အရက်နဲ့ကင်ဆာ

ဆရာရှင့်။ ကျွန်မဟာ အသက်(၆၀) ကျော်အရွယ် မိခင်တစ်ဦးပါ။ သည်ဘက်ခေတ်မှာ ဆေးလိပ်နဲ့ ပတ်သက်လာရင် ကျန်းမာရေးအတွက် မကောင်းကြောင်း၊ ဆေးလိပ်ဖြတ်ဖို့ လို့ကြောင်း၊ ဆေးလိပ်ကြောင့် ကင်ဆာအများအကြီးဖြစ်စေနိုင်ကြောင်း ရေးသားနေကြတာ တွေ့နေရပေမယ့် အရက်နဲ့ပတ်သက်လာရင်တော့ သိပ်ရေးကြတာ မတွေ့ရပါဘူးဆရာ။ အရက်ကို နည်းနည်းသောက်ရင်ကောင်းတယ်လို့တောင် ဆရာတို့ရေးရေးနေတဲ့စာတွေမှာ တွေ့နေရပါတယ်။ အရက်ဟာ ကင်ဆာရောဂါတွေ ဖြစ်စေနိုင်လားဆရာ။ နည်းနည်းသောက် ရင်ကောင်းတယ်ဆိုပေမယ့် အဲသည်နည်းနည်းနဲ့သောက်နေလိုက်ကြတာဟာဖြင့် တစ်နိုင်ငံ လုံး အရက်၊ ဘီယာဆိုင်တွေရှောင်မရဖြစ်နေတာမို့ တခြားရောဂါတွေအသာထား။ ကင်ဆာနဲ့ ပတ်သက်တာလေးတွေကိုပဲ လူငယ်၊ လူကြီးတွေ ချင့်ချိန်နိုင်ကြဖို့ ဖော်ပြပေးစေချင်ပါတယ် ရှင့်။

ဖြေ။   အမှန်တော့ အရက်ဟာ ကင်ဆာဖြစ်စေသော ဓာတ်တစ်မျိုးဖြစ်စေတယ်လို့ အပြည် ပြည်ဆိုင်ရာ ကင်ဆာသုတေသနအဖွဲ့ကြီး( IARC) က (၁၉၈၈)ခုနှစ်ကတည်းက တရားဝင် ထုတ်ပြန်ပြီးသားဖြစ်ပါတယ်။ အရက်ဟာ အစာရေမြိုပြွန်ကင်ဆာကို ဖြစ်စေတယ်ဆိုတာ တိတိ ကျကျသိရှိထားပြီးသားပါ။ တခြားသော အရက်နဲ့ဆက်နွယ်နေတဲ့ ကင်ဆာတွေလည်း အများ ကြီးပါ။ အနောက်နိုင်ငံများမှာ အမျိုးသမီးတွေ အရက်သောက်သုံးမှုများခြင်းဟာ ရင်သားကင် ဆာဖြစ်ပွားမှုတက်လာတာနဲ့ တိုက်ရိုက်ဆက်နွယ်မှုရှိနေတယ်ဆိုတာလည်း ကျွန်တော်တို့ သိလာကြပါပြီ။

အရက်ကို သင့်တင်ရုံလောက် သောက်လို့ရတယ်လို့ ဆရာဝန်တွေက ပြောတယ်ဆို တာမှာ နှလုံးသွေးကြောကျဉ်းရောဂါအတွက်သာ ဖြစ်တယ်လို့ အမြဲတမ်း ထည့်ပြောလေ့ ရှိ ပါတယ်။ အရက်ကို အလွနအကျွံသောက်သူများအတွက်ကတော့ နှလုံးပျက်စီးခြင်း၊ လေဖြတ် ခြင်း၊ နှလုံးခုန်မမှန်ခြင်းစတဲ့ ပြဿာနာတွေ ဖြစ်နိုင်ပါတယ်။ ကင်ဆာရောဂါနဲ့ ပတ်သက်ရင် တော့ အရက်သောက်သုံးမှုနှုန်းများသလို မကောင်းနိုင်ပါ။ အရက်ကိုနည်းနည်းလေးသောက် ရင်ရော ကင်ဆာရောဂါများအတွက် ကောင်းသလားလို့မေးရင် လုံးဝ မကောင်းဘူးလို့ ခိုင် ခိုင်မာမာ ပြောနိုင်ပါတယ်။ အရက်ကို ပေါ့ပေါ့ပါးပါးလေးသောက်သူများက အာခံတွင်း ကင်ဆာ၊ အစာရေမြိပြွန်ကင်ဆာနဲ့ ရင်သားကင်ဆာတွေ ပိုဖြစ်တယ်လို့ သုတေသနများအရ သိရပါသည်။

အရက်ထဲမှာ ကင်ဆာဖြစ်စေနိုင်တဲ့ ဒြပ်ပေါင်းအနည်းဆုံး (၁၅)မျိုးပါပါတယ်။ အဲသည် ထဲမှာ အီသနောဓာတ်က အဆိုးဆုံးပါ။ အရက်ကို သောက်လိုက်တာနဲ့ ပထမဆုံး Acetaldehyde ဆိုတဲ့ ဓာတ်တစ်မျိုးကို ရပါတယ်။ အဲသည်ဓာတ်ဟာ အာခံတွင်း၊ လည်ပင်း အတွင်းပို်င်း၊ အစာရေမြိုပြွန်နေရာတွေကို တိုက်ရိုက်ကင်ဆာ ဖြစ်စေနိုင်ပါတယ်။ ကင်ဆာ ဖြစ်နိုင်ခြေကတော့ လူတစ်ယောက်နဲ့တစ်ယောက် မတူပါဘူး။ အရက်ကို နည်းနည်းလေး သောက်လိုက်ရုံနဲ့ တိုက်ရိုက်ထိတွေ့ရတဲ့ ကလာပ်စည်းတွေဟာ ပုံစံတွေပျက်ယွင်းသွား စေနိုင်တယ်။

အရက်ဟာ အီစရိုဂျင်ခေါ်တဲ့ အမျိုးသမီးဟော်မုန်းကို တတ်စေနိုင်တယ်။ အမျိုးသမီး ဟော်မုန်ဟာ နို့ပြွန်လမ်းကြောင်းတလျှောက်က ကလာပ်စည်းတွေကို ပွားများစေပြီး ကင်ဆာ ဖြစ်စေနိုင်တယ်။ အရက်က ကင်ဆာဖြစ်စေတယ် ဆိုတဲ့နေရာမှာ သူနဲ့ တိုက်ရိုက်ထိတွေ့တဲ့ နေရာတွေကို ပိုဖြစ်စေတာပါ။ အူမကြီးနဲ့ အသည်းကင်ဆာများဟာလည်း အရက်သောက်သုံး မှုနဲ့ တိုက်ရိုက်ပတ်သက်နေပြန်ပါတယ်။ ၀ိုင်၊၀ီစကီ၊ ဘီယာ ဘာကိုပဲသောက်သောက် မကောင်းကျိုးကတော့ အတူတူပါပဲ။ တစ်ခုပဲ၊ အစာရေမြိုပြွန်ကင်ဆာမှာတော့ အရက်ပို ပြင်းရင် ပြင်းထန်သလို ကင်ဆာမြန်မြန်ဖြစ်စေတယ်လို့ ဆိုကြတယ်။

ကင်ဆာဖြစ်စေတဲ့ အန္တရာယ်တွေထဲမှာ အရက်ထက်ပိုပြီး အရေးကြီးတဲ့ အချက်တွေရှိ ပါတယ်။ ဥပမာ – ဆေးလိပ်၊ အသည်းရောင်အသားဝါဘီပိုး၊ စီပိုး စသဖြင့်ပေါ့၊ ကင်ဆာကြောင့် လူနာတစ်ဦးကွယ်လွန်ရပြီဆိုရင် အဲသည်လူနာရဲ့ ဆေးလိပ်သောက်နိုင်ခြေနှုန်းက ၉၀% ဖြစ် ပါတယ်။ အရက်သောက်နိုင်ခြေနှုန်းကတော့ ၅% မှ ၄၀% အထိ ရှိနေနိုင်ပါတယ်။ ကင်ဆာ ရောဂါများရဲ့ ၆၀% ဟာ နောက်ခံအကြောင်းရင်ကိ မသိရှိရသေးပါ။ ဒါကြောင့် အရက်ကို လ လုံးဝမသောက်ပဲနေတာဟာ အကောင်းဆုံးလို့ ဆိုနိုင်ပါတယ်။ သေချာတစ်ခုကတော့ ကင်ဆာရောရှိနေသူတွေ အရက်သောက်ရင်တော့ မြန်မြန်သေစေတယ်ဆိုတဲ့ အချက်ပါ။

(၂၁) ရာစုမှာ အရက်သောက်တဲ့ကိစ္စကို Responsible Drinking လို့ သုံးစွဲကြပါတယ်။ အရက်ဆိုတာ ဘယ်လောက်သောက်သောက် မကောင်းဘူး။ ကိုယ့်တာဝန်ကိုယ်ယူ၊ ကိုယ်ဖြစ် ကိုယ်ခံဆိုတဲ့ သဘောပါပဲ။ အရက်ရော၊ ဆေးလိပ်ပါ လုံးဝရှောင်ကြဉ်မယ်ဆိုရင် အာခံတွင်း ကင်ဆာဖြစ်နိုင်ခြေ ၉၀% အထိ ကျဆင်းသွားနိုင်ပါတယ်။ အမှန်တော့ အရက်ဟာ ကင်ဆာရောဂါတစ်ခုထဲမှာမှ မဟုတ်ဘဲ တကိုယ်လုံးမှာ ပြဿနာတွေဖြစ်စေတယ်ဆို တာလည်း မမေ့ကြဖို့လိုပါတယ်။

ပြည်သူ့ကျန်းမာရေးပညာရှင်တွေကတော့ အရက်ကိုထိန်းချုပ်ဖို့က လူတစ်ယောက် ချင်းစီ အရက်ဘယ်လောက်အများဆုံး သောက်နိုင်သလဲဆိုတာထက် လူဘယ်လောက် များများ အရက်သောက်နေကြသလဲဆိုတဲ့ အချက်က အရေးကြီးပါတယ်လို့ သုံးသပ်ကြတယ်။ သဘောကတော့ သောက်နေတဲ့အရက်ပမာဏ အရေးမကြီးဘူး။ ဘယ်လောက်သောက် သောက် အန္တရာယ်ရှိနေတာမို့ လူဘယ်နှစ်ယောက် သောက်လာသလဲဆိုတဲ့အချက်က အရက်နဲ့ကင်ဆာ ဆက်စပ်မှုမှာပိုအရေးကြီးတဲ့ အဓိပ္ပာယ်ပါ။

အားလုံးပြန်ပြီးခြုံပြောရရင် ကင်ဆာရောဂါနဲ့ ပတ်သက်လာရင်တော့ စိတ်ချရတဲ့ အရက်ပမာဏဆိုတာ မရှိပါ။ မသောက်လေ၊ ကောင်းလေဖြစ်ပါတယ်။ သည်လောက်ဆိုရင်ဖြင့် အရက်အပေါ်မှာရှုမြင်တဲ့ ကင်ဆာဆရာဝန်များရဲ့ သဘောထားကို သိလောက်ပြီထင်ပါတယ်။