မျက်နှာပေါ်မှ ၀က်ခြံနှင့်တူသောအဖုလေးများ

လူတိုင်းနီးပါးဟာ ကိုယ့်မျက်နှာမှာ ၀က်ခြံလို အဖုလေးတွေပေါက်တာကို ကြုံဖူးကြ မှာပါ။ မျက်နှာပေါ်မှာပေါက်တဲ့အဖုတိုင်းဟာ ၀က်ခြံမဟုတ်တာကိုသိကြပေမယ့် ၀က်ခြံနဲ့တူတဲ့ အဖုတွေကိုတော့ ၀က်ခြံလို့ပဲထင်မှတ်နေတတ်ကြပါတယ်။ ဘာပဲဖြစ်ဖြစ်မျက်နှာပေါ်မှာ အဖုတွေကိုပေါ်လာတိုင်းမှာ အဲ့ဒီအဖုတွေကို ကြည့်ပြီးစိတ်ညစ်ကြရပါတယ်။ ဒီတော့အဲဒီအဖု တွေကို သေသေခြာခြာခွဲခြားမိပြီး သူ့ရောဂါနဲ့သူ ကုသချက်မှန်ကန်စွာ ရွေးချယ်နိုင်ပါမှ စိတ်ညစ်တာတွေကင်းဝေးနိုင်မှာပါ။ ဒီလိုမှ မဟုတ်ရင် ဟိုဟာထင်လိုက် ဟိုလိုကုလိုက်၊ ဒီလို ထင်လိုက် ဒီလိုကုလိုက်နဲ့ မလိုအပ်ပဲ ကြန့်ကြာနေပါလိမ့်မယ်။

ဝက်ခြံဆိုတာ

ဝက်ခြံနဲ့ကွဲပြားတဲ့ရောဂါတွေကို ပြောပြဖို့အတွက် ၀က်ခြံရဲ့အကြောင်းကိုအရင်ပြော ပြတာပါ။ အသေးစိတ်မရှင်းပြတော့ပါ။ အတိုချုပ်ပြီးပြောရလျှင် အဆီထွက်တဲ့မွှေးညှင်းပေါက် တွေဟာ အပေါ်ယံအရေပြားဆဲလ် အသေတွေနဲ့ပိတ်ပြီး ယောင်ယမ်းလာတဲ့အဖုတွေကို ခေါ် တာပါ။ များသောအားဖြင့် မျက်နှာမှာအဖြစ်များပြီး လည်ပင်၊ ကျောနဲ့ ရင်ဘတ်တွေမှာလည်း ဖြစ်တတ်ပါတယ်။ ဆယ်ကျော်သက်မြှီးကောင်ပေါက်အရွယ်၊ အဆီပြန်လွန်းတဲ့အသားအရေ ပိုင်ရှင်တွေမှာ အဖြစ်များပါတယ်။

အခုဖော်ပြမှာတွေကတော့ ၀က်ခြံနဲ့တူတယ်၊ မျက်နှာပေါ်မှာလဲဖြစ်တယ်၊ ပြီးတော့ အဖြစ်လဲများတဲ့ပြဿနာလေးတွေပါ။

(၁)     ရိုစဆီးယား (Rosacea)

ဒီရောဂါဟာ ၀က်ခြံနဲ့တော်တော်မှားတတ်ကြပါတယ်။ ဆရာဝန်အချို့တွေတောင်မှ မှားတတ်ကြပါတယ်။ ၀က်ခြံနဲ့များရောပြီးဖြစ်ခဲ့ရင်တော့ တော်တော်လေးကို ရှုပ်ထွေးသွားနိုင် ပါတယ်။ ရိုစဆီးယားရောဂါဟာ ၀က်ခြံနဲ့သွင်ပြင်လက္ခဏာဟာ ဆင်တူပြီး ဖြစ်ပေါ်ရခြင်းအ ကြောင်းအရင်းကတော့ ကွာခြားပါတယ်။ ဥပမာ – ၀က်ခြံဖြစ်စေဆဲ့အဆီအထွက်များခြင်း၊ Propionibacterium acne ပိုးစတာတွေဟာ ဒီရောဂါမျိုးမှာ မရှိပါဘူး။ ၀က်ခြံဟာ ဆယ်ကျော် သက်တွေမှာအဖြစ်များပြီး ရိုစဆီးယားကတော့ အသက် ၃၀ ကျော်မှာအဖြစ်များတယ်။

ဖြစ်ပေါ်ရာနေရာ

ရိုစဆီးယားဟာ မျက်နှာမှာအဖြစ်များပါတယ်။ ကျောနဲ့ရင်ဘတ်မှာ ဖြစ်တယ် ဆိုတာ တော်တော်ရှားပါတယ်။ အဲ့ဒီတော့ဖြစ်ပေါ်ရာနေရာတွေကလည်း ၀က်ခြံပေါက်တဲ့နေရာတွေ မှာပဲဖြစ်တဲ့အတွက် မှားစရာဖြစ်ရပါတော့်တယ်။

ပုံသဏ္ဍန်

ရိုစဆီးယားရဲ့အဖုတွေဟာ ရဲရောင်နေတဲ့အဖုလေးတွေပါ။ ဒီအဆင့်ထက်နဲနဲဆိုးရင် ပြည်ဖုလေးတွေပါတွေ့ရတတ်ပါတယ်။ ဖြစ်ပေါ်ရာ နေရာရဲ့ အောက်ခံအရေပြားဟာရဲနေပြီး လူနာကိုမေးကြည့်ရင် ငရုပ်သီး၊ အပူအစပ်နဲ့နေရောင်တွေဟာ နီရဲတာကို ပိုဆိုးစေပါတယ် လို့ ၀န်ခံပါလိမ့်မယ်။ ဒီလိုရဲနေတဲ့မျက်နှာပြင်မှာ သွေးကြောအနီမျှင်လေးတွေကို တွေ့မိရင်တော့ ရိုစဆီးယား ရောဂါသေချာသလောက်ပါပဲ၊ ရံဖန်ရံခါမှာ မျက်လုံးပါနီရဲနေတတ်ပါတယ်။ (မျက်စေ့ကျိန်းသလိုပေါ့)

ဘယ်လိုကာကွယ်ကုသမလဲ

အဖုအစပ်နဲ့နေရောင်တို့ကိုရှောင်စေခြင်းဟာ ရောဂါအတွက် အလွန်အရေးကြီးပါ တယ်။ မျက်နှာအတွက် ဆေးကြောသန့်စင်ရေးပစ္စည်း၊ မိတ်ကပ်အလှပြင်ပစ္စည်းတွေဟာ လည်း အရေးကြီးပါတယ်။ အရမ်းပြင်းတဲ့ ဆပ်ပြာဟာ မျက်နှာကိုပိုမိုနီရဲစေပါလ်ိမ့်မယ်။ Alcohol ပါတဲ့ Cleansers တွေ၊ အလှချယ်ပစ္စည်းတွေဟာ အရေပြားကို ပိုမိုနီရဲတာတွေဖြစ် တတ်တာကြောင့် ရှောင်ရှားဖို့လိုပါတယ်။ ကုသရာမှာတော့ Metronidazole 1% cream ၊ Sulphur 10% cream စတာတွေဟာ လိမ်းဆေးအနေနဲ့ ထိရောက်မှုရှိပါတယ်။

အချို့သောလိမ်းဆေးများ (ဥပမာ Azelic Acid, Adapalene) တို့ဟာလည်း အချို့လူနာတွေမှ ထိရောက်မှုရှိတာတွေ့ရပါတယ်။ ဆေးကြောင့်နီရဲခြင်း၊ အဖတ်လန်ခြင်းတွေ ဖြစ်ပွားတတ်ပါတယ်။

သောက်ဆေးအနေနဲ့ကတော့ တက်ထရာဆိုက်ကလင်းလိုဆေးမျိုး၊ နောက် Erythromycin Azithromycin စတဲ့ဆေးတွေဟာလည်း ဒီရောဂါကို ကုသရာမှာ တော်တော် လေး အစွမ်းထက်ပါတယ်။

Doxycycline ဆိုတဲ့ဆေးကတော့နေရောင်နဲ့ ဓာတ်ပြုခြင်းရှိတတ်တာကြောင့် ရလဒ် ကောင်းသော်လည်း သတိထားအသုံးပြုရပါလိမ့်မယ်။ Isotretinoin ဆေးကိုသောက်ဆေးအ ဖြစ်ပေးလို့ရနိုင်ပါတယ်။ တော်တော်လေးဆိုးမှပေးပါတယ်။ ဘေးထွက်ဆိုးကျိုးနဲ့ ချင့်ချိန်ပြီးမှ သာပေးသင့်ပါတယ်။

(၁)     ပါးစပ်ပတ်လည်း အရေပြားရောင်ရောဂါ (Perioral Dermatitis)

ဒီရောဂါဟာလည်း ၀က်ခြံဖုလို အဖုလေးတွေပါးစပ်ပတ်လည်မှာ ပေါက်တဲ့ဟာမို ၀က်ခြံ နဲ့ဆင်တူပါတယ်။ ဒီရောဂါဟာ များသောအားဖြင့် စတီးရွိုက် (Steroid) ပါတဲ့လိမ်းဆေးလိမ်း ရင် သို့မဟုတ် Cosmetic အလှကုန်ပစ္စည်းတစ်ချို့ရဲ့ မွှေးညှင်းပေါက်ပိတ်တတ်တဲ့ ဆိုးကျိုး တွေကြောင့် ဖြစ်ရတတ်တာပါ။

ဒီရောဂါရဲ့ အောက်ခံအရေပြားဟာ ရဲနေတတ်တာကြောင့် Rosacea နဲ့လည်းမှား တတ်ပါတယ်။ ရဲနေတဲ့ အဖုလေးများ (ရံဖန်ရံခါ ပြည်ဖုလေးများဟာ) ပါးစပ်ရဲ့ပတ်လည်တစ် ၀ိုက်မှာတွေ့ရပါလိမ့်မယ်။ နှုတ်ခမ်းရဲ့ အနားသတ်ဘေးပတ်လည်တွေမှာတော့ အဖုပေါက်ခြင်း မတွေ့ရပါဘူး။ ဒါဟာ ထူးခြားချက်တစ်တစ်ခုပါ။

အောက်ခံရေပြားဟာရဲရုံမကပဲ ရံဖန်ရံခါမှာ အဖတ်လန်နေတတ်ပါတယ်။ ယားတယ်၊ ပူတယ်၊ နာတယ်ဆိုတဲ့ခံစားချက်မျိုးကို လူနာကိုယ်တိုင်ကထုတ်ဖော်ပြောပြကြလေ့ရှိပါတယ်။

ကာကွယ်ကုသပုံ

ဒါကတော့ လိမ်းနေတဲ့စတီးရွိုက်(Steroid) ပါတဲ့ဆေး သို့မဟုတ် အဆင်မပြေဖြစ်ခဲ့တဲ့ Cosmetic အလှကုန်တွေကိုရပ်ရပါမယ်။ ပိုးသတ်ဆေးကို လိမ်းဆေးရော သောက်ဆေးပါ တွဲ ပြီးပေးရပါမယ်။ Metronidazole 1 % Cream နဲ့ Tetracycline ဆေးတွေဟာ အသုံးများပြီး ထိရောက်တဲ့ဆေးတွေပါ။

(၁)     မွေးညှင်းပေါက်ရောင် ရမ်းနာများ

မွေးညှင်းပေါက် ရောင်ရမ်းနာများဟာ နီနီရဲရဲနာတဲ့အဖုလေးတွေက မျက်နှာ၊ ကျောနဲ့ ရင်ဘတ်မှာဖြစ်ပေါ်တဲ့ခါ ၀က်ခြံနဲ့ မှားယွင်းတတ်ပါတယ်။ ဘက်တီးရီးယားပိုးနဲ့အရေးပြာ မှိုတစ်မျိုးကြောင့် မွေးညှင်းပေါက်တွေ ရောင်ရမ်းခြင်းဖြစ်ပွားရတာပါ။

ဝက်ခြံလို့ထင်ပြီးကု တာ သိပ်မသက်သာပဲပိုဆိုး လာတာမို့ အရေပြားအထူးကုဆရာဝန် ဆီရောက်ရတတ်တဲ့ရောဂါမျိုးပါ။ ရောဂါမွေး၊ မှိုခြစ်ခြင်းတွေလုပ်ပြီး ဘက်တီးရီးယားပိုးကြောင့် ဆိုရင် ပဋိဇီဝပိုးသတ်ဆေးတွေပေးရပါလိမ့်မယ်။ အရေပြားမှိုကြောင့် ဖြစ်တယ်ဆိုရင်တော့ မှို သတ်ဆေးလိမ်းရ၊ သောက်ရပါလိမ့်မယ်။ ဒါကြောင့်မလိုအပ်ဘဲ ကုသမှုမနှောင့်နှေးစေဖို့ မသေ ခြာလျှင် အရေပြားအထူးကုဆရာဝန်နဲ့ပြသဖို့ လိုပါလိမ့်မယ်။

(၁)     ဆေးကြောင့်ဖြစ်ရတဲ့ ၀က်ခြံလိုအဖုများ

တစ်ခါတစ်ရံမှာ မိမိလိမ့်တဲ့ လိမ်းဆေးကြောင့်ဖြစ်စေ၊ သောက်ဆေးကြောင့်ဖြစ်စေ၊ မျက်နှာ၊ ကျောနဲ့ ရင်ဘတ်တွေမှာ ၀က်ခြံလိုအဖုလေးတွေ ထွက်လာတတ်ပါတယ်။ အဖုတွေ ကတော့ တစ်ပုံစံတည်းတစ်ညီတစ်ညာတည်းထွက်လာပါတယ်။

ဆေးသောက်ပြီး၊ လိမ်းပြီးဘယ်လောက်အကြာမှာဖြစ်လာမှာလဲ

ဒီအချိန်ကာလကတော့ ဆေးတစ်ခုနဲ့တစ်ခုမတူညီကြပါဘူး၊ နာရီပိုင်းကနေလပိုင်း အထိ ကွာခြားကြပါတယ်။ ဒါကြောင့် အချို့သောလူနာတွေဟာ လွန်ခဲ့သောနှစ်ပတ်သုံးပတ်က သုံးစွဲခဲ့သောဆေးတွေကို မေ့လျှော့နေတတ်ကြပါတယ်။

ဘယ်လိုဆေးတွေက အဖြစ်များတာလဲ

ဆေးအချို့ကို ဥပမာ ပေးဖော်ပြပါ့မယ်။

အဖြစ်များတာကတော့ တီဘီဆေးထဲက Isoniazid နဲ့ Pyrazinamide ပါ။ Isoniazid ကတော့အဖြစ်အများဆုံးပါ။ အနာကြီးရောဂါဆေးထဲက Colfazimine ဆိုတဲ့ဆေးကဖြစ်စေ တတ်ပါတယ်။ အချို့ဗိုင်းရပ်စ်အတွက် ဆေးအချို့လည်း ၀က်ခြံလိုအဖုတွေထွက်စေတတ်ပါ တယ်။ စီးရိုက်ပါတဲ့လိမ်းဆေးနှင့်သောက်ဆေးတွေကတော့ အဖြစ်များအတွေ့များတဲ့ဆေးပါ။

အခြားဆေးတွေကတော့ အားကစားသမားများသုံးစွဲတတ်သော Anabolic ဟော်မုန်း ဆေးများ၊ အတတ်ပျောက်ဆေးအချို့၊ စိတ်ကျရောဂါ ဆေးအချို့ကြောင့်ဖြစ်တတ်ပါတယ်။ ဗီတာမင် B12 ဟာမထင်မှတ်ပဲဖြစ်တတ်တဲ့အထဲမှာ ပါပါတယ်။

ဘယ်လိုကုသရမှာလဲ။

ဒီလိုဆေးကြောင့်ဖြစ်စေတဲ့အဖုတွေကိုတော့ ကုတာထက်၊ ဖြစ်စေတဲ့ဆေးကိုတွေ့ အောင်၊ သိအောင်လုပ်ပြီးဖြစ်နိုင်ရင် အဲဒီဆေးကိုရပ်လိုက်ပါ။ သို့မဟုတ် ပြောင်းလိုက်ဖို့လိုပါ တယ်။ ဆေးကိုပြောင်းလိုက်/ရပ်လိုက်တာနဲ့ အဖုတွေ တစ်ဖြေးဖြေးပျောက်သွားမှာပါ။

အခြားသောရောဂါအချို့မှာလည်း ၀က်ခြံနဲ့တူတဲ့အဖုတွေ ထွက်တတ်လို့မှား တတ်ပါ တယ်။ အခုဖော်ပြခဲ့တဲ့ ပြဿနာတွေကတော့ အတွေ့ရများတဲ့ ပြဿနာတွေပါ။ ၀က်ခြံနဲ့ ပါတ်သက်တဲ့ အခြားအကြောင်းအရာကိုလည်း အလျဉ်းသင့်ရင်ရေးပေးသွားပါ့မယ်။

စေတနာများစွာဖြင့်
ဒေါက်တာလင်းထက် (အရေပြားအထူးကု)