ကျောအောင့်ခြင်း

ဆရာဝန်တွေအမြဲကြုံတွေ့ရတဲ့ပြဿနာ လူအတော်များများခံစားရတဲ့ဝေဒနာကတော့ ကျောပြင်အောင့်ခြင်းပါပဲ။ ဖြစ်ဖူးကြမှာပါ ကျောကအောင့်အောင့်နေတာ မသက်သာဘူး ဆေးခန်းလေးဘာလေးပြရမလား ဓါတ်မှန်ပဲပြေးရိုက်ရမလားဆိုပြီးတော့ပေါ့လေ။ ဟုတ်ပြီ ဒီတော့ကျောကဘာလို့အောင့်ရသလဲဆိုတာကို အကြောင်းအရင်းများစွာရှိတဲ့အနက် အဖြစ်များတဲ့အရာတွေကိုအဓိကပြောကြားသွားပါ့မယ်။

အောက်ပါအကြောင်းအရာများကြောင့် ကျောအောင့်နိုင်ပါတယ်-

၁။အဖြစ်များဆုံးအနေနဲ့ကတော့ ကျောပြင်ကြွက်သားများဒဏ်ဖြစ်ခြင်းကြောင့်ဖြစ်ပါတယ်။အလေးအပင် မ ရာတွင်ပုံစံမမှန်ခြင်း(သို့)အလေးများလွန်းခြင်း၊ကိုယ်ခန္ဓာအနေအထားမမှန်ခြင်း၊နောက်ကျောကြွက်သားများအလုပ်လွန်ကဲ၍ဝန်ပိခြင်းတို့ကြောင့် ကျောပြင်ကြွက်သားများအပေါ်ဒဏ်ပိစေနိုင်ပါတယ်။

၂။ခါးဆစ်ရိုးများဒဏ်ဖြစ်ခြင်း၊ခါးဆစ်ရိုးအရွတ်ပြားများဒဏ်ဖြစ်ခြင်း။ခါးဆစ်ရိုးကြားအရွတ်ပြားများကျွံခြင်းမှာတော့ ကျောအောင့်ခြင်းသာမကပဲ အာရုံကြောဖိမိတဲ့အခါ ခြေထောက်တွေထုံတာကျင်တာတွေသာမက ဆီး၊ဝမ်းမထိန်းနိုင်ခြင်းတို့ပါ ဖြစ်နိုင်ပါတယ်။

၃။အရိုးကျီးပေါင်းတက်ခြင်း။အသက်ကြီးတဲ့လူတွေနဲ့ ကာယလုပ်သားတွေမှာ ပိုဖြစ်တတ်လေ့ရှိပါတယ်။

၎။အရိုးပွခြင်း။အသက်ကြီးတဲ့လူတွေ၊သွေးဆုံးပြီးအမျိုးသမီးတွေ၊ဆေးလိပ် အရက်သောက်သူတွေမှာ ပိုဖြစ်လေ့ရှိပါတယ်။

၅။အဖြစ်နည်းတာတွေအနေနဲ့ကတော့ ခါးဆစ်ရိုးကျွံခြင်း၊အရိုးတီဘီ၊ကျောရိုးဆစ်ကင်ဆာနဲ့ ကျောက်ကပ်ကျောက်တည်ခြင်း/ရောင်ခြင်းတို့ပဲ ဖြစ်ပါတယ်။

ကျောဘယ်လိုအောင့်သလဲ…

ထိုးပြီးတစ်နေရာထဲအောင့်တာ၊ဆစ်ခနဲ ဆစ်ခနဲ ဓါးလေးနဲ့ထိုးသလိုအောင့်တာ၊တစ်ခါတစ်ခါကျ ခြေထောက်တွေပါလိုက်အောင့်လာတာ၊ကျောပြင်မကွေး/လမ်းမလျှောက်နိုင်လောက်အောင် အောင့်တာ အို စုံလို့ပါပဲ။ပုံမှန်ဆိုရင်ကိုပဲ ကျောအောင့်တာက ရက်သတ္တပတ်နဲ့ကြာတတ်ပါတယ်။(၃)လထက်ကျော်ရင်တော့ နာတာရှည်ဖြစ်သွားပါပြီ။(၂)ပတ်ထက်ကျော်ပြီး မသက်သာရင်တော့ ဆရာဝန်နဲ့ပြသပြီး စစ်ဆေးကုသမှုခံယူသင့်ပါပြီ။

အောက်ပါအခြေအနေများထဲမှ တစ်ခုခုဖြစ်နေရင်လဲ ဆရာဝန်နှင့်အမြန်ဆုံးပြသသင့်ပါတယ်-

၁။ဆီး၊ဝမ်း မထိန်းနိုင်လျှင်။

၂။ခြေထောက်များထုံ၊ကျင်၊အားနည်းလာလျှင်။

၃။ကျောအောင့်ခြင်းမစမီတွင် လိမ့်ကျခြင်း၊ကျောနှင့်ခါးကို ထိခိုက်မှုများရှိခဲ့လျှင်။

၎။ညဘက်တွင်တောက်လျှောက်မခံမရပ်နိုင်အောင်နာနေလျှင်။

၅။ဖျားလာလျှင်။

၆။ကိုယ်အလေးချိန်လျော့ကျလာလျှင်။

အထက်ပါအခြေအနေများသည် ပြင်းထန်သောရောဂါတစ်ခုခုနှင့်တွဲစပ်နေနိုင်သော ကျောအောင့်ခြင်းဖြစ်နိုင်ပါသည်။

ဘယ်လိုလူတွေမှာ ကျောအောင့်ခြင်းပိုဖြစ်တတ်သလဲ…

၁။အထိုင်များသောသူများ။

၂။ကိုယ်လက်လှုပ်ရှားမှု ပုံမှန်မရှိသောသူများ။

၃။သွေးပူ၊အကြောလျှော့မလုပ်ပဲ ပြင်းထန်သောကိုယ်လက်လေ့ကျင့်ခန်းပြုလုပ်တဲ့လူများ။

၎။အသက်အရွယ်ကြီးရင့်သူများ။

၅။ဆေးလိပ်သောက်သူများ။

၆၊၊အဝလွန်သူများ။

၇။အလေးအပင် မ ရသော ကာယလုပ်သားများ။

ဘယ်လိုကုသမလဲ…

ဆရာဝန်နှင့်ပြသ၍ လိုအပ်သောစမ်းသပ်စစ်ဆေးမှုများခံယူကုသခြင်းဟာ အသင့်တော်ဆုံးဖြစ်ပါတယ်။ ဆေးဝါးများမလိုပဲ ကျောပြင်အောင့်ခြင်းကိုသက်သာစေသောနည်းလမ်းလေးတွေကို လုပ်ဆောင်ခြင်းဖြင့်လဲ အထိုက်အလျောက်သက်သာစေနိုင်ပါတယ်…

၁။ရေခဲကို ပုဝါအပါးလေးနဲ့ပတ်၍ ကပ်ပေးခြင်း၊ရေနွေးအိတ်ကပ်ခြင်း။

၂။ထိုင်လျှင်မတ်မတ်ထိုင်ခြင်း၊ပုံစံမှန်ကန်စွာ အလေးအပင် မ ခြင်း၊အကြောလျှော့ခြင်း။

၃။သဘာဝအဆီများ(Capsaicin-ငရုတ်ကောင်းမှရသောအဆီ)လိမ်းပေးခြင်း။
၎။ဒဏ်ကြေဆေးများလိမ်းခြင်း။

ကျောပြင်အောင့်ခြင်းကို ဘယ်လိုကာကွယ်မလဲ…

အောက်ပါအချက်များကို လိုက်နာခြင်းဖြင့်ကာကွယ်နိုင်ပါတယ်…

၁။မနိုင်သောဝန်များမခြင်း၊ခါးကုန်း၍ပုံစံမမှန်အလေးမခြင်းကို ရှောင်ကြဉ်ပါ။

၂။သွားလာလှုပ်ရှား၊အထိုင်အထပြုလုပ်ရာတွင် ပုံစံမှန်မှန် ခါးမတ်မတ်နေထိုင်ပြုမူပါ။

၃။နေ့စဉ် အကြောလျော့လေ့ကျင့်ခန်းပြုလုပ်ပေးပါ။

၎။ဒေါက်မြင့်ဖိနပ်များ အမြဲစီးခြင်းကိုရှောင်ပါ။တစ်လက်မအမြင့်ထက်မပိုသော ဒေါက်ကိုသာစီးသင့်ပါတယ်။

အရေးကြီးတာကတော့ ကျောအောင့်လာလျှင်ကြိတ်မှိတ်ကုသမနေပဲ နီးစပ်ရာဆရာဝန်နှင့်ပြသ၍ကုသမှုခံယူသင့်ပါကြောင်းအကြံပြုပြောကြားလိုက်ပါတယ်။

အားလုံးပဲ ကျန်းမာချမ်းသာကြပါစေ။

dr.ye’lwin mm