အရက်နှင့်ဓာတ်မတည့်ခြင်း

ဓာတ်မတည့်ဘူးဆိုတဲ့စကားကို အများစုကြားဖူးပြီးသားဖြစ်နိုင်ပါတယ်။ ဒါ့အပြင် ဓာတ်မတည့်တာရဲ့နောက်မှာ ဘာကိုမတည့်တာလဲဆိုတာလည်း ရှိပါတယ်။ ဝတ်မှုန်တွေ၊ အကောင်တွေရဲအ့မွှေးတွေ၊ ရေမွှေးနံ့တွေစတဲ့ များစွာသောအရာတွေကို ဓာတ်မတည့်တာတွေရှိနိုင်ပါတယ်။ အလားတူပဲalcohol ကို ဓာတ်မတည့်တာလည်းရှိပါတယ်။
အရက်ကိုဓာတ်မတည့်တာဟာ ရှားပါးတယ်ဆိုပေမယ့် တကယ်မတည့်ဘူးဆိုရင်တော့ သောက်မိတာနဲ့တစ်ပြိုင်နက် ဆိုးဆိုးဝါးဝါးအန္တရာယ်ရှိပြီး အသက်ပါပါသွားနိုင်ပါတယ်။

ဓာတ်မတည့်တာရဲ့ လက္ခဏာတွေကတော့ အခြားအရာတွေကို ဓာတ်မတည့်ရင်ဖြစ်တဲ့ ဝေဒနာတွေအတိုင်းဖြစ်ပါတယ်။ အရေပြားမှာ အနီကွက်အနီစက်တွေပေါ်လာနိုင်ပါတယ်။ အရေပြားတွေယားယံပြီး မခံမရပ်နိုင်အောင်ဖြစ်လာတတ်ပါတယ်။ မျက်နှာ၊ နှုတ်ခမ်း၊ လည်ပင်းတွေမှာလည်း ဖောင်းလာတတ်ပါတယ်။ အသက်ကောင်းကောင်းမရှူနိုင်တော့တာ၊ ရှူရင် ရွှီရွှီလို့မြည်တာတွေဖြစ်လာတတ်ပါတယ်။ သွေးပေါင်တိုင်းမရတော့တာ၊ သတ်လစ်သွားတာ၊ အန်တာ၊ ဝမ်းလျှေတာတွေပါဖြစ်နိုင်ပြီး နောက်ဆုံးအသက်ပါပါသွားနိုင်ပါတယ်။

အရက်ကိုဓာတ်မတည့်ဘူးဆိုရင်လည်း အဆိုပါလက္ခဏာတွေနဲ့ပဲ လာနိုင်ပါတယ်။ alcoholပါတဲ့ အဖျော်ယမကာတွေ၊ အရည်တွေသောက်မိတာနဲ့ အဆိုပါဝေဒနာတွေခံစားရနိုင်ပါတယ်။ မိမိကိုယ်မိမိ အရက်နဲ့ဓာတ်မတည့်ဘူးလို့ထင်လာတာနဲ့ သောက်နေတာကိုရပ်ပြီး ဆေးကုသမှုကို ချက်ချင်းခံယူသင့်ပါတယ်။ အနည်းငယ်နောက်ကျတာနဲ့ အသက်ပါနိုင်တာမို့ မြန်မြန်ကုသဖို့လိုပါတယ်။ အဆိုပါဝေဒနာတွေသက်သာသွားပြီးနောက်မှာတော့ အရက်ကိုတကယ်မတည့်တာလား ဒါမှမဟုတ် တခြားမတည့်တာတွေသောက်မိစားမိလားဆိုတာကိုတော့ လိုအပ်တဲ့စမ်းသပ်မှုတွေလုပ်ပြီး အရက်ကိုတကယ်မတည့်တာလားဆိုတာသေချာအောင် စစ်ဆေးရပါမယ်။ သေချာပြီဆိုရင်တော့ အရက်ကို တစ်သက်လုံးရှောင်ကြဉ်ရတော့မှာဖြစ်ပါတယ်။

အရက်နဲ့ဓာတ်မတည့်တာဟာ ရှားပါးပေမယ့်ဖြစ်လေ့ဖြစ်ထရှိပါတယ်။ ဓာတ်မတည့်တဲ့အရာကို ခန္ဓာကိုယ်ကတုံ့ပြန်ပုံဟာလည်း အရမ်းမြန်ဆန်ပြီး ပြင်းထန်ပါတယ်။ ဒါကြောင့် အရက်ကိုဓာတ်မတည့်တာသေချာရင် လုံးဝရှောင်ကြဉ်ရမှာဖြစ်ပါတယ်။ နည်းနည်းလေးတောင်ပြန်ပြီးစမ်းသပ်မသောက်သင့်ပဲ ဓာတ်မတည့်တဲ့ ဝေဒနာတွေရှိလာရင်လည်း မြန်မြန်ကုသသင့်ပါတယ်။

Dr. ZZ