စိတ်ကူးယဉ်နေတဲ့သားသားလား အတက်ရောဂါဆန်းတစ်မျိုးပေလား

အတက်ရောဂါလို့ပြောလိုက်ရင် တစ်ဂီးဂီးတစ်ဂစ်ဂစ်နဲ့တက်ပြီး ခြေတွေလက်တွေကွေးလိုက်ဆန့်လိုက်ဖြစ်နေတာကိုပဲ လူတွေမျက်စိထဲမှာအရင်ပြေးမြင်မိကြမှာပါ။ ဒါပေမယ့် ဒီလိုမဟုတ်ဘဲ စက္ကန့်ပိုင်းအနည်းငယ်ခန့် ကြောင်အမ်းအမ်းဖြစ်ကာ လုပ်လက်စတွေရပ်တန့်သွားစေတဲ့အတက်ရောဂါတစ်မျိုးလည်း ရှိနေပါတယ်။ ဒါကိုတော့ဆေးပညာအခေါ်အရ Absence Seizure လို့ခေါ်ပါတယ်။

Absence Seizure ဟာ ဆယ့်စက္ကန့်ခန့်ကြာပြီး တက်နေသူဟာ မတက်ခင်ကပုံစံလေးအတိုင်း မလှုပ်မယှက်ကြောင်ငေးနေတတ်ပါတယ်။ သူ့ကိုသွားပြီး ထိလိုက်တို့လိုက်ရင်၊ စကားပြောလိုက်ရင်လည်း ပြန်လည်တုန့်ပြန်ခြင်းမပြုနိုင်ပါဘူး။ တစ်ခါတစ်လေမှာတော့ Absence Seizureဟာ အခြားသော အတက်ရောဂါများနဲ့တွဲနေတတ်ပါတယ်။ ဒါဆိုရင်တော့ ကြောက်စရာကောင်းတဲ့အတက်ရောဂါစုအသွင်ကိုပြောင်းသွားနိုင်ပါတယ်။

Absence Seizure ကို ငယ်စဉ်ဘဝ ကျောင်းစာ စသင်ချိန် ကလေးဘဝမှာ များသောအားဖြင့်သတိထားမိတတ်ကြပါတယ်။ ကျောင်းစာသင်ချိန်မှာ ကလေးငယ်ဟာ ကြောင်ငေးပြီး ဆရာမများက စာသင်ချိန်မှာတွေ့ရှိတတ်ပါတယ်။ အချို့ကလေးတွေမှာတော့ မိဘများက ကျောင်းမတက်စဉ်အချိန်မှာပဲ ကလေးငယ်ဟာဆော့ကစားရင်းရပ်တန့်သွားခြင်း၊ ထမင်းစားရင်းရပ်သွားခြင်းကို မြင်ပြီး ဆရာဝန်များနှင့်တိုင်ပင်မိတဲ့အတွက် စောစီးစွာသိရှိသွားကြပါတယ်။

Absence Seizure ဟာ ကလေးငယ်အယောက် ငါးထောင်မှာတစ်ယောက်ခန့်ဖြစ်တတ်တဲ့အတက်ရောဂါတစ်မျိုးဖြစ်ပါတယ်။ ယောကျာ်းလေးတွေမှာပိုဖြစ်တတ်ပြီး အများစုဟာ အသက်ခြောက်နှစ်မှ ရှစ်နှစ်ခန့်အရွယ်မှာ စတင်ဖြစ်ပွားတတ်ကြပါတယ်။ Absence Seizure ကို
အတက်ကျဆေးများနဲ့ ထိန်းချုပ်ထားနိုင်ပါတယ်။ ဒါပေမယ့် ဒီရောဂါရှိတဲ့ ကလေးသုံးယောက်မှာတစ်ယောက်ဟာ အခြားသောအတက်ရောဂါများနဲ့တွဲနေနိုင်တာကြောင့် ဦးနှောက်ဖွံ့ဖြိုးမှုကိုထိခိုက်နိုင်တဲ့အတွက် မပေါ့ဆသင့်တဲ့ ရောဂါတစ်မျိုးဖြစ်ကြောင်းတင်ပြလိုက်ပါတယ်။

မေတ္တာဖြင့်

စိုင်းမြတ်သူ