ဆနွင်းရဲ့ ကောင်းကျိုးများ

ဆနွင်းရဲ့ ကောင်းကျိုးတွေကို ပြောမယ်ဆိုရင်တော့ ပြောလို့ မကုန်ပါဘူး။ ရှေးအစဉ်အဆက်ကတည်းက သုံးခဲ့ကြပါတယ်။ ရောဂါတော်တော်များများကို သက်သာစေနိုင်တဲ့အပြင် သုံးရလွယ်တာကြောင့် လူသိများပါတယ်။ မီးဖိုချောင်သုံးဆေးဝါး အဖြစ် အသိအမှတ်ပြုကြပါတယ်။ စားဆေးအဖြစ်အပြင်၊ လိမ်းဆေး အဖြစ်ပါသုံးကြပါတယ်။ တိုင်းရင်းဆေးဖော်တဲ့ နေရာမှာပါ အသုံးများပါတယ်။ ဆနွင်းမှာ ပါတဲ့ Curcumin ဆိုတဲ့ ဓာတ်က အစွမ်းရှိတာ ဖြစ်ပါတယ်။ ဆနွင်းရဲ့  အာဟာရတန်ဖိုး နဲ့  အသုံးဝင်ပုံကို ဖော်ပြချင်ပါတယ်။

ဆနွင်းမှုန့် ထမင်းစားဇွန်း ၁ ဇွန်းမှာ ၂၄ ကယ်လိုရီ၊ အဆီ ၀.၇ ဂရမ်၊ ဆိုဒီယမ် ၂.၆ မီလီဂရမ်၊ ပိုတက်ဆီယမ် ၁၇၁.၇ မီလီဂရမ်၊ ကစီဓာတ် ၄.၄ ဂရမ်၊ အမျှင်ဓာတ် ၁.၄ ဂရမ်၊ အသားဓာတ် ၀.၅ ဂရမ်၊ ဗီတာမင် C ၊ သံဓာတ် ၊ ဗီတာမင် B6 ၊ မဂနီဆီယမ် တို့ ပါဝင်ပါတယ်။ ဆားဓာတ်နည်းတဲ့ အတွက် ဟင်းခတ်အမွှေးအကြိုင်အနေနဲ့ လည်း သုံးကြပါတယ်။ ဆနွင်းကို အများဆုံး အဆစ်ရောင်ရောဂါတွေ၊ အစာမကြေတာတွေ၊ လေထိုးတာတွေ၊ ယောင်ယမ်းတာတွေ အတွက် သုံးကြပါတယ်။ ဒါ့အပြင် ခေါင်းကိုက်တာ၊ လေပြွန်ရောင်တာ၊ ဓာတ်မတည့်တာ၊ အရေပြားယားယံတာတွေ အပြင် ရာသီလာချိန် ကိုက်ခဲတာတွေ အတွက်လည်း သုံးနိုင်ပါသေးတယ်။ ၀က်ခြံ မှာ လိမ်းကြတဲ့ အပြင် သွားကိုက်တာ၊ သွားဖုံးယောင်တာတွေ အတွက် ပါ သုံးနိုင်ပါသေးတယ်။

စိတ်ဓာတ်ကျတဲ့ သူအချို့ မှာလည်း ဆနွင်းဟာ အသုံးဝင်တယ်လို့ ဆိုကြပါတယ်။ ဒါပေမယ့် ဆေးဝါးကုသမှုတော့ သေချာခံယူရပါမယ်။ တချို့ လေ့လာတွေ့ ရှိချက်တွေမှာတော့ ဆနွင်းဟာ သွေးတွင်းအဆီဓာတ်ကို ကျစေတယ်လို့ တွေ့ ထားကြပါတယ်။ ခိုင်လုံတဲ့ စမ်းသပ်မှု မျိုးတော့ မတွေ့ ရပါဘူး။ အဆစ်အမြစ်ယောင်ယမ်းခြင်းမှာတော့ ဆနွင်းဟာ Ibuprofen ဆေးနီးနီး အကိုက်အခဲ သက်သာစေပေမယ့်၊ Diclofenac ဆေးလောက်တော့ မစွမ်းဘူးလို့ တွေ့ ရှိရပါတယ်။ လိမ်းတာမျိုးကလည်း အယောင်ကျစေပြီး အန္တရာယ်ကင်းပါတယ်။

ဆနွင်းဟာ အစာအိမ်အနာ ဖြစ်နေတဲ့ သူတွေမှာဆိုရင်တော့ ရောဂါကို သိသိသာသာ သက်သာစေတာမျိုး မရှိဖူးလို့ တွေ့ ရပါတယ်။ လူတွေ ပြောကြတဲ့ မှတ်ဥာဏ်ရော့နည်းတာ ကာကွယ်နိုင်တာတို့ ၊ ဆီးချိုကာကွယ်တာတို့ ၊ အူမကြီးကင်ဆာ ကာကွယ်တာတို့  စတာတွေကိုတော့ သက်သေပြစရာ ခိုင်လုံတဲ့ စာတမ်း မရှိသေးပါဘူး။

ဆနွင်း ကို သတိထားသုံရမယ့် အခြေအနေတွေကတော့ ကိုယ်ဝန်ဆောင်ချိန် နဲ့  သွေးကြဲဆေး သောက်နေရသူတွေဖြစ်ပါတယ်။ အစားအစာချက်ပြုတ်တဲ့ အထဲမှာ ပါတဲ့ ပမာဏက တော့ ဆိုးကျိုး မရှိပေမယ့်၊ ဆနွင်းကို ဆေးအဖြစ် သောက်သုံးတာကိုတော့ ရှောင်ရပါမယ်။ နို့ တိုက်တဲ့ အချိန်လည်း အတူတူပါပဲ။ ဆနွင်းသောက်တာမျိုး မသင့်တော်ပါဘူး။ သည်းခြေကျောက်ရှိတဲ့ သူတွေ၊ သည်းခြေပြွန်ပိတ်တဲ့ သူတွေလည်း ဆနွင်းကို ရှောင်ရပါမယ်။ ဒါ့အပြင် ဆနွင်းများများ စားသုံးတာဟာ သံဓာတ်စုပ်ယူမှု ကို ပါ နှောင့်ယှက်တာကြောင့် သွေးအားနည်းသူများ သတိထားပါ။ သွေးခဲမှုကိုပါ ဟန့် တားနိုင်တာကြောင့် ခွဲစိတ်မှု ပြုလုပ်မယ်ဆိုရင် ၂ ပတ် အကြိုကတည်းက ဆနွင်းပါတဲ့ သောက်ဆေးများ ရပ်ပါ။

ဆနွင်းကို သုံးတတ်ရင် ဆေးဖြစ်ပါတယ်။ အစားအစာ ချက်ပြုတ်ရာမှာ အသုံးပြုတဲ့ ပမာဏ နဲ့ တော့ ဆိုးကျိုး ရှိတာ ရှားပါတယ်။ သတိပေးချင်တာကတော့ ဆနွင်းနဲ့ ပြုလုပ်ထားတဲ့ သောက်ဆေးများကိုပါ။ ချင့်ချိန်ပြီး သုံးတတ်စေဖို့  မျှဝေလိုက်ပါတယ်။ ကျန်းမာပျော်ရွှင်သော ဘ၀များ ပိုင်ဆိုင်ကြပါစေ။

Dr. Jasmine