ကိုလက်စထရောအကြောင်း သိကောင်းစရာ

ကိုလက်စထရောဆိုသည်မှာ သင့်ခန္ဓာကိုယ်ဆဲလ်များအတွင်းရှိ ဖယောင်းကဲ့သို့ အဆီလေးများပင်ဖြစ်သည် ။ ကိုလက်စထရောကို ဟော်မုန်းများ ထုတ်လုပ်ခြင်း ဗီတာမင် ဒီ ဖွဲ့စည်းချင်းများအပါအဝင် ခန္ဓာကိုယ်၏ လုပ်ဆောင်ချက်တော်တော်များများတွင် လိုအပ်ပါတယ် ။ ထို့အပြင် အာရုံကြောစနစ်တွေအတွက်ရော အဆီတွင်ပျော်ဝင်သော ဗီတာမင်ဓာတ်များစုပ်ယူရာတွင်ပါ အရေးကြီးလှပါတယ် ။

Americans Heart Association (AHA) အရ ကျွန်ုပ်တို့ခန္ဓာကိုယ်အတွက် လိုအပ်သော ကိုလက်စထရောကို အသည်းမှ တဆင့် ထုတ်ပေးနေပြီး ပြင်ပအစားအစာများ စားသုံးခြင်းမှ တဆင့်လဲ ရရှိနေပါတယ် ။ကိုလက်စထရောအစားများပါက အသည်းမှ လျှော့၍ ထုတ်ပြီး ကိုလက်စထရောနည်းသည့်အစားအစာများစားပါက အသည်းမှ ပိုထုတ်ပါတယ် ။ အဓိကရရှိသော အစားအစာရင်းမြစ်များမှာ တိရစ္ဆာန်ထွက်ပစ္စည်းများဖြစ်ပြီး အများအားဖြင့်

•အသား

•ဥ

•ပြည့်ဝဆီထွက်ကုန်များ

•အုန်းဆီ စာအုန်းဆီ

မှရရှိလေ့ရှိပါတယ် ။

ကိုလက်စထရောကို lipoproteins ဆိုတဲ့ အရာလေးတွေက တဆင့် ခန္ဓာကိုယ်တွင်း လှည့်လည်ပါတယ် ။ အဲ့ lipoprotein လေးတွေကို နှစ်အုပ်စုခွဲထားပြီး HDL နဲ့ LDL ဆိုလူသိများကြပါတယ် ။

HDL ဟာ ကောင်းတဲ့ ကိုလက်စထရောလို့ အလွယ် သတ်မှတ်ကြပါတယ် ။ သူက ခန္ဓာကိုယ်က ပိုလျှံတဲ့အဆီတွေကို အသည်းဆီသယ်သွားပြီး ဖျက်ဆီးပစ်လို့ဖြစ်တယ် ။

LDL ကတော့ မကောင်းတဲ့ ကိုလက်စထရော လို့သတ်မှတ်ကြတယ် ။ သွေးထဲမှာ အရမ်းများလာတဲ့အခါ သွေးကြောနံရံတွေမယ် အဆီဖတ်ကလေးတွေဖြစ်စေပြီး သွေးကြောကျဉ်းရောရါဖြစ်စေလို့ပါ ။ အချိန်ကြာလာတာနဲ့အမျှ အဆီတွေ နံရံမှာ တွယ်ကပ်လာမှုကြောင့် နှလုံးကို သွေးစီးဆင်းမှုဟာ အဟန့်အတားဖြစ်စေလာပြီး နှလုံးရောဂါတွေ လေဖြတ်တာ သွေးကြောပိတ်ဆို့တာ အစရှိတဲ့ ရောဂါတွေဖြစ်ပွားလာစေပါတယ် ။

စားသုံးရန်မသင့်တဲ့ ပြည့်ဝဆီ ( saturated fat ) တွေ trans fat တွေများစွာပါဝင်နေတဲ့ အစားအစာများကိုစားပါက သွေးတွင်းကိုလက်စထရော ပမာဏများပြားလာစေပြီး နှလုံးသွေးကြောကျဉ်းရောဂါ နှလုံးရောဂါ ရုတ်တရက်လေဖြတ်သွားတာ ခြေလက်များရှိ သွေးကြောများပိတ်ဆို့ကုန်တာ အစရှိသဖြင့် ဖြစ်ပွားလာစေနိုင်ပါတယ် ။ဒါ့အပြင်ဆေးလိပ်သောက်ခြင်းဟာလဲ ကိုလက်စထရောတက်စေတဲ့အကြောင်းအရင်းတစ်ခုပဲ ဖြစ်ပါတယ် ။

သို့အတွက် ကိုလက်စထရောဟာ လျှော့ချသင့်ပြီး အထူးသဖြင့် နေထိုင်မှုပုံစံပြောင်းလဲခြင်းဖြင့် အစပြုသင့်ပါတယ်

ပုံမှန်လေ့ကျင့်ခန်းလုပ်ခြင်း

ဆေးလိပ်ဖြတ်ခြင်း

သွေးပေါင်ချိန် ပုံမှန်ထိန်းထားခြင်း

အစေ့အဆံများများ စားသုံးခြင်း

အမျှင်ဓာတ်ပါဝင်သော အသီးအရွက် အသီးအနှံများ စားသုံးခြင်း

ငါးများများ တစ်ပတ်နှစ်ကြိမ် အနည်းဆုံးစားပေးခြင်း

စားအုန်းဆီအစား နေကြာဆီ သံလွင်ဆီများ အစားထိုးသုံးစွဲခြင်း

အသင့်ထုတ်ပိုးထားသော အာလူးကြော်များ မုန့်များ ရှောင်ရှားခြင်း များဖြင့် ကိုလက်စထရောမြင့်တက်ခြင်းကို ကာကွယ်နိုင်ပါတယ် ။

Dr. ရှိန်းသူဟန်