• ရင်သားကင်ဆာသည် အမျိုးသမီးများတွင် အဖြစ်အများဆုံးကင်ဆာ၊ ကင်ဆာရောဂါအားလုံး၏ ဒုတိယအဖြစ် အများဆုံးကင်ဆာ အမျိုးအစားဖြစ်ပါသည်။
• ၂၀၁၂ တွင် ကမ္ဘာ့ ကင်ဆာရောဂါ သုတေသနအဖွဲ့၏ စစ်တမ်းအရ အမျိုးသမီးများတွင်ဖြစ်သော ကင်ဆာရောဂါ၏ ၂၅ ရာခိုင်နှုန်း၊ ကင်ဆာအားလုံး၏ ၁၂ ရာခိုင်နှုန်းသည် ရင်သားကင်ဆာဖြစ်သည်ဟု တွေ့ရှိဖော်ပြထားပါသည်။
• ဖွုံ့ဖြိုးပြီးနိုင်ငံများရှိ အမျိုးသမီး ၈ ယောက်တွင် ၁ ယောက်သည် ရင်သားကင်ဆာရောဂါကို ခံစားနေရပါသည်။ ထို့အပြင် မြန်မာနိုင်ငံတွင်လည်း ရင်သားကင်ဆာ ဖြစ်ပွားမှု ပို၍ များလာပါသည်။
• ထို့ကြောင့် ရင်သားကင်ဆာအကြောင်းကို ပြည်သူတို့ သိနားလည်ရန် ပို၍ လိုအပ်လာပါသည်။

ရင်သားကင်ဆာသည် မည်သူတွင်ပို၍ အဖြစ်များပါသနည်း။
• အများအားဖြင့် အမျိုးသမီးများတွင်သာဖြစ်လေ့ရှိသော ကင်ဆာအမျိုးအစားဖြစ်ပါသည်။ ရင်သားကင်ဆာဖြစ်သော လူအယောက် ၁၀၀၀တွင် ၅ယောက်အောက်လူများသာ အမျိုးသားများ ဖြစ်ကြပါသည်။
• အနောက်နိုင်ငံများတွင် ပို၍အဖြစ်များသော်လည်း ယခုအခါ ဖွုံ့ဖြိုးဆဲနိုင်ငံများတွင်လည်း အဖြစ်များလာသော ကင်ဆာရောဂါဖြစ်ပါသည်။
• အသက် ၂၀ အောက်အမျိုးသမီးများတွင် ဖြစ်လေ့မရှိပါ။ အသက်ကြီးလာသည်နှင့်အမျှ ရင်သားကင်ဆာဖြစ်နှုန်း ပို၍များလာကာ အသက် ၉၀ နှစ် အရောက်တွင် အမျိုးသမီးအားလုံး၏ ၂၀ ရာခိုင်နှုန်းသည် ရင်သားကင်ဆာရောဂါကို ခံစားရတတ်ပါသည်။
• မိသားစုတွင် ကင်ဆာရောဂါဝေဒနာ ခံစားရသူရှိပါကလည်း ကင်ဆာရောဂါ ဖြစ်နှုန်းပို၍ များပါသည်။

မည်သည်တို့သည် ရင်သားကင်ဆာ ဖြစ်စေရန် အားပေးပါသနည်း။
ကင်ဆာရောဂါ အများစုကဲ့သို့ပင် အစားအသောက်၊ ကိုယ်လက်လူပ်ရှားမှု၊ အ၀လွန်ခြင်း သည်လည်း ရင်သားကင်ဆာဖြစ်စေသော အကြောင်းရင်းများ ဖြစ်ပါသည်။

အကြောင်းရင်းများ နည်းစေသောအကြောင်းများ များစေသောအကြောင်းများ
ဖြစ်တတ်သော အကြောင်းများ မိခင်နို့ တိုက်ကျွေးခြင်း အရက်သေစာ သောက်သုံးခြင်း
ဖြစ်တတ်သော အကြောင်းများ ကိုယ်ဝဖြိုးခြင်း(အသက်ငယ်စဉ်) ကိုယ်ဝဖြိုးခြင်းနှင့် ဗိုက်အဆီများသူများ (အသက်ကြီးသူများ)
အရပ်ရှည်လွန်းသူများ
ဖြစ်နိုင်သော ရာသီနောက်ကျမှပေါ်ခြင်း
သွေးဆုံးသည့် ကာလစောခြင်း
အသက်ငယ်ရွယ်စဉ် သားသမီးမွေးခြင်း
သားသမီး မမွေးခြင်း
သန္ဓေတားသောဟော်မုန်းဆေး များ သောက်သုံးခြင်း
အမျိုးသမီးဟော်မုန်းဆေးများ သုံးစွဲခြင်း
အမျှင်ဓာတ်၊ phyto-oestrogen ဓာတ်များသော အစားအစာများ စားသုံးခြင်း (ဥပမာ။ ။ပဲနို့၊ တို့ဖူး၊ ဂျုံ၊ ဘယ်ရီသီးများ၊ နှမ်း၊ မုန်လာဥနီ၊ ပန်းသီး စသည်။) ဓာတ်ရောင်ခြည် ထိတွေ့မှုများခြင်း

ရင်သားကင်ဆာ လက္ခဏာများမှာ အဘယ်နည်း။
ရင်သားကင်ဆာ အများစုသည် ရင်သား၏ အပေါ် (အောက်ပုံရှိ နံပတ် ၁နေရာ) တွင် အဖြစ်များပါသည်။

အဖြစ်အများဆုံးမှာ ရင်သားပေါ်တွင် ပုံမှန်မဟုတ်သော နာကျင်မှု မရှိသော အလုံးအကျိတ်များ ပေါ်လာခြင်းဖြစ်သည်။
အခြားသောလက္ခဏာများမှာ
• နို့သီးခေါင်းချိုင့်ဝင်သွားခြင်း
• နို့သီးခေါင်းမှ သွေးရည်ကြည်နှင့် ပုံမှန်မဟုတ်သော အရည်များထွက်ခြင်း
• ရင်သားအရေပြားပေါ်တွင် အနာများဖြစ်လာခြင်း
• ရင်သားအရေပြား ထူလာကာ မွှေးညင်းပေါက်များထင်ရှားလာခြင်း
ထို့အပြင် ရောဂါ ပြန့်သွားသောအခါ
• ချိုင်းအောက်တွင် အလုံးအကျိတ်များပေါ်လာခြင်း
• သားမြတ် ရင်ဘတ်ကြွက်သားများနှင့်ကပ်ကာ လှုပ်၍ မရတော့ခြင်း
• ရင်ညွှန့်ရိုးများသို့ ပြန့်ခြင်းကြောင့် ရင်ဘတ်အောင့်ခြင်း
• အဆုတ်သို့ပြန့်သွားသောကြောင့် ချောင်းဆိုးသွေးပါခြင်း စသည်
• အသည်းသို့ပြန့်သောကြောင့် ဗိုက်အောင့်ခြင်း၊ အသားဝါခြင်း
• ဦးနှောက်သို့ပြန့်ခြင်းကြောင့် ခေါင်းမူးခြင်း၊ သတိလက်လွှတ်ဖြစ်ခြင်း
တစ်ခါတစ်ရံ ရောဂါလက္ခဏာမပြဘဲ ရင်သားကင်ဆာစစ်ဆေးရန် ရင်သားဓာတ်မှန်ရိုက်သောအခါမှ တွေ့သည်လည်း ဖြစ်တတ်ပါသည်။
အထက်ဖော်ပြပါ ရောဂါလက္ခဏာများဖြစ်ပေါ်လာပါက တတ်ကျွမ်းသောဆရာဝန်နှင့် သွားရောက်ပြသကာ စနစ်တကျစစ်ဆေးမှုခံယူသင့်ပါသည်။
ရင်သားကင်ဆာသည် စောစီးစွာတွေ့ရှိ ကုသမှု ခံယူပါက ရောဂါပျောက်ကင်းနိုင်ရုံမျှမက ရောဂါကြောင့် သေဆုံးမှုကိုတားဆီးနိုင်သောကြောင့် ယခုအခါ နိုင်ငံတကာတွင် ရင်သားကင်ဆာပညာပေးခြင်း၊ ရင်သားကင်ဆာစစ်ဆေးခြင်းများ ပြုလုပ်ပေးနေပြီဖြစ်ပါသည်။
• အမျိုးသမီးများအနေဖြင့် မိမိဘာသာ ရင်သားကင်ဆာစစ်ဆေးသောနည်းများကို နီးစပ်ရာဆေးခန်း၊ ဆေးရုံတွင် သာမက အင်တာနက်၊ လက်ကမ်းစာစောင်များမှ သင်ယူထားသင့်ပါသည်။ ထို့အပြင် နေ့စဉ် အနည်းဆုံး တစ်နေ့ တစ်ကြိမ်ခန့် မိမိဘာသာစစ်ဆေးပေးသင့်ပါသည်။
• ထိုမျှမက အသက်ငယ်သူများ(အသက် ၂၀ မှစ၍) အနည်းဆုံး ၃နှစ် တစ်ကြိမ်၊ အသက်ကြီးသူများအနေဖြင့် တစ်နှစ် တစ်ကြိမ် တတ်ကျွမ်းသူများ၏ စစ်ဆေးပေးမှုကိုခံယူသင့်ပါသည်။
• အသက် ၄၅ နှစ်မှစ၍ ရင်သားဓာတ်မှန်(mammogram) ရိုက်၍ စစ်ဆေးသင့်ပါသည်။
• လိုအပ်ပါက တယ်လီဗေးရှင်း ဓာတ်မှန်(USG) နှင့် သံလိုက်စက်ကွင်းဓာတ်မှန်(MRI) များရိုက်၍လည်းစစ်ဆေးနိုင်ပါသည်။
ရီချို(ဆေး ၁)