သင့်ရဲ့ကိုယ်တွင်းအဆီဓာတ်ကိုကျဆင်းစေမယ့် အကောင်းဆုံးလေ့ကျင့်ခန်း (၆)မျိုး

အကယ်၍များ သင်ရဲ့သွေးအဖြေမှာ သွေးတွင်းအဆီဓာတ်များနေတယ်ဆိုရင် သင့်အနေနဲ့ ဆေးသောက်ပြီးအဆီဓာတ်ချခြင်းအပြင် လေ့ကျင့်ခန်းလုပ်ရင်းလည်း လျှော့ချနိုင်ပါတယ်။ လေ့ကျင့်ခန်းလုပ်ချင်းဟာ မကောင်းတဲ့ကိုလက်စထရောအဆီ (LDL Cholesterol)ကိုလျှော့ချပေးရုံသာမကဘဲ ခန္ဓာကိုယ်ကိုအကျိုးပြုသောအဆီဓာတ် (HDL Cholesterol)ပမာဏကို များစေတာကြောင့် ကုသခြင်းအဖြစ်ရော ထပ်ပြီးဆိုးမလာအောင်ကာကွယ်ခြင်းအနေနဲ့ပါ အကျိုးရှိစေပါတယ်။ အဆီဓာတ်ကို အကောင်းဆုံးလျှော့ချပေးနိုင်တဲ့ ကိုယ်လက်လေ့ကျင့်ခန်း (၆)ခု ကိုဖော်ပြလိုက်ပါတယ်။

(၁) ဖြေးဖြေးမှန်မှန်ပြေးခြင်း (Jogging)

အကယ်၍သင့်ရဲ့ ခြေထောက်ဟာ ပြေးနိုင်သေးတဲ့အခြေအနေရှိနေတယ်၊ သင့်ရဲ့အသက်အရွယ်နဲ့ကိုယ်အလေးချိန်ဟာပြေးနိုင်သေးတယ်ဆိုရင် Jogging လို့ခေါ်တဲ့ဖြေးဖြေးမှန်မှန်ပြေးခြင်းကိုပြုလုပ်သင့်ပါတယ်။ ဖြေးဖြေးမှန်မှန်နဲ့ မိုင်အနည်းငယ်ရအောင်ပြေးခြင်းဟာ အမြန်အပြေးလေ့ကျင့်ခြင်းထက် အဆီဓာတ်ကိုပိုမိုကျဆင်းစေတာကြောင့် နေ့စဉ်ပြုလုပ်သင့်တဲ့လေ့ကျင့်ခန်းတစ်ခုပဲဖြစ်ပါတယ်။

(၂) ခပ်သွက်သွက်လမ်းလျှောက်ခြင်း

သင်ရဲ့ ခြေထောက်နဲ့ဒူးဟာ မပြေးနိုင်တဲ့အခြေအနေ၊အသက်အရွယ်ကိုရောက်နေတယ်ဆိုရင်တော့ တစ်နေ့ကို သုံးမိုင်ခန့်လမ်းခပ်သွက်သွက်လျှောက်ပေးခြင်းဟာ သွေးတွင်းအဆီဓာတ်ကို သိသိသာသာလျော့ကျစေတယ်လို့ မှတ်တမ်းများကဆိုပါတယ်။

(၃) စက်ဘီးစီးပါ

အလုပ်ကိုအသွားအပြန်စက်ဘီးစီးခြင်းဖြစ်စေ၊ အားကစားလေ့ကျင့်ခန်းအဖြစ် စက်ဘီးစီးထွက်ခြင်းဖြစ်စေ၊ အိမ်မှာပဲလေ့ကျင့်ခန်းလုပ်တဲ့အထိုင်စက်ဘီးစီးခြင်းဖြစ်စေ တစ်နေ့ကိုနာရီဝက်ခန့်ပြုလုပ်ပေးမယ်ဆိုရင် ခန္ဓာကိုယ်အောက်ပိုင်းသွေးလည်ပတ်မှုလည်းကောင်းစေတဲ့အပြင် သွေးတွင်းအဆီဓာတ်ကိုလည်း လျော့ကျစေပါတယ်။

(၄) ရေကူးပါ

ရေကူးခြင်းဟာ အကောင်းဆုံး ကိုယ်လက်လှုပ်ရှားအားကစားနည်းတစ်မျိုးအဖြစ် သတ်မှတ်ခြင်းခံထားရပါတယ်။ ရေကူးခြင်းဟာ ခြေ၊လက်၊ ခန္ဓာကိုယ်အားလုံးကိုအသုံးပြုရတဲ့အတွက် တစ်ကိုယ်လုံးရဲ့သွေးလည်ပတ်မှုနဲ့ ခွန်အားသန်စွမ်းမှုကိုအားပေးတဲ့အပြင် သွေးတွင်းကမကောင်းတဲ့အဆီဓာတ်တွေကိုလည်းလျော့ကျပြီး ခန္ဓာကိုယ်ပေါ်ကအဆီပိုတွေကို ဖယ်ရှားပေးပါတယ်။

(၅) အလေးမ,ပါ

သင့်ခန္ဓာကိုယ်အဆီကျဖို့ အလေးတုံးအကြီးကြီးတွေကို အားကုန်ဆွဲမ နေစရာမလိုပါဘူး။ သင်မ,နိုင်သောအလေးပမာဏကို အနည်းငယ်ထပ်တိုးပြီး အကြိမ်ရေများများကစားပေးမယ်ဆိုရင်နှလုံး၊သွေးတိုးအစရှိတဲ့ရောဂါများကိုကာကွယ်ပေးပြီး ကောင်းသော HDLအဆီကိုများစေကာ မကောင်းသော LDL Cholesterolကိုကျစေပါတယ်။

(၆) ယောဂလေ့ကျင့်ကြမယ် (Yoga exercise)

ယောဂကျင့်စဉ်ဟာ ခန္ဓာကိုယ်တစ်ကိုယ်လုံးရှိကြွက်သားများ အကြောများကိုဆွဲဆန့်ပြီး သွေးလည်ပတ်မှုကိုကောင်းစေတာကြောင့် နှလုံးရောဂါဖြစ်ပွားမှုနှုန်းနဲ့ သွေးတွင်းအဆီဓာတ်ကို သိသိသာသယဘျေယ့ကျစေပါတယ်။

ဒါဆိုရင် ဘယ်လိုလေ့ကျင့်ခန်းတွေက သင့်ခန္ဓာကိုယ်ကို အထောက်အကူပြုမလဲဆိုတာ သိလောက်ကြပြီလို့ထင်ပါတယ်။

မေတ္တာဖြင့်
စိုင်းမြတ်သူ