ကလေးငယ်များတွင် ဆံပင်ကျွတ်ခြင်း

သင့်ရင်သွေးလေး ဆံပင်တွေ ကျွတ်တယ်ဆိုပြီး စိုးရိမ်နေပါသလား ။ မပူပါနဲ့ ဒါဟာ ဖြစ်လေ့ဖြစ်ထရှိတဲ့ အရာတစ်ခုပါ ။ အသက် ခြောက်လ အတောအတွင်း ကလေးငယ်များမှာ ဆံပင်ကျွတ်ခြင်းဟာ ဖြစ်ပွားလေ့ရှိပါတယ် ။

အကြောင်းရင်းကတော့ ဒီလိုပါ ။ ဆံပင်ပေါက်ခြင်းမှာ ဆံပင်သန်စွမ်းရှည်လျားခြင်းနဲ့ငြိမ်နေခြင်းဆိုတဲ့ အချိန်နှစ်ခုရှိပါတယ် ။ သန်စွမ်းရှည်လျားခြင်းဟာ သုံးလအထိ ကြာသလို ငြိမ်သက်နေတဲ့ကာလဟာလဲ သုံးလခန့်ကြာပါတယ် ။ ငြိမ်သက်နေတဲ့ကာလများမှာ ဆံပင်ဟာ ဆံပင်အရင်းတွင်းရှိ အဆီအိတ်လေးတွေမှာ သန်စွမ်းရှည်လျားချိန်မရောက်မီ ငြိမ်သက်နေတာပါ ။

လူရဲ့ဆံပင်စုစုပေါင်းရဲ့ ၅ % ကနေ ၁၅% လောက်ထိဟာ ငြိမ်သက်ခြင်း ကာလမှာ ရှိနေတာပါ ။ ဒါပေမယ့် စိတ်ဖိစီးမှုတွေ ၊ ဒါမှမဟုတ် ဟော်မုန်းအပြောင်းအလဲတွေက ဆံပင်တွေပေါက်ဖွားသန်စွမ်းရှည်လျားမှုကို တားဆီးစေနိုင်ပါတယ် ။ ဆံပင်ကျွတ်ခြင်းဟာ နောက်သုံးလအကြာမှ သန်စွမ်းရှည်လျားခြင်းကာလမှာ ဖြစ်တာပါ ။

မွေးကင်းစ ကလေးငယ်တွေမှာ ဟော်မုန်းပမာဏက ရုတ်တရက် ပြောင်းလဲသွားတဲ့အတွက် မွေးရာပါ ဆံပင်လေးတွေဟာ ကျွတ်ကုန်ရခြင်းဖြစ်ပါတယ် ။ ( ဒါကြောင့်လဲ တချို့အမေတွေမှာလဲ ကလေးမီးဖွားပြီး ဆံပင်အဆုပ်လိုက်ကျွတ်ခြင်းမျိုးဖြစ်ပွားရခြင်းဖြစ်ပါတယ် )

တချို့မိဘတွေဆို သူတို့ရင်သွေးလေးဟာ မွေးတုန်းက ဆံပင်အရောင် ဆံသားတွေဟာ အရွယ်ရောက်လာချိန် ကျွတ်ကုန်ပြီး ပုံစံမတူတဲ့ အရောင် ဆံသားတွေထွက်လာတာတွေကိုပါ တွေ့ရှိရပါတယ် ။ တချို့ကလေးတွေမှာ မွေးကင်းစအရွယ် မိဘတွေနဲ့မတူဘဲ မဲမှောင်နေပြီး မွေးပြီးသိပ်မကြာခင်မှာမှ မိဘတွေနဲ့ တူတဲ့ ဆံသားအသစ်ထွက်လာတာမျိုးတွေ တွေ့ရပါတယ် ။

အောက်ပါအချက်တွေကတော့ ကလေးငယ်တွေမှာ ဆံပင်ကျွတ်စေတဲ့ အကြောင်းအရင်းတွေပါပဲ

* အနီသို့မဟုတ် အမဲရောင် အကွက်တွေ ဟိုတစ်ကွက် ဒီတစ်ကွက်တွေ့ရခြင်း

* ဒဏ်ရာရခြင်း – အထူးသဖြင့် အလွန်တင်းတဲ့ ကြက်တောင်စီးမျိုး စီးပေးခြင်း

* ကလေးငယ်မှ မိမိဆံပင်ကို အတင်းဆွဲခြင်း ၊ နှုတ်ခြင်း

* အကယ်၍သင့်ကလေးမှာ ချောပြောင်ပြီး လုံးဝထိပ်ပြောင်နေတဲ့ အနေအထားမျိုးတွေ့ရှိရပါက သင့်ကလေးရဲ့ခုခံအားက ဆံပင်အမြစ်တွေကို တိုက်ခိုက်နေလို့ပဲဖြစ်ပါတယ် ။ ဒီလိုမျိုးအခြေအနေကို အကွက်လိုက် ဒါမှမဟုတ် တစ်ခေါင်းလုံးမှာ တွေ့ရှိနိုင်ပါတယ် ။

* တချို့သော ရောဂါအခြေအနေတွေဖြစ်တဲ့ သိုင်းရွိုက်ဟော်မုန်း ရောဂါအခြေအနေတွေမျိုးမှာလဲ တစ်ခေါင်းလုံး ဆံပင်ကျွတ်ခြင်းမျိုးဖြစ်ပွားနိုင်ပါတယ် ။

ကျွန်တော် ကျွန်မတို့ ကလေး ဆံပင်ကျွတ်ရင် ဘာလုပ်ပေးလို့ရမလဲ ?

ဟော်မုန်းအပြောင်းအလဲကြောင့်ဖြစ်ရတဲ့ ဆံပင်ကျွတ်ခြင်း အခြေအနေတွေမှာ မိဘတွေအနေနဲ့ စိုးရိမ်မနေဘဲ စောင့်ကြည့်ပေးနိုင်ပါတယ် ။

အကယ်၍ ဆံပင်ကျွတ်ခြင်းဟာ အိပ်စက်ချိန် အနေအထားတစ်ခုထဲမှာ အချိန်ကြာကြာရှိနေတာမျိုးကြောင့် ဖြစ်ပွားနေသည်ဟု ယူဆရလျှင် ကလေး တရေးတမော အိပ်စက်ချိန် ၊ ညအိပ်ချိန်တွေမှာ ပုံစံပြောင်း သိပ်ပေးပါ ။

ကလေးအရွယ်ခြောက်လကျော်သည်အထိ ဆံပင်ကျွတ်ခြင်း ဆက်လက်ဖြစ်ပွားနေပါက ဆရာဝန်နှင့် ပြသပါ ။ သို့မှသာ ဆရာဝန်မှ စမ်းသပ်ကြည့်ရှုပြီး ပုံမှန်ဟုတ်မဟုတ် ရောဂါအခြေအနေတစ်ခုရှိမရှိ ဆုံးဖြတ်ပေးနိုင်မှာဖြစ်ပါတယ် ။ ဥပမာ သံရှိနေခြင်းကြောင့် သွေးအားနည်းပြီး ဆံပင်ကျွတ်ခြင်း အခြေအနေမျိုးတွေ့ရှိပါက သံချဖို့ ညွှန်ကြားပေးနိုင်ပါတယ် ။

အကယ်၍ ရှားပါး ဦးရေပြားရောဂါလက္ခဏာမျိုးတွေ့ရှိပါက အရေပြားအထူးကုဆရာဝန်ထံ လိုအပ်သော ကုထုံးများ ဆက်လက်လုပ်ဆောင်နိုင်ရန် လွှဲပြောင်းပေးမှာဖြစ်ပါတယ် ။

အားလုံးကျန်းမာကြပါစေ

ဒေါက်ပီ