရောဂါများဖြစ်ခြင်း စသည်)
-ပိုးကြောင့် ဖြစ်သောအဆုတ်ရောဂါများဖြစ်ဖူးခြင်း
-ဆေးရွက်ကြီးရူခြင်း စသည်ဖြင့် အချိန်ကာလကြာရှည် အသက်ရူသော လေထုတွင်းရှိ ညစ်ညမ်းမှုကြောင့် အဓိက ဖြစ်ပွားတတ်ခြင်း ဖြစ်ပြီး
-မျိုးရိုးဗီဇကြောင့်လည်း အနည်းငယ်ပါဝင်တတ်ပါသည်။

ထို့ကြောင့် ဖော်ပြပါသူများသည် အသက် ၄၀ကျော် အရွယ်
-ချောင်းဆိုး သလိပ်ထွက်ခြင်း (ဆေးလိပ်သောက်သူများတွင် ဆိုးလေ့ရှိသော ချောင်းဆိုးခြင်းမျိုး)
-အသက်ရူခက်ခဲခြင်း၊
-မောခြင်းဖြင့် ရောဂါလက္ခဏာပြပါက နာတာရှည် အဆုတ်ပွခြင်းဖြစ်နေတတ်ပါသည်။
*တစ်ခါတစ်ရံ ချောင်းဆိုးသွေးပါခြင်း ဖြစ်တတ်ပါသည်။ (ထိုသို့ဖြစ်ပါက အဆုတ်ကင်ဆာ၊ အဆုတ်တီဘီ စသော အခြားသော ချောင်းဆိုးသွေးပါတတ်သော ရောဂါများ စစ်ဆေးရန်လည်း လိုအပ်ပါသည်။

ထို့အပြင်
-အရိုးပွခြင်း
-ကိုယ်အလေးချိန်ကျဆင်းခြင်း
-ခြေလက်ဖောခြင်း
-သွေးကြောများမာခြင်း
-ကြွက်သားများသိမ်ခြင်း စသည်ဖြင့် အခြားသောကိုယ်အစိတ်အပိုင်းများတွင်လည်း ထိခိုက်မှု တွေ့ရတတ်ပါသည်။

ထို့ကြောင့် ဤရောဂါသည် လေထုညစ်ညမ်းခြင်းကြောင့် အဓိကဖြစ်တတ်သည်ဖြစ်ရာ ကာကွယ်ခြင်းသည် ကုသခြင်းထက် ထိရောက်ပါသည်။
–ဆေးလိပ်မသောက်ပါနှင့်။ ဆေးလိပ်သောက်နေပါကလည်း စောစီးစွာ ဖြတ်လိုက်သင့်သည်။
–အိမ်တွင်းအိမ်ပြင် လေထုသန့်ရှင်းစေရန် ဆောင်ရွက်ပါ။ ( နေ့လည်နေ့ခင်း လေကောင်းလေသန့်ရရှိအောင် ပြတင်းပေါက်များ ဖွင့်ထားပါ။)
–အိမ်တွင်းတွင် မီးသွေးမီးဖို၊ ဓာတ်ငွေ့ထွက်သော လောင်စာပစ္စည်းများ အသုံးမပြုလျှင် ပိုကောင်းပါသည်။ သို့သော် အသုံးပြုပါကလည်း လေဝင်လေထွက် ကောင်းအောင် ဆောင်ရွက်ပါ။
–လုပ်ငန်းပိုင်းဆိုင်ရာများတွင် လိုအပ်ပါက နှာခေါင်းစည်းကို လုံခြုံစွာတပ်ဆင် အသုံးပြုပါ။ အချို့သူများသည် နှာခေါင်းစည်းကို ပါးစပ်ပေါ်တွင်သာ အုပ်လေ့ရှိသည်ကို တွေ့ရှိရပေသည်။ အနည်းငယ် အသက်ရူကြပ်စေသော်လည်း ရေရှည် ကျန်းမာရေးအတွက် ဟု ယူဆကာ လုံခြုံအောင် တပ်ခြင်းဖြင့် ကာကွယ်နိုင်ပါကြောင်း အနည်းငယ်ဆီ ဖော်ပြပေးလိုက်ပါသည်။
ရီချို(ဆေး ၁)