သွေးကြောထဲ လေပိတ်ဆို့ခြင်း

သွေးလွှတ်ကြော ဒါမှမဟုတ် သွေးပြန်ကြောထဲ အကြောင်းတစ်စုံတစ်ရာကြောင့် လေပူဖောင်း တစ်လုံး သို့မဟုတ် တစ်လုံးထက်ပိုပြီိး ဝင်သွားကာ ပိတ်ဆို့မှု ဖြစ်စေခြင်းကို သွေးကြော လေပိတ်ဆို့ခြင်း Air embolism လို့ခေါ်တယ် ။ နောက်နာမည်တမျိုးအနေနဲ့ Gas embolism လို့လဲခေါ်တယ် ။

ဒီလိုသွေးကြောထဲဝင်သွားတဲ့ လေတွေဟာ ဦးနှောက် ၊ နှလုံး ၊ အဆုတ် အစရှိတဲ့နေရာတွေကို ရောက်သွားပြီး လေဖြတ်တာ ၊ အသက်ရှူစနစ် ထိခိုက်ပျက်စီးစေတာ ၊ နှလုံးကို အန္တရာယ်ပေးတာတွေ ဖြစ်စေပါတယ် ။ ဒါပေမယ့် ဖြစ်တောင့်ဖြစ်ခဲပါတယ် ။

ာကြောင့်ဖြစ်ရသလဲ ?

သင့်သွေးလွှတ်ကြော ဒါမှမဟုတ် သွေးပြန်ကြောဟာ လေထုနဲ့ထိတွေ့နေတဲ့အခြေအနေမျိုးတွေမှာ ဖြစ်စေတတ်ပါတယ် ။ ဥပမာ

(၁) ဆေးထိုးခြင်း

သွေးပြန်ကြောထဲသို့ ဆေးထိုးခြင်းမှ မတော်တဆ လေများဝင်စေနိုင်ပါတယ် ။ ဆေးရုံတက်လူနာများတွင် သွေးလွှတ်ကြော သွေးပြန်ကြော အတွင်း ထိုးသွင်းစိုက်ထားသည့် cannula အပ်များမှ မတော်တဆ ဝင်ရောက်နိုင်ပါတယ် ။ သို့သော် ကျွမ်းကျင်ဆရာဝန်များ သူနာပြုဆရာမများကိုယ်တိုင်လုပ်ဆောင်ခြင်း ကြောင့် အတွေ့ရနည်းပြီး လေဝင်သွားခဲ့လျှင်လဲ ချက်ချင်းလက္ခဏာများကို သိရှိကုသပေးနိုင်ပါတယ် ။

အဓိကအားဖြင့် မူးယစ်ဆေးဝါးသုံးစွဲသူများတွင် ဆေးထိုးမကျွမ်းကျင်မှုများကြောင့် အဓိက အတွေ့များရပါတယ် ။

(၂)ခွဲစိတ်မှုမျာ

ခွဲစိတ်မှုများပြုလုပ်ရာတွင်လဲ မတော်တဆလေဝင်ခြင်း ဖြစ်ပွားနိုင်ပါတယ် ။ သို့သော် အထက်တွင်ပြောသကဲ့သို့ ဖြစ်ပွားသည့်ရာခိုင်နှုန်း ရှားပါးပြီး ဆရာဝန် ဆရာမ များ၏ ကျွမ်းကျင်သေချာတိကျမှုတို့ကြောင့် အဖြစ်နည်းပါးပါတယ် ။

(၃) အဆုတ်ကို ထိခိုက်ဒဏ်ရာရခြင်း

မတော်တဆမှုများကြောင့် အဆုတ်ကိုထိခိုက်ဒဏ်ရာရပြီး သွေးကြောများအတွင်းသို့ လေများဝင်သွားခြင်း ၊ ဒဏ်ရာကြောင့် အသက်ရှူစက်တပ်ရချိန် သွေးကြောထဲသို့ မတော်တဆလေခိုသွားခြင်းတို့ ဖြစ်စေနိုင်ပါတယ် ။

(၄) ရေငုပ်ခြင်

ရေအောက်အတွင်း အချိန်တော်တော်ကြာကြာ အသက်ရှူအောင့်ထားပြီး ရေမျက်နှာပြင်ပေါ်သို့ ရုတ်တရက် အလျင်အမြန်တက်ရာမှ သွေးကြောထဲ လေခိုခြင်း ဖြစ်ပွားနိုင်ပါတယ် ။

အစရှိသည့် အခြေအနေများကြောင့် သွေးကြောများတွင် လေခိုနိုင်ပါတယ် ။

ဘယ်လိုလက္ခဏာတွေ ပြသလဲ ?

အနည်းငယ်မျှသော လေပမာဏဆိုလျှင် ရောဂါလက္ခဏာအနည်းငယ် ဒါမှမဟုတ် လုံးဝပြသလေ့မရှိပါ ။ ဆိုးဝါးသော လေခိုမှုများကြောင့် ဆိုလျှင်

* အသက်ရှူရန်ခက်ခဲခြင်း ဒါမှမဟုတ် အသက်မရှူနိုင်ခြင်း
* ရင်ဘတ်အောင့်ခြင်း
* ကြွက်သားများ အဆစ်များ နာကျင်ကိုက်ခဲခြင်း
* လေဖြတ်ခြင်း
* သတိလစ်ခြင်း
* သွေးပေါင်ချိန်ကျခြင်း
* အသားအရေပြာနှမ်းခြင်း အစရှိသည်တို့ ဖြစ်နိုင်ပါတယ် ။

ဘယ်လို ကုသ သလဲ ?

အဓိက လေဝင်နေတဲ့ လမ်းကြောင်းကို ရှာဖွေ ပိတ်ဆို့ပါတယ် ။ ထို့နောက် လေပိတ်ဆို့မှုကြောင့် ဖြစ်လာမယ့် နောက်ထပ် ဆိုးကျိုးတွေကို ကြိုတင်ကာကွယ်ပေးပါတယ် ။

တစ်ခါတစ်ရံ ဆရာဝန်များအနေဖြင့် လေဝင်လမ်းကြောင်းသည် သိသိသာသာ အခြေအနေဆိုပါက လျင်လျင်မြန်မြန် ပိတ်ဆို့နိုင်ပြီး တွေ့ရှိရန် မလွယ်သောအချိန်တွင် ထပ်မဖြစ်စေရန်နှင့်နောက်ဆက်တွဲဆိုးကျိုးများ မဖြစ်ပွားစေရန် ကာကွယ်ပေးပါတယ် ။

အကျဉ်းချုပ်ပြောရလျှင် အလွန်နည်းပါးသောလေပမာဏသည် သင့်ခန္ဓာကိုယ်အား ထိခိုက်စေမည်မဟုတ်သော်လည်း ကြီးမားသော လေခိုမှုကြောင့် သင့်ကို မလိုလားအပ်သော အခြေအနေ ရောဂါများဖြစ်စေနိုင်ပါတယ် ။ ဒါကြောင့် သင့်အနေနဲ့ သံသယရှိပါက နီးစပ်ရာဆေးရုံသို့အမြန်ဆုံး သွားရောက်ပြသသင့်ပါတယ် ။

အားလုံးကျန်းမာကြပါစေ

ဒေါက်ပီ