🍓🍇နေကောင်းလား စားပြီးပြီလား ဘာနဲ့စားလဲ 🍉🍎

လူတိုင်းပြေးမလွတ်တဲ့ မေးခွန်းတွေ။ နေမကောင်းရင် ပြုစုပေးမလား မစားရသေးရင် ကျွေးမှာလားတော့ မသိ။ အလွယ်မေးတတ်ကြသလို ဖြေရတာလည်း လွယ်တယ်။

နေကောင်းလားမေးရင် အလွယ်တကူ ကောင်းပါတယ် ဖြေတတ်ကြပေမဲ့ တကယ်အပြည့်အဝကောင်းကြတာရော ဟုတ်ရဲ့လား။

ဖျားနာနေတာမျိုးမဟုတ်ပေမဲ့ သွားလာလုပ်ကိုင်နေရင်းနဲ့ပဲ ခွန်အားမရှိတော့သလိုလို..နုန်းခွေခွေဖြစ်ချင်လာသလို..မူးသလိုလို..မောသလိုလို..ခြေတွေလက်တွေ မသယ်ချင်သလိုလို.. ခံစားချက်တွေ။

နေမကောင်းဘူးလည်း မဟုတ်။ နေကောင်းတယ်လည်းမဟုတ်။

လူတစ်ယောက်မှာ အခြေခံအကျဆုံးလိုအပ်ချက်က အအိပ်နဲ့ အစား။

အိပ်ချိန်မပြည့်ခြင်းက လူတစ်ယောက်ကို နွမ်းနယ် မူးဝေ နေမကောင်းသလိုလို ဖြစ်စေတယ်။ ဒီလိုပဲ အစာအာဟာရချို့တဲ့လာရင်လည်း ခုနကပြောသလိုမျိုး နေမကောင်းသလိုလို ကောင်းသလိုလို အခြေအနေမျိုးဖြစ်လာတတ်တယ်။ အဲ့ဒီ နောက်မှာတော့ ရောဂါတွေက “ကိုယ်လာမယ် မင်းဆီကို” ဆိုတာမျိုးတွေဖြစ်ပြီး ဆေးရုံဆေးခန်းတွေဆီ ချောင်းပေါက်ရတော့တာပေါ့။

📌 စားတာတော့ စားနေတာပဲ ဘာလို့ အာဟာရချို့တဲ့နေရတာလဲ

ထမင်းတစ်ဇလုံကြီးစားနေပေမဲ့လည်း အသားငါး လက်သည်းခွံလောက်၊ အသီးအရွက်လေး လက်နှစ်ဆစ်စာလောက်ပဲ စားနေရင်တော့ သေချာပေါက် ပရိုတင်းဓာတ်၊ သတ္ထုဓာတ်တွေနဲ့ ဗိုက်တာမင်တော်တော်များများ ချို့တဲ့လာမှာပဲ။ အစားများဖို့ထက် အစားမှန်ဖို့ လိုပါတယ်။ ထမင်း၊ အသီးအရွက်၊ ပဲ၊ အသားငါး ၊ဥ၊ နို့၊ အသီးအနှံ၊ အစေ့အဆံ.. စုံလင်မျှတအောင် စားရပါမယ်။

📌 ကိုယ့်ကိုယ်ကို ပြန်ကြည့်ပါ။

အောက်မှာရေးထားတာတွေထဲက တစ်ခုခုဖြစ်နေပြီဆိုရင်တော့ အစားအသောက်မှာ တစ်ခုခုမှားနေပါပြီ။ တစ်ခုခုတော့ သေချာပေါက် ချို့တဲ့နေပါပြီ။ ဆရာဝန်နဲ့တိုင်ပင်ပြီး အားဆေးပါကူဖို့ပါ လိုကောင်းလိုပါလိမ့်မယ်။

– သွေးအားနည်းခြင်း

မူးမယ်၊ မောမယ်၊ အသက်ရှူမဝဘူး၊ မစားချင်မသောက်ချင်၊ မလှုပ်ချင်၊ နုန်းနေပြီး ထလိုက်ရင် မိုက်ခနဲ ဖြစ်သွားတတ်တယ်။ တခါတလေ ညဘက် ခြေထောက်က ဆတ်ခနဲ ထရုန်းသလို ကန်သလိုမျိုး ဖြစ်တတ်တယ်။

မြန်မာနိုင်ငံမှာ အဖြစ်အများဆုံး ပြဿနာတစ်ခုပါ။ မိန်းကလေးတွေ အမျိုးသမီးတွေ ပိုဖြစ်ပါတယ်။ သံဓာတ်ချို့တဲ့လို့ အဖြစ်များပြီး သံဓာတ်စုပ်ယူမှုအားကောင်းဖို့ ဗိုက်တာမင်စီလည်း လိုပါတယ်။

– ကျီးကန်းပါးစပ်

angular stomatitis လို့ခေါ်တဲ့ နှုတ်ခမ်းထောင့်လေးတွေ ကွဲနေတာမျိုးဖြစ်နေရင်တော့ ဗိုက်တာမင် B2 ချို့တဲ့နေတာ ဖြစ်တတ်ပါတယ်။ B1,B6နဲ့ သံဓာတ်တွေလည်းလိုတတ်တယ်။

– တံတောင်ဆစ်လို နေရာတွေမှာ ကြာဆူးလေးတွေ ပေါက်လာရင်

Vitamin A ချို့တဲ့နေတာ ဖြစ်နိုင်တယ်။ ညဘက်မျက်စိကြည့်လို့မကောင်းတော့တာမျိုးလည်း ဖြစ်တတ်တယ်။ အစိမ်းရောင် အသီးအရွက်တွေ ပိုစားဖို့ လိုလိမ့်မယ်။ ဆေးသောက်ဖို့အတွက်ကတော့ ဆရာဝန်နဲ့တိုင်ပင်ဖို့ လိုပါမယ်။

– သွားဖုံးခဏခဏ သွေးယိုရင်

Vitamin C လိုနေပါပြီ။ ချူချာလွယ်ပြီး ခဏခဏ ဖျားနေတတ်တာမို့ လိမ္မော်သီးလို ချဉ်တဲ့ အသီးမျိုးတွေ များများစားဖို့လိုပါမယ်။ Vitamin C များများပါတဲ့ အားဆေးတစ်ခုခုနဲ့လည်း ပြေလည်သွားတတ်ပါတယ်။

– ခြေလက်ထုံကျဉ်နေတာမျိုးတွေ

Vitamin B အုပ်စုတွေ ချို့တဲ့လာပြီဆို ဖြစ်ပါတယ်။ အရက်ပုံမှန်သောက်သူတွေ၊ ဆီးချိုရောဂါသည်တွေ၊ အစားရှောင်သူတွေ၊ အထူးသဖြင့် နို့တိုက်မိခင်တွေအတွက် ဒီ Vitamin B complex က မရှိမဖြစ်ပါ။ သိပ်အရေးကြီးပါတယ်။

📌 အာဟာရဓာတ်တွေက တစ်ခုထဲချို့တဲ့တာဖြစ်နိုင်သလို တစ်မျိုးထက်ပို ချို့တဲ့နေတာမျိုးလည်း ဖြစ်နိုင်တယ်။

တစ်ခုက လက္ခဏာပြနေပေမဲ့ ကျန်တာတွေက မပေါ်သေးတာလည်း ဖြစ်နိုင်တယ်။ အတွေ့ များပြီး မြန်မာနိုင်ငံမှာ အဖြစ်များတာတွေကို အဓိကထားပြောထားတာမို့ အပေါ်မှာပြောထားတဲ့ အထဲမှာ မပါတာမျိုးတွေလည်း ဖြစ်နေနိုင်တယ်။

ဆိုတော့ကာ တစ်ခုခု မချို့တဲ့အောင် ရွေးစားနေတာမျိုးထက် ဘာမှ မချို့တဲ့အောင် မျှမျှတတ မှန်မှန်ကန်ကန် စားသောက်နေထိုင်သွားဖို့က အရေးအကြီးဆုံးပါပဲ။

ကဲ….နေကောင်းလားမေးရင် ရဲရဲကြီး ‘ကောင်းတယ်’ လို့ဖြေဖို့ ‘ဘာနဲ့စားခဲ့လဲ’ ကိုယ့်ကိုယ်ကို နေ့တိုင်းမေးပြီး ပြန်သုံးသပ်ကြပါစို့။

Dr Phyowai Lynn
(11.3.19)