လည်ပင်းကျီးပေါင်းတတ်ခြင်း

ကျီးပေါင်းတက်တယ်ဆိုတာ အများအားဖြင့်အသက်ကြီးသူတွေမှာအဖြစ်များတဲ့ အခြေအနေတစ်ခုဖြစ်ပါတယ်။ အသက်ရလာလေ ဖြစ်နိုင်ခြေများလာလေဖြစ်သလို အချို့သောအကြောင်းအရာတွေကြောင့်လည်း အသက်မကြီးသေးခင် ကျီးပေါင်းတက်နိုင်ပါတယ်။ အချိန်တန်ရင်ဖြစ်လာမယ့်ရောဂါဆိုပေမယ့် တတ်နိုင်သလောက်ဘေးကင်းအောင်နေပြီး ကျီးပေါင်းတက်နိုင်ခြေကို လျှော့ချရပါမယ်။

ကျီးပေါင်းတက်စေတဲ့အကြောင်းတစ်ခုကတော့ အရိုးမှာအတက်ထွက်လာတာဖြစ်ပါတယ်။ အရိုးကထွက်လာတဲ့အတက်တွေက ကျောရိုးကနေထွက်လာတဲ့အာရုံကြောတွေကိုဖိမိတဲ့အခါ အာရုံကြောတွေနာကျင်တာ၊ အားနည်းတာတွေဖြစ်ပြီး ဇက်ကြောတက်တာ၊ နာတာတွေဖြစ်နိုင်ပါတယ်။ ကျောရိုးအဆစ်တစ်ခုနဲ့တစ်ခုနဲ့ကြားမှာ ကူရှင်အနေနဲ့ခုခံပေးထားတဲ့ အပြားလေးတွေရှိပါတယ်။ အဆိုပါအပြားလေးတွေမှာရှိတဲ့ အရေတွေက အဆစ်တွေပွတ်တိုက်မှုမရှိအောင်ကာကွယ်ပေးပြီး အသက်ကြီးတာနဲ့အမျှ အဆိုပါအရည်တွေခန်းခြောက်လာပြီး ကျီးပေါင်းတက်စေနိုင်ပါတယ်။

နောက်ထပ်အဖြစ်များတဲ့အကြောင်းအရာကတော့ လည်ပင်းကိုထိခိုက်မိတာဖြစ်ပါတယ်။ ဒဏ်ရာရထားတာ၊ ထိခိုက်မိထားတာစတာတွေကြောင့် အဆစ်တွေအနာတရဖြစ်ပြီး ကျီးပေါင်းတက်နိုင်ပါတယ်။ ဒါ့အပြင် ဇက်ကြောတက်လို့ ဇက် ခဏခဏချိုးတာကလည်း ကျီးပေါင်းတက်စေနိုင်တဲ့အကြောင်းတစ်ခုဖြစ်ပါတယ်။ ဇက်ခဏခဏချိုးရင် အနာတရရသွားနိုင်သလို အားအရမ်းများသွားရင် အဆစ်လွဲပြီးအာရုံကြောတွေကိုဖိနိုင်တဲ့ အန္တရာယ်လည်းရှိပါသေးတယ်။ မိမိရဲ့အလုပ်အကိုင်အပေါ်မူတည်ပြီးလည်း ခေါင်းကိုလှုပ်ရှားရတာအနည်းအများပေါ်မူတည်ပြီး ကျီးပေါင်းတက်နိုင်တဲ့အရွယ်ကွာခြားနိုင်ပါတယ်။
နောက်ထပ်ကျီးပေါင်းတက်နိုင်တဲ့အကြောင်းတွေကတော့ မျိုးရိုးလိုက်တာ၊ အဝလွန်နေတာ၊ ပုံမှန်မဟုတ်တဲ့အနေအထားနဲ့ခဏခဏအိပ်တာ စတဲ့အကြောင်းတွေကြောင့်လည်း ကျီးပေါင်းတက်နိုင်ပါတယ်။

ကျီးပေါင်တက်တဲ့လက္ခဏာတွေကတော့ ကွဲပြားနိုင်ပါတယ်။ ဘာမှမဖြစ်တာလည်းရှိသလို လက္ခဏာနည်းနည်းပြတာ၊ များများပြတာလည်းရှိနိုင်ပါတယ်။ ဇက်ကြောတက်တာ၊ ခေါင်းကိုက်တာ၊ မူးဝေတာ၊ ခြေလက်တွေက မီးစနဲ့ထိုးသလို ဓာတ်လိုက်သလိုစူးခနဲဖြစ်သွားတာတွေလည်းရှိနိုင်ပါတယ်။ အဆိုပါဝေဒနာတွေခံစားရလာပြီဆိုရင်တော့ လိုအပ်တဲ့စစ်ဆေးမှုတွေပြုလုပ်သင့်ပါတယ်။ X rayရိုက်တာ၊ MRIရိုက်တာတွေနဲ့စစ်ဆေးပြီး ရောဂါပြင်းထန်ပုံပေါ်မူတည်ပြီး ဆေးသောက်တာ၊ လေ့ကျင့်ခန်းလုပ်တာ၊ အန္တရာယ်များတဲ့အပြုအမူတွေကိုရှောင်ကြဉ်တာတွေနဲ့ကုသရပါမယ်။

ကျီးပေါင်းတက်တယ်ဆိုတာ အချိန်တန်ရင်ဖြစ်တဲ့ရောဂါဆိုပေမယ့် ဘယ်ရောဂါမဆိုမဖြစ်ခင်ကကာကွယ်ထားတာအကောင်းဆုံးဖြစ်ပါတယ်။ ဒါကြောင့် ကျီးပေါင်းတက်စေတဲ့အပြုအမူတွေကိုရှောင်ရှားခြင်းနဲ့ တတ်နိုင်သလောက်ကာကွယ်သင့်သလို ဖြစ်လာရင်လည်း ပိုဆိုးမလာအောင်ထိထိရောက်ရောက်ကုသသင့်ပါတယ်။

Dr. ZZ