ကလေးတီဘီ၏ သံသရာ

`ကလေးကို တီဘီဆေး တိုက်ရမယ့်ဆိုရင်တော့ ကျွန်မ မတိုက်ချင်ဘူး`ဟု အစချီလျက် ကလေး၏ မိခင်တစ်ဦးသည် ဓာတ်မှန်၊ သွေးအဖြေများ ကိုင်၍ ဆေးခန်းတွင်းသို့ ၀င်လာ သည်။
ဘာကြောင့် ဓာတ်မှန်ရိုက်၊ သွေးဖောက် လုပ်ရသလဲဟု မေးကြည့်သောအခါ ကလေး တရှောင်ရှောင်ဖြစ်နေသည်မှာ သုံးလခန့်ရှိပြီဖြစ်ကြောင်း ပြောပါသည်။ တရှောင်ရှောင်၏ အဓိပ္ပာယ်ဖွင့်ဆိုချက်ကို မေးသောအခါ ညနေညနေလက်ဖ၀ါးများ နွေးခြင်း၊ အစာ မစား လိုခြင်း၊ မလန်းဆန်းခြင်း၊ ခေါင်းချွေးအရမ်းထွက်ခြင်း စသည်တို့ကိုဆိုလိုကြောင်းဖြေကြား ပါသည်။
ကလေးတီဘီ၏ ရောဂါလက္ခဏာများပင်ဖြစ်သဖြင့်ဆေးခန်းမှ ဆရာဝန်က သွေးဖောက်၊ ဓာတ်မှန်ရိုက် ပြုလုပ်၍ ရောဂါကို အတည်ပြုပြီး တီဘီဆေးများ ပေးလိုက်ဟန် တူသည်။ သို့နှင့် ကလေးအား စမ်းသပ်ကြည့်သောအခါ ကလေးသည် အသက် ၂ နှစ်ခန့်ရှိသော်လည်း သူ၏ အသက်အရွယ်တွင် ရှိရမည့် အလေးချိန်အောက် လျော့ကျနေ သည်ကို တွေ့ရသည်။ လည်ပင်းတွင်လည်း အကျိတ်များ စမ်းမိပါသည်။ အဆုတ်တွင်လည်း ချွဲရှိနေပါသည်။
ပတ်ဝန်းကျင်တွင် နာတာရှည် ချောင်းဆိုးနေသူများ၊ ဆေးအကြာကြီးသောက်နေရ သူများ ရှိ၊ မရှိ မေးကြည့်သောအခါ ကလေး၏ ကြီးတော်တော်သူသည် ချောင်းမကြာခဏ ဆိုးပြီး ပိန်လာသဖြင့် စစ်ဆေးကြည့်ရာ အဆုတ်တီဘီဖြစ်နေသဖြင့် ဆေးစားနေရကြောင်း၊ ယခု အတူမနေတော့ကြောင်း ပြောပါသည်။
အမွေဆက်ခံခြင်
စင်စစ် ကလေးတီဘီသည် ကလေးချင်း ကူးစက်ခြင်းမဟုတ်ပါ။ ရောဂါရှိသော လူကြီး တစ်သီးထံမှသာလျှင် အမွေဆက်ခံရခြင်း ဖြစ်သည်။ အကြောင်းမှာ ကလေးတီဘီသည် အကျိတ်များအတွင်းမှ စ၍ဖြစ်သဖြင့် ချောင်းဆိုးလိုက်သော်လည်း ရောဂါပိုးသည် ပတ်ဝန်း ကျင်လေထုအတွင်းသို့ ရောက်ရှိမသွားနိုင်ပါ။ လူကြီးတီဘီသည် အဆုတ်မှစ၍ဖြစ်သဖြင့် ရောဂါပိုးသည် ထိုရောဂါရှင်၏ ပတ်ဝန်းကျင်လေထုအတွင်း၌ ရှိစမြဲပင်။ နောက်တစ်ယောက် အသက်ရှုသွင်းလျှင် ရောဂါပိုးသည် ထိုသူ၏ အသက်ရှုလမ်းကြောင်းတွင်းသို့ ၀င်ရောက်သွား ပါတော့သည်။
ကလေးက ရှုသွင်းလျှင် ရောဂါပိုးသည် ကလေး၏ အသက်ရှုလမ်းကြောင်းဝန်းကျင်ရှိ အကျိတ်များအတွင်းသို့ ရောက်ရှိသွားသည်။ လူကြီးရှုသွင်းလျှင် ရောဂါပိုးသည် လူကြီး၏ အဆုတ်အတွင်းသို့ တိုက်ရိုက်ရောက်ရှိသွားတတ်ပါသည်။ သို့ဖြစ်၍ ကလေးတီဘီသည် ရောဂါရှိသော လူကြီးထံမှသာလျှင် ကူးစက်နိုင်သည်ဟု ဆိုရခြင်းဖြစ်ပါသည်။
ယခုလာပြသသော ကလေးသည် ရောဂါရှိသော ကြီးတော်နှင့် အတူနေသည်ဟူသော အချက်တစ်ချက်တည်းနှင့်ပင် ကလေးတီဘီဖြစ်နိုင်ကြောင်း သက်သေပြလျက်ရှိပါသည်။ အထက်ဖော်ပြခဲ့သော တရှောင်ရှောင် လက္ခဏာများကလည်း ကလေးတီဘီဖြစ်နိုင်ကြောင်း ပံ့ပိုးပေးသော အချက်အလက်များပင် ဖြစ်ပါသည်။
အတည်ပြုချက်ရယူရန်
ဤကလေးသည် ကလေးတီဘီဖြစ်နိုင်ရန် အခွင့်အလမ်းများသောကြောင့် ကလေးအား ကြည့်ပေးသော ဆရာဝန်က ရောဂါအတည်ပြုချက် ရယူရန်ဓာတ်မှန်ရိုက်ခြင်း၊ သွေးစစ်ခြင်း များ ပြုလုပ်ခြင်းဖြစ်ပါသည်။
ဓာတ်မှန်ရိုက်ကြည့်၍ အသက်ရှုလမ်းကြောင်းတွေ့ရလျှင် လေပြွန်ပတ်ပတ်လည်ရှိ အကျိတ်များ လွန်စွာကြီးနေခြင်းတွေ့ရလျှင် တီဘီအကျိတ်ဖြစ်ရန် များသည်ဟု ဆိုရပါမည်။ သို့ရာတွင် အချို့သော နာတာရှည်ရောဂါများတွင်လည်း ထိုအကျိတ်တို့ ကြီးတတ်သဖြင့် ဓာတ်မှန်အထောက်အထားနှင့် ရောဂါလက္ခဏာများ ပေါင်းစပ်ကြည့်ရှုမှသာ မှန်ကန်နိုင်မည် ဖြစ်ပါသည်။
သွေးများစစ်ကြည့်လျှင်လည်း သွေးဖြူဥတစ်မျိုး(Lymphocytes)များနေခြင်း၊ ရောဂါ၏ လှုပ်ရှားကြွှတတ်လာမှုတို့ကို စစ်ဆေးသော ESR လွန်စွာတက်နေခြင်းတို့ကို သိနိုင်ပါသည်။ ဤသည်တို့မှာလည်း တီဘီရောဂါဖြစ်နိုင်ကြောင်း အထောက်အပံ့ သာဓကများ ဖြစ်ပါသည်။
ဤကလေး၏ ဓာတ်မှန်နှင့် သွေးစစ်ဆေးမှုတို့သည်လည်း ကလေးတီဘီဖြစ်ကြောင်း ညွှန်ပြနေပါသည်။
ဆက်လက်အတည်ပြုရန်
`ကလေးအမေသည် …ရောဂါလက္ခဏာတွေရယ်၊ ရောဂါရှိတဲ့ လူကြီးနဲ့ အတူနေ တာရယ်၊ဓာတ်မှန်ရယ်၊ သွေးစစ်တာရယ် အားလုံးက ကလေးမှာ တီဘီရောဂါရှိတယ်ဆိုတာ ပြနေတာပဲ။ ဆေးသောက်ရမှာပေါ့’ ဟူ၍ ကလေးမိခင်အား ရှင်းပြလိုက်သည်။ မတိုက်လို ကြောင်း တွင်တွင်ငြင်းဆိုသည်
`မတိုက်ရင်တော့ ရောဂါပိုးက ဦးနှောက်တို့၊ အူလမ်းကြောင်းတို့၊အဆုတ်တို့၊ အရိုး တို့ကို ပျံ့သွားပြီး အသက်အန္တရာယ်ရှိနိုင်တယ်။ မသေရင်တောင်မှ ဒုက္ခိတဘ၀ ရောက်သွားနိုင်တယ်’
သို့ဖြစ်၍ မိခင်အား ကလေးတွင် တီဘီရောဂါရှိကြောင်း သေချာနေလျှင် တိုက်ကို တိုက်ရမည်ဖြစ်ကြောင်း၊ ယခုပြုလုပ်ထားသော စစ်ဆေးမှုများဖြင့်ပင် တီဘီဖြစ်နိုင်ကြောင်း ပြောသော်လည်း ပို၍သေချာအောင် အတည်ပြုပေးမည်။ ဤစစ်ဆေးမှု သေချာလျှင် ဆေးတိုက်ကိုတိုက်ရမည်ဟု မိခင်ဖြစ်သူအား ကတိပြုစေခဲ့ပါသည်။ သို့မဟုတ်ပါက ကလေး အားအပ်ဖြင့်ထွင်းရမည့်နေရာတွင် ပုဆိန်ဖြင့် ထွင်းရမည့်ကဲ့သို့ ဖြစ်သွားနိုင်ကြောင်းလည်း သေချာထပ်၍ ရှင်းပြခဲ့ပါသည်။ မိခင်ဖြစ်သူကလည်း ကတိပေးရှာပါသည်။
သို့နှင့် တီဘီရောဂါပိုး၏ ပရိုတင်းမှ ဆက်နွှယ်ရရှိလာသော ဓာတ်ပစ္စည်းဖြင့် လူနာ၏ အရေပြားအောက်သို့ ထိုးသွင်း၍ ဓာတ်တုံ့ပြန်မှုကို ကြည့်ရှုရသော Tuberculin Skin Test ကိုပြုလုပ်စေပါသည်။ တုံ့ပြန်မှုကို ၄၈ နာရီမှ ၇၂ နာရီအတွင်း၌ ကြည့်ရှုရမည့်ဖြစ်ပြီး ထိုဓာတ်ပစ္စည်းထိုးထားသော အရေပြားသည် နီရဲကြွတက်လာလျှင်၊ ထိုကြွတက်လာသော အ၀န်းအ၀ိုင်း နီရဲနေလျှင် ရောဂါရှိသည်ဟု သတ်မှတ်ပါသည်။
သို့ရာတွင် အရေပြားနီရဲကြွတက်လာမှု မရှိလျှင် တီဘီရောဂါ မရှိဟူ၍ မဆိုနိုင်ေ။ အကြောင်းမှာ လွန်စွာ အာဟာရချို့တဲ့သော ကလေးများ၊ ခုခံအားနည်းပါးလွန်းသော ကလေးများတွင် တီဘီရောဂါ ရှိပင်ရှိသော်လည်း ဓာတ်တုံ့ပြန်မှု မပြုနိုင်သဖြင့် အရေပြား နီရဲကြွတက်ခြင်း မရှိနိုင်သောကြောင့်ပင် ဖြစ်ပါသည်။ ဤသို့ တုံ့ပြန်မှုမရှိသည်ကို တီဘီရောဂါမရှိဟု ရာနှုန်းပြည့်ငြင်းဆို၍ မရပါ။
အခြား အတည်ပြုသော စမ်းသပ်မှုများလည်း ရှိပါသေးသည်။ ဥပမာ
* သွေးထဲ၌ ပဋိလှုံ့ပစ္စည်း(antibody)၊ ပဋိပစ္စည်း(antigen) ရှာဖွေခြင်း
* လည်ပင်းအကျိတ် စသည်တို့လွန်စွာကြီးနေလျှင် အသားစယူ၍ စစ်ဆေးခြင်း
* လူကြီးများကဲ့သို့ သလိပ်စစ်ရန် ကလေးအတွက် လွယ်ကူခြင်းမရှိသဖြင့်
ကလေးမျိုချသော သလိပ်များ အစာအိမ်အတွင်းတွင် ရှိနိုင်သဖြင့် အစာအိမ် အတွင်းသို့ နှာခေါင်းပိုက်သွင်း၍ ရောဂါရှာဖွေခြင်း စသည်တို့ဖြစ်သည်။
သို့ရာတွင် ကလေးတီဘီဖြစ်ခါစ Primary Complex တွင် အတည်ပြု တီဘီရောဂါပိုးသည် တီဘီဖြစ်ခါစဆင့်ကို ကျော်လွန်၍ ဦးနှောက်၊ အူ၊အရိုး၊ အဆုတ် စသည်တို့ကို ရောက်သွားလျှင်လည်း ဆိုင်ရာ အတည်ပြုစစ်ဆေးမှုများကို ဆက်လက် ပြုလုပ်ရမည် ဖြစ်ပါသည်။
ရောဂါဖြစ်ခါစအဆင့်ကို ကျော်လွန်သော်
ရောဂါဖြစ်ခါစ အဆင့်တွင် ဆေးကုသလျှင် ရောဂါသည် ရာခိုင်နှုန်းပြည့်ပျောက်ကင်းနိုင် ပါသည်။ အသက် ၅ နှစ်အောက် ကလေးများတွင် အဖြစ်များတတ်ပြီး လူကြီးတီဘီရောဂါ ဝေဒနာရှင်များထံမှသာလျှင် ကူးစက်နိုင်ပါသည်။ အချို့ကလေးငယ်များည် ခံနိုင်စွမ်းရှိပြီး ရောဂါဖြစ်ခါစ အဆင့်တွင်ပင် ရပ်တန့်သွားတတ်ပါသည်။ ခံနိုင်ရည်စွမ်းနည်းသော ကလေး များမှာမူ အချိန်မီမကုသလျှင် တီဘီရောဂါပိုးသည် ကိုယ်တွင်းအင်္ဂါ အနှံ့သို့ပြန်ပွားသွားပါ တော့သည်။
အသက်ရှုလမ်းကြောင်း ပတ်ပတ်လည်ရှိ အကျိတ်များအတွင်းသို့ ရောက်ရှိသွားသော တီဘီရောဂါပိုးသည် ထိုအကျိတ်အတွင်း၌ ပွားများပြီးအကျိတ်များတစ်ဆင့် လေပြွန်ပိတ်ဆို့ သော လက္ခဏာများ ပေါ်ပေါက်လာစေပါသည်။
အဆုတ်တွင်းသို့ ရောဂါပိုးရောက်ရှိလျှင် အဆုတ်ပွခြင်း၊ အဆုတ်ခဲခြင်းစသည့် ဆိုးရွားလှသော ရောဂါများကို ဖြစ်ပေါ်စေနိုင်ပါသည်။
အဆုတ်ကို ဖုံးအုပ်ထားသော အလွှာနှစ်လွှာအကြားတွင်လည်း အရည်များစုလာ တတ်ပြီး မောပန်းခြင်း၊ အသက်ရှုကျပ်ခြင်းတို့ ဖြစ်လာနိုင်ပါသည်။ ထိုအရည်များကို စုပ်ယူပြီး ဓာတ်ခွဲကြည့်လျှင်လည်း တီဘီရောဂါပိုးများကို တွေ့ရှိနိုင်ပါသည်။
အဆုတ်ကို ဖုံးအုပ်ထားသော အမြှေးတွင်းသို့လည်း ၀င်ရောက်နိုင်ပြီး နှလုံးကိုလည်း ပြင်းစွာ ထိခိုက်စေနိုင်ပါသည်။
ရှည်လျားသောခရီး
ရောဂါပိုးပွားရာ အကျိတ်နှင့်နီးစပ်သော အဆုတ်၊ အသက်ရှုလမ်းကြောင်းတစ်လျှောက်၊ နှလုံး စသည်တို့ကို သွေးကြောများမှ တစ်ဆင့် ပျံ့နှံနိုင်သည်။ ဝေးလံသောအင်္ဂါများအထိလည်း ရောဂါပိုးဟူသော လှေငယ်သည် သွေးကြောတည်းဟူသော ရှည်လျားသည့် မြစ်ရေအလျဉ်ကို ဆန်၍လည်းကောင်း၊ စုန်၍လည်းကောင်း ရောက်အောင်သွားတတ်ပြီး မိမိရောက်ရှိသော အင်္ဂါ တိုင်းကို လွန်စွာ ဒုက္ခပေးတတ်ပါသည်။
ဦးနှောက်အမြှေးပါးတီဘီသည် ကလေးများတွင် အများဆုံးသော `ပျံ့နှံ့တီဘီရောဂါ’ ပင် ဖြစ်ပါသည်။ ရောဂါကျွမ်းမှ ဆေးရုံရောက်သည်က များသဖြင့် အသက်ဆုံးရှုံးမှုများ ပြားပါသည်။ ရောဂါဖြစ်စတွင် အရပ်အခေါ် တရှောင်ရှောင်ထက် မပိုသော လက္ခဏာများသာ ပြသဖြင့် မိဘများ သတိမပြုမိကြခြင်းဖြစ်ပါသည်။ နောက်ပိုင်းတွင် ကလေး၏ နဂိုရှိရင်းစွဲ ဟန်ပန်အမူအရာ ပြောင်းလာမှ အနည်းငယ် သတိထားမိကြပါသည်။ ဥပမာ အလွန်အေးအေး ဆေးဆေးနေတတ်သော ကလေးသည် လွန်စွာဒေါသကြီး မငြိမ်မသက်ဖြစ်လာခြင်း၊ အလွန်ဆော့၍ အငြိမ်မနေသော ကလေးသည် လွန်စွာငြိမ်သက်သွားခြင်း စသည်တို့ ဖြစ်ပါ သည်။ နောက်ပိုင်းမှ ဇက်တောင့်ခြင်း၊ တက်ခြင်း စသည်တို့ဖြစ်မှ ဆေးရုံသို့ရောက်လာသော အခါ လွန်စွာနောက်ကျသွားတတ်ပြီ ဖြစ်ပါသည်။ နောက်ဆုံးတွင် အသက်ဆုံး၊ မဆုံးလျှင် လည်း ဦးနှောက်ပျက်စီးပြီး ဘာမှမသိတော့ဘဲ တစ်ကိုယ်လုံးလည်း တောင့်နေသော ဒုက္ခိတ ဘ၀ဖြင့် အဆုံးသတ်ရပါတော့သည်။
အစုန်ခရီး
ဦးနှောက်နှင့် အာရုံကြောများသို့ အဆန်ခရီးထွက်သလို အစုန်ခရီးဖြင့်လည်း ရောဂါ ပိုးတို့သည် ၀မ်းဗိုက်အတွင်း သက်ဆင်းနိုင်ကြပါသည်။ အထူးသဖြင့် ဒုက္ခပေးလေ့ရှိသော အင်္ဂါမှာ `အူလမ်းကြောင်း” ပင် ဖြစ်ပါသည်။ အူသိမ်အဆုံးမှ စ၍ အူမကြီးတစ်လျှောက်တွင် အနာများဖြစ်ပြီး ရက်ရှည်ဝမ်းလျှောခြင်းမှစ၍ ရောဂါလက္ခဏာများ ပေါ်လာနိုင်ပါသည်။ ရံခါတွင် အနာများမဖြစ်ဘဲ အူမကြီးသည် ပို၍ပို၍ ထူထူလာပြီး အူပိတ်သောလက္ခဏာများ ရှိလာတတ်ပါသည်။
ဝမ်းဗိုက်တွင်း အူလမ်းကြောင်းတွင်သာမက ၀မ်းဗိုက်အတွင်းရှိ အကျိတ်များ၊ ၀မ်းဗိုက်တွင်းရှိ အင်္ဂါအစိတ်အပိုင်းများကို ဖုံးလွှမ်းသော အမြှေးပါးတို့တွင်လည်း ရောဂါပိုးများ ပျံ့နှံ့ပြီး ဒုက္ခပေးတတ်ပါသည်။
အထက်ပါဖြစ်စဉ် အားလုံးသည် ရောဂါဖြစ်ခါစအခြေအနေမှ တစ်နှစ်၊ တစ်နှစ်ခွဲအတွင်း ကာလတွင် ဖြစ်ပေါ်တတ်သော ပျံ့နှံ့မှုများဖြစ်ပါသည်။

သုံးနှစ်ခန့်ကြာသော်
ရောဂါဖြစ်ခါစမှ သုံးနှစ်ခန့်ကြာသော် ရောဂါပိုးသည် အရိုးအဆစ်များဆီသို့ ခြေဦး လှည့်ပြန်ပါသည်။ အရိုးအဆစ်တီဘီကြောင့် ကိုယ့်ခန္ဓာ၏ အနေအထား၊ သွားလာမှုတို့ ပြောင်းလဲ ခက်ခဲလာတတ်ပါသည်။ အထူးသဖြင့် ကျောရိုးဆစ်တီဘီသည် လွန်စွာဒုက္ခ ပေးတတ်ပါသည်။ အာရုံကြောများ ညပ်ပြီး ကိုယ်ခန္ဓာအောက်ပိုင်း မလှုပ်နိုင်တော့ခြင်း၊ ဆီဝမ်း သွားရန် ခက်ခဲခြင်း၊ ကျောရိုးများ ပျက်စီးပြီး ကျောရိုးဆစ်များ တစ်ခုနှင့် တစ်ခု ပူးသွားကာ မြင်းဖုကဲ့သို့ အလုံးကြီးပေါ်လာကာ ကုန်းကုန်းကိုင်းကိုင်း အရပ်ပုပု ဖြစ်နေခြင်း စသော အနိဠာန်ရုံများကို ဖြစ်စေပါသည်။
ငါးနှစ်ခန့်ကြာပြီးနောက်
တီဘီရောဂါပိုးများ နောက်ဆုံးဆိုက်ရောက်သော ကမ်းခြေမှာ `ကျောက်ကပ်` ပင် ဖြစ်ပါသည်။ ရောဂါဖြစ်ခါစမှ ငါးနှစ်ခန့်ကြာသောအခါ ကျောက်ကပ်နှင့် ဆီးလမ်းကြောင်း တစ်လျှောက်ကို ဒုက္ခပေးပါတော့သည်။ သို့ဖြစ်၍ ကျောက်ကပ်တီဘီသည် ကလေးများတွင် တွေ့ရခြင်းမရှိဘဲ ကျောင်းသားအရွယ် ကလေးကြီးများတွင်သာ တွေကရှိရပါသည်။ ဆီးထဲ တွင် သွေးပါခြင်း၊ ကျောကပ်ရောင်ရမ်းခြင်း စသည့် ဆီးနှင့် ပတ်သက်သော လက္ခဏာများ ပြသတတ်ပါသည်။
ကု၍ပျောက်သောရောဂါ
ရောဂါဖြစ်ခါစချိန်တွင် စစ်ဆေးသိရှိရပြီး စ၍ ဆေးစောစောကုလေရာနှုန်းပြည့် ရောဂါ ပျောက်ရန် အခြေအနေရှိလေ ဖြစ်ပါသည်။ ဆေးမှန်မှန်သောက်ရုံဖြင့် `ပျံ့နှံ့တီဘီ`ရောဂါ၏ သံသရာသည် မည်မျှကျယ်ဝန်း၍ ကြောက်မက်ဖွယ်ကောင်းကြောင်း၊ ပြင်းသောဆေး၊ ပျော့သောဆေး မရှိဘဲ ရောဂါပိုးပေါ်တွင် မူတည့်၍သာ ပျောက်ကင်းနိုင်ကြောင်းတို့ကို စေတနာအပြည့်ဖြင့် အသိပေးလိုက်ရပါသည်။

ပါမောက္ခဒေါက်တာယုဇနစောမြင့်(ကလေးအထူးကုဆရာဝန်ကြီး)