အလင်းအမှုန်လေးကနေ ချေဖျက်ပေးလို့ရစေတဲ့ အရာ
လူတိုင်းသိကြတဲ့ ကင်ဆာရောဂါ ဆိုတာ တကယ်တမ်းတော့ ပုံမှန်မဟုတ်တဲ့ ဆဲလ်တွေ အရေအတွက်များစွာ ပွားများလာတာပါ။ ဒီနိုင်ငံမှာ ကင်ဆာအတွက် အဓိက သုံးလေ့ ရှိတာကတော့ ခွဲစိတ်ကုသနည်း ဖြစ်ပြီး ဓာတ်ရောင်ခြည်နဲ့ကုသတာ ဓာတ်ကင်တာကိုတော့ ဒုတိယနည်းအနေနဲ့ပဲ စဉ်းစားကြတာပါ။
တကယ်တော့ ဓာတ်ရောင်ခြည်နဲ့ ကုသခြင်း (radiation therapy )ကလည်း တိုးတက်ခေတ်မီလာတာနဲ့ အညီ သူ့ရဲ့ အခန်းကဏ္ဍ တိုးတက်လာခဲ့ပြီး တချို့သော ကင်ဆာတွေကို ဓာတ်ရောင်ခြည်နဲ့ ကုသလို့ ပျောက်ကင်းနိုင်ပါပြီ။ဓားက အမြဲတမ်း အဖြေမဟုတ်တာပါ။

Radiation Therapy ဆိုတာကတော့ X-rays gamma rays စတဲ့ရောင်ခြည်တွေကို ခန္ဓာကိုယ်ကို ဖြတ်သန်းစေပြီး ကင်ဆာဆဲလ်တွေကို ကျုံ့သွားစေ ပျက်စီးသွားစေတာပါ။အဲဒီဓာတ်ရောင်ခြည်က ကင်ဆာဆဲလ်တွေရဲ့ ကူးပွားနိုင်တဲ့ DNA တွေကို တိုက်ရိုက်ဖျက်ဆီးလိုက်တာ ဒါမှမဟုတ် free radicals လို့ခေါ်တဲ့ ပစ္စည်းတွေထုတ်စေပြီး ကင်ဆာဆဲလ် ပွားစေနိုင်တဲ့ DNA တွေကို ဖျက်ဆီးပစ်လိုက်နိုင်တာပဲ ဖြစ်ပါတယ်။

ဓာတ်ရောင်ခြည်ကုသနည်းတွေမှာ

  • 2D radiation therapy
  • 3D radiation therapy နဲ့
  • IMRT ( Intensity Modulated Radiation Therapy) ဆိုပြီး ခွဲခြားနိုင်ပါတယ်။

2Dကတော့ သမားရိုးကျ ရိုးရှင်းသော ဓာတ်ရောင်ခြည်ကုသမှုဖြစ်ပါတယ်။ X rays ကနေ အရိုးရဲ့ တည်နေရာကို အမှတ်အသားပြုပြီး အဲဒီကနေတဆင့် အကျိတ်ရှိတဲ့နေရာကို ရှာဖွေကာ အဓိကထားပြီး ဓာတ်ရောင်ခြည်နဲ့ ကုသတာပါ။ဈေးသက်သာပြီး လွယ်ကူပါတယ်။ ဒါပေမယ့် တိကျမှု ထိရောက်မှု အားနည်းပါတယ်။ဒါ့အပြင် ကင်ဆာဆဲလ်မဟုတ်ဘဲ ဘေးနားက ကျန်းမာတဲ့ဆဲလ်တွေကိုပါ ဓာတ်ရောင်ခြည်က ထိခိုက်နိုင်တာမို့ prognosis (ရောဂါအခြေအနေခန့်မှန်းချက်) မကောင်းတဲ့ နောက်ဆုံးအဆင့် ကင်ဆာလူနာတွေကိုပဲ ကင်ဆာဆဲလ်တွေ လျှော့ချနိုင်ရုံအတွက်သာ အသုံးပြုပါတယ်။

3 D radiation therapy ကတော့ CT scanအကူအညီယူပြီး ကင်ဆာအကျိတ်ကို သုံးဖက်မြင်ကွင်းပုံဖော်ကာ ပုံမှန်တစ်ရှုးတွေကို မထိခိုက်စေဘဲကုသတာဖြစ်ပါတယ်။CT အကူအညီကြောင့် conventional or 2D ထက်ပိုတိကျပါတယ်။

IMRT ကလည်း 3D ကဲ့သိုပဲ CTscan ရဲ့ အကူအညီကိုယူကာ အကျိတ်ကို ပုံဖော်ပြီး အဲဒီအကျိတ်ကိုပဲ တိကျတဲ့ ဓာတ်ရောင်ခြည်ကုသမှု ဖြစ်စေပါတယ်။ Intensity Modulated ဖြစ်တာကြောင့် အကျိတ်ကိုပဲ ထိရောက်တဲ့ ရောင်ခြည်ပမာဏပေးပြီး ထိခိုက်ပျက်စီးစေကာ ခန္ဓာကိုယ်ရဲ့ ပုံမှန်နေရာတွေကို ဓာတ်ရောင်ခြည်ပမာဏ မပြောပလောက်စွာပဲ သက်ရောက်စေပါတယ်။ IMRT ရဲ့ 3Dထက်ပိုတဲ့ အားသာချက်ကတော့ ကင်ဆာအကျိတ်ကို တိကျစွာ ပုံဖော်နိုင်တာကြောင့် တိကျတဲ့ ဓာတ်ရောင်ခြည်ပမာဏကို အကျိတ်ကိုပေးနိုင်ခြင်း ၊ ကင်ဆာဆဲလ်ရဲ့ပုံစံအတိုင်း လုံးဝကွက်တိကို ဖျက်ဆီးပေးနိုင်ခြင်း၊ အကျိတ်မဟုတ်တဲ့ ပုံမှန်အစိတ်အပိုင်းတွေကို ဓာတ်ရောင်ခြည်ပမာဏ သက်ရောက်မှု မပြောပလောက်စွာသာ ရှိခြင်းတို့ကြောင့် ဒီကုသမှုဟာ ကင်ဆာကို ကုသပျောက်ကင်းနိုင်တဲ့ အထိ ရလဒ်ကောင်းနေတာကို တွေ့ရပါတယ်။

မြန်မာနိုင်ငံမှာဆိုရင်ဖြင့် ရန်ကုန်မြို့ ပင်လုံဆေးရုံကြီးတွင်ကျွမ်းကျင်သောကင်ဆာရောဂါအထူးကုဆရာဝန်ကြီးများနှင့်ကုသမှု ခံယူနိုင်ပြီဆိုတာလည်း သိရပါတယ်။ အဲဒီအတွက် ကင်ဆာတိုင်းဟာ ခွဲစိတ်စရာ မလိုလောက်တဲ့အခါ ခွဲစိတ်မှုရဲ့ ဘေးထွက်ဆိုးကျိုးတွေကို လျှော့ချနိုင်တော့မယ်လို့လည်း မျှော်လင့်လို့ရလာတာပဲ ဖြစ်ပါတယ်။

ခွန်းညိုသွေး